المساعد الشخصي الرقمي

مشاهدة النسخة كاملة : قائمة بأسعار قطع الكومبيوتر في سوريــة



الصفحات : 1 2 3 4 5 6 7 [8] 9 10 11 12 13 14 15 16 17 18 19 20 21 22 23 24 25 26 27 28 29 30 31 32 33 34 35 36 37 38 39 40 41 42 43 44 45 46 47 48 49 50 51 52 53 54 55 56 57 58 59 60 61 62 63 64 65 66 67 68 69 70 71 72 73 74 75 76 77 78 79 80 81 82 83 84 85 86 87 88 89 90 91 92 93 94 95 96 97 98 99 100 101 102 103 104 105 106 107 108 109 110 111 112 113 114 115 116 117 118 119 120 121 122 123 124 125 126 127 128 129 130 131 132 133 134 135 136 137 138 139 140 141 142 143 144 145 146 147 148 149 150 151 152 153 154 155 156 157 158 159 160 161 162 163 164 165 166 167 168 169 170 171 172 173 174 175 176 177 178 179 180 181 182 183 184 185 186 187 188 189 190 191 192 193 194 195 196 197 198 199 200 201 202 203 204 205 206 207 208 209 210 211 212 213 214 215 216 217 218 219 220 221 222 223 224 225 226 227 228 229 230 231 232 233 234 235 236 237 238 239 240 241 242 243 244 245 246 247 248 249 250 251 252 253 254 255 256 257

Kh@LiL
27-10-2008, 22:04
طبعا انا رح انزل عالسوق .. بس حبيت استفيد من تجربتكم .. ومشكورين على كل حال على الردود المفيدة .. أخي الكريم خليل .. ألا نستطيع حل مشكلة الالعاب بضبط الشاشة على روزيليوشن اقل ..
بالنسبة للكفالة أنا تخربطت شوي فالأخ lebknight يقول انها 3 نقط بالنسبة للسامسونج بينما فهمت من الاخ خليل انها نقطة واحدة .. هل هي بحسب الماركة ام كل محل الو كفالتو على ذوقو ..
كمان سؤال يا اخ خليل انت بعد ما انتقلت من شاشة 17 CRT الى 22 وجدتها كبيرة كما قلت .. هل وجدتها كبيرة بشكل مزعج ام كنت مرتاح للحجم وهل انت مضطر للابتعاد مسافة اضافية عن الشاشة عند العمل عليها و للا ما غير معك شي ..؟؟؟
بالمناسبة أنا من طرطوس و شكرا عالسؤال
العفو
تستطيع اللعب على دقات أقل ولكن ستظهر تفاصيل اللعبة بشكل أكبر وغير متناسق مع حجم الشاشة ولكنها مقبولة نوعا ماوتستطيع اللعب على دقة 1024 كما كنت بالسابق ولكن بتفاصيل أضخم .....
اما بالنسبة لموضوع الكفالة فبالنسبة لهذا الموديل بالذات فكفالته عالبكسيل الواحد حسب الشركة الكافلة
وفي شركات مختلفة بتختلف معها الكفالات الخاصة بها والكفالة بتكون حسب الماركة .
وبالنسبة للحجم بدك وقت للتعود عليها وأكيد بدي أكون مضطر للابتعاد أكثر من قبل وبشكل عام يفضل الابتعاد مسافة 2.2 متر حسب حجم الشاشة يعني يفضل يكون عندك طاولة كبيرة مشان المسافة.
بالنسبة للشاشة المذكورة فلم أجدها سوى عند شركة ديجيتال نت الموجود في دمشق وحلب لذلك عليك بالبحث عنها كثيرا وعندما سألت الموارد الحديثة عنها (وكيل سامسونج في سوريا) لم يعرف أي شيء عنها وهي غير متوفرة عنده.
بالتوفيق

Kh@LiL
27-10-2008, 22:35
ماشاء الله اليوم تخفيضات كبيرة في أسعار بعض القطع في ديجتال نت مع نزول قطع جديدة..

الذاكرة ::
طقم ADATA 2*1GB بسرعة 800 ومع مشتت أصبح بسعر 1700 ليرة ..
طقم ADATA 2*1GB بسرعة 1066 ومع مشتت أصبح بسعر 2100 ليرة ..
طقم ADATA 2*2GB بسرعة 800 مع مشتت أصبح بسعر 2900 ليرة ..
والجديد نزول ذاكرة ADATA بحجم 2GB قطعة واحدة وسرعة 1066 مع مشتت بسعر 2100 ليرة (قطعتين بسعر 4200 )..
ونزول قطعة واحدة بحجم 4GB وسرعة 1066 مع مشتت بسعر 3800 (زائدة عن الحاجة بالحقيقية لأنك ستضطر لشراء قطعتين لتفعيل الوضع الثنائي ليصبح الحجم الاجمالي 8GB الزائد عن احتياجات 99% من المستخدمين)..

كروت الشاشة::
PALIT 9600GT بذاكرة 1GB بسعر 6400 و PALIT 9800GT بذاكرة 1GB بسعر 7400 ليرة وكلاهما بكفالة سنة ونصف (أصبحا متوافرين الأن في فرع ديجتال نت في الشام)..
والجديد نزول PALIT HD4850 بذاكرة 1GB وسعر 9500 ليرة..

أصبحت بالحقيقية متشوقاً لتجميع جهازي الجديد ..
أسعار الرامات أصبحت جميلة بارك الله فيك
وبالتوفيق في تجميع جهازك الجديد .

Kh@LiL
27-10-2008, 22:37
lebknight: بدي اسألك بخصوص كرتك 4870 شلون الوضع عندك من ناحية الحرارة والأداء وفيو شي مشاكل؟

lebknight
28-10-2008, 00:42
lebknight: بدي اسألك بخصوص كرتك 4870 شلون الوضع عندك من ناحية الحرارة والأداء وفيو شي مشاكل؟

الكرت من ناحية الاداء ما تسأل شي فعلاً جبار يعني كرت رائع جداً لاي استخدام
اما بخصوص الحرارة فحرارته ثابته بين ال 49 و ال 53 بحالت السكون و بترتفع بالالعاب بس المراوح حاططهم على الاوتو يعني لما بتدخل لعبة و بترتفع درجة الحرارة بتقوي المراوح طبعاً في شغلة انوا الكيس عندي صغير و تهوئتوا مش منيحة ابداً عشان هيك الهواء السخن الى عم يطلع من الكرت عم بيظل جوا الكيس و عم بيسخن المعالج عشان هيك اذا عندك كيس فيها تهوئة جيدة فنصيحة تجيب هال كرت و الظاهر عليه انوا امكانياتوا الحقيقية هي بتفعيل ال shaders و ال AA يعني هون تفوق كروت ال ATI و اي استفسار بخصوص الكرت جاهز ان شاء الله

shalanss
28-10-2008, 10:50
سؤال الى الاخوة هل معالج انتل E7200 متوفر بالاسواق واين وبكم ؟

alsadinet
28-10-2008, 11:45
ماشاء الله اليوم تخفيضات كبيرة في أسعار بعض القطع في ديجتال نت مع نزول قطع جديدة..

الذاكرة ::

طقم ADATA 2*1GB بسرعة 1066 ومع مشتت أصبح بسعر 2100 ليرة ..

مشكور على هذه المعلومة...:)

حيث أنني من شهر تقريباً اشتريت هذه الرامات بسعر 2650 ل.س
وأجد أنني تشجعت لشراء اثنتين ايضاً بهذا السعر الجديد وبالتالي يصبح لدي أربع قطع رام بحجم 4 غيغا ;)

Kh@LiL
28-10-2008, 13:45
سؤال الى الاخوة هل معالج انتل E7200 متوفر بالاسواق واين وبكم ؟
متوفر عند ديجيتال نت بسعر 5700 وأعتقد أن هذا أفضل سعر له.

Kh@LiL
28-10-2008, 23:24
أسعار وقطع جديدة من جيغابايت :

12000 GV-R4850-512
GV-R4870-512 17000
GA-MA78 DS3H 5000
GA-MA78 DS2H 5500
GA-EP43-DS3L 5400
GA-MA790GP-DS4H 8500

sami_soo
29-10-2008, 00:45
أول شي مرحبا
أنا اسمي سامي من جبلة على الساحل السوري
بس حابب اسأل أصحاب الخبرة
أنا عني محل كومبيوتر بجبلة و المحل اللي أنا فيه بشارع فيه أكتر من محل بيشتغل على نفس الصعيد
كنت جيب كرتونة شاشات ال 17 بوصة ال LG من الشام و كانت توقف عليي ب الشاشة الوحدة 6300 طبعا هيدا ع أساس بسعر الجملة و من البحصة و طبعا في أجور نقل بشركة القدموس حتى توصل لعندي عالمحل
يعني تقريبا توصل الشاشة لعندي بحدود 6400
المفاجأة إنو في محل تاني بذات الشارع اللي أنا فيه عم يبيع الشاشة هي ب 6500 ليرة و كمان بينزل فيها إذا الشخص بيعز عليه الشاشات على حسب حكيو مكفولة من كريم تلات سنين يعني متل الشاشات اللي بجيبون أنا
يا هل ترى في مصدر كتير رخيص ل شاشات ال LCD يعني فيني آخدها بأرخص من ماني عم آخدها و لا الشاشات اللي عند جار الرضا فيها مشاكل أو ممكن تكون مستعملة
لأنو مو معقول يقبل حدا ب 100 ليرة ربح فقط بشاشة LCD

omar-tdm
29-10-2008, 05:03
khalil@1

من عند أي محل وجدت هذه الأسعار

أبو فوفو
29-10-2008, 06:39
سؤال الى الاخوة هل معالج انتل E7200 متوفر بالاسواق واين وبكم ؟
المعالج متوفر بحلب لكن تريه مو بوكس بسعر 5400 لكني لا أنصح به كونه تريه

أبو فوفو
29-10-2008, 06:57
أول شي مرحبا
أنا اسمي سامي من جبلة على الساحل السوري
بس حابب اسأل أصحاب الخبرة
أنا عني محل كومبيوتر بجبلة و المحل اللي أنا فيه بشارع فيه أكتر من محل بيشتغل على نفس الصعيد
كنت جيب كرتونة شاشات ال 17 بوصة ال LG من الشام و كانت توقف عليي ب الشاشة الوحدة 6300 طبعا هيدا ع أساس بسعر الجملة و من البحصة و طبعا في أجور نقل بشركة القدموس حتى توصل لعندي عالمحل
يعني تقريبا توصل الشاشة لعندي بحدود 6400
المفاجأة إنو في محل تاني بذات الشارع اللي أنا فيه عم يبيع الشاشة هي ب 6500 ليرة و كمان بينزل فيها إذا الشخص بيعز عليه الشاشات على حسب حكيو مكفولة من كريم تلات سنين يعني متل الشاشات اللي بجيبون أنا
يا هل ترى في مصدر كتير رخيص ل شاشات ال LCD يعني فيني آخدها بأرخص من ماني عم آخدها و لا الشاشات اللي عند جار الرضا فيها مشاكل أو ممكن تكون مستعملة
لأنو مو معقول يقبل حدا ب 100 ليرة ربح فقط بشاشة LCD

يا صاحبي جار الرضا هاذا اللي عمال بتحكي عنو عمال بيلعبها صح . بدك تقلي شلون .
الأخ وبكل بساطة ممكن عمال يجيب كمية أكثر من شاشة يعني 6 شاشات مثلا وبسعر أقل ب
200 ليرة بالشاشة من سعرك أنت وممكن يخدم الشاشة خدمة بمئرب آخر لتركيباتو وتجميعاتو للزباين حيث أن
العين كلها ستتجه على سعر الشاشة المنخفض اللي عمال بيخدمو للزبون فيها وبيطالع الفرق بالمربح بغير قطع يعني عمال بيلعب لعبة الطرابيش شيل من هون حط لهون مشان ما حدا يحس
اللعبة قديمة ومكشوفة وللأسف السوق بالعالم أجمع صار هيك بدو .
واذا بدك تأخذ دورات بهذا المجال من الألعاب تعال زيارة لعندنا بحلب أنا بضمنلك بظرف بومين بتطلع حريف . وبالتوفيق .

lebknight
29-10-2008, 10:21
السلام عليكم
بخصوص شاشات ال LG 17 Wide 6200 احسن سعر
و العادية سعرها بحدود بين ال 6300 و 6350 يعني هيدا السعر الى انا شفتوا كجملة تقريباً بعتقد انك عم تاخذ باحسن سعر على كل الاحوال اذا بدك بدلك على هال محل و بتشوف عندوا الاسعار لانوا كان عم بيقلي من كم يوم كانت الشاشات غليانة

shalanss
29-10-2008, 11:35
المعالج متوفر بحلب لكن تريه مو بوكس بسعر 5400 لكني لا أنصح به كونه تريه

السلام عليكم يا ابوفوفو ليش ما بتنصح بالمعالج هل في فرق بين بوكس و التريه ؟

Actron
29-10-2008, 12:31
شباب برأيكم الواحد يطبق جهاز هلق ام يستنى المعرض ؟؟
يعني في فائدة من المعرض ؟؟ ولا متل العادة بيطلعولي بفنة الطقم و ما شابه ؟؟ و بتبلش تفوت الاسعار ببعضها و بناكلها ؟؟
و الله هيك موضوع بدو منتدى لحالوا من حرقة قلب المستخدمين بسوريا يعني المستخدم المتنور
ما رج قول الفهمان هو زبون تقيل دم و غليظ و بيفاتش على القرش و بيعمل حالو فهمان و دائماً بيتقلع من
المحل لأنو بيعمل شوشرة اذا شاف عملية نصب ادامه على شي درويش ما بيسكت و خلوها لربكم

lebknight
29-10-2008, 12:42
شباب برأيكم الواحد يطبق جهاز هلق ام يستنى المعرض ؟؟
يعني في فائدة من المعرض ؟؟ ولا متل العادة بيطلعولي بفنة الطقم و ما شابه ؟؟ و بتبلش تفوت الاسعار ببعضها و بناكلها ؟؟
و الله هيك موضوع بدو منتدى لحالوا من حرقة قلب المستخدمين بسوريا يعني المستخدم المتنور
ما رج قول الفهمان هو زبون تقيل دم و غليظ و بيفاتش على القرش و بيعمل حالو فهمان و دائماً بيتقلع من
المحل لأنو بيعمل شوشرة اذا شاف عملية نصب ادامه على شي درويش ما بيسكت و خلوها لربكم

اذا قصدك معرض شام
فنصيحتي انسي
هههههههههه
السنة الماضية مثلك كان بدي جويستك للكمبيوتر للعبة flight simulator بس نوعية ثقيلة لقيت منوا بالسوق بسعر 2800 ليرة
بالمعرض شفتوا ب 3100 ليرة
عند نفس العارض :d و الشركة معروفة

HESHAM.SY
29-10-2008, 13:20
سوق البيع في معرض شام يعرض فيه نفس الشركات أو المحلات الموجودة في الأسواق ونادراً ماتجد أسعار أرخص بل على العكس ربما تجد أسعاراً أغلى ..وفي السنة الماضية كنت أؤجل شراء كرت الشاشة حتى حلول المعرض عسى أن أجد موديلات جديدة أو أسعار أرخص ولكني أصبت بالخيبة واضطررت بعدها لشراء الكرت من سوق البحصة وبسعر 6100 ليرة علماً أن سعره كان ثابتاً على هذا الرقم لحوالي خمسة شهور قبل فترة المعرض وندمت بصراحة لأنه كان بامكاني شرائه في أخر الصيف بنفس السعر تماماً والاستمتاع بأدائه لخمسة شهور اضافية..

ولكن هذا لا يعني أن الأمر سيكون نفسه في كل السنين فربما تجد فعلاً بضاعة جديدة في المعرض وأسعار منخفضة والأمر يستحق زيارة المعرض والتجوال فيه والسؤال عن القطعة التي تريد شراءها..

sami_soo
29-10-2008, 13:34
شكرا عالنصايح
اليوم قدرت جيب الشاشة ب 6200 ليرة لأنو اليوم نزل سعرها و كمان نزل سعر المعالجات بشكل عام
و كمان ل يلي قال إنو بيدلني ع المحل اللي بيجيب شاشات برأيو رخيصة كمان يدلني عليه أو يعطيني اسمو و رقم التلفون تبعو بكون ممنون شواربو
أنا للصراحة من زمان بجيب غراض من الشام و ماعندي خبرة بحلب و لا بسوق الشراء اللي فيها
فياريت تنوروني
و سؤال أخير برأيكون حلب أفضل من الشام بالأسعار بالنسبة للجملة؟؟؟؟؟

fadi.s
29-10-2008, 15:16
مرحبا شباب
تفاجئت انو الموضوع لساتو شغال توقعت انو الناس تمل يعني صار بدو تثبيت , شباب ليتثبت الموضوع لازم تحطو تقييم ممتاز بقسم التصويت بأعلى الصفحة
منشان المعرض أنا رح انطر للمعرض مو من شان الأسعار لأنو بصراحة يمكن بعضها يغلا بس مو مشكلة اذا كنت منتبه لهل الشي بس رح انطر منشان ريح حالي من الدوارة متل المجانين بالشام بين المحالات لأنو معظم الشركات بتكون موجودة و الأسعار محددة ومافي وقت للأخد والعطي غير بالمحلات بكونو فايقين ورايقين يعني, اللعب على المكشوف وأنا بشوف وبقارن وإذا ما عجبني ولا سعر بستنى يعني امشي أمتار بين المحالات بالمعرض أحسن من دوخة الشام
شباب أنا عندي سؤال :
أنا كنت حابب جيب شاشة 20 lcd بس بس عجبتي شاشة 22 وخصوصا انو زمن الاستجابة 2ms بس حسب ما فهمت من النت انو الرزيلوشين تبع ال lcd ثابت وأنا ناوي على كرت ati 4850 يعني ممكن تشغيل ألعاب قوية على هيك رزيلوشين متل call of duty 4 . far cry 2 . world in conflect على اعدادات ممتازة ولعبة crysis على اعدادات جيدة وكمان للألعاب المستقبلية . لأنو أنا بصراحة شايف شاشات 22 بلا طعمة كبيرة كتير للألعاب و ما بتدعم FULL HD . :mad::mad::mad: بس أنا طمعان بزمن الاستجابة 2ms فهل فرق كتير عن 5ms لأنو بصراحة أنا عندي خبرة ممتازة بكافة قطع الكومبيوتر بس معلوماتي صفر بشغلة شاشات lcd
واذا في حدا بينصحني بشاشة 20 wide تكون جيدة بالسعر والأداء وزمن الاستجابة واذا بتكون سامسونغ بيكون أحسن

Actron
29-10-2008, 15:28
انا ناوي جمع جهاز كامل بهل المواصفات
CPU: Intel Core 2 Quad Q6600
MB: Asus P5Q- Pro
RAM: A-Data 1066MHZ
Case : Asus Tad 52
Power Supply : 500 watt
HDD: Seagate 500 GB 32 BF 7200 RPM
ODD: Asus SuperMulti
بس يلي صعقني بالسوق الاسعار الخيالية و عدم توافر قطع جوهرية
بورسبلاي مافي من ماركة محترمة بسعر مناسب و معلومكم هيك جهاز بده باور بهيك استطاعة
بعموم الحال الجهاز بدي جيبه اصلاً مشان الثري دي ماكس بس مالي عرفان انسب كرت محتار بين
9600GT 9800GT او ادفع شوي و جيب ATI HD4850
مع العلم انو المذر بورد ما وجدتها و انا ناوي اعمل اوفر كلوك و بدي مذر بقوة الاسوس و بتاخذ كرتين يعني حدا عندو فكرة عن مذر بتعادلها بناقل امامي 1600 و رام 1200 ؟؟؟
بسعر مناسب مافي غير الديلوكس ب 17000 بس
ممكن من الاخوة الاكارم يعطوني ارخص اسعار لهل القطع و العناوين بدمشق ؟؟؟
و الله الموضوع بيستاهل التثبيت لأنه مفيد و حساس يعني عنجد نيال المستخدم الدرويش
يلي بيشوف السوق بالصورة الوردية و بيحس انو شراء كومبيوتر شي سهل روح لعند اللحام
عفواً البياع و اطلب منه كومبيوتر بسعر معين و هو بيجرمك و انت بتطلع مبسوط و هو اكتر يعني يا سلام الامر كتير هين و بعد فترة بتسود الدنيا بوشك وقت تعرف ان هادا المعالج بنتيوم 4 تبع سرعة 3.6 مجرد علاك مصدي شغال سوقه عنا و انا يا فهمنا كرت الشاشة ما بينقاس بذاكرة الرام بقدر ما بينقاس بالمعالجه بس عبث الحكي مافي منه فايدة كل مرة بروح عند واحد فرحان بكمبيوتره الجديد الخارق بطلعله ياه سلامتك بيطلع عمره التقني سنتين بالميتة
و شكراً

ramy
29-10-2008, 15:35
مرحبا شباب
تفاجئت انو الموضوع لساتو شغال توقعت انو الناس تمل يعني صار بدو تثبيت , شباب ليتثبت الموضوع لازم تحطو تقييم ممتاز بقسم التصويت بأعلى الصفحة
منشان المعرض أنا رح انطر للمعرض مو من شان الأسعار لأنو بصراحة يمكن بعضها يغلا بس مو مشكلة اذا كنت منتبه لهل الشي بس رح انطر منشان ريح حالي من الدوارة متل المجانين بالشام بين المحالات لأنو معظم الشركات بتكون موجودة و الأسعار محددة ومافي وقت للأخد والعطي غير بالمحلات بكونو فايقين ورايقين يعني, اللعب على المكشوف وأنا بشوف وبقارن وإذا ما عجبني ولا سعر بستنى يعني امشي أمتار بين المحالات بالمعرض أحسن من دوخة الشام
شباب أنا عندي سؤال :
أنا كنت حابب جيب شاشة 20 lcd بس بس عجبتي شاشة 22 وخصوصا انو زمن الاستجابة 2ms بس حسب ما فهمت من النت انو الرزيلوشين تبع ال lcd ثابت وأنا ناوي على كرت ati 4850 يعني ممكن تشغيل ألعاب قوية على هيك رزيلوشين متل call of duty 4 . far cry 2 . world in conflect على اعدادات ممتازة ولعبة crysis على اعدادات جيدة وكمان للألعاب المستقبلية . لأنو أنا بصراحة شايف شاشات 22 بلا طعمة كبيرة كتير للألعاب و ما بتدعم FULL HD . :mad::mad::mad: بس أنا طمعان بزمن الاستجابة 2ms فهل فرق كتير عن 5ms لأنو بصراحة أنا عندي خبرة ممتازة بكافة قطع الكومبيوتر بس معلوماتي صفر بشغلة شاشات lcd
واذا في حدا بينصحني بشاشة 20 wide تكون جيدة بالسعر والأداء وزمن الاستجابة واذا بتكون سامسونغ بيكون أحسن
بالنسبة للعبة كول اوف ديوتي 4، فانسى انّك تلاقيها في سوريّا.
امّا بالنسبة لشاشات الـ LCD فراجع موضوعين للأخ qqw في قسم الملحقات(و أحدهما في قسم البمواضيع المميزة في قسم الملحقات) وستعثر على المعلومات الّلازمة.

lebknight
29-10-2008, 15:46
انا ناوي جمع جهاز كامل بهل المواصفات
CPU: Intel Core 2 Quad Q6600
MB: Asus P5Q- Pro
RAM: A-Data 1066MHZ
Case : Asus Tad 52
Power Supply : 500 watt
HDD: Seagate 500 GB 32 BF 7200 RPM
ODD: Asus SuperMulti
بس يلي صعقني بالسوق الاسعار الخيالية و عدم توافر قطع جوهرية
بورسبلاي مافي من ماركة محترمة بسعر مناسب و معلومكم هيك جهاز بده باور بهيك استطاعة
بعموم الحال الجهاز بدي جيبه اصلاً مشان الثري دي ماكس بس مالي عرفان انسب كرت محتار بين
9600GT 9800GT او ادفع شوي و جيب ATI HD4850
مع العلم انو المذر بورد ما وجدتها و انا ناوي اعمل اوفر كلوك و بدي مذر بقوة الاسوس و بتاخذ كرتين يعني حدا عندو فكرة عن مذر بتعادلها بناقل امامي 1600 و رام 1200 ؟؟؟
بسعر مناسب مافي غير الديلوكس ب 17000 بس
ممكن من الاخوة الاكارم يعطوني ارخص اسعار لهل القطع و العناوين بدمشق ؟؟؟
و شكراً

تقريباً قطع الجهاز الى ناوي عليه
قريبة كثير للقطع الى عندي انا
فخليني انصحك
اول شي بخصوص المذربورد بالنسبة لالي P5Q-E
ثاني شي من هلق فكر بمشتت و من وين بدك تجيبوا لانوا صراحة انا شتريت جهازي من اسبوعين تقريباً و كل العطل كان على المشتت للمعالج و بالاخر ما لقيت الا ASUS و غالي و بدون نتيجة
بخصوص البور فيك تاخذ KingNod 500 W نوعية محترمة و سعرها مناسب
بخصوص كرت الشاشة خليك على ال ATI و بدل ما تاخذ 4850 ASUS خود بنفس السعر و ارخص كمان 4870 Palit 1GB اداء خيالي و بتكون ماشي معنا بمقاطعة اسوس قد ما منقدر حتى يتم تخفيض اسعار قطعهم الخيالية
و شوفلك كيس غير ال ASUS لانوا الاسعار نار شوف كيس Full Tower بتركبلها مراوح 120 حتى يكون التبريد عندك تمام و تكون وفرت بالسعر لانوا اسعار كيسات ال ASUS غالية على الفاضي
بخصوص ال A Data خذلك طقم 2*2GB اداء حلو او اذا ما راح تاخذ Adata خود Goodram او kingstone افضل نوعيات
اخر شي راح قلك هوي و هيدا مجرد نصيحة
اذا شغلك 3dmax خود phenom 9950 ااقو معالجات AMD الموجودة بالسوق و الافضل لشغلت الرندر
و بخصوص الاسعار ممكن شفلك الاسعار اذا بدك و قلك احسن الاسعار و من وين فانت شوف شو بدك و خبرني و انا بسئلك ان شاء الله

ramy
29-10-2008, 15:59
انا ناوي جمع جهاز كامل بهل المواصفات
CPU: Intel Core 2 Quad Q6600
MB: Asus P5Q- Pro
RAM: A-Data 1066MHZ
Case : Asus Tad 52
Power Supply : 500 watt
HDD: Seagate 500 GB 32 BF 7200 RPM
ODD: Asus SuperMulti
بس يلي صعقني بالسوق الاسعار الخيالية و عدم توافر قطع جوهرية
بورسبلاي مافي من ماركة محترمة بسعر مناسب و معلومكم هيك جهاز بده باور بهيك استطاعة
بعموم الحال الجهاز بدي جيبه اصلاً مشان الثري دي ماكس بس مالي عرفان انسب كرت محتار بين
9600GT 9800GT او ادفع شوي و جيب ATI HD4850
مع العلم انو المذر بورد ما وجدتها و انا ناوي اعمل اوفر كلوك و بدي مذر بقوة الاسوس و بتاخذ كرتين يعني حدا عندو فكرة عن مذر بتعادلها بناقل امامي 1600 و رام 1200 ؟؟؟
بسعر مناسب مافي غير الديلوكس ب 17000 بس
ممكن من الاخوة الاكارم يعطوني ارخص اسعار لهل القطع و العناوين بدمشق ؟؟؟
و الله الموضوع بيستاهل التثبيت لأنه مفيد و حساس يعني عنجد نيال المستخدم الدرويش
يلي بيشوف السوق بالصورة الوردية و بيحس انو شراء كومبيوتر شي سهل روح لعند اللحام
عفواً البياع و اطلب منه كومبيوتر بسعر معين و هو بيجرمك و انت بتطلع مبسوط و هو اكتر يعني يا سلام الامر كتير هين و بعد فترة بتسود الدنيا بوشك وقت تعرف ان هادا المعالج بنتيوم 4 تبع سرعة 3.6 مجرد علاك مصدي شغال سوقه عنا و انا يا فهمنا كرت الشاشة ما بينقاس بذاكرة الرام بقدر ما بينقاس بالمعالجه بس عبث الحكي مافي منه فايدة كل مرة بروح عند واحد فرحان بكمبيوتره الجديد الخارق بطلعله ياه سلامتك بيطلع عمره التقني سنتين بالميتة
و شكراً

بإذن الله الأسعار الفترة الأخيرة صايرة ممتازة، بس انت تعرف من وين تشتري وما تنغش :)
بالنسبة لكرت الشاشة،الـ 3 اللي ذكرتهم ممتازين، والأخير افضل واحد طبعاًَ، خصوصاً اذا كنت مهتم بالألعاب أيضاً.
مشان المذربورد، طالما انّك ناوي تركّب كرتين، فمن الأفضل شراءء مذربورد بطقم رقاقات x48 أو x38، اي كاللّوحة التي اقترحتها، لانّ باقي الرقاقات لا تتعامل مع الكروسفاير بشكل جيد بحكم انها تمنح الكرت الثاني 8 مسارات للاتصال بالجسر الشماليّ فقط عوضا عن 16 مسار.
و إذا لاقيت من غيغا بايت 48X-DQ6 فهي تعادل اللّوحة المذكورة من أسوس.

Actron
29-10-2008, 16:14
و الله ما توقعت ردين بهل السرعة يسلموا كتير
بالنسبة لاسوس انا مكتوي منها متلكم بس هالكيس بالفعل لا يقاوم ببساطة لأنه مافي غير كيس ابو الف و الف وخمسمية بالسوق يعني تجاري بحت حرام القطع فيه و كرت الشاشة اكيد ما رح آخذ اسوس لأني عم بحاول وفر
مشان هيك حاطط عيني على مذر p45 و الله و ماأحلاني دافع الفرق لوكيل اسوس العزيز طبعاً Palit
كم سعر لوحة الغيغا بايت ؟؟ X48 كمان اسمعت انو تشيبات الاكس بترتفع حرارتها ما بعرف بعدين السعر هو يلي
خلاني اكتفي بالأقدم
كم سعر الباور سبلاي انا كنت حالل آخذ وحدة غيغابايت
و بالنسبة للكرتين فالحكي مستقبلاً لتوفر العملة
و الله انا بموت Phenom بس للأسف هيك مطلوب مني انتل غصب من عني
صفي حدا يساعدني بالمحلات
صحيح شباب ممكن حدا يساعدني بايجاد مودم خارجي سيريال مستخدم ؟؟؟
محتاجه مشان نظام لينكس الجديد نادر و سعره بحدود 2500 و usb ما بيمشي حاله معي يعني انا محتاج مودم خارجي
ربطه على السيريال القديم مشان نظام لينكس
و شكراً للتفاعل الاسرع من ال Phenom9950:D
و شكراً للتفاعل الاسرع من ال Phenom9950:D

Kh@LiL
29-10-2008, 16:52
khalil@1

من عند أي محل وجدت هذه الأسعار
من عند محل تهامة ولاحظت في الفترة الأخيرة انو مافي وكيل حصري لجيغابايت متل الاسوس لأنو لما رحت لعند وكيل الجيغابايت مالو سمعان بالقطع أبدا وقال بدون شي كم يوم ليوصلوا وغير محلات عم تنزل قطع جديدة من جيغابايت!!!
وكمان بورد p35 من جيغابايت خلصت من السوق كلو وقال توقف تصنيعها على ذمة الوكيل
بس p43 بسعر 5400 عن جد صفقة ممتازة !!

أبو فوفو
29-10-2008, 17:10
السلام عليكم يا ابوفوفو ليش ما بتنصح بالمعالج هل في فرق بين بوكس و التريه ؟

والله أنا عندي في فرق كبير شوف الي أنا بحسبو غير اللي غيري بيحسبو بس ما تضحك
1- فئة البوكس من الرامات والمعالجات وغيرها من قطع الكومبيوتر تكون هي القمة في نتائج الأختبارات ويكون تصنيفها الأول عندما تخرج من الشركة المنتجة .
2-لا يوجد أي مرجعية لمعالج التريه من سيريال على فئته من المعالجات. هو ورامات التريه.
3- وشلون أبتعرف أنو المعالج التريه اللي اشتريتو مو ( مستعمل فترة ولو بسيطه ومرجع للمحل إيه بتصير صدقني
4- وأخيرا شعاري الذي لا أستغني عنه أبعد عن التريه وغنيلو .
بالتوفيق

Kh@LiL
29-10-2008, 17:34
واذا في حدا بينصحني بشاشة 20 wide تكون جيدة بالسعر والأداء وزمن الاستجابة واذا بتكون سامسونغ بيكون أحسن
بالنسبة للشاشة قياس 20 فالخيارت محدودة -في عندك فيليبس 200cw سعرها 10500 وفي نفس الموديل قياس 19.1 سعرها 8500 والشاشتان مواصفاتون ممتازة بس انا برأيي 19 فيليبس أوفر والا جيب سامسونج 22 سعرها 10900 -وفي كمان خيارات من الجي بس انا مابحبذها

Kh@LiL
29-10-2008, 17:36
انا ناوي جمع جهاز كامل بهل المواصفات
CPU: Intel Core 2 Quad Q6600
MB: Asus P5Q- Pro
RAM: A-Data 1066MHZ
Case : Asus Tad 52
Power Supply : 500 watt
HDD: Seagate 500 GB 32 BF 7200 RPM
ODD: Asus SuperMulti
بس يلي صعقني بالسوق الاسعار الخيالية و عدم توافر قطع جوهرية
بورسبلاي مافي من ماركة محترمة بسعر مناسب و معلومكم هيك جهاز بده باور بهيك استطاعة
بعموم الحال الجهاز بدي جيبه اصلاً مشان الثري دي ماكس بس مالي عرفان انسب كرت محتار بين
9600GT 9800GT او ادفع شوي و جيب ATI HD4850
مع العلم انو المذر بورد ما وجدتها و انا ناوي اعمل اوفر كلوك و بدي مذر بقوة الاسوس و بتاخذ كرتين يعني حدا عندو فكرة عن مذر بتعادلها بناقل امامي 1600 و رام 1200 ؟؟؟
بسعر مناسب مافي غير الديلوكس ب 17000 بس
في عندك بورد من جيغابايت GA-EP45-DS3R سعرها 9000 وفيها كروس فاير ومواصفاتها ممتازة أنصحك بها
والبور اذا ناوي عالكروس فاير بالمستقبل في عندك بور من جيغابايت 800 واط في منها نوعين سعرهم 6600- 8300 أو كرت واحد بس 500 واط ب2500
وبالنسبة للمشتت في عنا نحن في حلب مشتتات من زلمان واسوس واسعارون مقبولة نوعا ما 2500 وفوق
ومافي داعي لكيس من اسوس بتحسن تجيب كيس ب2500 ممتاز وتركبلو مراوح مابيكلفك 3000 بالكتير

Kh@LiL
29-10-2008, 17:39
شو ياشباب كني الأسعار الجديدة ماعجبوكم!!

fadi.s
29-10-2008, 19:03
سيد khalil@1
أنا معك انو شاشة سامسونغ 22w ممتازة بس أنا استخدامي الأساسي للألعاب بعدين للأفلام وقنوات الديجيتال و أنا رح جيب كرت ati 4850 وخايف مايتحمل الألعاب المستقبلية على هالريزيلوشن على اعدادات عالية نسبيا لهيك عم ميل لاختيار ال 20w مع انو السعر ما فرق كتير بس المشكلة بزمن الاستجابة لأني من بحثي على النت ومن خلال نصائح الشباب هون شفت انو الكل متفق على انو 2ms ممتازة بس ال5ms الأراء مختلفة من شخص لشخص وهادا يلي محيرني
وبالنسبة للعبة call of duty 4 لحد الأن ما فهمت ليش ممنوعة بس مع الزمن بترجع متل ماصار مرة مع لعبة tomb rider