أين نحن في مجالات الشبكات والانظمة مقارنة مع الغرب

[bhbh_77]

اين نحن من التقدم فى مجالات الشبكات والانظمة من الغرب هذا هو سؤالى وهل عندنا كفاءات مثلهم للتقدم التكنولوجى

[bhbh_77]

مفيش حد اتكلم؟؟؟؟؟؟

[weamfox]

الجواب :

إفتح التلفزيون على أي قناة عربيه وإنت تعرف إين نحن بالضبط...

[bhbh_77]

كل ما افتح ما الاقى الا اصبحنا اقل الناس فى العلم فى العالم

[weamfox]

وإلي الخلف دائما إنشاء الله...

[bhbh_77]

لية التشاؤم دة فى كفاءات موجودة عندنا كبيرة جدا وفيهم الامل ان شاءالله

[$ABU FAHAD$]

الكفاءات اخي العزيز موجودة وبكثرة ... العقل العربي عقل نظيف جدا ولكن السؤال الذي يطرح نفسه من يأخد بيد هذه الكفاءات ؟؟ الموضوع يحتاج لعوامل تغيير في وطننا العربي ( طبعا فاهمين )

[bhbh_77]

ياجماعة الكفاءات العلمية دى انا حاسس ان اتيحت ليها الفرصة هترفع من شان العلم فى الدول العربية بقوة

[shacky_4]

اللى اعرفه ان فى كفاءات عربيه وتحتل اماكن حساسه جدا فى شركات التكنولوجيا العالميه وشوف كده شركه ميكروسوفت والتأثير اللى عمله المصرى ايهاب مصطفى وغيرهم
المشكله هى عدم وجود البنيه التكنولوجيه التى تحتضن هذه العقول

كمان الاخ اللى بيقول وإلي الخلف دائما إن شاء الله....
اللى اعرفه ان الشخص اللى عنده تفكير ورؤيه هو اللى ينتقد ويقدم حل فى نفس الوقت
مش نقول من تخلف الى تخلف ومش عارف ايه
الكلام سهل انما التطبيق صعب

[bhbh_77]

عندك حق وياريت نضع بعض الحلول ونشارك الاراء مع بعض وكل المنتدى

[lumark_s]

هذا الطرح جميل أخي ولكن لا أعتقد عنوانه ومكانه صحيحان.

سأعدل عنوان المقال ومن ثم سأنقله للقسم العام ليأخذ حقه في النقاش.

[weamfox]

والله في مثل مصري بيقول :
(يا بخت من بكاني وبكى الناس عليا , ولا ضحكني وضحك الناس عليا)

لو عايزني أضحكك وقولك كله في التمام وإحنا 100 100 وشباب زي الورد أنا ماعنديش مانع خالص ثم أنا أبص ليه على إيهاب مصطفي يا أخي خليني في نفسي الأول أصلحها وأطلعها من الهباب اللي هيه فيه ده.
ثم إيه البنيه التكنولوجيه اللي عايزها تحتضنا دي!!؟؟ هو أنا حستنا لما البهوات يعملولي بنيه تكنولوجيه تحتضني؟؟؟ يعني عايز تقولي اللي إخترع اللمبه والتليفون والتليفزيون كان عنده بنيه تكنولوجيه حضناه؟؟؟ ماشي يا عم... عندنا أهه Smart Village..بنيه تكنولوجيه إيه... لوز لوز لوز... حاجه شرحه وبرحه والهوا هناك يرد الروح...عملنا إيه بيها؟؟

ثم إنت بتناقد نفسك ولا إيه؟؟؟!!! عمال تقولي بص على مش عارف مين ويكون عندك رؤيه ونقدم حلول وفي الأخر تضربلي كلمه (الكلام سهل انما التطبيق صعب)؟؟؟؟
لأ.. التطبيق أسهل ما يكون ويكاد يكون أسهل من الكلام بس إحنا اللي كسالا ومش عايزين ومش حنعوز وإن عزنا لازم الحاجه تيجي لحد عندي وأنا قاعد على الكرسي ويمكن الحاجه تبوس رجلي علشان أخدها وأنا (أفكر) أخدها ولا لأ...يا أخي ده الرسول (ص) بيقول من رأى منكم منكر فاليغيره بيده فإن لم يستطع فبلسانه... تقوم سيادتك تجي بكل بساطه كده وتقول الكلام سهل انما التطبيق صعب....

المطلوب:
1) نفوق من الغيبوبه اللي إحنا فيها دي.
2) نبطل نرمي الظروف الوحشه اللي عايشنها بالطوب علشان عمرها ما هتتغير ونبدأ نغير من نفسنا ونتغلب على الظروف المنيله دي.
3)أعتمد على نفسي كليا و أبطل أدور على حد يساعدني وكل يوم الصبح أفكر نفسي بالكفيف اللي بيصحى من نومه وعايز يمشى تلاته متر علشان يروح الحمام (لا مؤاخذة) ومش عارف...
(فعلا شئ محزن) هوه مش عارف يروح الحمام الصبح وأنا بدور على اللي يعملي بنيه تكنولوجيه.

ملحوظه: إللي فات كله أنا بطبقه عليا بالحرف الواحد والكلام ده مش (طق حنك) وخلاص والحمد لله على اللي أنا فيه وإللي أنا وصلت له

[alasmer68]

السلام عليكم...

أعتقد أن المشكله ليست في العقول العربية التقنية..

هناك عامل مهم جدا لا يجوز لنا تحييده وهو القوى الاقتصادية في العالم العربي.. والمتمثله في الشركات العربية العملاقة.

ما الذي يجعل الغربي يتفوق علينا في الاكتشاف والاختراع وخلافه؟؟ هذا هو السؤال الذي يجب أن يطرح.

يقال أن الحاجة أم الاختراع .. كلام جميل جدا ومنطقي جدا. فلم أسمع يوما عن شاب فاحش الثراء يعيش حياة الترف وقام باكتشاف ما أو إختراع معين..
معنى أن نقول أن الحاجة أم الاختراع هو أحد المواقف التالية:
1- شاب نشأ في بيئة فقيره ومتدنية الدخل .. ولعلمه أن العلم هو أقوى وسيله تمكنه من هزم هذا الفقر ، فقد جد واجتهد وتعلم وأبدع كتب وألف وظهر بفكره جديده . هنا يأتي دور القوة الاقتصادية والرؤية الاستثمارية... قدمت له أحد الشركات الكبيره فرصة توظيفه لعمل دراسات إضافية لتحسين الفكره التي خرج بها ليتم بعد ذلك تسويقها .
2- الجامعات وبكل الوسائل تحاول توفير الدعم المادي للصرف على مراكز الابحاث لديها وكل عام تخرج لنا هذه المراكز بمجموعة من الدراسات يطبق معظمها في أضخم الشركات هنا نعود للقوى الاقتصادية.
3- مجموعة من الشباب الطموح لأنهم على يقين من هناك من هو مستعد لتبني أفكارهم لو أثبتت جودتها هذا يحثهم على العمل بجد للوصول إلى جديد.

الآن سؤال آخر يتبادر للذهن وهو لماذا لا يحدث عندنا مثل هذه الحالات؟ طبعا الإجابة سهلة وبسيطة وهي أنه في عالمنا العربي هناك شئ يسمى عقدة الأجنبي.... نعم عقدة الأجنبي هذه تجعل من كبريات شركاتنا تلهث خلف خبير أجنبي لتوظفه براتب يعادل نصف مجموع رواتب جميع موظيفيها العرب والسبب ( هذا أجنبي من بلد التكنولوجيا )

نادي رياضي يسعى جاهدا للحصول على عقد مع المدرب الأجنبي ××× لماذا لأن هذا المدرب صعد بالفريق الفلاني لكأس العالم. ( أكثر البطولات التي حققها المنتخب المصري على يد مدربين مصريين) ( في كل كأس عالم يدخلها المنتخب السعودي يذوق المنتخب أكبر الخسائر على يد المدربين الأجانب ثم يعين المدرب السعودي ليحصل تحفظ ماء وجه الفريق).
للأسف لا علم لي بما يدور داخل الشركات وإلا لكنت كتبت كيف يؤدي هذا الخبير الأجنبي عمله.

للأسف الشديد بتنا نقول عن أنفسنا أننا وصلنا إلى مستويات متطوره في مجال كذا ومجال كذا ثم نقوم بتعيين خبير أجنبي ليعيدنا للوراء 10 سنين
ما يقهرني حقيقة هو سذاجة هؤلاء الاقتصاديون أصحاب الشركات ورؤوس الأموال ...فكيف يظن هؤلاء أن خبيرا أجنبيا تتركه بلده ( لو كان خبيرا أصلا ) ليخدم وينمي ويطور في بلاد المسلمين ( العدو الأول لهم).

وإذا أتاهم عربي بفكره جديده ، أكبر المصائب أنهم يطلبون من هذا الخبير دراسة هذه الفكره والحكم على صلاحيتها وهذا ما أقول عنه شر ابلية ما يضحك.

يطول الكلام في مثل هذه المواضيع وبصراحه أجده يؤلم إلى حد كبير.

لي عوده من جديد بإذن الله

خالص الود

[Brigadier]

والله السبب في التخلف العربي هو الاتي :-
1-القيادات المتخاذله.
2-العولمة و الاستحواذ الغربي ع القوة والانتاج.
3-ضعف الاقتصاد العربي " ضعف انتاجيته لا يوجد انتاجيه حقيقيه"
4-انتشار النهب والنصب والغش والتدليس وعدم الانصاف في الدول العربية.
5-انتشار سياسة الرجل الغير مناسب يعمل بدل الرجل المناسب في اي وظيفه معينه.
6-تفشي الجهل وضعف التدريس وسياستة ومنهاجه.
7-عدم دعم العلم او وضع اهميه للبحوث والانتاج العلمي اطلا قا ً.
8-تفشي الخلافات والنزاعات العربيه البينيه التي مزقت واضعفت العالم العربي اكثر واكثر.

[shacky_4]

الاخ weamfox
ارجوا ان يكون اسلوبك فى الحوار افضل من ذلك