ودي أسوي تجربة:عندي دارة كهربائية، كيف استبدل البطارية بالباور سبلاي الموجود بالجهاز؟

[طالب الخبرة]

السلام عليكم ورحمة الله وبركاته...أما بعد

أخواني الكرام...حياكم الله
أنا ودي اسوي تجربة بسيطة وننتظر فزعتكم يالخبراء!!

وفكرة التجربة كالتالي:
لنفرض أنه عندي دارة كهربائية بسيطة تتكون من:
1- لمبة عادية ذات 1.5 فولت!!
2- بطارية 1.5 فولت!
3- زر يقوم بتشغيل واغلاق الدارة الكهربائية.
4- أسلاك توصل بين مكونات هذه الدارة...

يعني الشغلة مرة بسيطة شغلة هذي الدارة!
ولكن المطلوب هنا هو كالتالي (سوف أحاول التوضيح قدر المستطاع):
أنا الحين في هذه الدارة الكهربائية استخدم بطارية عادي 1.5 فولت..
أنا ما ودي استخدم هذي البطارية...ودي أبدل البطارية بالباور سبلاي!!!!!!!!!!!!

يعني ودي تكون النتيجة هي أن يكون عندي دارة كهربائية تتكون من لمبة وزر تشغيل واغلاق واسلاك للتوصيل بينها...والبطاريقة اللي تمد الجهاز بالطاقة ودي تكون (الباورسبلاي بتاع الجهاز)!!!
حيث تكون النتيجة أن هذه الدارة تعمل كأي هاردوير في الجهاز!!
حيث الطاقة لهذه الدارة تستمدها من الباور سبلاي!!

كيف يمكنني القيام بهذه المهمة ولو شرح بسيط على الاقل انطلاقه في الموضوع...
لأنه لدي أفكار كثيرة تبدأ من هذه الدارة البسيطة ودي بس اعرف الطريقة وباذن الله ابدا بالتقدم في الافكار...

واعذروني اذا كانت الفكرة غريبة او ماشابه ولكن ثقتنا فيكم عالية ونتوقع أن نجد الحل لديكم...

وننتظر ردودكم
أخوكم طالب الخبرة

[HUMAN]

تفضل اخي

[طالب الخبرة]

السلام عليكم ورحمة الله وبركاته...أما بعد

حياك الله يالغالي HUMAN..ايش الاخبار يالغالي بشرنا عنك؟
أولا يالغالي ودي اشكرك على تفاعلك معاي ومساعدتك لي وردك على أسئلتي....
وما قصرت يالغالي....

أما بالنسبة للرد بتاعك..
اذا أمكن ممكن شوية شرح بسيط يوضح الفكرة؟؟
وهل يمكنني أن أقوم بتحديد الفولتات اللي احتاجها مثل أبغى 1.5 فولت أو 3 فولت؟؟

وننتظر ردك على أحر من الجمر
أخوك طالب الخبرة

[HUMAN]

حياك الله اخي طالب الخبره وحاضرين

لمبة الأضاءه علشان ما تحترق لازم تكون موصله بمقاومه تقدر تركبها على الخط الموجب اللي لون اصفر
وتقدر تركب سويتش في المسار السالب للتحكم بأطفاء والتشغيل..
وتقدر تستخدم كونكتر لمروحه قديمه تفصله وتركب على خط الأصفر مقاومه وعلى الأسود سويتش ثم تربط الطرف الموجب للمبة الأضاءه بالطرف الثاني من المقاومه وطرف اللمبه الثاني بالطرف الثاني للسويتش..

اما ازردت التحكم بقيمت الفولت فتقدر تستخدم مقاومه متغيره والأسهل تستخدم سويتش مع مقاومه متغيره في واحد !! يعني السويتش يكون له وظيفتين on/off والتحكم بقيمة الفولت ( كأنك مشغل راديو السياره ومرفع الصوت من نفس السويتش)..
طبعاً في هذه الحاله يكون الوضع كما في الصوره (من المهم ان تتأكد ان السويتش لا يعطي اوفر فولت)

[طالب الخبرة]

السلام عليكم ورحمة الله وبركاته...أما بعد

حياك الله يالغالي HUMAN...
مشكور يالغالي على ردك المفصل ومتشكر على برودة اعصابك وسعة صدرك معاي!!!

ولكن اسمح لي بالسؤال عن بعض النقاط اللي ما عرفتها!!!
- ما المقصود بـ(كونكتر لمروحه قديمه )
- أين يمكنني أن أجد السويتش ذو المقاومة المتغيرة؟؟؟
- من كلامك عرفت أنه يوجد سلكين اللي تمد اللمبة بالطاقة!!...ولون السلكين (الموجب : أصفر )، (السالب : أسود)
والسؤال المهم هنا...أين يوجد كل من هذين السلكين؟؟
هل تقصد بهذه الأسلاك هي أحد الكيبلات اللي تنطلق من الباورسبلاي مثل اللي نركب على هارد ديسك أو سيدي روم وغيرها؟؟
اذا كان قصدك كذلك فشوف الصورة المرفقة توضح لك الألوان اللي موجودة عندي بالترتيب (يوجد في الكيبل الواحد 4 أسلاك موضحة ألوانها في الصورة المرفقة)...
- وأخيرا اذا ما ابغى سويق يقوم بتغيير المقاومة وودي تكون ثابتة...وين ممكن اجدها؟؟
علما انه عندي ماذربورد قديمة ممكن اخذ القطع منها!!

وننتظر ردك يالغالي
أخوك طالب الخبرة

[Khattab]

السلام عليكم :

المقاومة المتغيرة :
مثل : ضابط الموجة في المذياع .
المقاومة الثابتة :
تجدها غالباً في أي دائرة مطبوعة (مذياع ، لوحة أم ، أجهزة إلكترونية ... إلخ).

[Khattab]

صور للثابتة :

https://images.google.com/images?q=tbn:-MZ8iDw6mAYC:www.tonh.net/resistor.jpg

https://images.google.com/images?q=tbn:5N3lHfc06O4C:www.geocities.com/vk3em/smtguide/pics/resistor.jpg


https://images.google.com/images?q=tbn:YhwWgM1oSpwC:www.bin95.com/afe/resources/resistor.gif

[HUMAN]

الله يسلمك اخي العزيز

- أين يمكنني أن أجد السويتش ذو المقاومة المتغيرة؟؟؟
- وأخيرا اذا ما ابغى سويق يقوم بتغيير المقاومة وودي تكون ثابتة...وين ممكن اجدها؟؟
في محلات قطع غيار الألكترونيات او حتى في بعض الأجهزه القديمه مثل الراديو

هل تقصد بهذه الأسلاك هي أحد الكيبلات اللي تنطلق من الباورسبلاي مثل اللي نركب على هارد ديسك أو سيدي روم وغيرها؟؟صحيح

- ما المقصود بـ(كونكتر لمروحه قديمه )
من كلامك عرفت أنه يوجد سلكين اللي تمد اللمبة بالطاقة!!...ولون السلكين (الموجب : أصفر )، (السالب : أسود)
التوضيح ان شاء الله مع الصوره المرفقه

************
اخي خطاب للتوضيح ضابط الصوت في الراديو هو مقاومه متغيره وليس ضابط الموجه

[طالب الخبرة]

السلام عليكم ورحمة الله وبركاته..أما بعد

حياك الله أخوي Khattab...ايش الاخبار؟
مشكور يالغالي علىر دك وما قصرت!!

أخوي الكريم HUMAN...حياك الله
مشكور يالغالي عالى ردك وما قصرت!!
ولكن للاسف شكلك نسيت ارفاق الصورة!!!!!!!!!!


وبالله اذا ممكن عندي استفسار بسيط:
الحين طيب اذا فكيت راديو عندي...ولقيت عشرين حبة من المقاومة..وش اخذ منها؟؟
يعني معقولة كلها تكون مقاومة حسب اللي يكفي اللمبة اللي ابغى اشغلها؟
يعني هل كل مقاومة تنفع للي ابغاه وهو تشغيل لمبة عن طريق الباور سبلاي؟؟

ننتظر ردودكم

أخوكم طالب الخبرة

[HUMAN]

حياك اخي طالب الخبره
انا ااسف الوقت كان وقت فطور وما انتبهت لموضوع الصوره

(الحين طيب اذا فكيت راديو عندي...ولقيت عشرين حبة من المقاومة..وش اخذ منها؟؟
يعني معقولة كلها تكون مقاومة حسب اللي يكفي اللمبة اللي ابغى اشغلها؟)

اخي المفروض تكون عندك معرفه بسيط بقيم المقاومات علشان تعرف تحدد اللي تحتاجه..ولو كان عندك فولتميتر كان سهل عليك الموضوع واعطاك قياسات سريعه..
بس نصيحتي ما تفك اي شي..شوف اقرب مصلح الكترونيات منك وخليه يعطيك مقاومه قيمتها 300 اوم (الأسعار للعشر قطع حوالي ريالين حسب القيم )..لأنك رايح تستخدم لمبة اضاءه تعمل اصلاً على 1.5 فولت فأكيد رايح تحترق لما توصلها ب12 فولت اذا ما استخدمت مقاومه.

حتى اذا قررت تستخدم (سويتش on/off مع مقاومه متغيره) هم انصحك تركب مقاومه ثابته على نفس الكيبل..

يعني هل كل مقاومة تنفع للي ابغاه وهو تشغيل لمبة عن طريق الباور سبلاي؟؟
لا ..اذا كانت قيمة المقاومه متدنيه قد لا تكون مفيده وتتسبب بحرق اللمبه و 300 اوم قيمه جيده للتعامل مع ما تريده..
وما دام انك ( راعي حوسه) في مثل هالأشياء فأنصحك بشراء فولتميتر ( حوالي 60 ريال لنوع جيد ورقمي في ذات الوقت) لأنه راح يفيدك كثيراً في قراءة قيم الفولت والآمبير وقوة واتجاه المقاومه في مشاريعك المستقبليه

[طالب الخبرة]

السلام عليكم ورحمة الله وبركاته...أما بعد

حياك الله أخوي الكريم HUMAN...ايش الاخبار يالغالي بشرنا عنك؟
مشكور يالغالي على ردك واعذرنا اذا ازعجناك ولا اخرناك على الفطور ;)
وبالفعل شرح كافي ووافي وما قصرت يالغالي!!!!

ولكن اسم لي اعرض لك النتيجة النهائية للي توصلك لك وهل هي صحيحة ولا يوجد اي خلل؟؟
بسم الله:




((( الخطو الأولى )))
أولا : سوف أقوم باحضار واستخدام باور سبلاي قديم عندي (لأنه ودي اقوم بهذي التجربة بعيد عن جهازي!!! )...
أٌوم بتوصيل هذا الباور سبلاي بالتيار الكهربائي عن طريق الكيبل العادي مثل بتاع الكمبيوتر اللي يركب بالباورسبلاي...واوصله في الفيش...
(يعني الشغلة اني بستخدم الباور سبلاي فقط من دون اي ماذربورد او غيرها يعني بجرب هذي التجربة بعيد عن الجهاز!! )
بعدين أقوم باستخدام أحد "الكونكتر" اللي موجودة مع الباور سبلاي..
وأقوم بقطع أحدها وأخذ السلكين الاصفر والاسود اللي جنب بعض على التوالي!!
وبهذا يكون عندي سلكين موصولين بالطاقة جاهزة للتركيب على اي جهاز او لمبة 12 فولت!!!

((( الخطوة الثانية )))
أقوم باحضار اللمبة والسويتش أو أسلاك للتوصيل بينها ومقاومة بقوة 300 اوم!!
"نمشي من السلك الأصفر" أقوم بالتوصيل من السلك الأصفر الى المقاومة 300 اوم...ثم اقوم بتوصيلها مع اللمبة...
ومن الجهة الاخرى للمبة سلك الى السويتش ثم الى السلك الاسود الموجود على الكونكتر...

((( النتيجة )))
باذن الله تشتغل اللمبة بشكل جيد حيث أكون قد ربطتها مع الباور سبلاي نفسه يعني باذن الله في مراحل متقدمة أكون قد عملت أو طورت أفكاري في أشياء تنفع للحاسب...


((( الأسئلة )))
هنا يالغالي وصلت للأسئلة...
السؤال الأول : وش المفروض اشتريه من عند الكهربائي في هذه العملية وما يشابهها من عمليات مماثلة او تجارب مماثلة؟؟
لأنه انا مو كل يوم اقدر انزل للرياض لاني بعيد عن الرياض...
فماهي القطع اللي مفروض اشتريها من عند المحل الكهربائي؟؟
عشان اروح عنده واعطيه كامل المتطلبات...
السؤال الثاني: هل يجب دائما أن تكون المقاومة في السلك الـ + ؟؟؟


شاكرا لك تعاونك يالغالي
ومعليش اذا تعبناك معانا..
أخوك طالب الخبرة

[HUMAN]

عزيز وغالي اخي طالب الخبره


(يعني الشغلة اني بستخدم الباور سبلاي فقط من دون اي ماذربورد او غيرها يعني بجرب هذي التجربة بعيد عن الجهاز!! )
: ما رايح يشتغل وهو مفصول عن المذربورد!!

وأقوم بقطع أحدها وأخذ السلكين الاصفر والاسود اللي جنب بعض على التوالي!!
وبهذا يكون عندي سلكين موصولين بالطاقة جاهزة للتركيب على اي جهاز او لمبة 12 فولت!!!
: الأفضل ان تقطع كونكتر مروحه قديمه لأنك اذا استخدمت كونكتر من محول ما راح يركب عندك بعدين على كونكتر الباورسبلاي في الجهاز..
( لاحظ الصوره المرفقه )

"نمشي من السلك الأصفر" أقوم بالتوصيل من السلك الأصفر الى المقاومة 300 اوم...ثم اقوم بتوصيلها مع اللمبة...
ومن الجهة الاخرى للمبة سلك الى السويتش ثم الى السلك الاسود الموجود على الكونكتر...
: اذا ودك تستخدم السويتش + مقاومه ثابته اقترح عليك استخدام سويتش عادي on/off (بدون مقاومه داخليه) حتى لا تخسر الكثير
من القدره الكهربيه الواصله الى لمبة الأضاءه

السؤال الأول : وش المفروض اشتريه من عند الكهربائي في هذه العملية وما يشابهها من عمليات مماثلة او تجارب مماثلة؟؟
: من الأدوات اهم شي لحامة الرصاص والفولتميتر لأنك تقدر تستفيد منهم في اشياء كثيره جداً..طبعاً رايح تحتاج بكرة رصاص بالأضافه الى
قطاعه صغيره ..ملزمه صغيره تساعد في تثبيت الأشياء خلال تعديلاتك بها..
مسدس غراء ممكن يكون مفيدك في اللي ودك تسويه..يعني مثلاً علشان تثبت لمبة الأضاءه في داخل الصندوق..

من قطع الغيار حسب احتياجك ما اقدر اقولك شي معين..
يعني تقدر تعمل كوكتيل خفيف من اشياء تحس انك رايح تحتاجها ( مقاومات..سويتشات..اسلاك..الخ)

السؤال الثاني: هل يجب دائما أن تكون المقاومة في السلك الـ + ؟؟؟
: في هذه الحاله نعم

[طالب الخبرة]

السلام عليكم روحمة الله وبركاته...أما بعد

حياك الله أخوي الكريم HUMAN...
مشكور يالغالي على ردك المفصل والشرح الرائع وكفيت ووفيت...
ومعليش اذا تعبناك معانا..
ومتشكر على الصورة يالغالي..

وبالله عندي كم استفسار اضافي..
وهي كالتالي:
- لماذا لايعمل الباورسبلاي من دون الماذربورد؟؟؟
وهل ينفع أني اجيب باورسبلاي وماذربورد فقط (خالية من القطة والتوصيلات) وأجرب عليها؟؟

والنقطة المهم اللي ما فهمتها هي قولك:
(( الأفضل ان تقطع كونكتر مروحه قديمه لأنك اذا استخدمت كونكتر من محول ما راح يركب عندك بعدين على كونكتر الباورسبلاي في الجهاز ))
أخوي الكريم الكونكتر العادي مكانه معروف وهو اللي ينطلق من الباورسبلاي ونركب عليه مثل الهارد ديسك وغيرها!!
أما بالنسبة للكونكتر بتاع المروحة هذا وين موجود بالضبط؟؟
وهل طاقته هو أيضا 12 فولت؟؟
لأنه اذا كان 12 فولت فسوف نحتاج لمقاومة 300 أوم...واذا غير ذلك راح نحتاج لمقاومة مختلفة...صحيح؟؟
وما المقصود أخوي الكريم بقولك ما يشغل مع باور سبلاي الجهاز؟؟


وننتظر ردك
شاكرا لك تعاونك
أخوك طالب الخبرة

[HUMAN]

اخي طالب الخبره..
لو تمعنت قليلاً في صورة الكيبل الجاهز لزال عنك الغموض
(انت ودك تركب لمبه اضاءه تتغذى من الباورسبلاي لكن هذا مو معناه توصل اللمبه على طول مع اسلاك الباور..الطريقه الأفضل انك تركبها على كونكتر خارجي
وبعدين تقدر تركبه على كيبل الباورسبلاي كأنك مثلاً مركب مروحه جديده في جهازك )

- لماذا لايعمل الباورسبلاي من دون الماذربورد؟؟؟
: لأن امر التشغيل يأتي من المذر بورد..يعني مجرد توصيل المحول بالكهرباء ليس معناه انه اصبح يعمل.

************

وهل ينفع أني اجيب باورسبلاي وماذربورد فقط (خالية من القطة والتوصيلات) وأجرب عليها؟؟
: ما راح يشتغل !!
اسهل لك واضمن انك تشتري محول كهرباء AC/DC converter مثل اللي في الصوره وتقدر تستخدمه للتجارب او لتشغيل الأجهزه
التي تعمل ضمن النطاق (3-12 فولت)
( انظر الصوره المرفقه )
**********
أما بالنسبة للكونكتر بتاع المروحة هذا وين موجود بالضبط؟؟
: كونكترات الباوسبلاي جميعها من نوع male والكونكتر اللي يركب عليها لازم يكون female والا ما رايح يركب وهذا الآخير
تقدر تستخدمه من مروحه قديمه.
وهل طاقته هو أيضا 12 فولت؟؟
: هو منفصل ما له علاقه بالباور سبلاي الا اذا وصلته معاه راح يكون فيه فولت
( انظر الصور المرفقه )
**********
وما المقصود أخوي الكريم بقولك ما يشغل مع باور سبلاي الجهاز؟؟
والله ما فهمت سؤالك اخي

[طالب الخبرة]

السلام عليكم ورحمة الله وبركاته...أما بعد

حياك الله أخوي الكريم HUMAN...مشكور يالغالي على ردك
واسمح لي ببعض الأسئلة لكي أتاكد من المعلومة اللي عندي...

وهي كالتالي:
- ما المقصود بقولك ( الطريقه الأفضل انك تركبها على كونكتر خارجي ) ؟؟
- بعد هذه العملية اللي هي تشغيل لمبة عن طريق الباور سبلاي...هل سوف يتاثر الباور سبلاي من ناحية الكونكتر حقته؟؟
يعني اللي ابغى اعرفه هل راح اقطع اي واحد من الكونكتر بتاع الباور سبلاي او اسوي فيه اي شي؟؟
- بالنسبة لمحول الكهرباء AC/DC converter هل هو الفولتميتر؟؟
وبالله وش مضمونه ..يعني هل هو مثلا يركب في الكهرباء وانا احدد الفولت...والجهاز يطلع منه سلكين موجب وسالب اركبها مع اللمبة مثلا؟؟
- (( كونكترات الباوسبلاي جميعها من نوع male والكونكتر اللي يركب عليها لازم يكون female )) هل أنت متاكد؟؟ لأنه اللي اعرفه العكس تماما!!!
- بالنسبة للمروحة (( هو منفصل ما له علاقه بالباور سبلاي الا اذا وصلته معاه راح يكون فيه فولت)) يعني كيف تشتغل المروحة؟؟
- بالنسبة لمحول الكهرباء AC/DC converter ...كم سعره تقريبا؟؟

وفي النهاية الحين اللي عرفته اني راح اقوم بتوصيل اللمبة اللي عندي (الدارة الكهربائية كاملة ) وذلك عن طريق كونكتر مروحة قديمة!!
يعني هل أقطع كونكتر مروحة قديمة واركبه مع الدارة بتاعتي بعد اضافة مقاومة 300 اوم؟؟
ثم اقوم بتوصيله مع الكيبل اللي تتوصل فيه المروحة؟؟

ومعليش يالغالي هذي اول تجربة لي من هذا النوع...وزي منت عارف اصعب خطوة الاولى..
وان شاء اله ما تقصر معانا يالغالي
أخوك طالب الخبرة

[hitman]

اخوي بالنسبة لتشغيل الباور سبلاي بدون شى خارجى ممكن و ذلك بوصل سلك فى المقبض الرئيسى الكبير الذي يدخل فى المذربورد

هناك سلك اخضر يكون الرابع بالترتيب فى هذا المقبص و سلك اسود نفس الشئ ترتيبه الرابع من الخط السفلى بالجهه المعاكسة

قوم بوصل سلك بينهم وسوف يشتغل الباور سبلاي لوحده

بالنسبه للمبه ممكن تكون فكرتى صحيحة او خاطئ انه تقوم بتوصيل خط من ال5 فولت و المخرج للمبه مع خط 3 فولت و راح يكون المجموع 2 فولت تقريبا

هذه الطريقه مجربه على المراوح بان اصل ال 12 فولت و المخرج على 5 فولت فاحصل على فولت اقل مقداره 7 فولت وبالتالى تقليل سرعة المروحة بس والله منى متاكد من الطريقة.

[HUMAN]

- ما المقصود بقولك ( الطريقه الأفضل انك تركبها على كونكتر خارجي ) ؟؟
: اقصد ان يكون وضعها مثل وضع مروحه الكيس..تقدر تركبها او تفصلها وقت ما تحب..يعني كأنك مشتري مروحه من السوق
بس بدل المروحه لمبة اضائه
*************

- بعد هذه العملية اللي هي تشغيل لمبة عن طريق الباور سبلاي...هل سوف يتاثر الباور سبلاي من ناحية الكونكتر حقته؟؟
يعني اللي ابغى اعرفه هل راح اقطع اي واحد من الكونكتر بتاع الباور سبلاي او اسوي فيه اي شي؟؟
: لا..راح يظل كما هو..الشغل بعيد عنه

*************

- بالنسبة لمحول الكهرباء AC/DC converter هل هو الفولتميتر؟؟

AC/DC converter : محول كهرباء عند توصيله بشبكة كهرباء البيت يعطيك كهرباء مثل اللي تجي من البطاريه 12 فولت
او اقل لأن فيه سويتش يرفع وينزل قيمة الفولت..يعني وظيفته يحول من AC ( كهرباء البيت) الى DC (كهرباء البطاريه)
الفولتميتر : جهاز لقراءة ومعرفة قيمة الفولت والآمبير والمقاومه..يعني لو عندك بطاريه مثلاً يقدر يظهر على شاشته قوتها بالفولت..
وايضا به تستطيع ان تكتشف المشاكل البسيطه ..مثل ان تشوف كان الكهرباء واصله في الأسلاك او لا ..
( ان شاء الله اذا اشتريت في المستقبل وعندك اي استفسار عن طريقة استعمال ..حاضرين وما يهمك )

***************
- وبالله وش مضمونه ..يعني هل هو مثلا يركب في الكهرباء وانا احدد الفولت...والجهاز يطلع منه سلكين موجب وسالب اركبها مع اللمبة مثلا؟؟
: صحيح..والسلكين اللي يطلعون منه واحد لونه اسود = سالب والثاني لونه اسود مع خط ابيض = موجب .

***************
- (( كونكترات الباوسبلاي جميعها من نوع male والكونكتر اللي يركب عليها لازم يكون female )) هل أنت متاكد؟؟ لأنه اللي اعرفه العكس تماما!!!
: عادي..تقدر تقول العكس ..فلو كنا نقصد الفيشه البلاستك فوصفي صحيح واذا كنا نقصد الأسلاك اللي في داخل الفيشه فوصفك صحيح

***************
- بالنسبة للمروحة (( هو منفصل ما له علاقه بالباور سبلاي الا اذا وصلته معاه راح يكون فيه فولت)) يعني كيف تشتغل المروحة؟؟
: المروحه راح تشتغل اذا وصلت الفيشه (الكونكتر) بالباور سبلاي..لاحظ اخي (الا اذا وصلته معاه راح يكون فيه فولت)
***************
- بالنسبة لمحول الكهرباء AC/DC converter ...كم سعره تقريبا؟؟
: صناعة اليابان راح يكلف حالي 30 ريال ..صيني اقل بحوالي النصف..والياباني احس لأنه ما يطلع حراره مثل الصيني..
اذا سألت عنه قول لصاحب المحل انك تبغاه بقوة 500 ملي امبير
مواصفاته:( من 3 الى 12 فولت / 500 ملي امبير )

************************************
-وفي النهاية الحين اللي عرفته اني راح اقوم بتوصيل اللمبة اللي عندي (الدارة الكهربائية كاملة ) وذلك عن طريق كونكتر مروحة قديمة!!
يعني هل أقطع كونكتر مروحة قديمة واركبه مع الدارة بتاعتي بعد اضافة مقاومة 300 اوم؟؟
ثم اقوم بتوصيله مع الكيبل اللي تتوصل فيه المروحة؟؟
: صحيح..وانا سبقتك وعملت لك الدائره ولو انك جاري كان طلعت لك الحين وسلمتك وياها
**************
- ومعليش يالغالي هذي اول تجربة لي من هذا النوع...وزي منت عارف اصعب خطوة الاولى..
: حاضرين يا الطيب..وكلنا ابتدينا بخطوه اولى

[HUMAN]

هذي طريقه لتشغيل الباور من hitman انا الصراحه ما جربتها فأخليكم تتفاهمون عليها..


بالنسبه للمبه ممكن تكون فكرتى صحيحة او خاطئ انه تقوم بتوصيل خط من ال5 فولت و المخرج للمبه مع خط 3 فولت و راح يكون المجموع 2 فولت تقريبا

هذه الطريقه مجربه على المراوح بان اصل ال 12 فولت و المخرج على 5 فولت فاحصل على فولت اقل مقداره 7 فولت وبالتالى تقليل سرعة المروحة بس والله منى متاكد من الطريقة

:confused: ما فهمتها

[hitman]

الفكره هى انه بدك ما توصل السلك الخارج من اللمبه او المروحه للخط الاسود اي نقوم بوصله بالخط الاحمر

بالنسبة لخط ال5 و 3 فولت اخوي human عندك فكره اي مخارج توفرها بالباور سبلاي

[HUMAN]

اخوي hitman
ما تقدر توصل طرفين موجب الى اللمبه..
الباور راح يحترق..واللمبه بعد..

وثاني شي ..
الباور ما يعطي الا 12(الأصفر) و5 (الأحمر) فولت..
اما اذا كان قصدك عن الكيابل الخاصه بالمذربود فهذي ما يقدر يستخدمها..لا تنسى انه وده يركب اللمبه داخل كمبيوتر شغال..يعني ما يقدر يلعب بكيابل المذربورد..

[طالب الخبرة]

السلام عليكم ورحمة الله وبركاته...أما بعد

أهلا وسهلا ومرحبا بالغالي HUMAN...ايش الاخبار يالغالي بشرنا عنك؟؟
ان شاء الله كله تمام؟
المعذرة والسموحة يالغالي على التأخير في الرد...

وأبشرك يالغالي قمت بشراء المطلوب تقريبا من المعدات لهذه التجربة..ومن المعدات الأساسية التي يجب توافرها..وهي كالتالي:
آلة اللحام والحديد بتاعها لتلحيم الاسلاك وغيرها "النوعية سيئة بعض الشيء"...
مسدس الصمغ مع مجموعة من الصمغ للمسدس نفسه "على رأيك يمكن نحتاجها في تركيب اللمبة وغيرها"...
AC/DC converter بتاع الكهرباء...وعندي كم سؤال عنه في اخر هذا الرد...
الفولتميتر ...شريت ولله الحمد وباين عليه كويس ومهم أيضا!!!!
لمبة مع القادة (الحامل) بتاعها بقوة 12 فولت
مجموعة من اللمبات الصغيرة بعدة ألوان أظن أنها بقوة 1.5 فولت "ماني متأكد بالضبط " علما انها مشابه للي موجودة بالصورة عندك
مجموعة من المقاومة 300 اوم 1 واط "ولي استفسار عنها اخر الصفحة"
مجموعة من المقاومة 300 اوم 2 واط "ولي استفسار عنها اخر الصفحة"
10 أمتار تقريبا من أسلاك التوصيل العادية ...

هذا تقريبا اللي قمت بشرائه حسب ما طلبت يالغالي...


((( الأســــــــــــئلة )))
1- أنا شريت AC/DC converter عادي..هذا اللي له مجموعة من الرؤوس..وانا طلبت من راعي المحل اللي رحت له جهاز يطلع منه سلكين واحد موجب والثاني سالب بدلا من هذه الرؤوس فقال لي مو مشكلة انت اقطع الرؤوس وتشوف عندك سلكين الابيض للموجب والاسود للسالب "مثل قولك يالغالي"...هل ههناك مشكلة في هذي الخطوة؟؟
وهل هناك مشكلة اذا تلامس كل من السلك الابيض والاسود معا او مسكتها معا في نفس الوقت؟؟ هل يوجد اي خطر في ذلك؟؟
2- بالنسبة للمقاومة...أنا رحت لراعي المحل وقلت له أبغى مقاومة 300 اوم...فقال لي كم واط؟؟ وزي منت عارف أنا ماعندي سالفة وقلت له أي شي ;P ...وقاعد يضحك الرجال وقال لي انا عندي 1 واط و2 واط...قلت له جيب لي من النوعين ما فرقت...فوش رايك وش المفروض استخدم منها؟؟
3- بالنسبة للمروحة...الكونكتر بتاعت المروحة عندي ليست كباقي الكونكتر 4 أسلاك!!!! بل هي تحتوي على 3 أسلاك أسود وأخضر وأصفر على التوالي...وش المفروض استخدم في هذي الحالة؟؟ (علما اني تاكدت من جهاز بنتيوم 1 و 2 و3 و 4 كلها نفس السالفة )!!!
4- عند حدوث أي مشكلة أو خلل في التجربة اذا لا سمح الله وخربت الشغلة بان انفجرت اللمبة او ماشابه...هل هناك اي مشكلة على الجهاز؟؟ أما انا فلا اتوقع فيه مشكلة لانه 13 فولت لا اتوقع تؤثر...صح؟؟


وعلى فكرة تراني متحمس للعملية جبت كل شي مابقي الا ان توضح يالغالي طريقة استخدام كونكتر مروحة قديمة علما ان الكونكتر بتاع المروحة له ثلاثة الوان أسود أخضر أصفر على التوالي...




حياك الله أخوي hitman...ايش الاخبار؟
بشرنا عنك يالغالي ان شاء الله كله تمام...
أخوي انا فهمت فكرتك وهي أنك تجيب 5 فولت مثلا في الموجب وسالب 3 في السالب...فيكون الناتج 2 فولت تشتغل معاك..صح؟؟
ولكن ما ادري اذا يمشي الحال ولا لا لأنه ماعندي خبرة...
على العموم مشكور يالغالي وما قصرت..



شاكرا لكم تعاونكم
وننتظر ردودكم
أخوكم طالب الخبرة

[طالب الخبرة]

السلام عليكم ورحمة الله وبركاته..أما بعد

حياك الله أخوي الكريم HUMAN...
أخوي الكريم بالنسبة لسؤالي الأول في ردي السابق عن AC/DC converter...
فقد قمت بقطع الرؤوس ولله الحمد والناتج هو سلكين موجب وسالب "أبيض وأسود على التوالي"...
وجربتها مع اللمبات وغيرها ونجحت العملية ولله الحمد....
بس باقي عملية الربط معل الكمبيوتر

أخوك طالب الخبرة

[HUMAN]

تمام
انا كنت محضر رد على ردك الأول بي مدام السالفه طلعت اوكيه فالحمدلله..




1-
فقال لي مو مشكلة انت اقطع الرؤوس وتشوف عندك سلكين الابيض للموجب والاسود للسالب "مثل قولك يالغالي"...هل ههناك مشكلة في هذي الخطوة؟؟

: لا عادي..ما في مشكله..اذا انت مش رايح تستخدم هذي الرؤوس في اشياء اخرى..عموماً حتى لو قطعتهم تقدر اي وقت توصلهم
**************
2-
وهل هناك مشكلة اذا تلامس كل من السلك الابيض والاسود معا او مسكتها معا في نفس الوقت؟؟ هل يوجد اي خطر في ذلك؟؟

: اذا طالت فترة تلامسهم ممكن المحول يحترق..الأفضل انك تحرص على عدم تلامسهم
**************
3-
بالنسبة للمقاومة...أنا رحت لراعي المحل وقلت له أبغى مقاومة 300 اوم...فقال لي كم واط؟؟ وزي منت عارف أنا ماعندي سالفة وقلت له أي شي ;P ...وقاعد يضحك الرجال وقال لي انا عندي 1 واط و2 واط...قلت له جيب لي من النوعين ما فرقت...فوش رايك وش المفروض استخدم منها؟

: ال 2 واط راح تتحمل جهد اكبر..بس مو معناه ان ال 1 واط مو رايح تشتغل..
ما دام انت ما تعرف المواصفات الكامله للمبه اللي رايح تستخدمهافتقدر تجرب الثنتين
*************
4-بالنسبة للمروحة...الكونكتر بتاعت المروحة عندي ليست كباقي الكونكتر 4 أسلاك!!!! بل هي تحتوي على 3 أسلاك أسود وأخضر وأصفر على التوالي...وش المفروض استخدم في هذي الحالة؟؟ (علما اني تاكدت من جهاز بنتيوم 1 و 2 و3 و 4 كلها نفس السالفة )!!!

: يعني المروحه عندك من النوع اللي يركب على المذربورد مش اللي يركب على الباور سبلاي..
والله ماانصحك ابداً تركب هالشغله على المذربورد..الأفضل انك تشوف كونكتر عادي..والمراواح من هذا النوع تنباع بكثره في محلات الكمبيوتر ..اعتقد سعرها 5 ريال او اقل موش متأكد..شوف لك ارخص نوع لأنك ما رايح تحتاج غير الكونكتر..
وايضاً مو شرط من مروحه..احياناً تحصل توصيلات اضافيه لكيابل الباورسبلاي تقدر تستخدمها..سعرها حوالي ريالين .
**************
5- عند حدوث أي مشكلة أو خلل في التجربة اذا لا سمح الله وخربت الشغلة بان انفجرت اللمبة او ماشابه...هل هناك اي مشكلة على الجهاز؟؟ أما انا فلا اتوقع فيه مشكلة لانه 13 فولت لا اتوقع تؤثر...صح؟؟

: اي جهاز؟ الكمبيوتر ولا محول الكهرباء اللي اشتريته؟
عموماً اطمئن لا هذا ولا ذاك رايح يختربون..في اسوأ الحالات اللي راح يخترب اما المقاومه او اللمبه..( دائما النقطه الأضعف هي اللي تخترب).
عموماً انت من المفروض تتأكد ان كل شي شغال تمام مع المحول الخارجي قبل ما تقرر توصله بالباوسبلاي حق الكمبيوتر.


فكره ممكن تفيد:
محول الكهرباء اللي اشتريته تقدر تضبطه على 5 او 12 فولت..
يعني تقدر تخلص تجهيز الدائره وبعدين تجربها على القيمتين..وشوف اضاءة اللمبه..المستوى اللي يعجبك اعتمده..وبعدين تقدر تختار يا تربطها مع ال5 فولت او ال12 فولت في الباور سبلاي
.

[طالب الخبرة]

السلام عليكم ورحمة الله وبركاته..أما بعد

حياك الله أخوي HUMAN...
أخوي سبق وكتبت رد ولكن عند اضافته قال لي المنتدى مغلث للانتقال!!!
فاعذرني على التاخير في الرد...

ومشكور يالغالي على ردك وما قصرت على هذا التوضيح!!
أما بالنسبة للكونكتر..
يالغالي يعني مافيه اي طريقة يمكنني عملها حاليا الا ان اجيب كونكتر 4 رؤوس؟؟
لأني مالقيت وانا بعيد عن محلات الكمبيوتر وماني في الرياض حاليا!!!

وش رايك مافيه حل اخر؟؟
ولو للتجربة هل يمكني وضع حديدة توصيل بدل من الكونكتر؟؟

وننتظر ردك
أخوك طالب الخبرة

[hitman]

مرحبا شباب

والله انا كل فكري انه راح يستخدم الباور سبلاي خارج الجهاز

بالنسبة لفكرة وصل اللمبة من 5 و 3 فولت انا قلت مو متاكد منها بس انا قمت بالقياس على هالطريقة التى تستخدم مع المراوح

هذه الوصل تبين كيفيت تغيير الفولت الواصل للمروحة بتغيير ترتيب الاسلاك
https://www.dslwebserver.com/main/fr_index.html?/main/5-7-adapter.html

[طالب الخبرة]

أنا فاهم قصد أخوي hitman...
ومشكور على الرابط الحين بشوفه
أخوك طالب الخبرة

[HUMAN]

عادي..
اذا كان تجربه بالسريع تقدر توصل اسلاك الدائره الى كونكتر الباور سبلاي..
تقدر تدخل السلكين داخل اي منفذ (كونكتر) فاضي في الباور سبلاي بس اتأكد ان تركيبهم ( موجب وسالب) صحيح وطبعاً ما يتلامسون..

وهم مشكور اخي hitman على الرابط

تحياتي

[طالب الخبرة]

السلام عليكم ورحمة الله وبركاته...أما بعد

حياك الله أخوي الكريم HUMAN...
أخوي الكريم
التجربة الأولى:
قمت الحمدلله بالتجربة عبر توصيل أسلاك اللمبة الى كل من السلكين الأصفر والأسود...طبعا اللمبة عندي كانت 12 فولت فما احتجت للمقاومة!!
ونتيجة التجربة :
ناجحة



التجربة الثانية :
قمت بتوصيل أسلاك اللمبة مع كونكتر صغير مثل بتاع الفلوبي درايف...
ونتجية التجربة :
ناجحة



التجربة الثالثة:
قمت بالتلاعب بين الأسلاك وتوصيلها الى غير الأسود والأسفر...
فقمت بتجربة مثل ما قال أخوي الكريمhitman...
حيث مرة اوصل من الأصفر والأحمر..حيث تكون اللمبة ضوؤها متوسط حيث الفولت الناتج يكون 7 فولت!! ( مثل ماذكر أخوي الكريم hitman )
طبعا استخدمت هذه الترجبة بعد التأكد باستخدام الفيلمومتر والتأكد أنا الطاقة الناتجة مناسبة لللمبة...
ونتيجة التجربة:
ناجحة




التجربة الرابعة :
زي منت عارف أخوي الكريم HUMAN..
أنا الأسلاك عندي مكشوفة وفيها مشاكل طبعا اذا تركتها مكشوفة..
وبعد أن نجحت كل من العمليات السابقة ...
قلت خليني أشوف وش الناتج عن تلامس السلكن اللي من اللمبة وهي موصلة للكهرباء؟؟؟
يعني الحين عندي اللمبة لها سلكين موجب وسالب موصلة مع الكونكتر...
واسلاك الموصلة من اللمبة للكونكتر مكشوفة...قمت بتشغيل اللمبة وجربت أن ألمس كل من السلكين المكشوفة ببعضها وماذا سيحدث...هل سيحترق مثلا الباورسبلاي أو غيرها...
ونتيجة التجربة:
ناجحة
حيث كان الناتج أن قفل الجهاز...وعند محاولة تشغيله طبعا ما يشتغل تركته لمدة نصف دقيقة وشغلته واشتغل...
الجهاز اشتغل واللمبة اشتغلت وكل شي اشتغل تمام...فبذلك تعتبر النتيجة نجاح العملية...



((( الأسئلة )))
1- في التجربة الرابعة...النتيجة كانت سليمة ولله الحمد...
ولكن هل من الممكن في مرات مقبلة أن تكون النتيجة أسوا من اللي حدث؟؟
هل لازم انتبه أكثر لهذي النقطة؟؟



((( تجربة جديدة )))
أخوي الكريم اسمح لي أضيف فكرة جديد لتجربة جديدة..
وهي نفس الأولى يعني نفس الأساس بس ودنا برايك وبالطريقة اذا سمحت طبعا...
أنا الحين في هذه التجربة قمت بتشغيل لمبة...
أبغى في التجربة الثانية أقوم بتشغيل لمبة ومروحة عن طريق نفس الكونكتر...
كيف يمكنني ذلك؟
هل الشغلة اني اوصل عادي بين جميع أجزاء الدارة بسلك عادي واوصلها للكونكتر؟؟




وعلى العموم نتيجة النجربة الأولى في أحسن أحوالها حيث النتيجة هي نجاح كل من الأربع تجارب..
يعني : 4 من 4


وننتظر ردك بخصوص التجربة الجديدة...
أخوك طالب الخبرة

[HUMAN]

مبروك :) اخي طالب الخبره..
وان شاء تتطور التجارب في النستقبل..

1- في التجربة الرابعة...النتيجة كانت سليمة ولله الحمد...
ولكن هل من الممكن في مرات مقبلة أن تكون النتيجة أسوا من اللي حدث؟؟
هل لازم انتبه أكثر لهذي النقطة؟؟

: اخي انا ذكرت في رد السابق ان لمل تطول فترة التلامس بين القطبين ممكن المحول يحترق..
وفي حالة حصول هذا الأمر على الباور سبلاي الخاص بالكمبيوتر فقد يحترق فيوز الباورسبلاي..وقد يحترق الباورسبلاي ..وقد تكون هناك مشاكل اخرى..
فالأولى الأبتعاد عن هذه المشاكل والحرص على عدم التلامس.

**********

هل الشغلة اني اوصل عادي بين جميع أجزاء الدارة بسلك عادي واوصلها للكونكتر؟؟

: اذا كانت المروحه واللمبه تعملان بنفس الفولت (12) كا في مشكله..القطعتين رايح تشترك بنفس الأسلاك (موجب وسالب) وتتوصل بالباورسبلاي..
اذا كانت اللمبه تشتغل بفولت اقل طبعاً ان عارف الأجراء..
توصل الطاقه الى المروحه بشكل عادي ومن المروحه يطلع سلكين الى اللمبه وتكون مقاومه على الموجب.

تحياتي

[طالب الخبرة]

السلام عليكم ورحمة الله وبركاته..أما بعد

مشكور أخوي الكريم HUMAN على ردك وجزاك الله الف خير
واعذرني على تاخري بالرد..

وابشرك ياغالي تقدمت في مجال "التحكم بالالكترونيات عن طريق الحاسب"!!
ومشيت في هذا المجال "نظري الى الان"
وسوف ابدا ان شاء الله بعد ما يقارب 4 ساعات باول تجربة...
"ليش 4 ساعات"
لأني قاعد انزل برنامج كبير من الانترنت ومازلت انتظر انتهاء التحميل!!

على العموم الفضل يعود لله ثم لك اخوي الكريم في هذا المجال...لأنك ما قصرت معاي مع اول خطوة..

المهم يالغالي استفسار بسيط مدري اذا سبق وسالتك ولكن مهم بالنسبة لي....
وهو:
لنفرض انه عندي لمبة 12 فولت...
ابغى اشغلها عن طريق كهرباء بمقدار 120 فولت...
يعني الكهربا عندي 120 فولت كيف استطيع عن طريقها تشغيل لمبة 12 فولت؟؟
وهل يتم التوصيل هنا بالاسلاك العادية ام اسلاك معينة؟؟
واذا كانت المبة 3 فولت؟؟ 5 فولت؟؟
يعني ما هو القانون اللي يسير عليه تحديد المقاومة المناسبة؟؟
هل هو قانون بتاع الأوم؟؟ لاني سبق وقرات عن قانون اسمه الاوم على ما اذكر ماادري هل هو المطلوب؟؟

وننتظر ردك يالغالي وجزاك الله الف خير
أخوك طالب الخبرة