تجميع جهاز مبرمج+مدمن افلام+تحميل

[الشمشير]

السلام عليكم اخواني


انا جاني واحد من الاصدقاء وقالي ابي تجميع لجهازي والاستخدامات بالموضوع

وحدد لي مبلغ ما بين 4 إلى 5 آلاف ريال ماكسيمم


واخترت اللوحه P45-DS4

والمعالج E8400 <<< بتقولون هالمعالج حقين الالعاب بس انا اخترته بسبب مشكله الحراره العاليه بغرفته وتعرفون ان المعالج حرارته اقل من Q6600 وانتوا عندكم نضره اوسع

والرامات 2 غيغا كينغستون


وكرت الشاشه ATI 4850

والكيس ارمور ميد تاور


ومزود الطاقه 550 كوول ماستر


وطبعاً القائمه قابله للتعديل


بالنسبه لأستخداماته بشكل مفصل

هو مبرمج اوراكل وفيوجال ستديو ودايم يحب يسووي شغله بالبيت وتخبرون الاوراكل حبيب

يأكل المعالج هوا :D


ومشاهدة افلام HD بالشاشه بصفاوة 1080P


اتمنى اخواني المساعده وانكم ما تحطموني لأني دايم احط مواضيع وماحد يرد عليها

[yazan soft]

مواصفات تمام ,,

حاول اشتريله كيسه تهويتها جيده وتكون FULL TOWER ,,

[الشمشير]

لكن يا اخي انا رحت للخبر وللأسف شفت المبالغه بالاسعار وخصوصاً في الاشياء الي مو معروفه اسعارها والله فرووق

جهنميه عن الي نشوفه بالانترنت ..... قاابات كبيره فياليت تدلوني على محلات بالشرقيه اشتري منها


وعموماً انا رحت ابراج الدوسري .. والي شفت عنده هالموصفات محل صام ... بــ 4800 ولكن ما اقتنعت بهالمبلغ

[مجلـد جديـد]

Oracle تأكل الذاكرة العشوائية :)
اتوقع انه من الافضل البحث عن لوحة ام بكرت شاشة مدمج، هناك كروت مدمجه قادرة على تشغيل الافلام بدقة 1080p

[الشمشير]

طيب اخوي وش دخل كرت الشاشه المدمج لأن لو صار كرت شاشه غير مدمج راح يريح المذربورد .....

ممكن تفصل اجابتك لأني مافهمت من ناحيه الكرت المدمج وسبب اختيارك له