تحذير لمن يريدون الشراء من أمريكا عن طريق الافراد العاديين

[isad]

تنبيه أوجهه الى ادارة المنتدى والى الاشخاص الذين يريدون الشراء من مواقع تسوق أمريكية عبر أفراد عاديين في هذا المتدى أو غيره

هؤلاء الاشخاص يغالون في السعر تماما كا حدث معي هنا وكنت أسأل عن سعر Apple Ipod 80 وفوجئت بأسعار مبالغ فيها ( 1850 - 1990 ) وعندما أعدت الحسابات وجدته يتكلف 1440 بكل مصاريفه

كده أنا خلصت ضميري وانتو أحرار

[dxbboy77]

تمت الموافقة علي الموضوع ..
dxbboy77 ..

[XTRIP]

اولا السلام عليكم ورحمة الله وبركاته

تانيا واضح جدا ان حضرتك من النوع اللي مفكر نفسه فاهم وهو مش فاهم حاجه خالص لان انا شفت الحسبه اللي انت حاططها في موضوع الاخ نجاتي وحسبتك غلط جدا

تالتا السعر اللي اتعرض عليك محدش غالى فيه وانما بيضاف لبه جمارك وشحن وضرايب ونقل داخلي وعمولات تحويل وخلافه مما يؤدي الى رفع السعر

رابعا انا قلتلك لو انت عايز تعرف تفاصيل السعر ضيف ايميلي وحضرتك متضفتوش

خامسا قبل ما تتكلم وتعمل موضوع مخصوص عشان تهاجم الناس اللي في المنتدى ياريت تكون فاهم الكلام اللي بتقوله كويس

سادسا روح ياسيدي اعمل فيزا واشتري انت بنفسك وشوف هتتكلف كام

سابعا انا مكنتش عايز ارد عليك عشان مش اخش في حوارات الجدال ولكن الضروره تقتضي

[Hatem Bidweihy]

هاقولك حاجة واحدة .. حد ضربك على ايدك

احنا كلنا نصابين و بنكسب فى الحاجة 200% .. بتتعامل معانا ليه .. اشترى مع نفسك يا اخى

[negro wolf]

السلام عليكم
طبعا انا ماليش ف الموضوع ولا اعرف صاحبه ولا اشتريت حاجه من بره عن طريق حد
بس احب اقول رايي
صاحب الموضوع ما كانش يجب انك تكون agressive ابدا و تسيب الناس تجرب
لانهم فعلا اللى بيبيعوا بيقولوا السعر قبل ما بتطلب الحاجه ف ممكن بكل بساطه ترفض
الناس اللى بتشتري حاجات للاعضاء من بره
فعلا بيغلوا ف السعر دى حقيقة علمية ثابته و ملموسة
و ناهيك عن الشحن الداخلى و الخارجى و الوزن و الامور الفنية
بعد كل ده بيحطوا العمولة و دى اللى بتفرق
هما فعلا بيغلوا السعر و لكن ده حقهم
لانه بيع و شراء و من حق كل واحد القبول او الرفض
او انك تعمل فيزا كارد فعلا و تشتري لنفسك
دى وجهه نظري يا شباب بدون انحياز لاى من الاطراف انا ما اعرفش ايان منهم

[HD5870X2]

فعلا الأسعار مبالغ فيها .....

بس فيه حاجة


احنا فى عالم حر بطل يبقى فيه "تسعيرة جبرية" لأى سلعة

شوف مثلا على موقع Pricegrabber.com ممكن تلاقى مكانين على الانترنت فيهم نفس السلعة و سعر واحد فيهم ضعف سعر التانى

أنا عن نفسى لما بحب أشترى حاجة من أمريكا لازم يكون بشروط :

-السلعة مش متوفرة فى مصر أو لما تنزل هتبقى غالية جدا

-أما لو كان السعر مقارب يبقى أجيب من هنا أحسن علشان الضمان


فيه مثال أحب أقول عليه :

فيه هنا أخوة عملوا عرض لكارت ATI HD4870 بمبلغ 2450 أو 2400 جنيه و طبعا لما نزل مصر نزل ب1950 جنيه بس ....طبعا كالعادة هتطلع اشاعة ان حاجات بره فرز أول و حاجات مصر زبالة و ده طبعا كلام فارغ

طيب : الشركات المستوردة للكارت ده مش عليهم نفس مبالغ الشحن و الجمارك ؟ زائد مكسبهم طبعا ....يبقى ليه فرق ال500 جنيه ده ؟ علشان كل واحد حر يحط السعر اللى هو عايزه و الباقيين أحرار يشتروا و لا لأ
الأخوة اللى بيجيبوا حاجات من أمريكا طبعا بيدوروا الأول على pricegrabber أو pricewatch علشان الشحن المجانى و عدم أخذ ضريبة منهم .....و ده حقهم

[azzozy]

اعتقد هذا الشي يعتمد على الشخص الذي تريد التعامل معه فممكن يغلي عليك الاسعار او لا لكن ببساطة يمكنك حساب السعر من موقع امازون او نيوايق او اي شي .
انا في امريكا الأن وكنت افكر في العمل بهذا الشي لكن وجدتها شغلة صعبه علي حالياً ومضيعه للوقت وفيها مخاطرة .

[Hatem Bidweihy]

فعلا الأسعار مبالغ فيها .....

بس فيه حاجة


احنا فى عالم حر بطل يبقى فيه "تسعيرة جبرية" لأى سلعة

شوف مثلا على موقع Pricegrabber.com ممكن تلاقى مكانين على الانترنت فيهم نفس السلعة و سعر واحد فيهم ضعف سعر التانى

أنا عن نفسى لما بحب أشترى حاجة من أمريكا لازم يكون بشروط :

-السلعة مش متوفرة فى مصر أو لما تنزل هتبقى غالية جدا

-أما لو كان السعر مقارب يبقى أجيب من هنا أحسن علشان الضمان


فيه مثال أحب أقول عليه :

فيه هنا أخوة عملوا عرض لكارت ATI HD4870 بمبلغ 2450 أو 2400 جنيه و طبعا لما نزل مصر نزل ب1950 جنيه بس ....طبعا كالعادة هتطلع اشاعة ان حاجات بره فرز أول و حاجات مصر زبالة و ده طبعا كلام فارغ

طيب : الشركات المستوردة للكارت ده مش عليهم نفس مبالغ الشحن و الجمارك ؟ زائد مكسبهم طبعا ....يبقى ليه فرق ال500 جنيه ده ؟ علشان كل واحد حر يحط السعر اللى هو عايزه و الباقيين أحرار يشتروا و لا لأ
الأخوة اللى بيجيبوا حاجات من أمريكا طبعا بيدوروا الأول على pricegrabber أو pricewatch علشان الشحن المجانى و عدم أخذ ضريبة منهم .....و ده حقهم


انا عايز اقول حاجة .. هو الكارت يقف على التوكيل اللى جايب كمية و مغرق السوق زى مايقف على واحد جايب كارت تبع شركة شحن ؟

[XTRIP]

يا جماعه محدش ل حتكر السعر او حاجه
وطبعا شحن كمية غير ما هشحن قطعه واحده
وبعدان احنا قلنا اللي عايز يعرف تفصيلة السعر يتفضل وكل حاجه بالفاتوره.....مفيش كلام من عندنا

[nagaty_1]

السلام عليكم و رحمة الله و بركاته

أولا مفيش كلام يتقال بجد بعد كلام الاخوه الاعضاء !

ربنا يسامحك و يهديك أخى الكريم

بس ياريت بعد كدا باذن الله قبل لما تتكلم عن حاجه تكون فاهم فيها كويس و دارسها و مجربها بالفعل مش كلام و خلاص !

وزى ما قلت لحضرتك جرب تجيبه بنفسك و ابقى قولنا بقى وقف عليك بكام ؟

و بالتوفيق ان شاء الله

[binhadi-1]

ياخي انت مسالتش عن السعر ووفقت طيب هذا قسم البيع الشراء وفيه الشي الغالي والرخيص وانته اختار ده مش جمعيه خيريه بتساعد الناس وربنا يعوض عليك

[binhadi-1]

ياخي انت مسالتش عن السعر ووفقت طيب هذا قسم البيع الشراء وفيه الشي الغالي والرخيص وانته اختار ,,,,,,,,,,,وربنا يعوض عليك

[HD5870X2]

انا عايز اقول حاجة .. هو الكارت يقف على التوكيل اللى جايب كمية و مغرق السوق زى مايقف على واحد جايب كارت تبع شركة شحن ؟

لاحظ المثال اللى أنا قلته وهو كارت ATI HD4870

اللى نزل منه فى مصر كلها 7 كروت متوزعة على 3 شركات يعنى مش كمية ولا حاجة و مش مغرقة السوق ولا حاجة

أنا عن نفسى اشتريت الكارت من أمريكا ب 1598 جنيه بس ده طبعا لأن مفيش عليه جمارك (بس متهيألى الجمارك أساسا 5% على الحاجات دى)

و بعدين فيه مواقع كتيرة جدا فى أمريكا بتشحن مجانا و مش بتاخد Tax و أعتقد ان هى اللى الأخوة بيشتروا منها

خلينا على نفس مثال كارت الشاشة :

2450-1600= 850 جنيه

هل 850 جنيه هى قيمة الشحن الدولى + الجمارك + عمولة الشخص المشترى ؟؟؟

طيب ممكن حد يحط لنا التوزيعة ؟

فى عقلى أنا :

80 جنيه جمرك (لو فعلا 5%) + 152 جنيه شحن لوزن الكارت اللى هو 3 رطل أو 1.36 (قول 1.5 كيلو) = 232 جنيه

850-232=618 جنيه ................هل هى دى العمولة ؟!

آدى قيمة الشحن الدولى الى مصر :

https://www.aramex.com/shopandship/Rates.aspx

وحتى لو الجمارك 10% مش 5% هتبقى 160 جنيه يبقى 312 جنيه زيادة على سعر الكارت و يبقى سعره يبقى 1912 جنيه و هنا بيتباع ب 1950 جنيه و ده مستحيل طبعا يبقى أكيد الجمارك أقل بكتير من 10%

بس خلينا برضو نفترض انها 10%

يبقى عمولة الشخص المشترى فى الحالة دى تبقى 538 جنيه :rolleyes:

أرجو ان محدش يقول لى : انت حاسبها كلها غلط .....لأنى لو حاسبها غلط يبقى ياريت حد يحسبهالنا صح بطريقة مفصلة زى اللى أنا عملتها

[XTRIP]

ههههههههههههه
الجمارك 5 في الميه او 10 في الميه!!!

يا جماهه من فضلكم بلاش تتكلمو في حاجه انتم مش تعرفوها

انا هفهمك يا سيدي الحسبه
اولا الجمارك من يوم علاوة الريس الاجتماعيه زادت وبقت بتوصل ل 20 في الميه
ثانيا احنا بندفع 9 بالميه ضرايب في نيورك
ثالثا احنا بندفع عمولة تحويل عاليه للفيزا الامريكي عشان نشتري لحضرتك من المواقع اللي بتحبها زي نيو ايج وتايجر دايركت
ثالتثا احنا بندفع شحن دولي واعتقد ده سعره معروف 62.5 لول نصف كيلو و42 جنيه لاي نص كيلو بعد كده
رابعا احنا بندفع مصاريف شرايب وتخليص جمركي في مصر
خامسا بندقع شحن داخلي في امريكا وبندفع شحن داخلي في مصر م بيتي لبيت اللي بتامل معاه

ارجو تكون وضحتت لكم الصوره كده
وبعد ما قلت لحضرتك على الحسبه اتفضل احسب اي حاجه انت عايزها والباقي عمولتنا اللي انت مفكرها 600 جنيه يا سيدي
واتمنى مكنش نسيت حاجه فغي الحسبه
سلام

[GoldenLionTech]

اعتقد هذا الشي يعتمد على الشخص الذي تريد التعامل معه فممكن يغلي عليك الاسعار او لا لكن ببساطة يمكنك حساب السعر من موقع امازون او نيوايق او اي شي .
انا في امريكا الأن وكنت افكر في العمل بهذا الشي لكن وجدتها شغلة صعبه علي حالياً ومضيعه للوقت وفيها مخاطرة .


السلام عليكم ورحمة الله وبركاته

حياك الله وهلا والله
وش ذي الغيبة الطويلة
نتمنى أن تكون بخير
بالتوفيق في الدراسة
وترجع بالسلامة

موضوع التجارة يحتاج إلى صبر عجيب
لكن لم يعجبني أسلوب الهجوم على العضو
لمجرد أنه وجد السعر مرتفع بحسب وجهة نظره
يستطيع أصحاب المواضيع طرح وجهة نظرهم بأسلوب أفضل :)

[HD5870X2]

زى ما أنا قلت قبل كده ممكن تشيل بنود الشحن الداخلى و الضريبة 9% اللى فى نيويورك لو دورت شوية على نفس السلعة على Pricegrabber أو Pricewatch

ممكن حضرتك تحط لنا توزيعة سعر الكارت ال HD4870 اللى أنا ذكرته كمثال مع ملاحظة ان سعره فى مصر 1950 جنيه

أنا مش بشكك فى الناس اللى بتشترى بس لازم الكل يبقى عارف المصاريف بالظبط علشان محدش يعترض على الأسعار تانى

أنا كمان لاحظت حاجة كويسة جدا وهى ان فى مصر الأسعار بقت قريبة جدا من أمريكا بل و فيه بعض الحاجات سعرها هنا أقل

يا ريت كمان أى اثبات ان الجمارك على قطع غيار الكمبيوتر بقت 20% لأنى ممكن كده أرفع قضية على مصر لأنها لو عملت كده تبقى بتخالف بنود صريحة فى اتفاقيات التجارة الخارجية و الدولية

[ayman kotb]

لاحظ المثال اللى أنا قلته وهو كارت ATI HD4870

اللى نزل منه فى مصر كلها 7 كروت متوزعة على 3 شركات يعنى مش كمية ولا حاجة و مش مغرقة السوق ولا حاجة

أنا عن نفسى اشتريت الكارت من أمريكا ب 1598 جنيه بس ده طبعا لأن مفيش عليه جمارك (بس متهيألى الجمارك أساسا 5% على الحاجات دى)

و بعدين فيه مواقع كتيرة جدا فى أمريكا بتشحن مجانا و مش بتاخد Tax و أعتقد ان هى اللى الأخوة بيشتروا منها

خلينا على نفس مثال كارت الشاشة :

2450-1600= 850 جنيه

هل 850 جنيه هى قيمة الشحن الدولى + الجمارك + عمولة الشخص المشترى ؟؟؟

طيب ممكن حد يحط لنا التوزيعة ؟

فى عقلى أنا :

80 جنيه جمرك (لو فعلا 5%) + 152 جنيه شحن لوزن الكارت اللى هو 3 رطل أو 1.36 (قول 1.5 كيلو) = 232 جنيه

850-232=618 جنيه ................هل هى دى العمولة ؟!

آدى قيمة الشحن الدولى الى مصر :

https://www.aramex.com/shopandship/Rates.aspx

وحتى لو الجمارك 10% مش 5% هتبقى 160 جنيه يبقى 312 جنيه زيادة على سعر الكارت و يبقى سعره يبقى 1912 جنيه و هنا بيتباع ب 1950 جنيه و ده مستحيل طبعا يبقى أكيد الجمارك أقل بكتير من 10%

بس خلينا برضو نفترض انها 10%

يبقى عمولة الشخص المشترى فى الحالة دى تبقى 538 جنيه :rolleyes:

أرجو ان محدش يقول لى : انت حاسبها كلها غلط .....لأنى لو حاسبها غلط يبقى ياريت حد يحسبهالنا صح بطريقة مفصلة زى اللى أنا عملتها



السلام عليكم ورحمة الله وبركاتة
اخوتى الكرام اسمحولى انى اشارك برأى فى الموضوع مع احتمال ان يكون صح او خطا ومع احترامى لجميع الأعضاء
بداية نحن بنتعامل مع سلع واى سلعة معرضة للعرض والطلب واى انسان بيقى متاح امامة القبول والرفض وكمان بيقى ادامة اكتر من اختيار بمعنى انة مفيش احتكار للموضوع الشراء من الخارج
فيقدراى عضو ان يقارن الأسعار ويختار المناسب لية وانا ملاحظ ان معظم طالبى السلع من الخارج بيقدمة طلبهم لآكتر من شخص لمعرفة ومقارنة الأسعار واختيار اقلهم اما بالنسبة للأخ 9800gtx وطلبة بمثال لتوضيح الأسعار انا بعد اذنكم هديكم مثال وطريقة تختلف عن كل الموجودينالذى يقومو بعملية الشراء من الخارج وهى كالأتى
بنفس مالمثال السابق الخاص بكرت hd 4870
https://www.amazon.com/s/ref=nb_ss_gw?url=search-alias%3Daps&field-keywords=hd+4870

285.03 دولار سعر الكرت
0 شحن داخل امريكا
23.87 دولار ضراءب داخل امريكا
152 جنية الوزن الكرت 3 باوند =1.3 كيلو = 1.5 كيلو
10% من قيمة الكرت + الشحن+ الضرايب=308.90 *10/100 =30.89 دولار

وبعد هذة الحسبة يجب ملاحظة بعد النقاط المهمة الأتية
- سرعة تغير اسعار المواقع وتحديثها بصفة مستمرة
-تغير سعر الصرف للدولار يوميا
-نسبة 1.50 % عمولة للشراء من كروت الأئتمان من المصرى للدولار وبتختلف من بنك لبنك على المبلغ المشرى بة
-نسبة الجمارك فى المثال على اجهزة الكمبيوتر والأب توب كما تم ذكرة من ارامكس 10% من قيمة المشروات و هذا ليس دائما المتبع. حيث تبلغ النسبة المحصلة على الأب توب حاليا فى الجمارك 600 جنية وهى تمشى تبعا لأهواء موظفى الجمارك
-وجود مبلغ 75 جنية تخليص جمركى لأرامكس وهى لست فى كل الأحوال
- النسبة الذى ياخذها العضو نظير تعبة وشراء المنتج من الخارج وهى غير محددة وتختلف من شخص لأخر
- الأهم والذى لم يفكر فية اى عضو من السادة الأعضاء وهى المخاطرة التى يتحملها المشترى وتتمثل فى (وجود منتج مختلف عن ما تم طلبة - حدوث اى مشكلة فى المنتج نتيجة الشحن الخطا مثل الشرخ والكسر- سحب مبالغ اكثر من اللازم بالخطا على الرغم من ندرة حدوثها-تاخر السلعة ومتابعتها لحين وصولها................. وهكذا
وفى الأخر مننساش المنتج بيوص سليم لحد المشترى بدون اى مشاكل
وعلى فكرة دة رائى الخاص ودة مش تفسيير لأخد مبالغ مبالغ فيها من السادة الأعضاءوياريت كل عضو فى الأخر يقول ما هو المبلغ الذى سيتم اخذة نظير احضار المنتج بعد توضيح مبدئى للعضو عن التكاليف المفروض دفعها مع عمل احتمال بنسبة للمبلغ (رنج) بالزيادة والنقصان للجمارك والضرايب فى مصر
اتمنى انى مكنش طولت عليكم بس علشان تعم الفايدة على الناس كلها
والسلام عليكم ورحمة الله وبركاتة

[azzozy]

GoldenLionTech

اهلين اخوي شلونك

واتمنى تكون انت وجميع الشباب في هذا المنتدى بخير والله يوفقكم

[isad]

الأخ XTRIP أسلوبك مرفوض تماما ده مش أسلوب حوار أنا قلت رأيي بأسلوب راقي ولم أستخدم الفاظ غير لائقة
أنا مع التجارة الحرة وكل واحد يحط السعر الي على مزاجه وأنا غلطان اني نبهت الناس لحاجه زي كده كل واحد حر في فلوسه حقكوا عليه

[MM.Group]

"" رحم الله رجلاً سمحًا إذا باع وإذا اشترى وإذا اقتضى ""

ولا تعليق ...........