المساعد الشخصي الرقمي

مشاهدة النسخة كاملة : قائمة بأسعار قطع الكومبيوتر في سوريــة



الصفحات : 1 2 3 4 5 6 7 8 9 10 11 12 13 14 15 16 17 18 19 20 21 [22] 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

أبو فوفو
10-03-2009, 06:25
مشكور أخي خليل على مجهودك الرائع حول الأسعار لكل الفئات وتحياتي لك .

EN.AhMeD
10-03-2009, 16:56
good job my friend:ah7:

Kh@LiL
11-03-2009, 03:41
ياهلا بالشباب منورين الموضوع .
-------------------
آخر المستجدات ....
اليوم نزل معالج AMD Phenom II X3 720 عند الشركة الهندسية للحواسيب وبسعر 7900 ل.س

EN.AhMeD
11-03-2009, 11:20
آخر المستجدات ....
اليوم نزل معالج AMD Phenom II X3 720 عند الشركة الهندسية للحواسيب وبسعر 7900 ل.س

هادا احلى خبر سمعتة اليوم

شكرا صديقي:D

UNIVERSE
11-03-2009, 15:19
راااااااااااااائع مجهووود رائع حبيبي خلييييل
الف شكر اللك
بصراحة شي رائع
ربي يسلم ايديك

virtual_ahmad
11-03-2009, 19:18
الله يعطيك ألف عافية أخي خليل ومشكور عالقائمة الجديدة:ah7:
-----

بس بدي رد إزعجك وأسألك

اليوم نزلت عالسوق مشان اشتري القطع وأحبطت خيرات الله يعني قرار منع الاستيراد إلا من المنشأ كتير مأثر ومافي قطع.......

كرت 9800gtx ماله أثر مافي غير 9800gt / ممكن يشغل الشاشة بشكل كامل t220hd ولا لأ
والـ t220hd المشكلة مافي غيرها بالسوق حتى شاشات 20 مو موجود/أنا بدي ياها بدون قصة tvtuner لأني ماحأستخدمه بالمرة ...
و بدي إسأل مشان قصة السبيكرات اللي جاية ع الشاشة فيني اتحكم فيهم بشكل كامل بحيث إلغيهم ومايشتغلوا بالمرة ولا ممكن يعملوليي مشاكل ويضل يسأل عن السبيكر الإفتراضي
والله فتت بالحيط شو أعمل آخد الشاشة t220hd واتوكل عالله ولا دور على غيرها أحسن
وفي أمل إني لاقي المعالج q6600 مافي منه بالسوق أبداً *آخد الـ8400 ولا حرام لازم آخد الـ quad

وبالنسبة للمذربورد مالقيت إلا msi p45 neo-f شو رأيك فيها منيحة ولا دور على الجيجابايت أحسن
وبالنسبة للباور عند الديجتال نت في بور منزلين اسمهم عليه pk-500eup real 500w سعره 1850
وفي عندهم بورات ميركوري
عند الهندسية في THERMALTAKE اللي مع الكيس

استنى شوي وبينزل قطع اللي عند الديجتال نت قال ممكن ينزل
ولا آخد القطع هيك ولا جيبهم من دبي أو بيروت أحسن

بعتذر عالإطالة بس والله حسيت حالي ضايع بعد مانزلت عالسوق

Kh@LiL
11-03-2009, 23:16
راااااااااااااائع مجهووود رائع حبيبي خلييييل
الف شكر اللك
بصراحة شي رائع
ربي يسلم ايديك
شكرا لكلامك الجميل :)

Kh@LiL
12-03-2009, 00:05
الله يعطيك ألف عافية أخي خليل ومشكور عالقائمة الجديدة
العفو أخي الكريم .

بس بدي رد إزعجك وأسألك

اليوم نزلت عالسوق مشان اشتري القطع وأحبطت خيرات الله يعني قرار منع الاستيراد إلا من المنشأ كتير مأثر ومافي قطع.......
مو مشكلة أخي:D على الرحب والسعة .
بالنسبة لقرار حصر الاستيراد المنتجات الصينية من بلد المنشأ فعلا له تاثير كبير على قطع الكومبيوتر ، وبدأ هذا التأثير منذ مدة وخاصة في أسعار الشاشات وبعض كروت الشاشة ، حيث كانت أسعارها متقلبة بشكل كبير ،وحاليا البضاعة الجديدة ستتأخر بسبب هذا القرار وبالتالي أصبحت المتنجات قليلة واصبح التجار يتحكم بأسعارها بشكل كبير للأسف ، ولكن لن يدوم هذا الحال طويلا فإما هناك استثناءات ستصدر بخصوص المنتجات الرقمية أو سيتعامل التجار مع الأمر الواقع وسترتفع أسعار بعض القطع بشكل نسبي .

كرت 9800gtx ماله أثر مافي غير 9800gt / ممكن يشغل الشاشة بشكل كامل t220hd ولا لأ
والـ t220hd المشكلة مافي غيرها بالسوق حتى شاشات 20 مو موجود/أنا بدي ياها بدون قصة tvtuner لأني ماحأستخدمه بالمرة ...
عندنا في حلب الكرت موجود ، ولكن اذا مالك ناوي تجيب كرت 4870 من باليت فشتري عوضا عنه 4850 من باليت فهو ينافس 9800gtx
واذا بدك شاشة 20 ممتازة شوف السامسونج 2033sn متوفرة في حلب أيضا بسعر 7200 وموديلها شبيه بt220 ومواصفاتها جيدة

و بدي إسأل مشان قصة السبيكرات اللي جاية ع الشاشة فيني اتحكم فيهم بشكل كامل بحيث إلغيهم ومايشتغلوا بالمرة ولا ممكن يعملوليي مشاكل ويضل يسأل عن السبيكر الإفتراضي
نعم يمكنك ذلك ، لا أعتقد أن السبيكرات تحتاج إلى تعريف فهي مثل الهيدفون ويمكنك أغلاقه (80% يمكنك ذلك)

وفي أمل إني لاقي المعالج q6600 مافي منه بالسوق أبداً *آخد الـ8400 ولا حرام لازم آخد الـ quad
طيب ليش ماتجيب معالج AMD Phenom II X3 720 وتحصل على أداء قوي ويتفوق على e8400 وينافس q6600 وبسعر اقل من كلاهما
مع بورد من جيغابايت بشريحة 780 أو 790 وبذلك تحصل على أفضل أداء ممكن بأقل سعر .

بالنسبة للباور عند الديجتال نت في بور منزلين اسمهم عليه pk-500eup real 500w سعره 1850
وفي عندهم بورات ميركوري
عند الهندسية في THERMALTAKE اللي مع الكيس
لا أعرف مدى جودة البور التي عند ديجيتال نت لكن أعتقد أن 500 واط المكتوبة هي ليست فعلية لذلك أنصحك ببور من ماركة محترمة ، اذا لقيت باور من جيغابايت فهي ممتازة وسعرها جيد .

استنى شوي وبينزل قطع اللي عند الديجتال نت قال ممكن ينزل
ولا آخد القطع هيك ولا جيبهم من دبي أو بيروت أحسن

لا أعتقد ان أسعار دبي أو بيروت أفضل من عندنا بالنسبة للمعالجات أو بعض أسعار كروت الشاشة ، هذا عدا أجور الشحن وفقدان الكفالة
بالنسبة للانتظار لنزول منتجات جديدة فالمسالة لا تنتهي فكل مدة تاتي بضاعة جديدة وموديلات أحدث .

بعتذر عالإطالة بس والله حسيت حالي ضايع بعد مانزلت عالسوق
لا عليك ، ان شاء الله أكون أفدتك ، ولاتترد كثيرا:)

Kh@LiL
15-03-2009, 12:23
السلام عليكم

شو أحسن مذر من جيجا بايت
بمعالج amd
وتكون متوفرة بسورية

وشو سعرها

وعليكم السلام .
أفصل لوحة من جيغا بايت هي GA-MA790GP-DS4H وهي بشريحة 790GX وسعرها 7600 ل.س

EN.AhMeD
16-03-2009, 16:54
amd socket am3

+amd socket am2



معالجات اي ام دي الجديدة سوف تدعم مقابس الذاكرة من نوع ddr3 للترددات عالية

اما البوردات التي تدعم فقط am2+تدعم فقط مقابس ذواكرddr2ولكنها بالطبع لديها القابلية لتشغيل معالجات اي ام دي الجديدة

وهذا اقتباس للاخ شلاع العتر


بالنسبة للتوافق بين المعالجات واللوحات من الفئات AM2+ و AM3 ... هذه هي الخلاصة :

1- معالجات AM3 متوافقة مع لوحات AM2+ بشرط ان يتوفر البيوس المناسب ... مع الاخذ بعين الاعتبار ان أغلب لوحات الفئة 7xx من AMD أصبحت تدعم المعالجات AM3 ولكن هناك بعض الشركات الهامشية لم توفر البيوس لغاية الان لبعض الوحات مثل ECS ... (للتأكد مما اذا كانت لوحتك يتوفر لها البيوس المناسب إكتب اسمها في هذا الموضوع ) ...

2- معالجات AM2+ لا تتوافق مع اللوحات AM3 نهائيا بسبب فرق عدد الابر (كما ذكر الاخ hitman)

3- كافة معالجات فينوم2 بجميع فئاتها هي معالجات AM3 بإستثناء فينوم2 940 و 920 ... فقط لا غير .

اتمتى أن تكون قد وضحت الصورة للاخوة ...

بالتوفيق

Kh@LiL
17-03-2009, 03:07
كلام الأخ أحمد سليم .

اخي خليل هذه أقوى مذر متوفرة لدينا؟؟؟
نعم بالنسبة لجيغابايت فهي افضل موديل يدعم AMD حاليا ، هناك موديل أعلى من شركة ASUS بشريحة 790FX ولكن سعره مرتفع جدا أتوقع فوق 14000 ل.س والفارق بسيط جدا مع 790GX ولايستحق هذا السهر أبدا، طبعا البورد GA-MA790GP-DS4H تدعم مقبس AM2+ وتشغل عليها جميع المعالجات الحالية الحديثة بمختلف مقابسها (AM2+ ، AM3) فقط بتحديث البيوس ، وحتى المعالجات القادمة (PHENOM 955 X4,.......... )سيعمل أيضا عليها .
بالنسبة لموضوع دعم الذاكرة DDR3 فالاختبارات الحالية تبين أنه ليس هناك فرق اطلاقا بين DDR2 ,DDR3 في الأداء يستحق هذا الفارق الكبير في السعر.
راجع هذا الرابط :
https://www.tweaktown.com/articles/1782/amd_phenom_ii_ddr2_vs_ddr3_performance/index.html

أبو فوفو
17-03-2009, 03:14
والله شفتلكم مذر بورد من يومين عند محل ديجتال نت بحلب بتاخذ العقل هي ماركة عادية وتجارية بس مواصفاتها قياسا على سعرها رائع
هي ماركة ( آسروك) P45 تقبل ذواكر 16 جيكا DDR2 DDR3 بتردد من 667 إلى 1333 كرت الشاشة
PCI EXPR .2 صوت 10 تقبل معالجات ال LGA من جميع الفئات عدا السيليرون وعدا ( i7 )
بسعر 4400 ل.س
صفقة رائعة .

The Mysterious
17-03-2009, 19:58
مشكورين يا أحلى شباب :)..

بالنسبة للأسعار الجديدة أخي خليل رأيتُها مرتفعة قليلاً، لا أدري لماذا :).

طيّب استفسار صغير...

وين ممكن أجد القطع التالية بأفضل سعر (حلب)..

اللوحة الأم من GIGABYTE
GA-MA790GP-DS4H
طبعاً اللوحة مجهزة بالشريحة 790GX والجسر الجنوبي 750
على فكرة وجدتها عند شركة تهامة لكن السعر مبالغ فيه قليلاً، فما رأيكم :)..

المعالج من AMD
PHENOM 9650 X4

المحرّك الرسومي أيضاً من GIGABYTE
GV-R485OC-1GH أي الكرت HD 4850، طبعاً الذاكرة بسعة 1GB

القرص الصلب من WD
الموديلات..
WD5000AAKS
أو
WD5000AACS

الأول BLUE والثاني GREEN، طبعاً الاثنين بسعة تخزين 500GB وذاكرة كاش بفر 16MB

والشكر الجزيل سلفاً لكل من يقدّم لي المساعدة :).

Kh@LiL
18-03-2009, 03:42
أهلا أخي Bigmaster ، بعد زمان ماعم نشوفك بالمنتدى :)
بالنسبة للأسعار المرتفعة هو الأسعار كانت من فترة شهرين في ادنى مستوياتها بس هلأ في ارتفاع طفيف عن الفترة الماضية أعتقد بسبب قانون حصر الاستيراد من بلد المنشأ ، ولكن بشكل عام أسعار ASUS ,MSI مرتفعة دائما وبشكل كبير واذا لاحظت مافي كتير اختلاف بأسعار هالشركتين من القائمة الأولى لحد الآن !!
بالنسبة للقطع الي ذكرتها :
أسأل عند محل فنري وقل له أنك من منتدى عرب هاردوير وان شاء الله بيعطيك سعر مناسب ، واذا لم تجد طلبك شوف شركة الطحان (البناية أمام عبارة السيديات طابق أول)
بالنسبة للهارد فأعتقد أن الموديل الأول متوفر حاليا وسعره حوالي 2700 ل.س
بالمناسبة كم رأيت سعر البورد عند محل تهامة؟

Kh@LiL
18-03-2009, 03:55
السلام عليكم
اليوم أصبح المعالج Phenom II X3 710 متوفرا عند الشركة الهندسية للحواسيب وبسعر 6900 ل.س
وكذلك توفرت البوردات التالية :
M4A79 T DELUX...........15600
M4A78T-E...........10800
متوفرة عند وكيل أسوس والشركة الهندسية للحواسيب ، طبعا الأسعار مرتفعة كالعادة :confused:

EN.AhMeD
18-03-2009, 12:14
مشكورين يا أحلى شباب ..

بالنسبة للأسعار الجديدة أخي خليل رأيتُها مرتفعة قليلاً، لا أدري لماذا .

طيّب استفسار صغير...

وين ممكن أجد القطع التالية بأفضل سعر (حلب)..

اللوحة الأم من GIGABYTE
GA-MA790GP-DS4H
طبعاً اللوحة مجهزة بالشريحة 790GX والجسر الجنوبي 750
على فكرة وجدتها عند شركة تهامة لكن السعر مبالغ فيه قليلاً، فما رأيكم ..

المعالج من AMD
PHENOM 9650 X4

المحرّك الرسومي أيضاً من GIGABYTE
GV-R485OC-1GH أي الكرت HD 4850، طبعاً الذاكرة بسعة 1GB

القرص الصلب من WD
الموديلات..
WD5000AAKS
أو
WD5000AACS

الأول BLUE والثاني GREEN، طبعاً الاثنين بسعة تخزين 500GB وذاكرة كاش بفر 16MB

والشكر الجزيل سلفاً لكل من يقدّم لي المساعدة .

نورت اخي بيغ ماستر

بالنسبة للبورد فسعرها الحالى 7600 ل.س تجدها عند ...الفنري

المعالج لا انصحك بة....المعالجات الجديدة اقوي وامكانية كسر السرعة بها عالية...مثل 720 & 710

كرت الشاشة.....خد كرت الباليت اداءه رائع بالاضافة الى ذاكرة بحجم 1 ج .ب المزود بها

بالنسبة للهارد ماعندي معلومات عنه للاسف:)

بالتوفيق

أبو فوفو
19-03-2009, 08:10
السلام عليكم
اليوم أصبح المعالج Phenom II X3 710 متوفرا عند الشركة الهندسية للحواسيب وبسعر 6900 ل.س
وكذلك توفرت البوردات التالية :
M4A79 T DELUX...........15600
M4A78T-E...........10800
متوفرة عند وكيل أسوس والشركة الهندسية للحواسيب ، طبعا الأسعار مرتفعة كالعادة :confused:


أخي خليل البارحة ذهبت للشركة الهندسية القائمة خلف ناذي الأتحاد بالجميلية وكانت المفاجئة
أنو ولا واحد من الشباب الموجودين بيعرف هل المعالج Phenom II X3 710 :eek: وأنو لسه ما وصلل عندون وطلب مني أني أرجع بكره :cool:
لحتى يسأل لي عنو بالشام :ah30:
الظاهر يا صاحبي أنو الشباب فايتين بالحيط:D:D:D

The Mysterious
19-03-2009, 12:52
الله يعطيكن العافية يا شباب :)..

أهلا أخي Bigmaster ، بعد زمان ماعم نشوفك بالمنتدى
أبو الخل، والله يا معلم الوقت ضيق الله يعين :(..

بالنسبة للأسعار المرتفعة هو الأسعار كانت من فترة شهرين في ادنى مستوياتها بس هلأ في ارتفاع طفيف عن الفترة الماضية أعتقد بسبب قانون حصر الاستيراد من بلد المنشأ
اها كلامك صح، على كلِّ حال يا صاحبي التجار دخّلو البضايع الصينية من غير بلد المنشأ المشحونة قبل 28 كانون الثاني الماضي ووزارة الاقتصاد عم تدرس وضع البضائع المشحونة بين تاريخي 28 كانون الثاني و25 شباط الماضيين قبل إدخالها إلى البلاد على أساس القانون القديم كمان، وهادا يعني أنّ جميع البضائع الموجدة حاليّاً لسه عم تتعامل بنفس المعاملة السابقة وما شملها قرار حصر الاستيراد ببلد المنشأ، فما إلن المحلات يتحججو بالقرار بإنّو هو السبب بهاد الارتفاع حتى لو كان طفيف :).
هلأ إذا رجعنا لسبب صدور القانون الجديد رقم 212، هو التلاعب بفواتير السلع المشحونة من الدول الآسيوية يعني السلع الواردة بتدخل على سوريا بسعر مخفّض غير سعرها الحقيقي وخاصةً السلع الصينية أو بتدخل على أساس إنها من بلد عربي المنشأ وبالتالي بتنعفى من الرسوم الجمركيّة وبهيك بنضر المنتج الوطني المشابه لهي السلعة المستوردة واللي بصفي سعرها أرخص كمان من البضاعة الوطنية، يعني قطاع التكنولوجيا والمعلومات متل ما قلت نسبة الارتفاع رح تكون محدودة لأنو مافي منافسة أساساً وأغلب البضايع صينية المنشأ.

أسأل عند محل فنري وقل له أنك من منتدى عرب هاردوير وان شاء الله بيعطيك سعر مناسب ، واذا لم تجد طلبك شوف شركة الطحان (البناية أمام عبارة السيديات طابق أول)
إن شاء الله أخوي :)، شكراً كتييييييييييير أبو الخل.

بالنسبة للهارد فأعتقد أن الموديل الأول متوفر حاليا وسعره حوالي 2700 ل.س
اممم، والله يا معلم الظاهر التجار عنا داخلين بالحيط والغريب إنو الاهتمام بموضوع الهاردات كتير محدود من التاجر وبالتالي المستخدم، يا زلمة فتل راسي على طلبي ما لقيتو، وبتوقع الهارد يلي قصدك عليه هو WD5000AAVS وهو من سلسلة هاردات الـGREEN بس حجم ذاكرة الكاش 8MB وشركة WD وقفت خط انتاجو ورفعتو من موقعه، وهلأ كل هاردات من 500GB وفوق لازم ما تقل عن 16MB ومام بتزيد عن 32MB بالنسبة لسعات الـ1TB، تصوّر لما أدخل وأسأل على طلبي يعطيني هاد الهارد :D، أنا ما بدخل معن بمتاهات الموديلات والشرح مشان ما يفتحو تمن مسطولين ويقولو من وين جايب هل الحكي :D، حتى ديجيتال نت لما دخلت لعندو عمبسأل على هاردات 640 و 750 (الأوّل هو طلبي الأساسي)، قلي مافي هيك أحجام وأوّل مرة بسمع فين، قمت اضحكت وقلتلو حسبي الله ونعم الوكيل، هلأ أنا طلبي الأساسي هو WDC6400AAKS بس لما فقدت الأمل من إني ألقطه حوّلت عل خمسمية، اش بدنا نعمل :(.

بالمناسبة كم رأيت سعر البورد عند محل تهامة؟
ياسيدي طلب فيا 8000، هاد الحكي من شهر وأكتر.

اليوم أصبح المعالج Phenom II X3 710 متوفرا عند الشركة الهندسية للحواسيب وبسعر 6900 ل.س
والله سعر أكتر من رائع إذا موجود، حيّاك الله باشا :).

نورت اخي بيغ ماستر

بالنسبة للبورد فسعرها الحالى 7600 ل.س تجدها عند ...الفنري

المعالج لا انصحك بة....المعالجات الجديدة اقوي وامكانية كسر السرعة بها عالية...مثل 720 & 710

كرت الشاشة.....خد كرت الباليت اداءه رائع بالاضافة الى ذاكرة بحجم 1 ج .ب المزود بها

بالنسبة للهارد ماعندي معلومات عنه للاسف

بالتوفيق
حبيبي أبو حميد الله يخليك يارب.

والله البورد كمان فتل راسي عليها مع إنو هي مو طلبي الأصلي يلي كان هو الـUD4 مو الـDS4، بس منيح لقيت اختها عند تهامة من فترة وما رجعت سألتو عنها، وبالنسبة للفنري هداك الوقت ما كانت موجودة عندو.
المعالج ياسيدي ماكنت بعرف إنو الفينوم 2 وصل لعنا لسه، بس ما دام صار متوفر رح حوّل عليه عل الأكيد :)، شكراً كتير علنصيحة باشا.
أمّا كرت الشاشة فما في مشكلة، لأنو المواصفات نفسه وفرق السعر بين الجيجا والباليت ما بيتجاوز الـ200 ليرة، وحبيت كمان يكون الكرت والبورد سيريه من نفس الشركة :D، هلأ السعر لازم ينزل كمان على اعتبار إنو السعر العالمي لهاد الكرت انخفض، وأنا مو مستعجل ومعي لآخر الشهر، يعني بالمحصلة المفروض يتحصل معي بأقل من 9000 ليرة :).

على راسي يا أحلى شباب وأي تطورات جديدة ياريت تزودنا فيّا، والسلام عليكم.

The Mysterious
19-03-2009, 14:01
بشرى سارّة :D..

الآن قمتُ بتحميل لائحة الأسعار الأخيرة بتاريخ 3/17 الخاصّة بالشركة الهندسية للحواسب ووجدتُ القرص WD5000AAKS مندرجٍ فيها بسعر 2750، إن شاء الله يكون متوفّر لدى فرع الشركة لدينا في حلب :o..

الظاهر طلبي الأساسي غير متوفّر ولم يتوفّر :(.

The Mysterious
19-03-2009, 14:17
أيضاً Phenom II X3 720 بسعر 7900 ليرة على ذمة الشركة الهندسيّة للحواسب، بصراحة صفقة رابحة ;)..

EN.AhMeD
19-03-2009, 15:59
هلا فيك اخوي بيغ ماستر


لدى فرع الشركة لدينا في حلب ..

اقولك متل ماقال اخونا ابوفوفو


الظاهر يا صاحبي أنو الشباب فايتين بالحيط
:D



والله البورد كمان فتل راسي عليها مع إنو هي مو طلبي الأصلي يلي كان هو الـUD4 مو الـDS4

بالنسبة للبورد انصحك بان تستني شي اسبوع لانو الطحان قال انو بدو يجيب بوردات جيغابايت بتدعم ددر3
واسعارها مناسبة......



أيضاً Phenom II X3 720 بسعر 7900 ليرة على ذمة الشركة الهندسيّة للحواسب، بصراحة صفقة رابحة

لا....سعروا غالي شوية.....بالنسبة للمعالج اليوم نازل اسال على اسعارون الجدد بالجميلية واكيد رح يكون ارخص عند المحلات التانية

بالتوفيق اخي ان شاء الله جهاز الهنا:ah2:

Kh@LiL
19-03-2009, 17:25
أخي خليل البارحة ذهبت للشركة الهندسية القائمة خلف ناذي الأتحاد بالجميلية وكانت المفاجئة
أنو ولا واحد من الشباب الموجودين بيعرف هل المعالج Phenom II X3 710 وأنو لسه ما وصلل عندون وطلب مني أني أرجع بكره
لحتى يسأل لي عنو بالشام
الظاهر يا صاحبي أنو الشباب فايتين بالحيط
من ناحية فايتين بالحيط لأ هنن فايتين ب60 حيط:D الموظفين عندون مو شاطرين غير يعملوا بحث بالقائمة الي عندون عن سعر قطعة معينة بس مابيعرفو شي اطلاقا عن التقنيات الحديثة متلون متل باقي المحلات .
انا مرة سألتون core i7 وعالبورد الخاصة فيو ، وقلي عبورد p45 مشان اركبها عليه !! الفينوم 2 بالزور ليفهمو عليك شو هاد و....
حتى منتجات thermaltake نفس الشي بالأخير لما بيعرفوا شو القطعة المطلوبة بيقلك هي موجودة بالشام حاليا ، اذا بدك بوصيلك عليها من هنيك .

The Mysterious
19-03-2009, 17:41
والله مشكلة :confused:..


بالنسبة للبورد انصحك بان تستني شي اسبوع لانو الطحان قال انو بدو يجيب بوردات جيغابايت بتدعم ددر3
واسعارها مناسبة......
والله بنتظر ما عندي مشكلة، بس مو ناوي انتقل للـDDR3، وبصراحة اشتريت الرامات وخلصت، فالبورد مركز عليها حاليّاً إلا إذا لقيت الـUD4

لا....سعروا غالي شوية.....بالنسبة للمعالج اليوم نازل اسال على اسعارون الجدد بالجميلية واكيد رح يكون ارخص عند المحلات التانية
بانتظارك... والله يعطيك العافية ويهنيك ويبارك فيك :).

Kh@LiL
19-03-2009, 17:43
اممم، والله يا معلم الظاهر التجار عنا داخلين بالحيط والغريب إنو الاهتمام بموضوع الهاردات كتير محدود من التاجر وبالتالي المستخدم، يا زلمة فتل راسي على طلبي ما لقيتو، وبتوقع الهارد يلي قصدك عليه هو WD5000AAVS وهو من سلسلة هاردات الـGREEN بس حجم ذاكرة الكاش 8MB وشركة WD وقفت خط انتاجو ورفعتو من موقعه، وهلأ كل هاردات من 500GB وفوق لازم ما تقل عن 16MB ومام بتزيد عن 32MB بالنسبة لسعات الـ1TB، تصوّر لما أدخل وأسأل على طلبي يعطيني هاد الهارد ، أنا ما بدخل معن بمتاهات الموديلات والشرح مشان ما يفتحو تمن مسطولين ويقولو من وين جايب هل الحكي ، حتى ديجيتال نت لما دخلت لعندو عمبسأل على هاردات 640 و 750 (الأوّل هو طلبي الأساسي)، قلي مافي هيك أحجام وأوّل مرة بسمع فين، قمت اضحكت وقلتلو حسبي الله ونعم الوكيل، هلأ أنا طلبي الأساسي هو WDC6400AAKS بس لما فقدت الأمل من إني ألقطه حوّلت عل خمسمية، اش بدنا نعمل .
أهلا أخ بيغ ماستر
بالنسبة للهارد أنا كنت متأكد تقريبا انو موديلو ks لأني بتذكر شفتو من شي فترة وكان سعرو 2700 متل ماذكرتلك
بالنسبة لكرت الشاشة فالظاهر شركة باليت ماعادت تستجيب لتغيرات الأسعار العالمية بشكل كامل ، فلذلك ليش ماتشوف كرت 9800gt من باليت وخاصة أنو سعرو رخص بالفترة الأخيرة وصار 6400 ل.س ، يعني سعرو مغري أكتر من كروت ati ، اذا لاحظت أنو 4850 -4870 سعرون ماتغير كتير من أول مانزلوا عنا لهلأ !!
أما من ناحية المنتحات الجديدة من جيغابايت فهو من شي أكتر من شهر عم يقول صاحب المحل انو بدو يجيب بضاعة جديدة (بوردات حديثة,بور سبلاي ....) ان شاء الله ماتتأخر البضاعة ، قبل ماتنزل بالأسواق العالمية شرائح 8xx :D
بالتوفيق :)

The Mysterious
19-03-2009, 18:28
بالنسبة للهارد أنا كنت متأكد تقريبا انو موديلو ks لأني بتذكر شفتو من شي فترة وكان سعرو 2700 متل ماذكرتلك
امممم طيّب تمام :).

بالنسبة لكرت الشاشة فالظاهر شركة باليت ماعادت تستجيب لتغيرات الأسعار العالمية بشكل كامل ، فلذلك ليش ماتشوف كرت 9800gt من باليت وخاصة أنو سعرو رخص بالفترة الأخيرة وصار 6400 ل.س ، يعني سعرو مغري أكتر من كروت ati ، اذا لاحظت أنو 4850 -4870 سعرون ماتغير كتير من أول مانزلوا عنا لهلأ !!
والله أحرجتني باقتراحك :D، سعر الـ9800GT كتير حلو بس مو ناوي أغيّر عن الـ4850 وخصوصاً إني ناوي استغل الـCF بالمستقبل :).

أما من ناحية المنتحات الجديدة من جيغابايت فهو من شي أكتر من شهر عم يقول صاحب المحل انو بدو يجيب بضاعة جديدة (بوردات حديثة,بور سبلاي ....) ان شاء الله ماتتأخر البضاعة ، قبل ماتنزل بالأسواق العالمية شرائح 8xx
:D :D :D..
شو بدو يعمل الواحد فينا !!، المشكلة إنو هم التجار عنا هو الربح أوّلاً وأخيراً وبالتالي حسب طلب السوق بتجي البضاعة، يا أخي تصوّر إنو لحد هلأ الطلب على P31 و nForce 520 مرتفع مع إنو انقرض الطلب عليهن عند غيرنا من فترة منيحة، وهاد دليل على ضعف المستخدم في تحديد خياراته، والتركيز على السعر المغري على حساب المواصفات والجديد، وبالتالي انجرار التجار إلى التركيز على بعض القطع المتوسطة ذات السعر المنخفض وأغلب الضعيفة واهمال قطع المستوى العالي النادرة التواجد اللهم إلا عند البعض، لكن عندها ستكون بسعر مرتفع على الأغلب للأسف الشديد وخاصّة منتجات الشركات المعروفة مثل Asus و MSI.

بالمناسبة أخي أحمد شو رأيك تبيعني بوردك لازمتني وحده متله :rolleyes:..

EN.AhMeD
20-03-2009, 21:36
هلا شباب


والله بنتظر ما عندي مشكلة، بس مو ناوي انتقل للـDDR3، وبصراحة اشتريت الرامات وخلصت، فالبورد مركز عليها حاليّاً إلا إذا لقيت الـUD4

البوردات الجديدة لما بتنزل عنا بيصير التاجر بدو ينفق البضاعة القديمة وهي معنا ها انو الاسعار بتزل شوي

بالنسبة للذواكر ال ددر2 افضل شي حاليا والمهم تكون بسرعة 1066 لانو معالج اي ام دي بيستفيد من كل ميغا هيرتز متوفرة بالذواكر.....

بعد مشوار طويل على محلات الجميلية شفت كام سعر جديد:

معالج فينوم 2 940 صار بسعر 11500 بس عند الطحان

وفي شاشة ال جي جديدة قياس 22--تباين 30 الف--سرعة استجابة 2--معها كبلات DVI--سعرها 11500 ل.س وموديلهاW2284F
وهي صورتها
https://lcd-lg.monitori.datortehnika.eclub.lv/cache/product_images/big/20090112/quot_1680_x_1050_(wsxga_)_83khz_2ms_30000_1_(dfc)_ 300cdqm_176(h)_170_1.jpg
بس:D


بالمناسبة أخي أحمد شو رأيك تبيعني بوردك لازمتني وحده متله

تكرم عيونك اخي بيغ ماستر انت غالى عليي

اذا بدك نحكي بالموضوع جد خلينا عل خاص :D

omar-tdm
21-03-2009, 17:15
مين بيعرف مكان وجود أحد الهاردات التالية مع الأسعار

WD Caviar Black
WD1001FALS 1000GB 32MB
WD7501AALS 750GB 32MB
WD6401AALS 640GB 32MB
WD5001AALS 500GB 32MB

alfannan
22-03-2009, 02:02
إخواني
أريد أن أشتري كرت ستالايت skystar HD2 وأر يد أن أعرف ما هو سعره وأين يباع في حلب
ما رأيكم بالشاشة BenQ T2200 1920*1080 قياس 21.5"
سعرها عند ديجيتال نت خيالي 7950
أيهما أفضل للألعاب وأفلام البلو راي معالج Q9550 أو i7 2.66 أو e8600

The Mysterious
22-03-2009, 02:25
ع راسي أبو حميد :).

بالنسبة للذواكر ال ددر2 افضل شي حاليا والمهم تكون بسرعة 1066 لانو معالج اي ام دي بيستفيد من كل ميغا هيرتز متوفرة بالذواكر
والله بدي أضطر أخفّض التردّد عند كسر السرعة، مشان هيك اشتريتن بتردّد 800MHZ

معالج فينوم 2 940 صار بسعر 11500 بس عند الطحان
غااااااااااااااااااالي، خلينا عل Triple :)، الظاهر ماحصّلت معلومة بخصوص الفينوم 2 720 ؟؟..

وفي شاشة ال جي جديدة قياس 22--تباين 30 الف--سرعة استجابة 2--معها كبلات DVI--سعرها 11500 ل.س وموديلهاW2284F
وهي صورتها
صفقة روعة والله من ناحية السعر والمواصفات، بس أنا مالي صحبة مع الـLG، عداوة أزليّة :D، أخدت سامسونج T200HD

تكرم عيونك اخي بيغ ماستر انت غالى عليي

اذا بدك نحكي بالموضوع جد خلينا عل خاص
الله يخليك، خلص مادام أخدت الأوك منّك ;)، بس اتفضّى للموضوع براسلك على خاص :).

مين بيعرف مكان وجود أحد الهاردات التالية مع الأسعار

WD Caviar Black
WD1001FALS 1000GB 32MB
WD7501AALS 750GB 32MB
WD6401AALS 640GB 32MB
WD5001AALS 500GB 32MB
هلا وغلا أخي عمر :).

ياصاحبي لاتعذّب حالك، شبه مستحيل تلاقي هارد WD من سلسلة البلاك، إذا البلو مو متوفّر والغرين طلبك بالزور لتحصّلو، فشو بالك بالبلاك :o، الله يعين أحسن شي !!..


بالمناسبة أخي عمر :)..
لاحظت بوردك الـGA-MA790GP-DS4H، نفس طلبي، كيفه معك ؟؟، من وين حصلته وبكام ؟؟، بالنسبة للبايوس شو إصدارو عندك من أوّل ما اشتريت اللوحة ؟؟ بس ما يكون F1 :o، لأنّو عندي مشكلة ؟!.. كيف بدي حدّث البايوس من دون معالج من الـF1 للـF3 مشان الفيوم 2 720 إذا صار نصيب واشتريتو :rolleyes:، إذا صار ما صار عم فكّر ضل عل B3 Phenom X4 9650 مع إنّو المفضّل طبعاً الـPhenom II 720 X3 لأسباب مابدنا نذكره هلأ:D.. فشورأيك ؟؟.

The Mysterious
22-03-2009, 03:00
أريد أن أشتري كرت ستالايت skystar HD2 وأر يد أن أعرف ما هو سعره وأين يباع في حلب
Skystar2 HD، وجدتُه عند روّاد العرب بسعر مرتفع نسبيّاً وهو 5000 ليرة

ما رأيكم بالشاشة BenQ T2200 1920*1080 قياس 21.5"
لا أنصحك بها، لقدمها وتخلّفها في المواصفات الفنيّة، فهناك الأفضل (من المتوافر طبعاً في أسواقنا)، مثل الشاشة التي وضعها الأخ أحمد في مشاركته الأخيرة وهي ممتازة فعلاً بسعرها ومواصفاتها، أو T220 من Samsung :).

أيهما أفضل للألعاب وأفلام البلو راي معالج Q9550 أو i7 2.66 أو e8600
بالنسبة للـBluRay الجميع متشابه، أمّا الألعاب فهناك فرق، وطبعاً الـCore i7 920 هو الأجدر إذا كانت الميزانيّة مفتوحة، بالمناسبة لا أدري كم ثمنه لدينا ؟؟ :)..