قصص نجاح الناس اللى شغالين فى IT من الصفر الى القمة فى هذا المنتدى العظيم !!!

[helioo]

بسم الله الرحمن الرحيم


اخوانى فى المنتدى السلام عليكم ورحمة الله وبركاته ... تحية طيبة وبعد ...

اثناء تجولى فى هذا المنتدى اللى بعتبره بيتى الثانى وفى احد الاقسام التقنية المتعلقة بشرح احدى الشهادات العالمية لقيت بعض الاخوة جالهم حالة احباط شديد ولقيت واحد بيقول انه سمع ان شغل شبكات Cisco ملوش مستقبل والناس اللى شغالين فيه متبهدلين ومرتباتهم ضعيفة و طالما الموضوع كده يبقى ليه الواحد يتعب نفسه ويذاكر حاجة مش هتفيده ... ده غير الاعضاء اللى قال ان شهادة MCSE ملهاش لازمة ... وغيره وغيره من الكلام اللى يحبط اى واحد حابب يشتغل فى IT وبيجتهد انه يتعلم .

فحبيت ان اكتب الموضوع ده لكل الاعضاء اللى شغالين فى IT ان كل واحد يكتب قصة نجاحة ووصوله من الصفر الى القمة فى هذا المجال والدروس المستفادة من هذه القصة .

لان كل واحد هيقرا قصص النجاح ده هيبقى عنده دافع ان يكون زى واحد منهم وبالتالى هيجتهد ويتعلم ويحط هدف قدامه ويحاول الوصول اليه وبالتالى ترتقى هذه الامة بارتقاء ابنائها .

واسال الله ان ينفع هذه الامة بابنائها .

وهبتدى بتجربتى الشخصية :

بفضل الله اتخرجت من كلية تعليم صناعى تخصص تكنولوجيا سيارت عام 2003 وبعد تخرجى من الكلية حبيت اشتغل فى مجال الكمبيوتر لانى حبيته

اكتر من السيارات فابتديت اتعلمه بعد الكلية وبفضل الله اتعلمت حاجات كتير منها البرمجة والصيانة وحاجات تانية ولقيت نفسى بيمل الى تصميم المواقع وبفضل الله قولت خلاص هو ده المجال اللى لازم ابدع فيه وبفضل الله اتعلمت من الصفر نزلت كل الحاجات التعليمية الموجودة على النت المتعلقة بتصميم المواقع

وبفضل الله اتعلمت برامج كتير زى الفوتوشوب - والفرونت بيج - والدريم ويفر - والفلاش - وتقنية CSS - وكنت دخلت شوية على قواعد البينات فتعلمت MySQL ومشيت فى تعلم PHP وبفضل الله وصلت لمرحلة الاحتراف فى مجال تصميم المواقع وبفضل الله وحدة عندى المقدرة على عمل المواقع على اعلى تقنية فى هذا المجال .

وبفضل الله مشيت فى الموضوع ده لحد لما لقيت ان فى فرصة عمل فى احدى الشركات ومستقبلها احسن وهما كانو عايزين ناس متخصصين فى الشبكات وعرفت انهم عايزين حد دارس منهج MCSE قولت انا لازم اقدم للوظيفة دى وبفضل الله نزل كل الحاجات التعليمية الى شرحت هذا المنهج زى شركات Trainsignal و TestOut وبفضل الله ذاكرت واجتهدت وطبقت الحاجات اللى بتعلمها

وبفضل الله قدمت لهذه الوظيفة وعملت انتر فيو مع المهندس المسئول وبفضل الله كانت المقابلة كويسة وقالى لازم تعمل انترفيو مع المديرين بتوعى فى ادارة IT فى القاهرة وبفضل الله عملت المقابلة مع اكتر من واحد وبفضل الله كل عدى على خير. ولله الحمد والمنه تم قبولى فى هذه الشركة وبفضل الله ناقص حبة اجراءات ادارية ومنتظر نتيجة الكشف الطبى .

وبفضل الله قررت انى اخلص دراسة منهج CCNA قبل ظهور نتيجة الكشف الطبى وقبل تعينى فى هذه الشركة وبفضل الله نزلت الحاجات التعليمة الخاصة بهذه المادة بالاضافة الى شرح مهندسنا العزيز محمد سمير وبفضل الله قربت اخلص هذا الكورس ولله الحمد وحده .

الخلاصة من الكلام اللى فوق ده :

1 - مش شرط تكون خريج كليةهندسة او علوم كمبيوتر علشان تشتغل فى IT
2 - اللى عايز يوصل لازم يحط هدف فى حياته وتاكد انه هيوصل مع الاخذ بالاسباب والتوكل على الله
3 - متحاولش تضيع لحظة الا لما تتعلم فيها سواء علم دينى او علم دنيوى .
4 - خلى عندك طموح وتحاول تطور نفسك باستمرار ومتكتفيش بالوضع اللى انت فيه .
5 - لما تيجى تتعلم حاجة اتعلمها صح يعنى من البداية ومتكسلش ومتستعجلش العلم يعنى (متكروتش ) يعنى خلى عندك صبر كبير اثناء التعلم .
6 - طالما حاجة غيرك يقدر يعملها يبقى انت تقدر تعملها . يعنى مفيش حاجة صعبة او خارقة

ده كان تجربتى الشخصية فى هذا المجال .

ملحوظة : انا مبقولش الكلام ده علشان اعمل دعاية لنفسى لان محدش يعرف اسمى ولا يعرف انا فين ولا شغال فين . بس اللى خلانى اقول الكلام ده لما لقيت احد الاعضاء عنده احباط شديد وحسيت انه مستقبله هضيع لو فضل محبط بالشكل ده .

فى النهاية انا متشوق جدا جدا جدا لمعرفة قصة نجاح اخوانى ومشرفينى فى هذا المنتدى وقصة نجاحهم فى IT مع ذكر الدروس المستفادة من كل قصة .

وبالاخص : نفسى اسمع قصة حبيبى فى الله اخى لومارك

فى النهاية لا تنسونى من صالح دعائكم بان ييسر الله لى الشغل فى هذه الشركة اذا كان بها خير فى دينى ودنياى

[alasmer68]

بارك الله بك يا أخي.

وأتمنى من الله أن تأتيك بشرى القبول في هذه الوظيفة وجعل الله لك فيها كل الخير.

أتمنى من الله أن أكون أحد من يكتبون قصت نجاحهم قريبا

تقبل خالص الود

[helioo]

اخى alasmer68 بارك الله فيك على مرورك على الموضوع اواسال الله ان يكتب لك النجاح فى كل شى سواء فى حياتك العلمية والعملية .

ومتنساش تبقى تيجى تكب قصة نجاحك هنا :D:D:D

[Tiina]

1 - مش شرط تكون خريج كليةهندسة او علوم كمبيوتر علشان تشتغل فى IT
2 - اللى عايز يوصل لازم يحط هدف فى حياته وتاكد انه هيوصل مع الاخذ بالاسباب والتوكل على الله
3 - متحاولش تضيع لحظة الا لما تتعلم فيها سواء علم دينى او علم دنيوى .
4 - خلى عندك طموح وتحاول تطور نفسك باستمرار ومتكتفيش بالوضع اللى انت فيه .
5 - لما تيجى تتعلم حاجة اتعلمها صح يعنى من البداية ومتكسلش ومتستعجلش العلم يعنى (متكروتش ) يعنى خلى عندك صبر كبير اثناء التعلم .
6 - طالما حاجة غيرك يقدر يعملها يبقى انت تقدر تعملها . يعنى مفيش حاجة صعبة او خارقة



ماشاء الله تبارك الرحمن الله يوفقك يا اخي


كلام جميل جدا و اهم اشي الارادة و الثقة بالنفس و التوكل على الله



و ان شاء الله قريبا نسمع قصتك مع النجاح اخي سامر

و ياريت تثبت هذه الموضوع و كل واحد يكتب قصة نجاحه مع الدراسة او مع العمل


https://www.up.00op.com/data/visitors/2008/03/23/storm_727971867_184681631.gif







https://www.up.00op.com/data/visitors/2008/03/23/storm_1971208853_1232666225.gif

[e_amr]

بس انتا كدة حتحبط الطلبة بتوع هندسة
حيقولوا يعني بتاعتنا ملهاش لازمة ههههههههههههههههه
الى الامام اخي ,وجزاك الله كل خير على كلامك الجميل الى بيحفز الاخوة(لاسيما المحبطين)
وانا اهوك مبدتدىء وباذن الله عند النجاح ساعود واكتب في هذا الموضوع باذن الله تعالى

[helioo]

بس انتا كدة حتحبط الطلبة بتوع هندسة


:D:D:D:D حد قالهم يدخلو هندسة :D:D:D:D:D

نحن فى انتظار قصص نجاح عملاقة هذا المنتدى للاستفادة من خبرتهم

[I LOVE SA]

اتمنى لك الخير اخي

[shacky_4]

وبالاخص : نفسى اسمع قصة حبيبى فى الله اخى لومارك

الشركة اذا كان بها خير فى دينى ودنياى




انسى ده دلوقت
الرجل امتحانه يوم 23-6 القادم ومعتش بيدخل على الميل الا كل فين وفين
ادعيله ان ربنا يوفقه

[alayoubi]

فعلا أعتقد نظرية دراسة تخصص معين والعمل في مجال آخر تماما تنطبق على الحاسوب لأنه مجال كبير وسهل ان الواحد يتعلمه اذا كان مهتم انه يتعلم .
وبارك الله فيك عالموضوع الجميل ده ويسر أمرك وأمرنا في الدنيا والآخرة .

[helioo]

انسى ده دلوقت
الرجل امتحانه يوم 23-6 القادم ومعتش بيدخل على الميل الا كل فين وفين
ادعيله ان ربنا يوفقه

اسال الله ان ييسر لاخى لومارك الامتحان وينجح باعلى الدرجات

ولما ينجح باذن الله وياخد شهادة CCIE يبقى يجى هنا ويكتب قصة نجاحة :up:

وشكرا لك اخى الكريم على مرورك :frnd"

[وليد]

الله يوفقك اخوي

[learnonline1]

يا ريت مشاهير المنتدى يحكوا لنا قصصهم

[helioo]

يا ريت مشاهير المنتدى يحكوا لنا قصصهم

يا ريت عمالقة المنتدى يحكو قصة نجاحكم فى IT لان انا كاتب الموضوع ده من الاساس علشان العمالقة يكتبو قصصهم حتى نستفيد منها فى حياتنا العملية لان فعلا المنتدى ما شاء الله فيه عمالقة بجد وياريت يشاركونا خبرتهم

[hamoodii_86]

مشكوور على الموضوع الرائع

وربنا يوفقك

[الرجل الخفي]

ربنا يوفقكم جميعا ولا اريد أحباط احد انا اعمل في شركة أنترنت ولكن لاسف في اقسام معينة لا يمكن دخولها غير مهندسين إتصالات او كومبيوتر سينس NOC,FE الله الموفق

[hamdy916]

بجد موضوع غاية فى الروعه

وربنا يباركلك ويزيدك

[باحث عن المعرفة]

ربنا يوفقك ي عمّ وتاخد الوظيفة ويوفق اخوانا في عرب هاردوير

[mohammedsn]

ما شاء الله تبارك الله أسأل الله أن يزيدك من فضله و يجعلك قدوة لاخوانك
أهم حاجة استفدها شخصيا من قصتك
1- الارادة 2- عدم التعلل بعدم وجود كورسات هاانت احضرت اسطوانات من هنا و من هناك و تعلمت
3- ان لك هدف
4- انك طموح
كلمة بقي جميلة عجبتني جدا لا تضيع وقتك إلا في علم ديني أو دنيوي
فالدنيا مش كلها كورسات فلابد أن نتقرب من ربنا جل جلاله و هو سبحانه اللي بيعين الانسان علي ما يريد

فأسال الله أن يبارك لك و يوفقك في الدنيا و الآخرة
موضوع اكثر من رائع أخي الحبيب

[mohammedsn]

اعتقد أن مكان الموضوع الاجمل أن يكون في منتدي الشهادات العام في قسم الشعادات العلمية
لكي يطلع عليه أكثر الناس اهتماما بالشهادات
فبعد غذن أخي الحبيب تم نقل الموضوع ليطلع اليه أكثر عدد و يستفيد اكبر عدد ممكن من هذه التجربة الجميلة

[helioo]

ما شاء الله تبارك الله أسأل الله أن يزيدك من فضله و يجعلك قدوة لاخوانك
أهم حاجة استفدها شخصيا من قصتك
1- الارادة 2- عدم التعلل بعدم وجود كورسات هاانت احضرت اسطوانات من هنا و من هناك و تعلمت
3- ان لك هدف
4- انك طموح
كلمة بقي جميلة عجبتني جدا لا تضيع وقتك إلا في علم ديني أو دنيوي
فالدنيا مش كلها كورسات فلابد أن نتقرب من ربنا جل جلاله و هو سبحانه اللي بيعين الانسان علي ما يريد

فأسال الله أن يبارك لك و يوفقك في الدنيا و الآخرة
موضوع اكثر من رائع أخي الحبيب

يا بشمهندس محمد انت متتخيلش مدى فرحتى لما شوفت مشاركتك ويكفينى شرف انك اعجبت بالقصة :):)
وانا لى طلب عندك ياريت لو تقدر تحكى لينا قصة نجاحك فى IT علشان نستفيد منها لانه بجد والله الواحد لما بيشوف قصص نجاح اخوانه فى IT ده بيكون عنده دافع كبير جدا انه يتحمس ويجتهد وميكسلش ويحط فى دماغه ان مفيش حاجة صعبة .. وطبعا واحد زى حضرتك اكيد باذن الله هنستفيد منه استفادة كبيرة جدا ...

وكمان انا متشوقك جدا جدا لمعرفة قصة نجاح استاذنا الكبير لومارك لان طبعا واحد زى البشمهندس لومارك اكيد فى حاجات هنستفيدها منه مش هنلاقيها عند حد غيره :up: انا عارف انه معندوش وقت خالص علشان الامتحان اللى هيدخله ولكن انا منتظر لما يخلص الامتحان ويكون CCIE باذن الله يبقى يجى يحكى لينا قصة نجاحه .

وكمان انا بناشد عمالقة المنتدى ان كل واحد منهم يحكى قصة نجاحة او درس استفاده علشان اخوانه يستفيدوا من تجربته .

بالمناسبة : بفضل الله وحده تم قبولى فى الشركة اللى كنت مقدم فيها وهى شركة من اكبر شركات الحديد والصلب فى مصر وهشتغل فيها باذن الله Networkadministration وذلك ابتداء من يوم 1/4/2008 ولله الحمد والمنه .

وبفضل الله وحده خلصت كورس CCNA قبل ما نتيجة الكشف الطبى وقبل ما يتم تعينى .

اسال الله ان يبارك فى اخواننا فى هذا المنتدى اللى فعلا ناس من خيره الناس وانا بحبهم فى الله لان مفيش حد فيهم بيبخل على اخوه وكل واحد فيهم بيحب يساعد اخوه .

فجزاكم الله خيرا ونفع الله بكم الاسلام والمسلمين

[chikou]

مبروك و بالتوفيق و لي عودة في هذا الموضوع بعد النجاح (z) (z) (z) (z)

[eng_aamer]

فين قصص النننننننننننننننننننننننننننننجاح يا جماعه
عايزين نشوف نا س نا جحه بجد

[lumark_s]

ألف ألف مليون مبروك على الوظيفة أخي الحبيب ... ربنا يبارك لك فيها ويرزق إخوانك المسلمين جميعاً

إن شاء الله بكتب قصتي أخي الحبيب هيلو ولا يهم يعونك

بس شوية وقت كده ريثما أفكر في كتابة شيء يليق بهذا المنتدى وبمكانتكم فيه كأعضاء ومشرفين.

[helioo]

إن شاء الله بكتب قصتي أخي الحبيب هيلو ولا يهم يعونك

بس شوية وقت كده ريثما أفكر في كتابة شيء يليق بهذا المنتدى وبمكانتكم فيه كأعضاء ومشرفين.

اسال الله ان ييسر لك كل عسير ويرزقك الدرجات العلى فى الدنيا قبل الاخرة

واحنا منتظرين باذن الله نشوف قصتك علشان نستفيد منها باذن الله :)

ووفقك الله لما يحب ويرضى ويسر لك الامتحان والنجاح باعلى الدرجات

[عباس شاهين]

آمل في يوم من الايام ان اكتب قصة نجاحي ان شاء الله لا قصة فشلي لا سمح الله

[Nightspy]

مش هقدر اكتب الا انى مخنوق بجد انا لسة ما خلصتش جامعة ومعى انى سرتفيد سيسكو ونفسى اشتغل يارب يسر الحال
ادعولى يا جماعة
وان شاء الله هنحكى احنا كمان عن قصصنا

ما ضاقت الا ما فرجت

[hamoodii_86]

بالتوفيق يا اخي Nightspy

[ayman_moaty]

الله يكرمك علي الكلام الجميل دة

[mohammedsn]

يلا يا شباب أنا قولت هالاقي هنا قصص الرجال الكبار في المنتدي اللي نتعلم منهم و يشجعونا
بانتظار القصص التي تحفزنا في النجاح

[Charming66]

إخواني و أخواتي أعضاء هذا المنتدى الكريم،،
أستهل مشاركتي بهذا الموضوع القيم برسالة اعتذار كريمة لكم لندرة مواضيعي ، و لكن فضل هذا المنتدى يعرفه القاصي و الداني. إذ أن فضله شمل الزوار المارين مرور الكرام و الأعضاء الذين لم يذخروا جهداً في مساعدة الجميع ، لا لشيء و لكن سعياً وراء رضوان العليم الحي القيوم الذي لا ينام
أحبائي
بداية ما يلي ، ليس قصة نجاح بل هو إعداد متواضع و تخطيط لبداية قصة نجاح ، حيث امتدت قصتي من أيام دراستي في الجامعة ، فتدربت لمدة عام كامل مع شركة محلية كدعم فني و من الجدير بالذكر أن معرفتي في علم الحاسب كانت صفراً بمعنى الكلمة. فتفتحت مداركي على اهتماماتي و عرفت هوسي في أي علم . فبدأت أحضر لشهادة MCSE و أنا على مقاعد الدراسة و بفضل الله نجحت في تحقيق هدفي الآني و تخرجت كمهندس اتصالات بترتيب الخامس على الدفعة على الرغم من عملي و دراستي للشهادات المهنية
ثم بدأت حياتي المهنية كمدقق انظمة ، فزاد عشقي لمجال امن المعلومات و حمايتها فحققت شهادة Security+ ثم ما كان مني إلا أن سعيت وراء إكمال تخصصي إلى MCSE:Security, MCSA:Security و شهادة إدارة المشاريع Prince2 ... أما الآن فأنا أدرس بدون كلل لشهادة CISA في شهر حزيران القادم و تحديداً 14/6/2008 ، و الحق يقال فحوى الشهادة متميز و بجدارة ، فتعدد مجالاتها كانت وسام تميز لها بالإضافة إلى ندرة حاملي هذه الشهادة عالمياً و إقليمياً و محلياً ... و لعلي أستغل هذه الفرصة لدعوة جميع من سوف يتقدم إلى هذا الامتحان في شهر حزيران على التواصل بي لعلنا نساعد بعضنا و نمد أواصر الأخوة الصادقة بيننا
أما عن خططي المستقبلية خلال الخمس سنوات القادمة - بإذن الله - هي الشهادات المهنية التالية: SSCP,CISSP,CISM
كما قلت آنفاً هذه ليست قصة نجاح بل لعلها محاولة متواضعة مني لتحقيق نفسي
و مفتاح النجاح هو بلا شك التوكل على الله ثم التصميم و الإرادة الحديدية بالإضافة إلى المرونة في التعامل مع معطيات الواقع
أتمنى أن تكون مشاركتي قد نالت على إعجابكم و لو قليلاً ، راجياً من المولى توفيق الحميع إلى ما يصبو إليه
بأمان الله