ال cpu تعمل ولكن الشاشه لا

[الأميرة]

طبعا كام في مشكله قبل كده والأخوة الأفاضل ساعدوني
لحد ما تعرف الصوت والجهاز إشتغل وكله تمام

وبعد كام يوم ظهرت مشكله جديده

وهي

أفتح الجهاز ... الcpu تعمل ولكن لا يظهر شئ على الشاشه

الشاشه واصلها كهرباء واللمبه بتاعه الشاشه تضئ أصفر
الشاشه سوداء وكأن الجهاز مغلق

جربت أغير الباور .. والرامه ... والهارد ... والشاشه ... وكارت الشاشه مع العلم أنه بلت إن
وبقيت نفس المشكله

ملحوظه
قرأت المشاركه هنا
https://www.arabhardware.net/forum/showthread.php?t=71734

ذهبت أنزع كابل الشاشه وأبدأ في العمل
وجدت الآتي

الصاموله اللي بنربط فيها كارت الشاشه المشار إليها بالرسم
خرجت مع كابل الشاشه
أعدت تثبيتها
وشغلت الجهاز فاشتغل

https://www.x66x.com/download/136847f8e9d3b5b96.jpg

يعني
مرة يشتغل
ومرة لأ

هل العيب فيها ولا في البورده ولا فين؟
ولكم كل الشكر

[The_Wolf88]

جربي توصلين شاشة ثانية وشوفي هل تشتغل او لا

[وليد 2003]

بص ياستى .خلينا نفترض الحاجه البسيطه .هاتى اسبراى التنظيف ده ابو 10 جنيه ونظفى السوكيت بتاع كارت الشاشة من ورا كويس .وبعدين بصى على على كابل الشاشة اللى بيوصل فيه .يمكن يكون فيه بن مكسور او معووج ولا حاجه معلش اتاكدى كده ومفيش مانع تنضفيه هوه كمان بالاسبراى وبعدين اشبكيه كويس وقفليه على سوكيت كابل كارت الشاشة بالمسامير اللى قلتى عليها .همه مسمارين وجربى كده الدنيا ح تمشى معاكى ازاى

[الأميرة]

جربي توصلين شاشة ثانية وشوفي هل تشتغل او لا

هلا أخي wolf

أنا فعلا جربت شاشه تانيه
وفضلت نفس المشكله

خالص تحياااااتي

[الأميرة]

بص ياستى .خلينا نفترض الحاجه البسيطه .هاتى اسبراى التنظيف ده ابو 10 جنيه ونظفى السوكيت بتاع كارت الشاشة من ورا كويس .وبعدين بصى على على كابل الشاشة اللى بيوصل فيه .يمكن يكون فيه بن مكسور او معووج ولا حاجه معلش اتاكدى كده ومفيش مانع تنضفيه هوه كمان بالاسبراى وبعدين اشبكيه كويس وقفليه على سوكيت كابل كارت الشاشة بالمسامير اللى قلتى عليها .همه مسمارين وجربى كده الدنيا ح تمشى معاكى ازاى

هلا أخي وليد
شوف يا سيدي

كارت الشاشه بلت إن ( لا أعلم كيف أستخدم الإسبراي معه؟)

وكابل الشاشه سليم بدليل إني لما ربط الصاموله كويس في كارت الشاشه
الجهاز إشتغل عادي

عايزه اسأل
هو خروج الصاموله اللي في كارت الشاشه والمشار لها في الصورة
ممكن يكون هو السبب؟ ولا في سبب تانىpls:

ولك كل الشكر

[وليد 2003]

لوكانت الشاشة دى سليمه يبقى كده المشكله فى سوكيت كارت الشاشة... ده السهل اللى قدامنا من غير نعقبد . النضافة فى الاول قبل الحكم عليه .ولو عايزه تجربى كارت شاشة تانى .يبقى حضرتك احسن حاجه تعملى كلير سيموس من جنبر البورده قبل ماتجربى كارت شاشاه تانى

[وليد 2003]

موضوع الصاموله ده شايع قوى بس المهم يكون مش مايل يعنى متثبت كويس للاخر .احنا احيانا بنشبكه اصلا من غير مسامير .. شغل مولات بقى بقى احنا فاضين نربط صواميل ... قدامدك النضافة بالاسبراى او التنر . مجرد رش اسبراى على سوكيت الكارت بحيث الاسبراى يدخل جوه فتحات السوكيت ولو فيه انشاله فرشة اسنان او نقاشة صغيره قبل الاسبراى خير وبركه ........ ولو متشككه قوى ممكن كارت شاشة تانى زى ماقلتلك ..... صدقينى لو الموضوع محصور فى كارت الشاشة وان شاله يكون ده السبب .. ممكن ينتهى لتغيير البلجه نفسها بتاعة الكارت حاجه بسيطه او كارت بديل
-----------------------------------------
هو خروج الصاموله اللي في كارت الشاشه والمشار لها في الصورة
ممكن يكون هو السبب؟ ولا في سبب تانى
-------------------
سورى ماخدتش بالى ....... المقصود من الصموله دى هى ان مسامير سوكيت كابل الشاشة ندخل فيها ووتظبط علشان الكابل يقى مربوط كويس .بشكل مستوى معدول ومايتهزش .واذا كنتى متشككه قوى ارجعى اربطى الصموله كويس فى كارت الشاشة وبعدين دخلى سوكيت كابل الباور واربطى مساميره فى الصامولتين بتوع كارت الشاشة كويس بشكل مستوى مفيهوش ميل ........ يعنى على طريقة ..... كنت سبتيه يمسكها يافوزيه بتاعت فؤاد المهندس .

[The Mysterious]

أهلاً بالأميرة أين أنتي افتقدناكي كثيراً أختي الكريمة :)..

مشكلة مشابهة...
https://www.arabhardware.net/forum/showthread.php?t=76704

راجعي ردّي رقم 14 وخيراً إن شاء الله :)..

[الأميرة]

[QUOTE=وليد 2003;555179]موضوع الصاموله ده شايع قوى بس المهم يكون مش مايل يعنى متثبت كويس للاخر .احنا احيانا بنشبكه اصلا من غير مسامير .. شغل مولات بقى بقى احنا فاضين نربط صواميل ... قدامدك النضافة بالاسبراى او التنر . مجرد رش اسبراى على سوكيت الكارت بحيث الاسبراى يدخل جوه فتحات السوكيت ولو فيه انشاله فرشة اسنان او نقاشة صغيره قبل الاسبراى خير وبركه ........ ولو متشككه قوى ممكن كارت شاشة تانى زى ماقلتلك ..... صدقينى لو الموضوع محصور فى كارت الشاشة وان شاله يكون ده السبب .. ممكن ينتهى لتغيير البلجه نفسها بتاعة الكارت حاجه بسيطه او كارت بديل
-----------------------------------------
Green"]يا دي الخساير (BB)
هشتري اسبراي يعني هشتري اسبراي (BB)

10 جنيه بحالهم يا وليد :Unhappy:

لأ وكمان فرشه أسنان
ألحق بقى أعمل جمعيه LooLLooL

*************
ان شاء الله سأجرب عمليه التنظيف
وأشكرك جدا جدا جدا على المساعده
وان شاء الله لي عوده بالنتائج
أشكرك مرة أخرى أخي الفاضل :up:[/B]

[الأميرة]

أهلاً بالأميرة أين أنتي افتقدناكي كثيراً أختي الكريمة :)..

مشكلة مشابهة...
https://www.arabhardware.net/forum/showthread.php?t=76704

راجعي ردّي رقم 14 وخيراً إن شاء الله :)..

هلا والله بيج ماستر :)

أنا كمان والله أفتقدت المنتدى جدا جدا :Unhappy:

الحمد لله انكم لسه فاكرني :)

قرأت مشاركتك
وأنا الآن متأكده من سلامه الباور سبلاي والرامات والمعالج والفانه

وان شاء اللهسأقوم بباقى مقترحاتك
ولي عوده بأذن الله

أشكرك طبعا جدا جدا :)

[وليد 2003]

[quote=وليد 2003;555179]موضوع الصاموله ده شايع قوى بس المهم يكون مش مايل يعنى متثبت كويس للاخر .احنا احيانا بنشبكه اصلا من غير مسامير .. شغل مولات بقى بقى احنا فاضين نربط صواميل ... قدامدك النضافة بالاسبراى او التنر . مجرد رش اسبراى على سوكيت الكارت بحيث الاسبراى يدخل جوه فتحات السوكيت ولو فيه انشاله فرشة اسنان او نقاشة صغيره قبل الاسبراى خير وبركه ........ ولو متشككه قوى ممكن كارت شاشة تانى زى ماقلتلك ..... صدقينى لو الموضوع محصور فى كارت الشاشة وان شاله يكون ده السبب .. ممكن ينتهى لتغيير البلجه نفسها بتاعة الكارت حاجه بسيطه او كارت بديل
-----------------------------------------
Green"]يا دي الخساير (BB)[/B]
هشتري اسبراي يعني هشتري اسبراي (BB)

10 جنيه بحالهم يا وليد :Unhappy:

لأ وكمان فرشه أسنان
ألحق بقى أعمل جمعيه LooLLooL

*************
ان شاء الله سأجرب عمليه التنظيف
وأشكرك جدا جدا جدا على المساعده
وان شاء الله لي عوده بالنتائج
أشكرك مرة أخرى أخي الفاضل :up:
-----------------------------------------
لازم نضحى علشان الكارت يعيش .بصى قزازة تنر من بتاع الحدايد والبويات اللى فى الشارع اللى وراكم بالضبط ..ايوه هوه ده اللى جنب بتاع العصير . قزازه كبيره بحاله ب 5 جنيه ...... وفرشة صغيرة من عنده برضه ب 2 جنيه ...... ينفعوكى بكره وبعده .... فيه ناس بتستخدم كحول نقى . وفيه اللى بيستخدم كولونيا ........ وبعدين عندك الكارت البديل مع كلير سيموس . يعنى جكم مبدئى سريع ..ادعى بس انها تكون على قد كده .مندخلش فى حوارات تانيه

[الأميرة]

-----------------------------------------
لازم نضحى علشان الكارت يعيش .بصى قزازة تنر من بتاع الحدايد والبويات اللى فى الشارع اللى وراكم بالضبط ..ايوه هوه ده اللى جنب بتاع العصير . قزازه كبيره بحاله ب 5 جنيه ...... وفرشة صغيرة من عنده برضه ب 2 جنيه ...... ينفعوكى بكره وبعده .... فيه ناس بتستخدم كحول نقى . وفيه اللى بيستخدم كولونيا ........ وبعدين عندك الكارت البديل مع كلير سيموس . يعنى جكم مبدئى سريع ..ادعى بس انها تكون على قد كده .مندخلش فى حوارات تانيه
اليوم 21:24


حاضر أن شاء الله
شفت فائده التفاوض
اهي العشره جنيه بقيت 7 ومين عارف LooL
***************
المسأله بس أني معملتش حكايه التنظيف دي قبل كده

وكمان معرفش اعمل كلير سيموس :Unhappy:
بس ان شاء الله هجرب الموضوع ده

والله المستعان

أشكرك مرة تانيه

[The Mysterious]

أنا كمان والله أفتقدت المنتدى جدا جدا :Unhappy:
أهلاً بعودتك سالمةً من جديد، أهلاً وسهلاً بكي في منتداكي الذي افتقد أميرته كثيراً :)..

الحمد لله انكم لسه فاكرني :)
سامحكي الله...
نحن لم ننساكي ولن ننسى شخصيّة مثلك مليئة بالطاقة والحيوية، أعطت للمنتدى أكثر مما أخذت، وأكسبته نكهةً من نوعٍ خاص بمواضيعها الجميلة ومشاركاتها الرائعة :)..

قرأت مشاركتك
وأنا الآن متأكده من سلامه الباور سبلاي والرامات والمعالج والفانه

وان شاء اللهسأقوم بباقى مقترحاتك
ولي عوده بأذن الله
على بركة الله يا أميرة ونحن بانتظارك وسأتابع مشكلتك إن شاء الله، وسنحاول سويةً إيجاد الحل إن شاء الله نحن وبقيّة الأعضاء الأكارم المشاركين في قتراح الآراء وإيجاد الحلول.

أشكرك طبعا جدا جدا :)
لا شكر على واجب وهذا أقل مايجب فعله :)..

[The Mysterious]

وكمان معرفش اعمل كلير سيموس
يقصد به تصفير البيوس وإعادته إلى ضبط المصنع (الاعدادت الإفتراضية) :)..
https://www.arabhardware.net/forum/showthread.php?t=71093
https://www.arabhardware.net/forum/showthread.php?t=77641

[الأميرة]

يقصد به تصفير البيوس وإعادته إلى ضبط المصنع (الاعدادت الإفتراضية) :)..
https://www.arabhardware.net/forum/showthread.php?t=71093
https://www.arabhardware.net/forum/showthread.php?t=77641

:):):)

أنا فعلا في بيتي :)
وهذا منتداي :)

أشكرك بجد بيج ماستر :)

دمت سالما وبكل خير اخي

[الأميرة]

أولا أشكركم جميعا

عملت كل اللي نصحتوا به غخواني

والآن المشكله في الآتي

وضعت كابل الشاشه في الكارت دون ربط المسامير

الشاشه لا تستجيب وضوء اللمبه بتاعتها أصفر

عندما أبتدي أحرك الكابل وهو شابك في الكارت تضئ الشاشه وتعمل :)

أحركه مره أخرى تتوقف الشاشه عن العمل



تبقى إيه المشكله ؟
جزيتم كل الخير :)

[alasmer68]

السلام عليكم..
هذا يوضح أن فتحات الدبابيس في كارت الشاشة أصبحت متوسعة قليلا بسبب حركته السابقة ( لأنه لم يكن مثبت جيدا في السابق).. وبالتالي عندما يتم تحريكه يحدث التلامس بين الدبابيس والموصل الموجود بداخل الفتحات.

الحل الأول.. هنا هو تثبيت الكيبل بشكل محكم جدا أثناء وضعية التلامس ومنعه من الحركة تماما بطريقة ما.
الحل الثاني.. شراء كارت شاشة جديد ولكن التثبيت مهم هذه المره.


خالص الود

[The Mysterious]

هذا يعني انحصار المشكلة إما في كبل الشاشة أو في بطاقة الرسوميات المدمجة وهذا يعني أيضاً استبعاد أي عناصر أخرى قد تكون سبب في ذلك مثل الرام والمعالج :)..

جرّبي كرت شاشة منفصل وعليكي بتركيبه في الشق المخصص على اللوحة الأم (AGP الإضافي والذي يسمح بتركيب كرت شاشة منفصل والاستغناء عن المدمج) وتثبيته بإحكام والجهاز سيعمل بشكلٍ طبيعي إن شاء الله، ولكن ربما ستقولين هذا ليس بحلٍ جذري وإنما بديل :)..

على كل حال السبب في هذه المشكلة ربما يكون في عدم وصول إشارة الإظهار بالشكل الصحيح والتي تسبّب عدم ظهور Post على الشاشة وأغلب المشكلة هنا تكون بسبب منافذ الاتصال التناظري Analog (VGA) Connection بين الشاشة وكرت الشاشة والتي تعود إلى إبر اتصال نقل الإشارة والمعلومات بين الشاشة وكرت الشاشة..
سؤال أختي هل تظهر لكي عبارة no signal detected check input signal (أو أي رسالة تفيد بنفس المعنى) مع أنّ ارتباط كبل الشاشة بمنفذ VGA الخاص ببطاقة العرض قائم ؟؟..
وهل بعد التحريك يتم إيصال إشارة الصورة من كرت الشاشة عبر الكبل إلى الشاشة دون أي مشاكل؟؟
وملا حظة أخرى هل تأكدتي من أنّ كبل الشاشة سليم، بمعنى هل جربتي وصله على جهاز آخر؟؟.

[The Mysterious]

السلام عليكم..
هذا يوضح أن فتحات الدبابيس في كارت الشاشة أصبحت متوسعة قليلا بسبب حركته السابقة ( لأنه لم يكن مثبت جيدا في السابق).. وبالتالي عندما يتم تحريكه يحدث التلامس بين الدبابيس والموصل الموجود بداخل الفتحات.

الحل الأول.. هنا هو تثبيت الكيبل بشكل محكم جدا أثناء وضعية التلامس ومنعه من الحركة تماما بطريقة ما.
الحل الثاني.. شراء كارت شاشة جديد ولكن التثبيت مهم هذه المره.


خالص الود

تحياتي أخي alasmer68 لم انتبه لمشاركتك، بارك الله فيك عزيزي على المساعدة :)..

[alasmer68]

تحياتي أخي alasmer68 لم انتبه لمشاركتك، بارك الله فيك عزيزي على المساعدة :)..


لا عليك أخي.
فنحن واحد
خالص الود

[وليد 2003]

أولا أشكركم جميعا

عملت كل اللي نصحتوا به غخواني

والآن المشكله في الآتي

وضعت كابل الشاشه في الكارت دون ربط المسامير

الشاشه لا تستجيب وضوء اللمبه بتاعتها أصفر

عندما أبتدي أحرك الكابل وهو شابك في الكارت تضئ الشاشه وتعمل :)

أحركه مره أخرى تتوقف الشاشه عن العمل
----------------------------------------------------------------
تبقى إيه المشكله ؟
جزيتم كل الخير :)
---------------------------------------------
المشكلة ياستى .......أنه أصلا مفيش مشكله ودى بتبقى أصعب حاجه ليه بقى ؟؟؟؟؟؟
أنا قلتلك على طريقة فؤاد المهندس ...... كنت سبتيه يمسكها يافوزية ....... عادى نقول من الأول
1- الصاموله اللي بنربط فيها كارت الشاشه المشار إليها بالرسم
خرجت مع كابل الشاشه
أعدت تثبيتها
وشغلت الجهاز فاشتغل

2- وضعت كابل الشاشه في الكارت دون ربط المسامير

الشاشه لا تستجيب وضوء اللمبه بتاعتها أصفر

3- عندما أبتدي أحرك الكابل وهو شابك في الكارت تضئ الشاشه وتعمل

4-أحركه مره أخرى تتوقف الشاشه عن العمل
--------------------------------------------------
الكلمات المتقاطعه دى معناه ايه
1-نضفنا الدنيا علشان نتلافى الغبار والتراب خير وبركة
2- لصاموله
ممكن حضرتك نطفى الجهاز ونفصل الكهربا خالص ونثبت الصامولتين بتوع كارت الشاشة بزرداية أو كماشة من غير منقرص عليهم قوى يعنى زى مانربط انبوية البوتجاز كده نثبت الصاموله كويس خالص من غير مانقرص على الأخر
3- حضرتك تمسكى كابل الشاشة وترشى على السنون بتاعته رشة جريئة من الاسبراى( بلاش الاسبراى أبو 10 جنيه دع اللى مزعلك .... اشترى رشتين تلاته بالاسبراى ده من اى محل صيانه بربع جنيه وخلاص) وتثبتيه فى سوكيت كارت الشاشة بشكل معتدل ومتوازن وندخله للأخر
4- سوكيت كابل الشاشة له مسمارين نربطهم فى صامولتين كارت الشاشة بالراحه خالص لما نتأكد أنهم اتربطوا كويس من غير مانشد علبهم قوى
5- دلوقتى حضرتك وصلى الكهربا للجهاز وشغليه
6- الجهاز ح يشتغل ان شاء الله بدون أدنى مشاكل
7- حركة ايدك للكابل المتوصل لكارت الشاشة والجهاز شغال ممكن حضرتك بدون ماتحسى تحرقى كارت الشاشة .فياريت تاخدى بالك
8- فى أسوء الظروف على افتراضية أن كابل الشاشة سليم ووالسنون بتاعته مافيهاش كسور أو معووجه .يعنى سليم 100% ..... ح تبقى مشكلتنا فى سوكيت كارت الشاشة نفسه ......... طيب حله ايه ؟؟؟؟؟ حضرتك ده ممكن البلجه نفسها يعنى كارت الشاشة نفسه المدمج فى البورده ده يتفك بالهوت اير ويتركب واحد مكانه سواء بالشراء أو بورده تقطيع
9- طيب الصامولتين نفسهم فيهم مشكله يعنى مثلا معوجين فى سوكيت كارت الشاشة نفسه أو مسامير كابل الشاشة مابيدخلوش فيهم أو فى واحده فيهم تدخل بشكل كويس والتانيه معووجه أو بيقبى الكابل مايل ...... بسيطه ..... كيس مسامير بورده .... حتلاقى فيه صواميل زى بتاعت سوكيت كارت الشاشة ...... حضرتك تفكى الصاموله اللى مش مظبوطه ....... وتحطى مكانها واحده جديده
10- أنا ملاحظ أنك مش قنوعه ......... يعنى فيه مشكله قبل كده ربنا أداكى الصورة وخد منك الصوت .......... مش تحمدى ربنا على نعمة الصورة .لأ قعدتى تشاغبى علشان يبقى عندك الصوت كمان ............... ودلوقتى ربنا خد منك الصورة ....... وخللالك الصوت ........ برضه ماحمدتيش ربنا على نعمة الصوت ورجعتى تشاغبى علشان ترجعلك الصورة .....إيه الطمع ده !!!!!!!!... ياأميرة ربنا بيمتحنك .. وأنت مش واخده بالك .... ولو استمريتى تتبطرى على النعمه ....... ممكن ياخد منك الصوت والصورة وفوقيهم لغات البرمجه كمان..... دنيا غرورة يابنتى...... سبحان من له الدوام
---------------------------------------------------
يلا .أتمنى لك الحل فى القريب العاجل جدا ...... والبركه فى الزملاء الأعزاء ان شاء الله

[الأميرة]

alasmer68

bigmaster

وليد 2003

أشكركم جميعا على المساعده

أنا استفدت من نصائحكم جدا

أولا كابل الشاشه سليم والحمد لله

المشكله في الكارت

أنا نزعت الصاموله وأعدت تركيبها بالراحه
وثبت الكابل بالمسامير

إشتغلت الشاشه :)

أنا عملت بصراحه كل اللي نصحتوا به
بس صحيح الشاشه إشتغلت بس لو إهتز الكابل بتقف تاني

عموما أنا ثبت الكابل كحل مؤقت .. لأن عندى كارت شاشه آخر
هستخدمه بس كآخر الحلول إن شاء الله
وطبعا لازم أحمد ربنا زي ما وليد قال

أهو لما الشاشه بتقف بفك الكابل وثبته من جديد :)

أهي أحسن من إنها ما تشتغلش خالص

أشكركم جميعا
يارك الله فيكم وجزيتم كل الخير !Clap

[وليد 2003]

alasmer68

bigmaster

وليد 2003

أشكركم جميعا على المساعده

أنا استفدت من نصائحكم جدا

أولا كابل الشاشه سليم والحمد لله

المشكله في الكارت

أنا نزعت الصاموله وأعدت تركيبها بالراحه
وثبت الكابل بالمسامير

إشتغلت الشاشه :)

أنا عملت بصراحه كل اللي نصحتوا به
بس صحيح الشاشه إشتغلت بس لو إهتز الكابل بتقف تاني

عموما أنا ثبت الكابل كحل مؤقت .. لأن عندى كارت شاشه آخر
هستخدمه بس كآخر الحلول إن شاء الله
وطبعا لازم أحمد ربنا زي ما وليد قال

أهو لما الشاشه بتقف بفك الكابل وثبته من جديد :)

أهي أحسن من إنها ما تشتغلش خالص

أشكركم جميعا
يارك الله فيكم وجزيتم كل الخير !Clap

على فكرة لو إهتز الكابل بتقف تاني ..... الكابل ده مش اريال تلفزيون يتهز بسهولة ..يعنى وكارت الشاشة المدمج ده المفروض انه ثابت كويس ....... نصيحة أخيرة لو الكابل مثيت بالمسامير فى سوكيت كارت الشاشة ....... ورغم كده الشاشة بتقف مع اقل هزه .......... افحصى كابل الشاشة كويس ومن جوه الشاشة نفسها..... حاجه بسيطه .فكى مسامير غطا الشاشة من ورا بالراحه .. وامشى ورا مكان الكابل ..حتلاقيه متثبت كده زى كابل الباورسبلاى شيكى عليه وثبتى كويس ..واطمنى و شيكى على كابل الباور بتاع الشاشة وتثبيته كويس ..وجكاية كارت الشاشة التانى ....... ده مش حل الا فى حاله واحده لو كان كارت الشاشة هوه اللى فيه المشكله مش كابل الشاشة

[ناجى السنباطى]

شكرا على الاراء المتنوعة والقيمة

[الأميرة]

على فكرة لو إهتز الكابل بتقف تاني ..... الكابل ده مش اريال تلفزيون يتهز بسهولة ..يعنى وكارت الشاشة المدمج ده المفروض انه ثابت كويس ....... نصيحة أخيرة لو الكابل مثيت بالمسامير فى سوكيت كارت الشاشة ....... ورغم كده الشاشة بتقف مع اقل هزه .......... افحصى كابل الشاشة كويس ومن جوه الشاشة نفسها..... حاجه بسيطه .فكى مسامير غطا الشاشة من ورا بالراحه .. وامشى ورا مكان الكابل ..حتلاقيه متثبت كده زى كابل الباورسبلاى شيكى عليه وثبتى كويس ..واطمنى و شيكى على كابل الباور بتاع الشاشة وتثبيته كويس ..وجكاية كارت الشاشة التانى ....... ده مش حل الا فى حاله واحده لو كان كارت الشاشة هوه اللى فيه المشكله مش كابل الشاشة

أكيد مش إريال تليفزيون

لكنه فعلا لو اهتز الشاشه بتفصل

الكابل على فكرة سليم أنا جربته على كيس تاني
واشتغل كويس والحمد لله :)

أشكرك جدا على كل ما قدمته للمساعده
بارك الله فيك :)