المساعد الشخصي الرقمي

مشاهدة النسخة كاملة : إخوانى الاعزاء انا مقبل على انترفيو خاص بالشبكات مع شركة كبيرة جداً .. ارجوا المساعدة


Daash
13-08-2008, 23:23
السلام عليكم ورحمة الله وبركاتة

اخوانى الاعزاء انا خريج معهد حاسب الى وخبرتى بالكمبيوتر جيدة وقمت بتطوير نفسي وابتديت فى كورس شبكات MCSE واخدت اول حاجتين
70-270
70-274

ولسه هكمل ان شاء الله للنهاية

المهم انا مقبل على انترفيو فى شركة كبيرة جداً بالنسبة إلي وهذ الانترفيو متعلق بالشبكات وبهذا الكورس .

ياريت اعرف ايه الاسئلة اللى ممكن اقابلها فى الانترفيو ده مع الشركات الكبيرة التى بها سيرفر كبير

وياريت اعرف نصائحكم وارشاداتكم ... وشكراً
محمد نور السوري
13-08-2008, 23:45
يا سلام اكون انا الشخص اللي بتتكلم عنه

ربنا يوفقك يا سيدي

على فكرة انا زيك كده خريج هندسة و واخد المادتين دول و امتحنت بيهم

بس للأسف لسا معنديش اي انترفيو و لو عندك يا ريت تبعتلي

على كل موفق ان شاء الله

و يا ريت من أصحاب الخبرة يفيدونا عشان احنا في يوم من الأيام حنعمل انترفيو
MNabrawy
13-08-2008, 23:59
عاوز نصيحتي ماتتكلمش عن اي حاجه انت مش عارفها كويس و اتكلم و انت عادي مش فارقه معاك تشتغل ولا لا

دا هما لو شغلوك هما الكسبانين فهمتني ولا لا

و هاتاخد الشغلانه بعون الله
ameer_s
14-08-2008, 00:31
بالتوفيق
eslamf
14-08-2008, 08:50
بالتوفيق ان شاء الله
اهم حاجة الثقة بالله اولا ثم الثقة بالنفس
ربنا يكتبلك الخير
احمد فخر
14-08-2008, 10:32
بص ياخي هديك شوية نصايح كده لوجه الله ركز اوووي في الي هقولهولك

اولا احذررررر من الارتباك الزائد عن اللزوم لانه اكيد هيربكك وميخلكش تعرف تجاوب صح وزي مقلك بالظبط اخونا متحطش فدماغك انها الاولي والاخيرة ..بلدك مليااااااانة شركات..والرزق بيد الله انت بس اجتهد

ثانيا..امسك فرؤوس المواضيع..بمعني ان حضرتك رتب دماغك صح..اطحن الاول n+ ..عشان هما بيبداو بيها الاول لو لاقوك جامد هيخشوا في الاتقل..وفي حاجات غالبا بتتسال زي البروتوكلات فاحفظ منها علي قد متقدر ..وبعد كده هيخش معاك علي الاكتف ديركتوري وال dhcp ثم dns ..

ثالثا وده الاهم..احب اطمنك ان اي انترفيو يهمه جدااا عقليتك واذا كنت مذاكر ولا واخد باص فور شور ..اصلهم عارفينه زينا تمام...فذاكر الاول ومتشلش هم العملي اووي,,ومتكلمش فحاجة انت متعرفهاش او تقول علي حاجة متقدرش تعملها


وربنا يوفقك
mohamed2121
14-08-2008, 10:43
كما قال الاخ اخمد فخر
وذياده على كلامه هيسألك شويا فالسكيورتى مثل الايزا او بعض البروتوكولات افهم البروتوكلات شويا واهمها عشان لو سألك فالسيكويرتى يشعر انك فاهم
ولو هو هيشتغل Exchange
هيركز شويا عالـ DNS
قبل كلامى وكلام اى شخص صلى صلاه استخاره
وأدعو الله بالتوفيف
ودعوتين من الحاجه وانت نازل رايح الانترقيو هتلاقى العمليه متسهله بأذن الله
الدعوتين مع الصلاه هيشرحو صدرك حتى لو ربنا موفققش لقدر الله
هتلاقى نفس مرتاح ومش زعلان
وبالتوفيق انشاء الله
the_way2allah
14-08-2008, 10:48
جزاكم الله خيرا
Daash
14-08-2008, 16:37
انا شاكر ليكم جداً وادعولنا بالقبول لأن الواحد مش عارف يعمل ايه فى البلد دي

يا إما يعمل مشروع والحكومة والضرايب تحاربة وتكسر جنحاتة يا اما تشتغل عند حد ويسخرك زى العبيد يا إما تسرق

يا تروح مكتب عقود عمل بالخارج وينصب عليك

المهم مش عاوز اعقدكم اكتر من كده ... ادعولي بالتوفيق ان شاء الله
ولو فى حد عمل انترفيو قبل كده بما يخص موضوعي ياريت يقولى ايه الاسئلة اللى بنتسألها ... وشكراً
hanyibm
17-08-2008, 09:14
السلام عليكم اخي العزيز
اولا ربنه يوفقك وبدعيلك من كل قلبي وحاسس بك جدا لاني مريت بالتجربه دي كتير وكان اهمها ان رحت شركة كبيرة في القاهرة ورايح اعمل المقابلة فعملوا لنا امتحان نظري وكان system وانا متخصص في network لاني ccnp وكان الامتحان مركز جدا علي الايزا المهم قلت لهم انه مش تخصصي فقالوا تعالي يوم الاربعاء امتحان network قلت ماشي وامتحنت وطلعت الأول وكنا حواي 35 شاب وفتاة وكذلك في اللغة جبت الدرجات النهائية في كله وجيه يوم مقابلة الشفوي فسال وانا اجاوب لحد ماجيت في pix وانا ابيض فيه بس رديت برده لاني دارس security مع ال ccnp بس بحدود كان المهندس مبسوط وعشمني و000000000000 وانتظرت اسبوع اتنين شهر شهرين واخدت بمبه صراحة كنت في قمة الحزن لان ده مش اول مرة يحصلي وانا متزوج وعندي طفل فالوضع كان صعب ورحت اشتريت فيزا بمبلغ رهيب جدا 233000 ج وسافرت لكن الحمد الله من قبل ومن بعد اشتغلت في اكبر شكرة شبكات في احدي دول الخليج ووفقت والحمد لله واثبت وجودي ولم التفت خلفي واتمني من الله ان يدوم علي التوفيق ويقدرني ان احمده واشكره علي نعمه التي لا تعد ولا تحصي فهذه تجربه لك اخي الكريم واعلم ان في النهاية لن يضيع الله تعبك وهناك دائما الخير من عند الله وسياتي اوانه ان شاء الله
واسف اني طولت عليكم
hodhodegypt13
17-08-2008, 10:49
قيمة الفيزة ديه عجيبة شوية .. ممكن تقوم بتصحيح الرقم
Daash
18-08-2008, 02:00
الحمد لله انا ثقتى فى الله كبيرة جداً وربنا مبينساش حد

وشكراً أخى لرفع معنوياتي وربنا يوفقنا جميعا ً

الاخ اللى بيسأل على مبلغ الفيزا ممكن تكون غلطة متدققش اوى كده حتى لو بمليون جنية الراجل لية هدف من رواية حكاية علينا انه يقولنا اجتهد وربنا مش هيسيبك ابداً
hanyibm
18-08-2008, 10:52
اسف رقم الفيزا 23000 جنيه