سويتشات تتوصل ب straight –through cable [الأرشيف]

ahab

16-04-2008, 12:31

السلام عليكم ورحمة الله وبركاته

المعلوم أن التوصيل ما بين السويتشات يكون ياستخدام crossover cable

ولكن السويتشات 2960 و 3560 فيها خاصية اكتشاف نوع التوصيل autodetec the connection type .

وبالتالي يمكن توصيلها عن طريق straight –through cable.
هذه المعلومة وجدتها في كتاب sybex صـ 517

memoragaa

16-04-2008, 12:58

اخى الكريم اى سويتشين يمكن توصيلهم بكابل عادى Straight طالما نوعيتهم حديثة يعنى من انتاج 2000 وطالع وكلهم بهم نفس ا لخاصية autodetec the connection type .

ahab

16-04-2008, 14:18

شكرًا على المعلومة أخي memoragaa
فأنا لسه جديد في عالم الشبكات
وكل اللي كنت اعرفه إن السويتشات بتتوصل cross

memoragaa

16-04-2008, 20:30

ولا يهمك كلنا بدأنا ما نعرفش حاجة
ربنا يكرمك وتبقى زى استاذنا لومارك ولا مهندسنا محمد سمير ربنا يباركلنا فيهم

heshaaaaam

16-04-2008, 21:11

لاياعم السويتشات كروس اوفر
اى جهازين زى بعض كروس اوفر والراجل عنده حق

memoragaa

17-04-2008, 09:23

لاياعم السويتشات كروس اوفر
اى جهازين زى بعض كروس اوفر والراجل عنده حق

طيب انت جربت الموضوع عملى ولا زى اللى فى الكتب ما بتقول

amna_ali

17-04-2008, 09:42

السلام عليكم

شكرا لك اخي ahab على هذه المعلومة الصراحة انا اول مرة اعرفها و منكم نستفيد !Clap

اخ memoragaa هل جربت هذه الطريقة عمليا و اشتغلت معاك؟

ahab

17-04-2008, 11:06

شكرًا على المرور أختي amna_ali

memoragaa

17-04-2008, 16:25

نعم اختى آمنة جربتها مرارا وتكرارا وابسط شئ فى مصر شوف الناس اللى عاملة الشبكات الخاصة بالإنترنت هتلاقيهم موصلين السويتشات Straight ومن غير ترتيب STD A or B مركبين الألوان جنب بعضيها وفى الناحية التانية نفس النظام وشغال بدون مشاكل وزى الفل ( ده انا شوفت حاجات فى الشبكات دى )

amna_ali

17-04-2008, 16:55

نعم اختى آمنة جربتها مرارا وتكرارا وابسط شئ فى مصر شوف الناس اللى عاملة الشبكات الخاصة بالإنترنت هتلاقيهم موصلين السويتشات Straight ومن غير ترتيب STD A or B مركبين الألوان جنب بعضيها وفى الناحية التانية نفس النظام و شغال بدون مشاكل وزى الفل ( ده انا شوفت حاجات فى الشبكات دى )

LooLLooLLooL

heshaaaaam

19-04-2008, 19:14

طيب انت جربت الموضوع عملى ولا زى اللى فى الكتب ما بتقول
الاصل انه كروس اوفر وده و بتابع دروس محمد سمير ف شبكات سيسكو ف المقدمة فعلى من يدعى دون ذلك ان يثبت ولو انت جربتها اذن كلامك ثقة ويبقى الاتنين ويبقى كاتب الموضوع كلامه سليم ف كلا الحالتين

memoragaa

19-04-2008, 19:21

اخى الكريم الكلام سليم فى الحالتين بالنسبة لشرح اخونا ومهندسنا الكبير محمد سمير انا متابعه على فكرة وهوا لازم يقولك اللى موجود فى الكتاب علشان يبقى ماشى على المنهج مظبوط ومحدش يتلخبط ولا يقوله انت جبت الكلام ده منين يا عم وبالنسبة لقصة التجربة ممكن انت تجربها بنفسك شوف اى حد عامل شبكة نت او انت انزل واشترى سويتشين من باب اللوق كل واحد 5 بورت وكابل عادى من نفس المحل من الكابلات الجاهزة ويكون straight طبعا ومش هتكلفك 100 جنيه على بعضهم وشوف وان شاء الله هتلاقى كلامى سليم وبالتوفيق للجميع

MaaM

23-04-2008, 03:48

أي بورت فيه خاصية Auto MID/MIDX تقدر تركب عليه كابل Straight أو Crossover سواء بين راوتر وراوتر أو سويش وراوتر

أما بالنسبة لمسألة الألوان فدورت كتير على الفرق بين الطريقة B و الطريقة A لكن مالاقتش فرق
اللى استنتجته ان ممكن يكون موضوع الألوان ده عشان المقياسية بمعنى ان الكل يمشي على طريقة واحدة في ترتيب الألوان
يعني مثلا دلوقتي فني شبكات لاقى سلك طرفه مقطوع فالطبيعي انه هايعمله على الطريقة المتفق عليها في الترتيب
اما الغير طبيعي انه يروح لنهاية السلك عشان يشوفه متركب بترتيب ايه !

memoragaa

23-04-2008, 08:23

وهيا دى الفكرة الصحيحة لموضوع ترتيب الألوان وهو المقياسية وان يكون كل شئ فى الشبكة قياسى وعلى نظام واحد مهما اختلفت الشبكات واماكنها

abadsharona82

26-04-2008, 22:58

وهيا دى الفكرة الصحيحة لموضوع ترتيب الألوان وهو المقياسية وان يكون كل شئ فى الشبكة قياسى وعلى نظام واحد مهما اختلفت الشبكات واماكنها
على فكرة يا جماعة كلام الراجل ده مظبوط قوى وانا جربت الكلام ده عملى وشغال ذى الفل

alshalawy

27-04-2008, 00:43

السلام عليكم جميعاً ..

لي مداخله بخصوص الالوان وترتيبها وكما قال الاخوة الكرام في اختلاف الترتيب

ولكن لابد من ملاحظة ان كل سلكين من نفس اللون يكونان ملفوفان على بعضهما البعض ( Twisted )

وهذه الطريقة تمنع المجال المغناطيسي الموجود حول الكيبلين وبما انهما ملفوفان حول بعضهما فسيكون المجال المغناطيسي متضاد في هذين السلكين ويكون محصلته تساوي الصفر تقريبا ً

ونتيجة لهذا فان الاشارة في هذين السلكين سترحل لابعد مسافة ممكنة .

لذا فلابد من استخدام نفس السلكين من نفس اللون في الترتيب 1 و 2
وسلكين من نفس اللون في الترتيب 3 و 6

هذا احببت توضيحه وشكراً ,,

ahab

27-04-2008, 04:33

جزاك الله خيرًا على هذه المعلومة يا alshalawy

samer_loveline

10-05-2008, 08:11

اخواني انا شبكت access point مع جهاز كمبيوتر والاصل ان يكون croos cable لكن الاكسس بوينت اللي شبكتها كانت من شركة سيسكو وكانت autodetec فاستخدمت straight cable

memoragaa

11-05-2008, 16:01

تمام وهوا ده اللى قصدنا علينا اللى هوا Auto detect وده موجود فى كل السويتشات الجديدة سواء صغيرة او كبيرة والراوترات برضه علشان الناس ما تتلخبطش ولو واحد معندوش خبرة فى التركيب مش هتفرق بقى

ahab

11-05-2008, 16:32

ويا ترى هذا الخاصية موجودة في كروت الشبكة يعني مابين الحواسيب وبعضها ولا إيه.

ahab

27-03-2009, 07:51

ويا ترى هذا الخاصية موجودة في كروت الشبكة يعني مابين الحواسيب وبعضها ولا إيه.

هذا السؤال طرحته من حوالي 10 أشهر ولكن لم يجاوبني أحد

أمس جبت كيبل Straight ووصلته بين جهازين كمبيوتر واحد xp والتاني سيرفر2003 واشتغل تمام

يعني حتى ما بين أجهزة الكمبيوتر يبدوا إن هذه الخاصية موجودة وشغالة تمام.

ahmed sultan

27-03-2009, 09:04

السلام عليكم ورحمه الله وبركاته

لما حد ييجى يشترى راوتر جديد فى البيت (ليس راوتر سيسكو) .. لو تلاحظوا هتلاقوا ان الكابل اللى جاى مع الراوتر هو كابل straight وليس cross over ... والراوتر بيتوصل تمام فى جهاز الكمبيوتر وكل حاجه بتمشى تمام ..

انما موضوع اختلاف انواع الوصلات سواء كانت straight او cross فـ دا كان مجرد standard عشان الكل يمشى عليه ...
انما زى ما قولت فى الراوتر .. فى بعض الحالات بتقبل اى وصله دون النظر الى نوعيه التوصيل ..

miro_10

27-03-2009, 09:56

على فكرة يا جماعة الكلام ده مظبوط 100% أنا شغالة عملي بقالي 3 سنين في الشبكات وطبعا الموضوع ده معروف إن عادي نوصل مبين سويتش وسويتش كابل ستريت عادي ده أنا جربته كمان على السويتشات إللي هية من النوع 3com و d-link وكمان على فكرة في سويتشات 3com بتتوصل ستريت بس في زرار كده جمب البورتات بتدوس عليه علشان يقبل منك الكابل الإستريت أو العكس ممكن تكون موصل كروس وتحوله كإنه إستريت عن طريق الزرار ده يعني أكيد هوة بينظم الباكيت عنده
وشكرا ليك على المعلومة الجميلة ده

hisham_munshar

27-03-2009, 13:44

مشكور على المعلومة

Eng.MagoooD

27-03-2009, 23:00

يا معلوماتك يا ايهاب !!

ايه يا عم ؟ افتكرت الموضوع عشان تقول لنا انك جبت كمبيوتر جديد و لا ايه :D .

كرس براينت في احد المحاضرات ذكر المعلومة ده , بس قال لك ما تقلش كده في الامتحان ;) .

ahab

28-03-2009, 05:48

يا معلوماتك يا ايهاب !!

ايه يا عم ؟ افتكرت الموضوع عشان تقول لنا انك جبت كمبيوتر جديد و لا ايه :D .

كرس براينت في احد المحاضرات ذكر المعلومة ده , بس قال لك ما تقلش كده في الامتحان ;) .

حبيب قلبي ماجد

مفيش جهاز جديد ولا حاجة (دي كلها أجهزة مضروبة بالنار ) :D:D

أنا مدرس حاسب حاليًا. وعندي معمل للطلاب فيه 20 جهاز
وكنت بجرب تنزيل ال active directory وعمل شبكة من جهازين.

waleedallam

28-03-2009, 22:57

تفتكر كلام الاخ MaaM يا حج ايهاب

لما قالك ال mid و ال midx هو دا الكلام المضبوط واصبحت الخاصيه دى موجودة فى كل حاجه بس هى فى الار جى 45 المفروض انك بتوصل 1.2.3.6 والباقى بيبقى فاضى هتلاقى الشبكة شغاله معاك

يقال ان الباقى لتوصيل الكهرباء لو عايز تشغل POE

اخبارك يا حج ايهاب يا رب تكون بخير

تحياتى

BLALBMW721

29-03-2009, 00:15

على حد علمى ان السويتشات تتوصل straight سواء كانت auto detect او لا
الله اعلم بقى فى حاجات تانيه ولا لاء

ahab

29-03-2009, 05:49

warior10

29-03-2009, 20:31

ايه يا جماعة
شكلكم محدش قرأ فيكم كتاب sybex وهو بياخد ccna
بصو
بالنسبة للألوان فملهاش فايدة خالص المهم يكون الكابل لو كروس واحد ×ثلاثة واتنين × ستة على الطرفين ومش مهم اللون
بالنسبة ل staright فيكون كل رقم هو نفس الرقم المساوي ليه فى الناحية التانية

بالنسبة للكابل كروس او ستريت فده مالهوش علاقة بسنة تصنيع السويتش هو ليه علاقة بنظام التشغيل ios
ولو كانت ذاكرتي قوية من ايام ccna الى هية من اسبوعين فيكون اى سويتش نظام تشغيله اعلى من 12.1 فده هيشتغل auto detect