المساعد الشخصي الرقمي

مشاهدة النسخة كاملة : طلب شرح ال HTTP,FTP protocols؟


ahmed magdy
23-04-2008, 11:13
ممكن من الاخوه الاعضاء شرح البروتوكولات السابقه؟(يعني بتشتغل ازاي)(H)

و ممكن برضه شرح ازاي بيشتغلوا مع بعض؟(يعني لو انا بعمل تصفح ايه اللي بيحصل؟)(H)

و شكرا
ahmed magdy
24-04-2008, 10:28
ايه يا جدعان امال فين الناس الجامدين بتوعنا؟
fxmaster
24-04-2008, 14:56
بص انا هقولك اللى اعرفه عالسريع عن ال http وعلى فكره ال ftp زيه لو بصتلهم من جهة tcp/ip protocol suite بس خللى بالك انا مش جامد زى ما انت قلت فى ناس حديد هنا فى المنتدى


لما تكتب مثلا www.google.com (https://www.google.com) فى ال internet explorer
وبعد ما ال dns يحول www.google.com (https://www.google.com) لعنوان ip

فى طبقة التطبيقات بروتوكول ال http بيعمل request لل ip بتاع جوجل عن طريق حاجه اسمها

HTTP GET REQUEST (PAGE.HTML

ال GET REQUEST يروح على ال TRANSPORT LAYER ييتحطله TCP HEADER

وبعدين ينزل طبقة ال NETWORK ويتحطله ال SOURCE IP ADDRESS وال DESTINATION IP

وطبعا ينزل طبقة ال MEDIA ACCESS ويضاف اليه FRAME HEADER AND TRAILER

وبعدين يتحول ل BITS ويتبعت ال DESTINATION


طبعا ال DESTINATION اللى هوا SERVER لموقع GOOGLE فرضا بيعمل للداتا DEENCAPSULATION ... لحد ما يوصل للHTTP REQUEST فى طبقة التطبيقات ويعرف انو مطلوب صفحة معينه

يقوم السيرقر يبعت HTTP OK HEADER يعنى جواب بالموافقه + محتويات الصفحه

طبعا الHTTP OK +محتويات الصفحه برده بيتحطلها TCP HEADER وبتمر بنفس الخطوات اللى قلناها فوق لحد ماتوصل للراجل اللى طلب الصفحه ...

ان شاء الله يكون فى رد اكثر تفصيلا ليك لانى مستعجل وكتبت اللى اقدر عليه :)

اخوك احمد عاطف....


https://i28.tinypic.com/atu6w4.jpg
memoragaa
24-04-2008, 16:03
ايه ده ايه الحلاوة دى امال لو مش مستعجل كنت عملت ايه ياراجل ربنا يكرمك يارب وشكلك لومارك صغير ( انا متابع ردودك على فكرة )
ahmed magdy
24-04-2008, 21:50
والله حاجه جامده يا ريس , بس ممكن الربط بين ال http&ftp
fxmaster
25-04-2008, 23:40
ايه ده ايه الحلاوة دى امال لو مش مستعجل كنت عملت ايه ياراجل ربنا يكرمك يارب وشكلك لومارك صغير ( انا متابع ردودك على فكرة )

يا باشا ده شرف ليا انك تقرا ردى وانا لسه طالب صغير جدا فى مدرسة عرب هاردوير وواجب عليا

لو اعرف حاجه انفع بيها كل اخوانى المسلمين .... بس سلملى على السالميه وحولى

والمباركيه والكويت كلها اللى قضيت فيها عمر كبير ... تحيه ليك اخى الكريم ....
fxmaster
26-04-2008, 15:56
ايه يا جدعان امال فين الناس الجامدين بتوعنا؟

ياعم احمد اسمحلى اقولك رايي بصراحه

مش مطلوب منك فى ccna course انك تعرف كل البروتوكولات شغاله ازاى ( طبعا باستثناء

بروتوكولات التوجيه زى ال rip وال ospf وال eigrp دول لازم نعرف كويس اوى بيشتغلوا ازاى )

اما اى بروتوكولات application مطلوب منك بس انك تنسبها لل osi او ال tcp/ip suite

يعنى انتا بتفسرها بالنسبه لل reference بتاعنا اللى هوا مثلا osi .....

على سبيل المثال ال http بيعمل Request اسمه get request يبقى اكيد برده ال Ftp بيعمل

request عن طريق ftp header request , وهتلاقى الدنيا كلها ماشيه كده :D , امال احنا درسنا

osi و tcp/ip ليه ؟؟ علشان نقدر نفسر كل حاجه من خلاله ..

على فكره ال ftp معقد جدا عن ال http ,, وموجود منه كذا Mode زى مثلا ال passive mode

وكل مود عايز شرح طويل ,, على العموم استاذنا لومارك او بشمهندسنا محمد سمير لو شايفين

انه مهم لينا اكيد هيشرحوه ....

تقبل خالص تحياتى ... اخوك احمد عاطف .
ahmed magdy
27-04-2008, 20:44
شكرا على المرور يا ريس عاطف, و احترم بشده رأيك.

بس هو الواحد بيحب يبقى على درايه باللي بيحصل ما يبقاش كورس بيتاخد و خلاص .