المساعد الشخصي الرقمي

مشاهدة النسخة كاملة : إستفسارات هامة بخصوص كورس ال MOS


ayman2009
09-06-2008, 16:13
السلام عليكم و رحمة الله و بركاته

عايز أعرف هو كورس ال MOS بيكون كام وحدة ده بالنسبة للشرح
أما الإمتحانات بتاعته بتكون كام إمتحان ؟
و إيه أفضل مركز في مصر لها ؟
وبتكون كام ساعه و سعرها كام ؟ و سعر إمتحاناتها بكام
وهل الأصدار الحالي في مصر 2003 أم 2007 أم XP
هل عشان أخد شهادة ال MOS ينفع أدخل إمتحان واحد ؟
أرجوا الأجابه
وشكراً لكم جزيلاً
Mohamed Elshreef
09-06-2008, 16:48
الاصدار 2003
ممكن تمتحن امتحان واحد وتاخد الشهاده بتاعته
الموس مقسم الى 4 امتحانات كل امتحانات تمتحنه وتنجح فيه بتاخد الشهاده بتاعته
اما عشان تاخد الشهاده الماستر يعني ماجتسير في الاوفيس لازم تمتحن دول
اكسل مستوى الخبير
ورد مستور الخبير
باور بوينت
اكسس او اوتلوك

بالنسبه للامتحانات الامتحان سعره 180 جنيه تقريبا
بالنسبه للمحاضرات بص لو انت عندك خلفيه حلوة مش مهم تاخد الكورس
خد اسئله محاكه وذاكرها وان شاء الله هتيجي هيا هيا
بخصوص المراكز التي تمتحن فيها ممكن اوراسكوم او فيجن
ayman2009
09-06-2008, 17:44
يعني هما كام إمتحان
لو مستوى أساسي
وكام إمتحان لو مستوى ُExpert
Mohamed Elshreef
09-06-2008, 18:59
بص يا اخي صلي على لانبي
المستوى الاساسي ده سيبك منه لو خلفيتك حلوة في الاوفيس عشان الاساسي ده
زيه زي الاي سي دي ال اعمل مصنف جديد وافتح وكدا
لكن الخبير ده هوا صعب خمس ست حبات بس هينفعك في الحياه العمليه والشغل

انت ممكن تاخد الاكس كور والورد كور بس دي شهادات اساسيه مالهاش لازمه
لكن لو كنت بتفكر تاخد الشهاده الماستر فا زي ما قلتلك فوق عموما هرفعلك رسمه حلوة توضحلك
الليلا ماشيه ازاي
Mohamed Elshreef
09-06-2008, 19:03
https://img257.imageshack.us/img257/5379/roadmapsxx0.gif

دي كل الامتحانات اللي موجوده في الموس واول لما بتخلص امتحان
هتاخد ريبورت بعد الامتحان فيه الدرجه بتاعتك وبعد اسبوعين باذن الله
هتاخد الشهاده بتاعت الامتحان اللي انت نجحت فيه

الامتحان 18 سؤال مده الامتحان 50 دقيقه
الامتحانات صعبه مش زي ICDL بس انت لو اعتمدت على الله ثم ذاكرت
هتلاقي الامتحان تافه جدا وسهل
ayman2009
09-06-2008, 19:54
أولاً شكراً ليك على الرسمه
بس في حاجة
اللي رد عليا في كيت
قاللي أنا حمتحن ورد و أكسيل و باوربوينت ده أساسي
بس عشان أخد الشهادة لازم أمتحن بعد التلاتة دوول أوتلوك أو أوت لوك
يعني كله أربع إمتحانات
فهل الأربع إمتحانات دول يأهلوا للشهادة المستوي الأساسى ؟
وعشان بعد ما أخلص الأربعة دول لو عايز أخد eXPERT أمتحن أيه بعد الأربعه دوول؟؟؟
سؤال أخر:-
هل أسئلة الأمتحان في ال MOS بتبقى متسربه زي ال ICDL ؟ عشان أنا معايا ICDL
ويا ريت لو الأسئلة بتكون ثابته في كل الأمتحانات يا ريت تبعتهالي وأكون شاكر ليك بجد