المساعد الشخصي الرقمي

مشاهدة النسخة كاملة : مساعده فى تجميع جهاز...



kareem012
13-08-2008, 12:53
الحقيقه يا جماعه دى او مشاركه لى هنا فى المنتدى وكان نفسى بدل ما اطلب شئ كان نفسى اساهم واساعد اى حد محتاج لاستفسار بما انها اول مشاركه على العموم انا كنت محتاج منكم النصيحه انا عاوز اجيب جهاز جديد وهو عباره عن "البورده, والبروسيسور, والرامات, والكيسه" فقط لا غير وسألت ناس كتير ولفيت وسألت فى محلات وشركات انما انتوا عارفين ان اى حد بيبيع منتج الان عاوز يكسب فالمتوافر لديه يطلق عليه الافضل علشان يعمل سيلز او علشان يبيع المهم المكسب انما انا عندى ثقه ان شاء الله انكم هتفيدونى وهتقولولى المعلومه الصحيحه وهو ده الى خلانى اعمل الموضوع واطلب المساعده فيه مش هطول عليكم انا هقولكم الحاجات الى انا افضلها علشان اشترى جهاز جديد,

Motherboard Gigabyte G31 وعاوز اعرف اجيب الباص بتاعها كام وسعرها كام ولو فى حاجه احدث منها تناسب الميزانيه يا ريت اعرفها

Processor الحقيقه معنديش فكره اجيب ايه بس المهم الى يمشى مع البورده ويكون احسن حاجه (أفضل Intel)

Ram. Kingstone 2G وعاوز اعرف الباص بتاعها يكون كام ويا ترى اجيب 2 كل قطعه 1 جيجا ولا اجيب قطعه واحده فقط 2 جيجا ولو قطعتين يبقى الباص كام ولو قطعه يبقى الباص كام وعاوز اعرف البورده دى تشيل كام رام

Vega Card مش عارف برضوا اجيب واحد جديد ولا اشتغل بالى هيبقى موجود فى البورده مع العلم ان الى موجود فى البورده بيكون 256 على ما اعتقد

Case لو فى نوع معين اوكى لو مفيش انا هختار اى شكل كده بس المهم تقولولى PowerSupply يكون كام وات

استخدامى للجهاز شامل يعنى ممكن العاب بس قليل انا مش من هواه الالعاب بس انا عاوز يكون جهاز تمام يشغل كل حاجه ان كان جرافيك او العاب بنسب متكافئه اما بالنسبه للميزانيه انا عاوز ميزانيه تعمل 1.500 وواحده تانيه 2.000 جنيه مصرى وكل واحده على حدى من فضلكم وبكده ابقى شاكر ليكم ولوقتكم فى مساعدتى منتظر ردكم

حاجه اخيره بقى خارج الحسابات سؤال عن هارد 200 جيجا النوع الافضل اطلاقا وسعره

moatez
13-08-2008, 14:25
PROCESSOR Intel Core2Duo E7200 2.5 ghz سعره 670 جنيه
MOTHERBOARD GIGABYTE GA-EP35-DS3L سعرها 580 جنيه
RAM Kingston 2x1GB bus 800MHz سعرها 240 جنيه
VGA POWERCOLOR X1650PRO 512mb سعرها 270جنيه
case GAMMA SMALL + HEC 300 Watt السعر 280 جنيه
المجموع 2040 جنيه

kareem012
13-08-2008, 16:42
PROCESSOR Intel Core2Duo E7200 2.5 ghz سعره 670 جنيه
MOTHERBOARD GIGABYTE GA-EP35-DS3L سعرها 580 جنيه
RAM Kingston 2x1GB bus 800MHz سعرها 240 جنيه
VGA POWERCOLOR X1650PRO 512mb سعرها 270جنيه
case GAMMA SMALL + HEC 300 Watt السعر 280 جنيه
المجموع 2040 جنيه

شكرا على اهتمامك وردك بس يا ريت الاجابه على استفساراتى لو مش هتقل عليك
ايه الفرق بين البورده دى الى g31 وياترى الـg31 يشتغل عليها البروسيسور الى انت ذكرته? ولو مش هينفع ايه اشد بروسيسور يشتغل على الg31?

moatez
13-08-2008, 21:07
شكرا على اهتمامك وردك بس يا ريت الاجابه على استفساراتى لو مش هتقل عليك
ايه الفرق بين البورده دى الى g31 وياترى الـg31 يشتغل عليها البروسيسور الى انت ذكرته? ولو مش هينفع ايه اشد بروسيسور يشتغل على الg31?

معلش ممكن اعرف اسم البورده ال G31 بالكامل

kareem012
14-08-2008, 08:46
معلش ممكن اعرف اسم البورده ال G31 بالكامل

الحقيقه معنديش فكره غير ان هى Gigabyte G.31
أسف,

moatez
14-08-2008, 09:42
عموما بص يا اخى شرائح ال G31 اداؤها ضعيف بالمقارنة بشرائح ال P35 كمان كارت الفيجا المدمج اللى فيها اداؤه ضعيف مش هيعجبك خالص فلو عاوز حاجة ارخص شويه فى حدود 1500 جنيه و تعطيك اداءه كويس ممكن تجيب التجميعة ده
PROCESSOR AMD Athlon64 X2 4800 سعره 400 جنيه
MOTHERBOARD GIGABYTE GA-MA78GM-S2H سعرها 575 جنيه
RAM Kingston 2x1GB bus 800MHz سعرها 240 جنيه
case GAMMA SMALL + HEC 300 Watt السعر 280 جنيه
المجموع 1495 جنيه و المذربورد ده فيها اقوى كروت الفيجا البيلت ان و هتساعدك اوى لو حبيت تطور قدام فشوف كدا

kareem012
14-08-2008, 12:21
عموما بص يا اخى شرائح ال G31 اداؤها ضعيف بالمقارنة بشرائح ال P35 كمان كارت الفيجا المدمج اللى فيها اداؤه ضعيف مش هيعجبك خالص فلو عاوز حاجة ارخص شويه فى حدود 1500 جنيه و تعطيك اداءه كويس ممكن تجيب التجميعة ده
PROCESSOR AMD Athlon64 X2 4800 سعره 400 جنيه
MOTHERBOARD GIGABYTE GA-MA78GM-S2H سعرها 575 جنيه
RAM Kingston 2x1GB bus 800MHz سعرها 240 جنيه
case GAMMA SMALL + HEC 300 Watt السعر 280 جنيه
المجموع 1495 جنيه و المذربورد ده فيها اقوى كروت الفيجا البيلت ان و هتساعدك اوى لو حبيت تطور قدام فشوف كدا

ماشى, بص يا معتز معلش انا عارف انى هتعبك معايا بس معلش انا اخترت من التجمعتين الى انت عملتهم وقولى اي رأيك بس كنت عاوز اعرف حاجه اخيره بين البورده
MOTHERBOARD GIGABYTE GA-MA78GM-S2H
و
MOTHERBOARD GIGABYTE GA-EP35-DS3L
انا شايف ان تقريبا سعرهم واحد ولا الفرق فى ان الاولانيه فيها اقوى كروت الفيجا البيلت ان فقط زى ما انت قلت ولا فى فرق اخر
وياريت تقولى الباص بتاع البورده اجيبه كام

والباقى هيبقى ده

PROCESSOR Intel Core2Duo E7200 2.5 ghz لانى بفضل Intel
RAM Kingston 2x1GB bus 800MHz
case GAMMA SMALL + HEC 300 Watt
يبقى كله 1770 او 1765
على حسب اختيارك للبورده الافضل من الى انت ذكرتهم

اختار بقى انت البورده الاحسن للثلاثه دول مع العلم انى مش ليا فى الالعاب بس عادى ممكن اجيب الكارت VGA POWERCOLOR X1650PRO 512mb بس شويه كده لانى محتاج جهاز يبقى كويس ويشغل جيمز حتى لو مش هشغل عليه العاب

كن عاوز اعرف برضوا اختيارى للـCase يبقى على انه اساس لان الى انت قلت عليها معرفش شكلها ووممكن وانا بشترى شكلها ميعجبنيش فلو ممكن اعرف المعايير الى على اساسها من اختار الـCase يبقى كويس

moatez
14-08-2008, 15:29
ماشى, بص يا معتز معلش انا عارف انى هتعبك معايا بس معلش انا اخترت من التجمعتين الى انت عملتهم وقولى اي رأيك بس كنت عاوز اعرف حاجه اخيره بين البورده
MOTHERBOARD GIGABYTE GA-MA78GM-S2H
و
MOTHERBOARD GIGABYTE GA-EP35-DS3L
انا شايف ان تقريبا سعرهم واحد ولا الفرق فى ان الاولانيه فيها اقوى كروت الفيجا البيلت ان فقط زى ما انت قلت ولا فى فرق اخر
وياريت تقولى الباص بتاع البورده اجيبه كام

والباقى هيبقى ده

PROCESSOR Intel Core2Duo E7200 2.5 ghz لانى بفضل Intel
RAM Kingston 2x1GB bus 800MHz
case GAMMA SMALL + HEC 300 Watt
يبقى كله 1770 او 1765
على حسب اختيارك للبورده الافضل من الى انت ذكرتهم

اختار بقى انت البورده الاحسن للثلاثه دول مع العلم انى مش ليا فى الالعاب بس عادى ممكن اجيب الكارت VGA POWERCOLOR X1650PRO 512mb بس شويه كده لانى محتاج جهاز يبقى كويس ويشغل جيمز حتى لو مش هشغل عليه العاب

كن عاوز اعرف برضوا اختيارى للـCase يبقى على انه اساس لان الى انت قلت عليها معرفش شكلها ووممكن وانا بشترى شكلها ميعجبنيش فلو ممكن اعرف المعايير الى على اساسها من اختار الـCase يبقى كويس

بص يا اخى المذربورد ده MOTHERBOARD GIGABYTE GA-MA78GM-S2H خاصه بمعالجات AMD و لا يمكن تشتغل على الانتل و فيها كارت فيجا مدمج

المذربورد MOTHERBOARD GIGABYTE GA-EP35-DS3L خاصه بمعالجات الانتل و لا يمكن تشتغل على AMD و من غير كارت فيجا مدمج علشان كدا اخترت لك X1650PRO و هو اقل كارت فيجا محترم فى السوق بالنسبه لسعره و اداؤه افضل من اى كارت فيجا مدمج

بالنسبه للكيسه انا احترت الجاما علشان الباور بتاعها من نوع ال HEC و هو من انضف انواع الباورات فى مصر و يقدر يشغلك الكارت من غير مشاكل كمان الكيسه الجاما افضل حاجة فى السوق المصرى من حيث الخامة ممكن تدخل على الرابط ده هتلاقى صورة الكيسه مكتوب تحتها 6c29 :

https://www.gammaegypt.com/Gammacases.htm

و علشان اريحك لو عاوز توفر خلاص هات GIGABYTE GA-G31MX-S2 من جيجابايت سعرها تقريبا 340 جنيه و فيها كارت فيجا مدمج و هتشغل E7200 بس انا رائى ان شريحة ال P35 افضل كثيرا و على فكره سعرها حاليا بقى 565 جنيه و تستحق فارق السعر فشوف اللى يناسبك

الساعدي 2005
14-08-2008, 16:57
تماااااااااااااااااااااااااااااااااااااااااااااااا ااااااااااام

kareem012
14-08-2008, 18:07
انا بشكرك جدا يا معتز واسف على الازعاج