المساعد الشخصي الرقمي

مشاهدة النسخة كاملة : لخبراء ATI X1950 Pro : ارجو المساعده


medomoo
10-04-2008, 20:25
اريت ياشباب اللي عنده خبره بالكارت Ati X1950 Pro 512 ياريت يساعدني :
من فترة طلبت رأي الاعضاء في احسن كارت شاشة في حدود 1000 جنيه
الغالبيه رجحو الكارت Power Color X1950 Pro 512 وانا نويت اشتريه ان شالله بس عندي شوية استفسارات :

1: هل فيه في مصر الكارت ْX1950 Pro ومن انتاج شركه غير باور كلر ( احسن يعني ) زي GigaByte او MSI مثلا ؟؟؟

2: بالنسبه للكارت الباور كلر ايه المواصفات المطلوبه للباور سبلاي يعني 12 فولت يدي كام امبير ؟؟ وهكذا ....

3: بالنسبه لدعم ال DirectX 10 الكارت طبعا اخره Dx9 فأنا قلقان من الموضوع ده لان اكيد كلها فتره والالعاب الجديده هتطلب دعم الDX10 ولا انتو ايه رايكم

ومشكورين مقدماااا ...
alayoubi
10-04-2008, 20:54
أنا بقول تختصر الطريق وتاخذ كرت Chaintech 8800GT الكرت الشعبي بهذا الوقت وربنا يسهل .
darkfalcon
10-04-2008, 20:58
1- الباوركلر الموجود احسن من اي ماركة تانية لأنه بييجي ب heat sink ممتاز. و كدة كدة مش حتلاقي ماركة تانية لل x1950 في مصر.

2- ايه نوع الباور اللي عندك؟ لو كان النوع اللي من غير ماركة ابو حاجة و ستين جنيه لازم تغيره. لو كان ماركة كويسة يبقى 350 وات و طالع حيبقوا غالبا كويسين بس يستحب مش اقل من 400.

3- مفيش كارت يقدر يشغل مؤثرات dx10 ,بغض النظر عن دعمه نظريا لها ام لا, و تمنه يقل عن في حدود ال 1400 جنيه و طالع. اما كروت dx10 الفئة الدنيا و الوسطى فملهاش اي لازمة لأنها كدة كدة مش حتقدر تصد قدام متطلبات ال dx10, و بالتالي انك تجيب كارت dx9 عالي احسن من انك تجيب dx10 متوسط او واطي.
medomoo
10-04-2008, 21:56
مشكورين جدا علي الاهتمام
بالنسبه للباور عندي فهو Jumpo 500W مكتوب عليه 500 وات بس انا عارف ان كل ده اي كلام وسؤالي مكانش الباور المطلوب بيدي كام وات لكن بسأل علي الامبير عشان اعرف الحد الادني اللي منزلش عنه وممكن ارفع ؟؟ وانا اقتنعت بكلامك فعلا في موضوع الدايركت اكس الله ينور عليك ... وياريت اي حد من الاعضاء عنده اي معلومه عن الكلام اللي بسأل عليه ياريت مايبخل .... وشكرا .....
alayoubi
10-04-2008, 22:25
تحتاج أقل حاجة من 30 - 35 أمبير علشان تبقى في السليم .
NaAZoOR
11-04-2008, 01:56
متطلبات ال X1950 هي 30 أمبير كما تقول ATI وشركائها .... أما كونه يعمل على الباورات التعبانة الموجودة في السوق فسيعمل ... ولكن مع عمر قصير للباور نفسه أو لجزء من أجزاء الحاسب .. انت وحظك.

بالنسبة ل DX 10 فأرجو أن تمحو الإحساس بالضيق من تفكيرك كونك لن تملك كارت يدعمه ... معظم اللاعبين يلعبون على XP و من يلعب على Vista بكارت DX 10 يواجه صعوبة في اللعب على دقة عرض عالية مع تفعيل الخصائص ال High في الألعاب.

و لا أعتقد أن الحال سيتغير كثيراً مع DX 10.1 ربما سيصبح أفضل قليلاً ولكن بدرجة لا أظنها مؤثرة ....

Vista وكل ما تم إطلاقه من تقنيات معها لم تثبت نجاحاً حتى الآن... قارنوا وضع فيستا الآن بعد عام ونيف من صدورها بوضع ال XP بعد عام من صدوره.

المهم أن تملكك كارت قوي من الداعم ل DX 9.0 أجده فكرة متميزة مالم تجد GF 8800 GT بسعر مغري.
medomoo
11-04-2008, 19:30
الف شكر ياشباب علي المساعده والله افدتوني جدا