المساعد الشخصي الرقمي

مشاهدة النسخة كاملة : ما رأيكم فى مواصفات هذا الجهاز؟



omarcnt
01-08-2008, 05:24
ما رأيكم فى مواصفات هذا الجهاز؟

بروسوسور كوارت كواد 2.4 كاش 8 ميجا الباس بتاعه 1033
بورده جيجا بايت p35 ساوند بس الباص بتاعها يقبل لغايه 1033
كارت شاشه 512 ati
كارت ستالايت kworld
رامات 4 جيجا كنجستون الباص بتاعها 833
الكيسه نوعها جاما
الكيبورد والماوس مايكرسوفت
هارد 500 جيجا ويسترن
شاشه 17 dell نوعها lcd
dvd سونى قرايه وكتابه سواء اسطوانات عاديه او دى فى دى
سماعات عاديه


هل الجهاز ده متناسق مع بعضه ولا لا وهيعمل بكفاءه عاليه باذن الله ولا لا
وايه ملاحظاتككم ع الجهاز
وهل البورده ديه احسن ولا الانتل باى انتل

muerte
01-08-2008, 05:46
مع الرامات ال4 جيجا وكرت الشاشة الخارجي يستحسن استخدام نظام تشغيل 64 بت لتستخدم الرام بالكامل.
الmother board ياريت تحدد الموديل بالضبط.
جيجا بايت في هذه الفترة أظنها أكثر استقرارا من إنتل وأسوس.
تأكد من إن الmotherboard بتدعم سرعة الرام اللي هتجيبها.
الcase معرفش شكلها إيه.
بس تأكد إن فيها تهوية وتبريد كويس، يعني مش مجرد مروحة 90مم في الجنب وخلاص.
يعني مروحة في الأمام تسحب الهواء للداخل، ومروحة في الجنب تسحب الهواء للداخل، ومروحة في الخلف تدفع الهواء للخارج، كده يتولد تيار هواء من الأمام للخلف، ولا يسبب تراكم الهواء الساخن في أماكن معينة من الCase

كذلك، تكون المروحة الجانبية أقرب للChipset وكرت الشاشة، لأن الprocessor عليه مروحة أساسا، والمروحة الأمامية تكون قريبة من الHrad disk لأنه مصدر الحرارة الأول في المنطقة الأمامية.
لو فيه مروحتين في الجنب واحد قريبة من ال Chipset وواحدة قريبة من كرت الشاشة يكون أفضل.
كذلك يكون فيها نوع من الاتساع عشان تقدر ترتب الكابلات بحيث متعيقش تيار الهواء داخل الcase مما قد يسبب انخفاض الكفاءة في عملية التبريد.

وكمان احسب استهلاك الطاقة وهات power supply أعلى من الاستهلاك بحوالي 30% لو ماركة معروفة، أو 60% لو حاجة صيني مجهولة المصدر والتركيب، لأن الرقم المكتوب على الpower supply ده بيكون الحد الأقصى، والطبيعي إنه يتعامل في أقصى الظروف مع 85% من الحد الأقصى، لأن الحد الأقصى ده خطوة بعده وياخد كرت أحمر والpower supply مجهول الهوية مش مضمون إنه يعطي ال85% دي، فتعطيله انت مساحة أوسع للخطأ والأفضل تجنبه قدر الإمكان.

Mezoxin
01-08-2008, 05:56
ياريت تذكر ميزانيتك و استخدامك للجهاز عشان أقدر أساعدك :)

omarcnt
01-08-2008, 11:32
الميزانيه 4700 جنيه
انا مبرمج وشغال فى تصميم وعمل المواقع واداره السرفرات وعملى بيحتاج لكمبيوتر بمواصفات عاليه
وانا محبش كل شويه اغير فى قطعه فيه وادفع فيها
اعتقد كده احسن واريح باذن الله

بخصوص الاخ
muerte

اولا البورده نوعها بى دين 35 ومفهوش كارت فيجا
كارت صوت بس بلت ان جوه البورده
تمنها بالضبط 545 جنيه
بخصوص تدعيم السرعه فالفنى بتاع الشركه قال تتوافق لان باص البروسسور 1033 والباص بتاع البورده بيقبل لغايه 1033 يعنى يقبلها ومتوافق معاها
الكيسه نوعها جاما وفيها مروحتين
بخصوص الباور سبلاى فهو 400 واط وحسب كلام الفنى 400 فعليا مش مجرد كلام زى باقى الباور سبلاى

Mezoxin
01-08-2008, 14:25
هو أولاً مافيش بروسيسر باص 1033 هو مفروض 1066 :)

و المذربورد ال-P35 تقبل لحد باص 1333 بس ياريت تذكر الموديل بتاعها بالتفصيل

بالنسبة لشغل حضرتك هل هو محتاج graphic عالي ؟



دي أحسن مواصفات بالسعر دة

Processor : Q6600 2.4Ghz cache 8mb fsb 1066 = 1100LE
Motherboard : Gigabyte P35-DS3L = 630 LE
Graphics card : Gigabyte ATi HD4850 512MB = 1400LE
Ram : 2x1GBkingston bus 800 = 200 LE
H.D.D : Western digital 500 GB (WD5000AAKS) = 460
Case : GAMMA 6xm1 + HEC 450 Watt = 670 LE


Total = 4460LE

omarcnt
01-08-2008, 14:54
لا مش محتاج جرافيك عالى اوى بس عشان الجيمز
النقطه التانيه لابورده سعرها معايا 645 بس عاوز اسال هل النوع ده الترا ولا لا ؟
السؤال التانى هل امكانيات الجهاز ديه متوافقه مع بعض ولا فيه تعارض؟

muerte
01-08-2008, 19:00
ال667 للرام هتكون أحسن من 800
وأقصد بنوع الmother board ال model number الخاص بها.
ثانيا، ال400 وات دي اسمها الpeak wattage يعني المفروض إن من أول ما تشتري الpower supply لحد ما ترميه ما توصلش لل400 وات دي ولا قريب منها.
ثانيا: إذا اشتريت power supply عديم الماركة فده معناه إن الpower supply علشان ينتج خرج 200 وات بيسحب 300 والباقي طاقة ضائعة بتتحول لحرارة في الغالب، وبناء عليه لو حسبت الاستهلاك على مدار سنتين أو ثلاثة والجهاز شغال على طول هتلاقي فاتورة الكهرباء بتدفع فيها قريب من ثمن الpower supply الغالي بس مبتحسش لأنك بتقسط على كل شهر.
لو أضفت لكده إن الpower supply الكويس بيمنع كثير من المشاكل زي الrestart غير المبرر اللي ممكن يحصل كل فترة، أو hard disk يتحرق فجأة بدون مبرر، أو BSOD من غير سبب.
هتلاقي إن الpower supply لما تختاره كويس ويكلفك أكتر بيوفر التكلفة دي فعلا.
ده على فرض إن زي الفني ما قال 400 وات دول خرج حقيقي، وده صعب جدا إنه يكون صح، بس هتحتاج ساعتها تحسب التيار اللي الpower supply قادر يخرجه على كل rail وتضربه في الvoltage وتجمع في الآخر وأظن هتلاقي الpower supply بيخرج في حدود 230 وات على الأكثر.

omarcnt
01-08-2008, 22:00
طيب ايه احسن انواع الباور سبلاى او تنصحنى بأيه فى الباور سبلاى
الكيسه نوعها جاما

moatez
02-08-2008, 02:11
اعتقد ان 4700 جنيه دول بالشاشة فاقترح عليك التجميعة ده
PROCESSOR Intel Core2Duo E8400 3.0 ghz سعره 1000 جنيه
MOTHERBOARD GIGABYTE GA-EP35-DS3L سعرها 650 جنيه
RAM Kingston 2x1GB bus 800MHz سعرها 250 جنيه
vega gigabyte hd3850 512mb السعر 860 جنيه
hard wd 250gb sata السعر 290 جنيه
dvd/rw samsung 20x sata السعر 140 جنيه
case GAMMA 6xg3 + HEC 400 Wattالسعر 500 جنيه
screen philips 190cw 19inc widescreen lcd السعر 1100 جنيه
المجموع 4790 جنيه و منصحكش تجيب الشاشة اقل من 19 بوصه علشان الفرق بينها و بين ال 17 فى السعر بسيط جدا

ملحوظة E8400 اقوى في الاستخدامات العادية والالعاب وتطبيقات التي تدعم نواتين ونواة واحده لكن Q6600 سيكون اضعف منه قليلا فيها لكن قوته ستضهر عند استخدام برامج التصميم الاحترافية مثل AUTOCAD
MAYA
3D / 4D CINEMA وهكذا ,,وعمل الريندر (هذه كلها يلزمها Q6600 )

اما اذا لاتستخدم برامج التصميم من هذه او غيرها فسيكون المعالج E8400 اقوى من Q6600 ساعتها

فشوف نوعية البرامج اللى حضرتك بتستخدمها و على اساسها حدد نوع البروسيسور

muerte
02-08-2008, 02:11
Enermax
Fortron
Tagan
دول أفضل 3 أنواع على حد علمي.
بس مش عارف إذا كانوا موجودين في مصر.

omarcnt
02-08-2008, 11:14
هل فيه اراء تانيه ؟