سؤال عن كروت الشاشة

[badr-aldeen]

السلام عليكم ورحمة الله وبركاته
أولا أنا جديد في هذا المنتدى بس الصراحة عجبني من اول من شفته وأنا ما كنت أتوقع وجود مثل هذا المنتدى من حيث المعلومات المفيدة والقيمة وإن كان بعضها تحتاج لخبير(من وجة نظري)
على كل ما رح طول الحكي
سؤالي عن كروت الشاشة
أنا ما عندي خبرة فيها أبدا كون كل اللوحات يلي تعاملت معها كان الكرت مدمج
فأنا بطلب ولو شرح بسيط عن أنواع ومميزات وإذا ممكن أسعار هذه الكروت (في سوريا)
حيث أني أريد استخدامها في الألعاب مثل Need for speed Carpon-NFS prostreet & fifa .... وغيرها من الألعاب التي تحتاج كروت عالية
وأرجو منكم نصيحتي بأني نوع أشتري
ومشكوووووووووورين سلفا

[أبو فوفو]

اهلا وسهلا وميت السلامه اخوي انتظرني حتى اكتب لك المفيد

[أبو فوفو]

شوف ياعيوني اذاكنت من محبي الألعاب وتريد كرت سعره اقتصادي يعني ببلاش ويشغل لك اتخن لعبة على الميديوم وبدقة 1024 \786 فخيارك هو 8600 GT سعره 3300 ل.س
اما اذا كنت من الهواة فخيارك 8800 أو 9600 GT بسعر تقريبي 8000
أما اذا كنت من المهووسين فشريحة GTX أو GX2 لا بديل عنها بسعر $$$$$$$$$$$$$$$$$$$$$$$$$$$$$$$$$$
الى آخر الصفحة .
بالتوفيق .

[badr-aldeen]

يا أخي مشكور على الرد
بس ممكن تعطيني معلومات تفصيلية مبسطة(لأني ما بدفهم بكروت الشاشة) عن هادا الموديل يلي 8600 GT
وسعره 3300 ل س
يعني شركته و متل ما بيقولو 512 و 256 ولو أني ما بفهم شو هي
وشو قصدك بالميديوم
أني بدي شغل ألعاب متل يلي ذكرتها بأول الموضوع
ويا ترى هل بيأثر كرت الشاشة على الفيديو المشغل يعني بيكون أوضح
وسؤال خارجي ذاكرة 512 ومعالج 2800 سيليرون مناسب لتشغيل هيك ألعاب
وشكرا مرة تانية

[أبو فوفو]

لالالالالالالالالا ياصاحبي بدك تنسى هل المعالج بالمرة لأنو مو قادر الا انو يشغل حالو (سيلرون ما بيتشغل عليه ألعاب أبدا )
لأنو مستعد يحبط أو يحجم أصغر كرت شاشة من النوع الأحترافي .والذاكرة يجب ان تكون 1جيكا فما فوق أقل شي .....
هي أولا ثانيا بالنسبة لكروت الشاشة : بدك تنسالي شغلت كرت شاشة 128 أو 256 أو 512 أو 1جيكا هذا الكلام يتعاملون به فئة الجهلة ومن خلاله ( بيفوتو ا بألف حيط)
ثالثا شريحة الكرت هي المهمة بنسبة 85 \ 100 يعني تصنف الكروت بقوتها على حسب شريحتها من الأقوى حتىالأضعف. LE _ GS_ GT_GTS_GTX_GX2 تبدأ الشريحة الأحترافية من GT وانت طالع يعني اذا شفت كرت 512 ميغا من فئة LE - GS يكونون أضعف من أى كرت 128 ميغا GT هذا الكلام كله على كروت الشاشة نيفيديا
جي فورس أما بالنسبة لأسماء الشركات التجارة عدك عدة شركات بتصنع هل المنتج أنا كرتي من شركة MLT وفي عندك شركات مشهورة اكثر مثل MSI أو جيكا بايت بس بيكون الكرت أغلى شوي اذا كانت الشركة مشهورة . أما عن الميديوم يعني المستوى المتوسط للصورة و الهاي يعني مرتفع واللو يعني منخفض
أرجو ان اكون وفيت بالشرح الكافي .
بالتوفيق

[badr-aldeen]

مشكووور على سرعة الرد
أولا أنا ما عندي استطاعة غير المعالج حاليا فما ممكن تعويضه بزيادة الذاكرة عن 2 جيجا
وفي حالة عدم الاستطاعة شو أقل نوع وأقل سعر لمعالج يشغل اللألعاب
وتانيا شلون يعني شريحة الكرت يعني طريقة تشغيلها ولا شكلها ولا شوووو

[badr-aldeen]

اعذرني على الزعاج بس السعر يلي حطيته قليل
يعني أنا شفت مودلات وما بعرف شو رأيك فيها وبسعرها
https://www3.0zz0.com/2008/09/30/05/412389700.jpg (https://www.0zz0.com)
وفي مجال تشرحلي مواصفات العامة للكروت متل DDR3 و....
وشكرا أنا تقلت عليك كتير