لاب CCSP حقيقى

[ahmedhamdy27]

السلام عليكم

بما ان اهل الخبرة كثيرين فى هذا المنتدى العظيم فانا طالب مساعدتهم فى شراء لاب حقيقى لدراسة CCNA & CCSP ياريت لو حد يقدر يقوللى ايه المواصفات اللى احتاجها ويا ريت تقولولى ازاى اجيبها بما انى فى مصر والحاجات دى مش موجوده خالص عندنا وحتى لو موجوده بتبقى اسعارها غاليه جدا مش زى باقى الدول:(
ارجو المساعده والتشجيع لان اللاب ده هيشجعنى جدا عالمذاكرة لانى بحب اشتغل بايدى مبحبش اقرا او اتفرج وخلاص

شكرا جزيلا:)

[هندسه العاشر]

انصحك باستخدام برنامج الدينامبيس فبه سوف تستخدم لاب حقيقي ويمكنك عمل كل شئ
راجع موضوعات العظيم لومارك

[ahmedhamdy27]

شكرا هندسة العاشر على مرورك وردك بس انا شايف ان لا بديل عن الخبرة العمليه ولازم الواحد يشتغل بايدو مهما كان الديناميبس فيه كل حاجة

[هندسه العاشر]

شكرا هندسة العاشر على مرورك وردك بس انا شايف ان لا بديل عن الخبرة العمليه ولازم الواحد يشتغل بايدو مهما كان الديناميبس فيه كل حاجة


طيب انت شكلك مجربتش برنامج الدينامبيز صح ؟؟؟
ربه كدا وقولي رائيك اوك ! ! !
صدقني هتغير رائيك اذا اشتغلت علي روتر حقيقي وبعدها اشتغلت علي دينمابيز
والمثل بيقول : اسئل مجرب ولا تسأل طبيب
وانا من المجربين
وكنت اتمني فكرت امتلاك لاب ولكن الان لغيت فكره امتلاك لاب لان كدا او كدا العمل سوف يوفر ذلك
ان شاء الله
والدينمابيز كافي جدا
وانصحك بان تخطط سوف اعطيك فكر من افكاري وضعته في خطتي المستقبليه ان شاء الله
عندما ادخل شركه واقرر عمل سكيما جديدا او كيس استدي جديد
سوف اقوم ان شاء الله بالتجربه اولا علي الدنيمابيز لضمان ان الموضوع شغال تمام
ومفيهوش اي مشكله
وبكدا يبقي انا وفرت وقت وجهد وفلوس علي الشركه بانها تجرب وترجع تفك لو فيه مشكله
علي الاقل في بدايه ربط الافكار وخصوصا ان كان الكيس استدي او السكيما ضخمه

جرب بس اللي بقولك عليه وصدقني هتقعد تدعي للعظيم لومارك
وتقول الله يباركلك ويوفقك
انت حقا عظيم

اخوك محمد عادل

[ahmedhamdy27]

شكرا محمد هو انا جربت الدينامبس بس مش كتير يعنى هو قوى جدا طبعا وفيه كل اللى ممكن احتاجو لحد دلوقتى انا بس كنت بفكر انى لو لقيت لاب حقيقى بسعر معقول هيبقى افيدلى
وعموما ادينى شغال بالدينامبس لحد ما ربنا يسهل واصادف اى لاب بسعر كويس وبعدين الله اعلم يمكن فعلا لما اغوص فى الدينامبس اكتشف انى مش محتاج

[houdasite]

طيب انت شكلك مجربتش برنامج الدينامبيز صح ؟؟؟
انصحك باستخدام برنامج الدينامبيس فبه سوف تستخدم لاب حقيقي ويمكنك عمل كل شئ

اخوك محمد عادل
طيب تصدق بقا يا عم محمد انا الى مخنوق خانقه ما يعلم بيها الا ربنا انا بدرس فويس دلواتى و برنامج الديناميس ما بيدعمش الا حاجات قليله منوه لما قرفت بصراحه يعنى عندك مثال انا خلص قورص ال quality of service النهارده و مذاكره زى الفل و الحمدلله حتى انى بدى فيه قورصات و كنت شغال بيه على الديناميس و الراوترات شغاله زى الفل اولت النهارده اعمل لاب على السويتشات عشان حدخل الامتحان قريب و اكتشفت ان الديناميس مابيدعمش السويتشات فى الqos امت اتخنقت و اتأرفت اخر ارف و شكلى حشترى سويتش سيسكو بس مش عارف منين ده غير انى حبتدى اول الاسبوع الى جاى فى cvoice و ما خفى كان اعظم بس الى مخفف عنى اثار الصدمه انى بشتغل على لابات حقيقيه فى المعهد نيوهورايزون الى انا فيه و الحمدلله لولا كده كنت حكون بطاطس خالص و ربنا يستر عليا

[lumark_s]

يا أحبة أنا قلت مراراً وتكراراً اللي يريد أجهزة حقيقية يكتب لي ما يريده ، الموديل، العدد ، المواصفات وغيرها من المعلومات وأنا بعون الله سأمنه له لحد عنده في بلده :)

بالنسبة للاب ال CCNA فيا أخي الحبيب خلي الأمور التالي في بالك:

يلزمك راوترات وسوتشات.

السوتشات التي تدعم ال L3 هي غالية الثمن، وأقل موديل يدعم هذه الخصائص هو 3550 وهو ما يعادل ال 800 دولار للسوتش الواحد، ولكن سوتشات ال 2950 تؤدي الغرض ولكن بدون L3 .

بالنسبة للراوترات فموديل 2500 موديل جيد ويؤدي الغالبية العظمى من الآوامر، بإستثناء ال IPv6 والذي ممكن تتدرب عليه من خلال برنامج ال Dynamips .

على الأقل أنت بحاجة ل 3 رواترات و سوتشين.

هذا رأيي والله أعلم.

بالنسبة للاب ال CCSP فياريت تقول لي شكل اللاب ، مكوناته ، الموديلات التي ترغب بها .

[ahmedhamdy27]

شكرا استاذ لومارك على اهتمامك رغم انشغالك طبعا ربنا معاك ويوفقك
بس انا لسه مبدأتش فى CCSP وكنت عايز ابقى جاهز للمذاكرة فعملت الموضوع ده عشان لو كان فى حد درس ccsp يفيدنى بخبرتو ويقوللى ايه اللاب اللى ممكن احتاجو
وعموما انا فى مصر لو تعرف حد فى مصر عنده اجهزة سيسكو ياريت تقولى عليه لو سمحت

وربنا معاك ويوفقك فى امتحانك وان شاء الله راجع لنا بالCCIE :)

[young_pharaoh]

ممكن تأجر لاب من اى شركه تدريس كبيره