المساعد الشخصي الرقمي

مشاهدة النسخة كاملة : هجيب بروسيسسور E8200 وعاوز النصيحه فى البورد والرام



hakeero2
26-09-2008, 15:15
السلام عليكم ورحمه الله وبركاته
انا قدامى دلوقتى انى اجيب البروسيسور ال E8200 على سعر كويس جدا جدا جدا وفكرت انى ارقى من مواصفاتى الحاليه لمواصفات اعلى بناء على البروسيسسور ده
فدلوقتى ليا 3 أجزاء محتاج الرأى والمشوره فيهم

1- البروسيسسور
ياترى هل انتوا شايفين انه كويس ؟ طبعا انا عارف انه اخ صغير ل E8400 و E8500 والفرق فقط فى ال Multiplier بس انا ناوى اساويه بيهم بإذن الله عن طريق رفع التردد فأيه رأيكم فى البروسيسسور ده ؟

2- المازربورد
دلوقتى طبعا الإختيارات قدامى هتكون من اول الشريحه P35 لحد ال X48 بس انا بعد مقارنات شويه بين ما هو متاح فى الاسوق المصريه ومع الأخد فى الإعتبار عامل االسعر/المزايا/الأداء وصلت لإختيار المازربورد دى
Asus P5q-E
فياريت لو تدونى رأيكم فيها مع العلم انى ناوى ارفع تردد البورسيسسور ده على الأقل ل 3.2 او 3.4 GHZ
ولو حد شايف مازر تانيه افضل وكون فى نفس هامش السعر ( حوالى 1100 جنيه ) ياريت يدلنى عليها

كمان ياريت لو حد يقولى هل لو جبت مازر بالشريحه P35 هيكون برضه كويس ولا لأ مع الأخذ فى الإعتبار موضوع رفع التردد اللى ناوى اعمله

3- الرامات
دلوقتى برضه انا محتار فى انهى رامات فى مصر هتكون مناسبه علشان تضمنلى الإستقرار فى الأداء حتى مع رفع التردد وفى نفس الوقت بكون ال Timing بتاعها قليل علشان تدينى اداء عالى
فأنا سامع ان فيه ال Kingston ال HyperX وكتير بيشكرلى فيها وبيقولى هاتها وانت مغمض بس انا برضه قلت أسألكم بما انكم خبره برضه
فهل اجيب الرامات دى ولا فى بديل افضل فى مصر ؟ مع العلم إنى ناوى اجيب 4GB وعاوزا أشغلهم Dual Channel فطبعا هيكون الموضوع حاجه من إتنين
1gb X 4 or 2Gb X 2

طبعا انا عارف إن كل ال 32bit OS مش هتستفاد بال 4 بس عادى مش مشكله لأنى أولا بشغل virtual Pcs ساعات وكمان اهو الواحد بيبص لقدام.

فياريت النصيحه

ومتشكر مقدما وجزاكم الله كل خير
اخوكم محمد

Planet Hemp
26-09-2008, 15:57
البروسيسور دة حبيبى
هو اول بروسيسور من ثنائى النواة امتلكتةوكانت تجربة كسر السرعة معاة متعة لاتنتهى وكمان كانت بدون الحاجة الى مشتت احترافى كما هو الحال مع الرباعى q6600
اما عن رفعة الى 3 جيجا ومساواتة بالاخ الاكبر لة ال e8400 فدة امر يسير ان شاء الله
البوردة بقى اختيار موفق وممتازة
انا استعمل الان الاقل منها نسبيا ال p5q ولاتفرق عنها الا فى الكروس فاير اضافة بيبات التبريد عليها
لو مش ناوى على كروس فاير هات الp5q افضل ووفر فلوسك مجرد نصيحة وانت حر
لو ناوى على بوردة جبارة وبشريحة انتل p35 لايوجد الان فى مصر اشد من الfoxccon mars
بوردة جبارة وتدعم الكروس فاير بسرعة x16
وتدعم كسر السرعة بشدة وهى حاصلة على عدة جوائز عالمية فى هذا المجال وسعرها الان 1050 جنية
الرامات الKingston ال HyperX لايوجد افضل منها فى مصر الان
طبعا 4 جيجا ممتازة