معالجي Q6600 شاب نار

[الشمشير]

السلام عليكم اخواني ....

انا عندي جهاز معالج Q6600 واللوحه GIGABYTE P35-DS4 طبعاً انا اكلمكم الآن الليل والغرفه

حاره نوعاً ما .. المعالجه حراراته في الخمسينات ... والمشكله اني حالياً ماني كارف المعالج

والمشتت على نفس المشتت العادي ... مشكلتي الرئيسيه جونا بالشرقيه حار ومغبر ...

وغرفتي المكيف ما يكون مفتوح الا لما اكون موجود يعني مو مركزي اخلي الغرفه بارده لعيون الجهاز


عدد المراوح بالجهاز 2 ... والكيس ميد تاور ثيرمالتيك ماتريكس ... كل المروحتين 120 ملي ...


حرارة اللوحه 36 وحرارة الهارديسك 37 ...


الوضع عندي سيء لأن الأيام الجايه راح يكون الجو اسؤ وابي اتجهز وماني عارف خايف


اشتري مشتت وما يجيب النتايج المأموله بحكم التبريد الهوائي ... او تبريد مائي ونفس الشي

يتأثر بالجو الي حوله ...

الحل الوحيد الي واثق انه بيعطيني نتائج مأموله اني اركب مكيف وحده بغرفتي واخليه شغال

بغيابي لكن هذا حل أخير في حالة انعدمت الحلول ... طبعاً مروحه المعالج مشغله على اعلى قوتها على طول

وخيارات البايوس معدلها ... وهذا ثاني موضوع لي اسويه بس ان شالله هالمره راح

الاقي حل منكم بإذن الله

https://up5.m5zn.com/byoybreej5x5/Report.rar.html

هذا تقرير بمواصفات جهازي اتمنى اني وضحت كل شي

[Stone]

السلام عليكم ...

ماتشوف شر اخوي وانشالله المشكله بسيطه.

اول شي لازم تعرف معالج نسخته B3 ويكون حرارته مرتفعه الوضع يكون طبيعي معاه. بس يوصل 50 اعتقد ان هناك مشكله ... ومثل ما ذكرت انه الجو حار وغبار بالجو هذا لا تتوقع انه حرارة الجهاز بشكل عام راح تصير طبيعيه. وحرارة الغرفه لها تأثيــر كبير على حرارة الجهاز لدرجة كبيره.

اعتقد انه اول شي تفكر فيه توديه لفني يشيل المشتت ويركبه لك مره ثانيه ومع مراعاة كمية المعجون ونوعها. وينظف لك الكيس من الغبار وتضبيط الكابلات داخل الجهاز حتى يكون التيار الهوائي يمر فيه بكل سهوله.

ناطر ردك .. وانتظر رأي باقي الاعضـــاء

موفق انشالله


سلام

[Sayed Mohammed Almosawi]

سلام عليكم ..
الجو بالبحرين يمكن اكثر ..
بس انا شوي شوي افكر اشيل عيوني من التبريد الهوائي ..
لانه ما يصلح الى الخليج بتاتاً ..
يعني في شهر 7 و 8 تكون درجة الحرارة 45 على الاقل ..
هل تتوقع الجهاز يصمد و خاصة انه الفان مالت البرسسور تعطي المشتت هواء حار !!!
التبريد المائي له خصائص و من خصائصه انه ما يتأثر بالجو الي حاوليه ..
يعني لو كانت درجة حرارة الغرفة 30 ما بيتأثر الماء .. لانه يوجد كمبرسير و مضخة و يتبرد ..
اذا كنت تستطيع ان تشتري تبريد مائي فتوكل على الله و اشتر ..
و السلام !
:)

[الفتى المبتسم أنا]

CPU-Z
https://www.cpuid.com/download/cpuz_145.zip





CORETEMP

https://www.alcpu.com/CoreTemp/CoreTempBeta.zip


ارفق صور من CPU-Z لخياري ميموري و CPU و

ارفق صورة من برنامج CORETEMP فور تشغيلك البرنامج ,

وارفق الصور من البرنامج
:::)

[الشمشير]

.... انا اليوم اخذت جهازي وخذت فيه لفه بالبلاور وفكيت الهيت سينك للمعالج ..

والحراره طبعاً قلت درجه او درجتين ....


بالنسبه لك اخوي انسان مضلوم اليوم راح اسوي هالاشيا وبرفقها بإذن الله

[a7m1]

سلام عليكم ..
الجو بالبحرين يمكن اكثر ..
بس انا شوي شوي افكر اشيل عيوني من التبريد الهوائي ..
لانه ما يصلح الى الخليج بتاتاً ..
يعني في شهر 7 و 8 تكون درجة الحرارة 45 على الاقل ..
هل تتوقع الجهاز يصمد و خاصة انه الفان مالت البرسسور تعطي المشتت هواء حار !!!
التبريد المائي له خصائص و من خصائصه انه ما يتأثر بالجو الي حاوليه ..
يعني لو كانت درجة حرارة الغرفة 30 ما بيتأثر الماء .. لانه يوجد كمبرسير و مضخة و يتبرد ..
اذا كنت تستطيع ان تشتري تبريد مائي فتوكل على الله و اشتر ..
و السلام !
:)

الخليج شهر 8 مافيه أجهزه تشتغل :) أساسا ... :)
التبريد المائي لا يحتوي كمبريسر .. يحتوي مضخه وأنابيب و راديتر ...
الكمبريسر ممكن ينضاف للتبريد المائي نوع passive وليس active أي بتغميس أنابيب التبريد للكمبريسر داخل البرج للتبريد ..
ومسألة التبريد لمائي ماله علاقة بحرارة الجو غلط ...
له علاقة أكثر من التبريد الهوائي ...
لكن يعطيك حرارة ممكن تكون مشابهة أو أقل من حرارة المحيط ..
وأخيرا لو درجة الغرفة أقل مايكون والكيس مغلق ولا يحتوي مراوح سوا المشتت والبور ..
الجهاز ماراح يصمد :) :D
أهم شي المراوح
والتبريد المائي ممتاز لكسر السرعة وقت الصيف ...
وبالتوفيق ...

[a7m1]

لو تقدر الحين , يكون أفضل ,

خطأ أخي ...
الحرارة مرتفعه لحد كبير
والله أعلم ما المشكلة

ممكن مشكلة توصيل حرارة بين المشتت والمعالج بالأخص معجون
أو سوء تثبيت للمشتت
ممكن تطق ال70 بثواني
وممكن وضع التبريد داخل الكيسه تعبان .. ومايساعد المشتت يلحق على التبريد ...
أنصح بعدم ضغط المعالج لو الحرارة واصلة 50 ... من غير أي ضغط.

[a7m1]

السلام عليكم ...

ماتشوف شر اخوي وانشالله المشكله بسيطه.

اول شي لازم تعرف معالج نسخته B3 ويكون حرارته مرتفعه الوضع يكون طبيعي معاه. بس يوصل 50 اعتقد ان هناك مشكله ... ومثل ما ذكرت انه الجو حار وغبار بالجو هذا لا تتوقع انه حرارة الجهاز بشكل عام راح تصير طبيعيه. وحرارة الغرفه لها تأثيــر كبير على حرارة الجهاز لدرجة كبيره.

اعتقد انه اول شي تفكر فيه توديه لفني يشيل المشتت ويركبه لك مره ثانيه ومع مراعاة كمية المعجون ونوعها. وينظف لك الكيس من الغبار وتضبيط الكابلات داخل الجهاز حتى يكون التيار الهوائي يمر فيه بكل سهوله.

ناطر ردك .. وانتظر رأي باقي الاعضـــاء

موفق انشالله


سلام

بالفعل كما ذكرت أخوي سالم ...
حرارة 50 ممكن تخلي الواحد يشك بمشكلة سوء تركيب أو عدم وضع المعجون بشكل جيد ...
وبالتالي الضغط وقتها خطر على المعالج ..

قبل لا تحكم على حرارة الغرفةو دورها ., بالتأثير على حرارة الجهاز ...
تأكد من موضوع كما يسمى التبريد داخل الكيس
من مراوح ضخ هواء ومراوح شفط :D
ومن تنظيم الأسلاك خاصة لو كان الكيس ضيق وأحتواءه على أسلاك ide عادية ممكن يعيق الهواء داخل الكيس
وأخيرا أتمنى منك تقتنع بموضوع حرارة الغرفة أسأل عن مراوح الجهاز قبل السؤال عن الحرارة
والله ولي التوفيق

[الفتى المبتسم أنا]

حاضر اخي احمد

تم التعديل ,

ابي اشوف درجة الحرارة عالواقع . اونلي only , فقط

[المنسحب]

عزيزي لازم تخلي المكيف شغال وللاسف هذي ضريبه جونا

اما بخصوص المشتت..فااخشى انه ماراح ينفعك...ولا اعتقد انه راح يسوي تغير كبير معاك

افتح كيس الجهاز..هالعمليه تخفض 4 درجات من حرارة الجهاز

ومع هذا..فلا حل صدقني الا بجعل المكيف شغال

وانا اتفق مع الاخوه 50 حراره مرتفعه جدا..المفروض ماتوصل 42 او 43 بدون تكيف

[a7m1]

عزيزي لازم تخلي المكيف شغال وللاسف هذي ضريبه جونا

اما بخصوص المشتت..فااخشى انه ماراح ينفعك...ولا اعتقد انه راح يسوي تغير كبير معاك

افتح كيس الجهاز..هالعمليه تخفض 4 درجات من حرارة الجهاز

ومع هذا..فلا حل صدقني الا بجعل المكيف شغال

وانا اتفق مع الاخوه 50 حراره مرتفعه جدا..المفروض ماتوصل 42 او 43 بدون تكيف

السلام عليكم
المكيف \ التكيف المركزي لازم يظل شغال وقت تشغيل الجهاز
بكل دول الخليج
الحل الوحيد لدرجة فوق ال 50 وقت عدم الضغط
توجيه المكيف للجهاز .... .. لو تكيف مركزي فتح غطاء التكيف ووضع الجهاز مفتوح الكيس أسفله هالعملية تخفف 20 درجة على الأقل وقت الضغط :) شرايك ؟؟
بالتوفيق ,..

[a7m1]

ملاحظه أظافية كلامي بخصوص مراوح التبريد داخل الكيس
بسبب حرارة القطع الأخرى من هارديسك وكرت شاشة و جسر شمالي تخيل الحرارة تنتقل من الهارد لكرت الشاشة ومن ثم للجسر الشمالي ومن ثم مروحة المعالج
وبالتالي ارتفاع الحرارة المعالج لأقصاها .
على الأقل تواجد مروحتين ذات تدفق هوائي كبير داخل الكيس .
أكلمكم الحين بالسرداب :) بصالة كبيره من تحتوي تكيف مركزي لكنه مطفأ
الحرارة 27 درجة تخيل واقع التبريد الهوائي على المعالج ؟؟. يعني مروحة المعالج تاخذ هواء بدرجة 27 لتبرد سطح المعالج
ملاحظة الحرارة المرتفعه للجو المحيط ممكن تقصر عمر المروحة نفسها هذي معلومة متأكد منها ....

[الفتى المبتسم أنا]

شكرا استاذ احمد ,
ومع اقتناعي ان السبب في الارتفاع هو
1_ عدم تركيب المشتت بشكل صحيح .
2_ هناك برامج شغالة تؤثر بشكل كبير
3_ المشتت ليس اصلي .

اسمع اخي الكريم تأكد من ان خاصية smart fan مغلقة من pc health من البييوس
راقب درجة الحرارة ببرنامج real temp (https://dl11.techpowerup.com//SysInfo/Real_Temp/RealTemp_2.5.zip) فهو ادق في القراءة للمعالجات الرباعية , وشوف كم درجو الحرارة ,

[الفتى المبتسم أنا]

ماشاء الله عليك , يأستاذ احمد بالفعل مبدع , زادكم الله من علمه وفضله ,
تمنياتي لك بالتوفيق :)

[yazan soft]

الحل انك تشتري كيسة جديدة تكون full tower ومن thermaltake بالذات وكيس armor او shark وهناك ايضا موديلات محترمة منها ,, مع مراوح 12 سم عدد 5 داخل الكيسة ,, وشراء مشتت احترافي للمعالج مثل zalman cnps-9700 ,,

هالعملية يلزمها 1000 ريال تقريبا ,,

[المنسحب]

يازان كلامك صحيح والله..لكن المشكله المشكله بدرجه حراره الغرفه ومهما سوى من تبريد يضل حار لان الغرفه حاره والهواء داخلها راح يكون حار

[الشمشير]

والله اخواني ضيعتوني ....

انا اليوم اخذت جهازي للشغل تخبرون انا اشتغل بقسم الــIT المهم جبت البلاور ونضفت الكيس .... كاملاً

واعدت ترتيب الاسلاك ركبت عليها تاي بحيث تكون وضيعتها ثابته .... الغرفه كانت حرارتها 21 إلى 22 ...


شلت الهيت سينك حق المعالج ... وشيكت المعجون صراحه مو موجود الا اثار معجون واحد زميلي دايم

يركب اجهزه قالي انه يبي له زياده بالمعجون ... انا الي شفته تمنيت اني صورته ... الي شفته بس اثار معجون


لا اكثر ولا اقل .... حرارة باقي القطع جداً ممتازه ... ولكن المعالج جنني ... طبعاً من ناحيه تركيب مروحة

المعالج تركيبها صحيح وطبعاً نضيفه بحكم استخدامي البلاور لكل المراوح الي بالجهاز وتنضيفها


انا ما ادري ولا اعرف كيف اضع المعجون وماهي الكميه الي استخدمها ... والنوعيات الموجوده بالسوق


المشكله المكيف الي عندي ويندو يعني بتطلع عيونه ... السنه الماضيه في شهر ثمانيه ... المحول الرئيسي عند

البيت ماع بسبب الحراره ... الجهاز جديد وانا ما ابيه يتضرر ومستعد ادفع على حل يخلصني من مشكلتي


بشكل ميه بالميه ..... مسألة التكهنات ما تنفع معي صراحه .... ماشالله عليكم


ماقصرتوا اخواني ولكن التكهنات صعبه اعتمدها .....


بالنسبه لبرنامج الــ cpu راح اعطيكم صوره ... ولكن برنامج ضغط المعالج صعبه استخدمه


المعالج حالته سيئه من ناحية الحراره حتى كفائته الاحض انها قلت بشكل ملحوض خصوصاً من ناحية فك ضغط

ملفات الوين رار والبوت

[الفتى المبتسم أنا]

اسمع هذا الكلام

الحل انك تشتري كيسة جديدة تكون full tower ومن thermaltake بالذات وكيس armor او shark وهناك ايضا موديلات محترمة منها ,, مع مراوح 12 سم عدد 5 داخل الكيسة ,, وشراء مشتت احترافي للمعالج مثل zalman cnps-9700 ,,

هالعملية يلزمها 1000 ريال تقريبا ,,

[الفتى المبتسم أنا]

اسمع هذا الكلام من الاستاذ يزن

الحل انك تشتري كيسة جديدة تكون full tower ومن thermaltake بالذات وكيس armor او shark وهناك ايضا موديلات محترمة منها ,, مع مراوح 12 سم عدد 5 داخل الكيسة ,, وشراء مشتت احترافي للمعالج مثل zalman cnps-9700 ,,

هالعملية يلزمها 1000 ريال تقريبا ,,

[a7m1]

فك ضغط ملفات ياخذ طاقة المعالج كلها .. ولا تظن فك الضغط من التطبيقات المكتبية الخفيفة ..
أهم شي بما أنك شفت المعجون منتهي
الحرارة متأكد منها راح تكون 100 % لو طبقت هالكلام
تاخذ لك أي مادة تحتوي على كحول ... مثلا أي مطهر طبي ...
وتاخذ لك قطنه نظيفه وتنقعها بالكحول ... وتمسح بها سطح المعالح بقوة مع مسك المعالج بيدك من أطرافه
ممكن المعجون الأصلي ماينزال بسهولة فبالتالي ممكن تقشعه ب أي بطاقة بلاستيكية . .. وبعدها مسح سطح المعالج بالكحول وكذالك المشتت .
ووضع كمية معجون بمنتصف المعالج تقدر ب حجم حبتين أزر مع مسافة بسيطة حوالي 2 مم بينهم طبعا بالعرض وليس بالطول والمعالج راكب بمقبسه . ... على سطح المعالج فقط وليس المشتت . وركب المشتت وحركه بمكانه لفه لفتين ... واضغط أزرار المشتت الأربعه ...
وبهذه الطريقة ضمنت أنخفاض ما لا يقل عن 8 درجات على الأقل .

[الشمشير]

هذي صورتي للرام والبروسيسر من برنامج الــ CPU-Z

[الشمشير]

هذي صوره لحرارة المعالج بعد ما فتحت الجهاز مباشره

[a7m1]

هذي صوره لحرارة المعالج بعد ما فتحت الجهاز مباشره

حرارة مرتفعه
حاول ما تتعدا 60 مع أقصى ضغط .

[الشمشير]

الوضع سيء


بس للحين ما رسيت على حل انتضر وشو الحل الاكيد

[Sayed Mohammed Almosawi]

الخليج شهر 8 مافيه أجهزه تشتغل :) أساسا ... :)
التبريد المائي لا يحتوي كمبريسر .. يحتوي مضخه وأنابيب و راديتر ...
الكمبريسر ممكن ينضاف للتبريد المائي نوع passive وليس active أي بتغميس أنابيب التبريد للكمبريسر داخل البرج للتبريد ..
ومسألة التبريد لمائي ماله علاقة بحرارة الجو غلط ...
له علاقة أكثر من التبريد الهوائي ...
لكن يعطيك حرارة ممكن تكون مشابهة أو أقل من حرارة المحيط ..
وأخيرا لو درجة الغرفة أقل مايكون والكيس مغلق ولا يحتوي مراوح سوا المشتت والبور ..
الجهاز ماراح يصمد :) :D
أهم شي المراوح
والتبريد المائي ممتاز لكسر السرعة وقت الصيف ...
وبالتوفيق ...
هلا ..
اولاً الكمبريسر او رديتر المهم شئ يبرد هذا قصدي ..
معلومات اول مرة اسمع بها .. التبريد المائي ينزل الحرارة حتى ولو كانت الغرفة حارة ..
عيل اش فايدة الرديتر ؟
و ثاني شئ من قاليك انه لما الكيس مغلق ما يصمد الكمبيوتر ..
لي صديق عنده شركة تصميم .. و الكمبيوترات مفتوحة 24 ساعة .. ما عدا عطلة نهاية الاسبوع ..
الكيس عادي فيه سبّورت تبريد مائي و اشترى ليه 3D Galaxy و درجة الحرارة ما تزيد عن 25 حتى وقت الشغل و حتى وقت الي يكون فيه مو موجود .. يعني شلون ما يفيد ؟!!
و اهو ماخذ بلوكات الى كل شئ .....!!!
و عنده e6850 !
و مدري اكذب الي قدامي لو اصدقك !!
و السلام !
:)

[Stone]

الراديتور يتأثر بدرجة حرارة المكان اكيد .. بس اعتقد انه افضل من الهوائي.

[gran]

الحل انك تشتري كيسة جديدة تكون full tower ومن thermaltake بالذات وكيس armor او shark وهناك ايضا موديلات محترمة منها ,, مع مراوح 12 سم عدد 5 داخل الكيسة ,, وشراء مشتت احترافي للمعالج مثل zalman cnps-9700 ,,

هالعملية يلزمها 1000 ريال تقريبا ,,

1000 ريال صراحه انا اشوف يشتري معالج Q9300 بيكون افضل في رأيي المتواضع :D

شرايكم تعتقدون بيحل المشكله

[TECHNO0O]

والله بصراحه معالجات ال Q6600
في منها اصدارات الناس يشكون من حرارته المرتفع انا برأي كونك تدفع اي ثمن لحل المشكله
مافي غير انك تغير المعالج
والكيسه ل ثيرمالتك ال بلاك ارمور ممتازه في التبريد

[الشمشير]

يا شباب مزيد من المنطق ... ليه اغير المعالج


شي ثاني مافيه حل اكيد

انا ابي حل اكيد لأن الحسابه بتحسب وكل يوم تزيد الحراره فيه

[Stone]

لا والله مو حل انك تغيــر المعالج ...

انا ذكرت لك من البدايــه معالجك Q6600 B3 واهوا حرارته مرتفعه طبيعي .. بس على حسب كلامك انك فكيت المشتت وركبته؟ بس ذكرت انه مافي معجون اساسا ؟ انت حطيت المعجون ولا لأ .. وشكثر الكميه .. ولاحظ انه المعالجات اربع انويه تحتاج كميه صغيره من المعجون.

جرب تفتح الكيس وتشغل المكيف وشغل برنامج core temp و راقب درجة الحرارة.


موفق