ODIN GT 550W gigabyte + 3DAURORA gigabyte [الأرشيف] - منتديات عرب هاردوير

مشاهدة النسخة كاملة : ODIN GT 550W gigabyte + 3DAURORA gigabyte

!! NoMeRcY !!

24-08-2008, 23:05

السلام عليكم ورحمة الله وبركاتــة

بأذن الله ساقوم يوم غد بشراء كيس 3DAURORA gigabyte

وبور سبلاي لنفس شركة الجيجا بايت ODIN GT 550W gigabyte

https://i257.photobucket.com/albums/hh211/klkol/chassis_productimage_gz-fa1cb-ajsaj.jpg

https://i257.photobucket.com/albums/hh211/klkol/power_productimage_ge-s800a-d1_big.jpg

بخصوص الكيس هل هو جيد للتبريد وبخصوص البور سبلاي 550W هل هو جيد لكرتين SLI 8800 GTS .. اما نحتاج الى اكثر من 550w

وأرجو من احد الشباب ان يعلمني باسعارهم في الاردن .. مع اني قمت بتسعيرهم لكن السعر كان مرتفع من عند أكماوير .

وهل صحيح اسعارهم عند تكنولوجية الزمن .. او تكنولوجية العصر وكلاء جيجا بايت انسب .

واذا كان في بور سبلاي اعلى من 550W وبسعر مناسب ونوعية افضل ارجو ان تعلمونا يا شباب

بأنتظار ردودكم

ترى بكرة الشراء :D

alayoubi

24-08-2008, 23:54

هلا أخوي ابراهيم وعليكم السلام

هذا البورسبلاي كان سعره 85 د أما الآن سعره 115 د عند العصرية العربية وأنصح بالفئة Pro من نفس المزود لأن الفئة GT فيه أمور زيادة فزلكات مثل التحكم بتوزيع الفولتية عن طريق سوفت وير وغيرها من الأمور التي لن تستخدمها .

بالنسبة لكرتين الأفضل 800 وات اذا كنت مصر على جيجابايت وسعره لن يقل عن 150 د .

!! NoMeRcY !!

25-08-2008, 00:05

هلا اخوي .. كيف الحال يا غالي .
اخوي بخصوص البور سبلاي 550W كان مسعر بــ 59 دينار بدون ضريبة .. يعني مع ضريبة رح يطلع بحدود 65 دينار ... اما 800W و 750W فــ أسعارهم خياليه بحدود 191 دينار مع الضريبة .

الكيس انا وضعته لأنه بعض الاخوان لديهم نفس الكيس .. يمكن نعرف منهم كم سعرو من مكان غير اكما وير
لأنو طلب 139 دينار بدون ضريبة يعني مع ضريبة بتحكي 160 دينار .

ومنيح الي حكيت عن المعلومة بخصوص GT و Pro والفرق بينهم .

وبخصوص البور انا مش مصر يا غالي على جيجابايت .. لا بالعكس اذا عندك نوعية ممتازه 800 وات بسعر مناسب يا ريت تفيدني .

والف شكر يا غالي على مرورك الطيب

alayoubi

25-08-2008, 00:11

هلا بيك الله يسلمك .

الكيس انا وضعته لأنه بعض الاخوان لديهم نفس الكيس .. يمكن نعرف منهم كم سعرو من مكان غير اكما وير لأنو طلب 139 دينار بدون ضريبة يعني مع ضريبة بتحكي 160 دينار .

اكما وير لا تقرب منه أسعارة غالية عالفاضي . بتروح مباشرة عند تكنولوجيا الزمن سعره 135-145 د شامل الضريبة واذا ما لقيته على العصرية . وطبعا الموديل 570 غير 570S غير بدون 570 وأفضلهم 570 وكما تعلم مراوحه ضعيفه لكن ممكن تمشي الحل .

!! NoMeRcY !!

25-08-2008, 00:14

ما فهمت اخوي بالضبط .. يعني 570 أفضل من 570S .
بعدين هاي ما انتبهتلها لما شفت الكيس بس نفس الشكل الي انا وضعتو .
طيب وبخصوص البور بتعرف مكان نقدر نوخذ من عندو .. غير اكما زفت

alayoubi

25-08-2008, 01:16

نعم 570 أفضل من 570S . وهو نفس الشكل الي وضعته . والمحلات الي ذكرتها فوق بشارع الجاردنز .

!! NoMeRcY !!

25-08-2008, 01:37

الله ينور عليك يا غالي
بكرة بأذن الله بطلع على الجاردنز .. وانتا شجعتني بزياده.. وان شاء الله بلاقي المناسب وما بنروح لاكما زفت .
وبنتبه لشغله الــــ GT و pro بخصوص البور وشغله الكيس والفرق بين 570 و 570S
والله انك خدمتني خدمت العمر .
مشكور يا كبيرنا :)

yazan soft

25-08-2008, 01:50

ابراهيم ماضللي كلام بعد الايوبي ,,

المهم انصحك بمشتت volar بدل 3d rocket II اعتقد انه احسن ,, والكيسه كما حكالك الايوبي جيب AURORA 570 انا اخذتها 145 بس مراد البخاري اخذها ب 130 بس اعتقد انه بعرف حدا امنله اياها ,, لف المحلات بشارع الجاردنز واسال عنها ,,

وانا اخذتها من تكنولوجيا العصر العربيه (AMT) من الجاردنز ,, وحبيبك انا :D بتسالي عندهم عن كرت HD4850 كم سعره اوكي :D

بالتوفيق ابراهيم ,,

!! NoMeRcY !!

25-08-2008, 02:37

ماشي يزن بسألك عن الكرت ولا يهمك
وبحكيلو اني من طرفك .. واكيد رح يراعيني بالسعر .. ورح يحكيلك انو صاحبك مر علي واشترى مني القطع .. :)
اذا لقينا عندو بأذن الله

yazan soft

25-08-2008, 02:48

والله كان بودي يا ابراهيم بس مشغول شوي خلال هالاسبوع سامحنا , وبتيجيها يوم ,,
(قرات ردك قبل لاتحذفه ) :D
طبعا لاتقله يزن لانه مابعرفني بس لو شافني بتيجيه جلطه وببطل يبيعك :D :D

!! NoMeRcY !!

25-08-2008, 02:53

الرد شطبتو بديش اثقل عليك يا كبير مش اكثر .. ويكون احراج ممكن تكون مشغول :)
بس شكلي مقززك انا بالرسائل .. وانتا مقززو على الطبيعة :D:D:D
على العموم بكره بأذن الله بنروح وبنشوف شو بصير .. وبندرج صور الكيس الجديد بالموضوع عشان تباركولنا :p
تصبحون على خير :)

alayoubi

25-08-2008, 10:30

لا تنسى في كمان محل اسمه تايبيه على شمال شركة العصر العربية بــ 100 م تقريبا , ممكن تلاقي عنده بورسبلاي 650 وات من كولرماستر بكفي لكرتين شاشة .

محمد أبوحجلة

25-08-2008, 13:08

السلام عليكم

مبروك مقدما يا برهوم... :D
عنجد 3DAURORA 570 حبيب الشعب الاردني... :D:D
والله الاخوان الايوبي ويزن ما قصروا نهائيا..
انا اشتريت من زمان من عند تكنلوجيا الزمن الكيس بـ 140 دينار و اشتريت بور 700 W نوعة ACBell بـ 120 دينار
والبور ممتاز جدا...
وكما ذكر الايوبي محل تايبية ممتاز واسعرة معقولة.. في صبية هناك اسمها منال حرب بس مابعرف اذا لسة موجودة
بتراعيك بالسعر... :)

وانت على العموم خذلك لفة بالجاردنز.. مش حتخسر اشي... :):D
وشكرا

!! NoMeRcY !!

25-08-2008, 19:16

مساء الخير جميعاً ... اليوم ذهبت في مغامره طويلة بس الحمد لله رجعنا بالكيس والبور
طبعاً الف شكر للايوبي وللاخ يزن والغالي xa3wajx على مساعدتهم الكبيره .
اخذنا بكلامكم .. وجبت كيس 570 بدون S :D وعلى فكرة اللون الاسود انا شفتو احلى عشان هيك جبتو اسود
وتراجعنا عن البور سبلاي 550W وجبت 800W بس كما قال الايوبي جبت الـــــ pro وتركنا الـــ GT مع انو شكلو حلو وكرتونتو حلوه خخخخخخخ .... بعدين الله يكون بالعون عند التجميع .. حسيت حالي بجمع بخزانه دار ههههههه مفاتيح وعده الها اول ما الها اخر .. :p
والشراء تم من عند العصرية .. من الاخ وليــد ...
اخوي أيوبي روحت عند تايبيه الي قارمتو صفرا .. بدي اشوف بور سبلاي بس كان عندو بور 750 نوع sp طلب فيه 145
وكان عندو كيس اسود بس ما حبيت اشتري الكيس من مكان والبور من مكان ... فأخذتهم من العصرية .
اليكم الصور ..

اخوي xa3wajx اي صبيه يا رجل طلعلي واحد عملاق بلحيه :D... شكلو قفل بالمره .. :rolleyes:بس الصبيه كانت موجوده:D .. وعندو هوا كيس ارورا بالمحل بيستخدامو بس لما شفت اللون السكني وهو شغال قلت الاسود بكون احلى ممكن .. وجبنا الاسود مع اني حصلتو من عندو بـ 130 دينار
بس خلص مش حلوه كل قطعة من محل ... عشان هيك اخذتهم من العصرية .

بعدين شو قصة الصبية :D :D :D

https://i257.photobucket.com/albums/hh211/klkol/Ibrahim1.jpg

https://i257.photobucket.com/albums/hh211/klkol/Ibrahim2.jpg

https://i257.photobucket.com/albums/hh211/klkol/Ibrahim3.jpg

https://i257.photobucket.com/albums/hh211/klkol/ibrahim5.png

الف شكر للاخ الايوبي ما قصرت يا غالي والاخ يزن والاخ xa3wajx
بارك الله فيكم .

همسة :
بأذن الله بعد ايام سيركب التبريد المائي .. 3D cooler وبسعر خيالي :D

alayoubi

25-08-2008, 19:46

ما شاء الله , ألف مبروووووووووك عزيزي ابراهيم وتشوف عوشه الخير .
بالمناسبة بكم أخذت البورسبلاي ؟

yazan soft

25-08-2008, 20:06

مبروك ابراهيم ,, تهريهم بالعافيه بس سعر الكيس مابطلع من عندهم بهالسعر قلي مين كان معك ؟؟ :D

والبور كم اخذته ؟؟ :D

وانا بوريك ب وليد الداود :D :D

وايش بالنسه للتبريد المائي وبكم رح تاخذه ؟؟؟

!! NoMeRcY !!

25-08-2008, 20:14

الله يبارك بيك اخوي الايوبي ... البور اخذتو يا غالي 125 دينار بس السعر ديلر الديلر .. يعني مع عصره :D
نفس البور شفتو عند اكماوير كان طالب فيه 161 بدون ضريبه ... :eek: شكلو بفكر حالو بمنطقة سياحية .
والكيس 130 دينار .:D

!! NoMeRcY !!

25-08-2008, 20:16

يزن انا حبيبك يا رجل .. لا تخرب علي شروت 3d cooler ... يا اخوك .:D
انا اخذتهم على اسم محل يا صديقي الو اكاونت عند العصرية .;)
بس حبيبك يا يزن لا تحكيلو لانو رح يعرف على السريع .. اول ما دخلت قلتلو يزن بسلم عليك هههههههه

!! NoMeRcY !!

25-08-2008, 20:24

بالنسبة للتبريد المائي السعر جونااااااااااااااااااااااااااااااااان وهو رح يركبو شخصي .. ورجاني على تلفونو اكم صورة
للـــ 3d cooler هو مركبهم ... انا هون بلطت .. وبدي اجيبو بدي اجيبو .:cool::D

yazan soft

25-08-2008, 20:38

يعني كم سعره ؟؟ (التبريد المائي ) :D

!! NoMeRcY !!

25-08-2008, 21:39

بكره بحكيلك الصافي يا حصتي لاني راجع عندو بخصوص التبريد كان عندو اجتماع بالطابق الاول مع المدير
بكره بعطيك الصافي بالفلس

alayoubi

26-08-2008, 13:06

الأسعار حلوة , بس ان شاء الله ما غلبك بالمفاصلة ;) يعني لو رحتله بيعطيني بنفس السعر .

وهي صورة للتبريد المائي من جيجابايت عالماشي :

https://o9o9.net/up/get-8-2008-zzsudpvb.jpg

LiBeRtY

26-08-2008, 13:06

السلام عليكم

مبارك عليك الصندوق ومزود الطاقة وجيد انك اخذت بقدرة 800W افضل لنظام SLI وكذلك مستقبلاً عند إضافة قطع أخرى .

بالنسبة لمزود الطاقة أظن أنه من أفضل المنتجات وانا لدي النسخة GT وكما يقول البائع ان الفارق بينها وبين نسخة Pro وجود حساس للحرارة وبرنامج قيادة لمصلحة GT , وبالنسبة لي لم أجد فارق تقني بينهما .

هذه صور لمزود الطاقة Gigabyte ODIN GT

https://xs230.xs.to/xs230/08352/odin.fbox623.jpg

https://xs230.xs.to/xs230/08352/odin.bbox904.jpg

وهذا القرص المدمج

https://xs230.xs.to/xs230/08352/odin.800623.jpg

وهذه حساسات الحرارة وعددها اربع اسلاك .

https://xs130.xs.to/xs130/08352/odin.sen1289.jpg

https://xs130.xs.to/xs130/08352/odin.sen2524.jpg

سؤال : بما أن هذا المزود داعم لتقنية SLI فهل سيعطي كامل الأداء بالنسبة لتقنية CrossFire ؟؟

!! NoMeRcY !!

26-08-2008, 13:26

الأسعار حلوة , بس ان شاء الله ما غلبك بالمفاصلة ;) يعني لو رحتله بيعطيني بنفس السعر .

وهي صورة للتبريد المائي من جيجابايت عالماشي :

https://o9o9.net/up/get-8-2008-zzsudpvb.jpg

والله انا بخاف منك بالمفاصله مبين عليك للنفس الاخير :D:D:D
اما بخصوص الاسعار .. والله يا غالي لفيت وشفت وهي افضل اشي .. مع انو ماخذهم ديلر زي ما حكيت بالاول .. يعني لو رحت لعندو بشطارتك بتوخذهم بالسعر الي بدك اياه ..
مع انو مش شايف هالفرق العظيم بين الديلر بين العادي ..
بالنسبة للتبريد المائي فأنا محتاجو بكل صراحة لانو في الوقت الحالي ما في نيه لتغيير
ورح اترك القطع عندي فتره ... بس اذا بدي ابدل .. ممكن يكون تبديل اللوحة الي عندي
والتبديل وارد

ولما بدي ابدل طبعاً انتا موجود ويزن موجود .. وانتو رح تختارو اللوحة بأذن الله :)

alayoubi

26-08-2008, 13:31

سؤال : بما أن هذا المزود داعم لتقنية SLI فهل سيعطي كامل الأداء بالنسبة لتقنية CrossFire ؟؟
المفروض حسب مواصفات البور سواء GT أو PRO أنه يدعم أيضا الكروس فاير لوجود سلك به 2 بن بجانب الـ 6 بن PIN(6+2) PCI-E Connectors وليس شرطا أن تذكر بمواصفات البورسبلاي كهذه الصورة :

https://i6.techpowerup.com/reviews/Gigabyte/Odin_GT_800W/images/pcie_small.jpg

!! NoMeRcY !!

26-08-2008, 13:34

!! NoMeRcY !!

26-08-2008, 13:36

المفروض حسب مواصفات البور سواء GT أو PRO أنه يدعم أيضا الكروس فاير لوجود سلك به 2 بن بجانب الـ 6 بن PIN(6+2) PCI-E Connectors وليس شرطا أن تذكر بمواصفات البورسبلاي كهذه الصورة :

https://i6.techpowerup.com/reviews/Gigabyte/Odin_GT_800W/images/pcie_small.jpg

مشكور اخوي الايوبي على التوضيح يا غالي بارك الله فيك
دائماً مميز يا طيب ..

LiBeRtY

26-08-2008, 14:01

السلام عليكم

بالنسبة لي فقد وجدت GT و Pro بنفس السعر لذلك اشتريت الأول, ولو كان سعره أغلى فلن تكون الزيادات مبرراً لشراءه .

من ناحية الأسلاك الخاصة بكرت الشاشة فتوجد اربع اسلاك كلها 8Pin وشكلها مثل التي في الصورة

https://i6.techpowerup.com/reviews/Gigabyte/Odin_GT_800W/images/pcie_small.jpg

واعلم ان تقنية CrossFire ستعمل عليه ولكن هل نقطة الدعم تعني توفر مصدر كهربائي فقط ؟؟ أم أن هناك أشياء تقنية أخرى ؟؟
ولماذا لم يذكروا دعمهم للتقنيتين على العلبة ؟؟ أيضاٌ هذا ملاحظ على أغلب مزودات الطاقة الداعمة لتعدد الكروت فنجد إما مكتوب عليها SLI أو CrossFire ولا نجد تصريح واضح بدعم التقنيتين على العلبة .

!! NoMeRcY !!

26-08-2008, 14:11

والله بالنسبة للسعر كان في اختلاف بين GT وبين pro ... لكن ليس كبير جداً
بس الاخوه قالو انو Pro افضل وصاحب المحل نصحني بالبرو وحكالي ما بدك الــ GT ... لانو سوفتوير وشغلات زي
مش لانو مش منيح لا بس لانو بدخل بأمور السوفتوير .
على العموم ما رح يكون هنالك فرق كبير .. المهم انو نوعية البور تكون منيحه وتتماشى مع الجهاز والكروت
والله الموفق يا غالي