الكيسة بتكهرب !!!!!

[salsa_hot]

انا عندي مشكلة هي ان الكيسة لما بلمسها بتكهربني مش كل الاوقات بس اوقات كتير بيحصل الموضوع دا كنت عايز اسأل سؤال بقي لو جبت المشترك الفيه الفيش الفيها 3 روؤس و جبت كبل للبور سبلاي بنفس النظام الموضوع دا هينتهي ولا المشترك دا مبيعملش حاجة ....

[ameer_s]

اه لانة الكهربا الزيادة هتتسرب في الكبل الارضي

[salsa_hot]

الف شكر علي سرعة الرد و كابلات الباور البتلت روؤس موجودة في السوق ولا مش هلاقيها

[Mubarak]

إذا كانت كهرباء قوية هذا يعني أن هناك تسرب خطير ممكن يقتل، إذا كانت لسعة فكيبل أبو ثلاث أسلاك يكفي واكيد موجود في السوق

[salsa_hot]

لا مش للدرجة هي بتبقي لسعة كدا لما اجي امسك جنب الكيسة او مسمار او كدا في الكيسة الكهربا مش قوية اوي

[النديم]

الفائدة في الرأس الكهربائي ذو الثلاثة مسامير أن المسمار الثالث يكون متصلاً في النهاية بكابل متصل بالأرض بشكل جيد لتسريب تلك الشحنات إليها، لذا... لن تنتهي المشكلة بمجرد تغيير الرأس ذو المسمارين بآخر ذو ثلاثة، لابد من توصيل الثالث بالآرض.
يمكن كطريقة أبسط... لسلك يريط بين أحد براغي الصندوق (Case) ومسمار مدقوق في الحائط أن يحقق ذلك الأتصال الأرضي ويعمل على تفريغ تلك الشحنات.
النديم

[salsa_hot]

اها يعني كدا المشترك مش هيسرب الشحنات برضو يعني معملناش حاجة يعني ملوش لزمة

[سهيــــــــــر]

اها يعني كدا المشترك مش هيسرب الشحنات برضو يعني معملناش حاجة يعني ملوش لزمة

كيف يعني؟ايش تقصد بكلامك؟؟؟؟؟!!!!!!!!!!!!!
انت الحل لك اما تغير رأس الفيشة الى ابو 3 او تربط سلك مثل ما أشار لك الاخ النديم وفي الحالتين راح تفرغ الشحنات
أظن هو ده المطلوب.و الا ايه؟

[lolo130]

اهلا بالشباب انا دخلت على هذا الموضوع لانى ممن يعانون من هذه المشكله ولكنى بفضل الله فضلت وراها لحد ما منعتها تماما
اولا انا المشكله عندى كانت من ناحيتين من ناحيه الشاشه كان طرف كابل الداتا بيكهرب والتانيه من البورسبلاى نفسه كان بيكهرب طبعا انا فضلت ورا المشكله لحد ما عرفت المهم يا صديقي انا هقولك على الخطوات
اول حاجه افصل كل حاجه من الكيسه وخليها مش متوصله باى حاجه غير كابل الكهرباء فقط!!
لو لسه الكيسه بتكهرب يبقى على طول من غير تفاهم البورسبلاى
ولو انقطعت الكهربا وبقت مش بتكهرب يبقى ممكن تكونالشاشه بتاعتك زى الى عندى بتسري كهربا وفي الحاله دى ملكش حل للاسف :) لان الشاشه كانت مش بتاعتى فانا رجعتها لصحابها وغيرتها واشتريت جديد واشتريت دماغى
اما موضوع البور سبلاى انا حليته بنفسي
انا فكيت البورسبلاى من الجهاز وبعد كدا فكيت البورسبلاى نفسه وطلعته من الغطا المعدنى اللى بيبقى فيه وبعد كدا فكيت البورده اللى عليها المكونات الكتير اللى جوا ومن تحتها هتلاقي ان في حاجات لونها فضي بس على مكان المسامير ما بتدخل تربط اللوحه دى في الجسم المعدنى هتلاقي اماكن لونها فضي كدا ومخططه اعزلها ببلاستر او اى ماده عازله مثل الشطرتون وبعد كدا اقفل البور سبلاى وجرب لو لسه بيكهرب يبقى انت اكيد مش عازلها كويس
لو لقيتها على فكره هيبقوا 4 اماكن لان البورده بتبقى مربوطه بـ4 مسامير في الجسم المعدنى للبورسبلاى ارجو ان اكون وفقت في الشرح واى خدمه انا جاهز بس انا مش هنا على طول ممكن ارد بعد يومين او تلاته

[Tech_Admin]

القى نظرة على الكابلات وتأكد من سلامة العزل
وان شاء الله المشكلة تحل,,,,,,,,,,,,,,,,,

[salsa_hot]

الف شكر علي المساعدة و تم حل المشكلة ربط سلك من الكيسة ع الارض و الشحنات اتفرغت لحد الان الموضوع ناجح شكرا مرة تانية لكل الساعدني و رد ع الموضوع

[rezoufda]

أريد فقط ان أوضح مسألة للإخوة الكرام الذين شاركوا بالموضوع بخصوص كابل الثلاث مسامير
لا يكفي وجود هذا الكابل لإفراغ الشحنات بل يجب توفر ما يسمى بالوضع الأرضي بالفرنسية la mise à la terre
بالمنزل حتى يتم تفريغ الشحنات من الكيس إلى الأرض
لقد اشار غلى ذلك الأستاذ النديم لكنني اردت أن اوضح اكثر

[Bahaa Hamam]

مشكور أخواني لأن المشكلة دية كانت عندي وتم حلها عن طرق مشاركاتكم

[eslamf]

السلام عليكم
انت حاول تسرب الشحنات الزائدة عن طريق الطرف الثالث وهو الطرف الارضى ولا زم توصل الطرف الثالث اللى فى المشترك او توصل اى سلك باى طرف ارضى مثلا مسمار فى الحيطة اة ترابيزة حديد( كما اشار الاخ نديم فى مشاركته )

[واحد مسكين]

يوجد موضوع مهم وضعه الأخ TeT_TaT عن هذا الأمر :
https://www.arabhardware.net/forum/aaithce-caicoaee-aessacaicea/35062-ino-caaacae-caaaea-ac-aae-caio-cacnoi-yi-cassaeiaeen-aeacai-caaiea-aessiyie-eyuaia.html