أنا بعت الرسالة مرتين بس مش عارف ليه بيقولى أنها مش واصلة ؟
الشكر لله تحت أمرك. ولا يوجد إزعاج أبدا.
ربنا يخليك وشكرا ع ذوقك وتشكر ع وقتك وبعتذر تاني علي ازعاجك
مفيش ازعاج ابدا، تحت امرك. كارت 1660 هو الصفقة الرابحة حاليا فى هذا الجيل وهيخدم معاك ممكن لحد 5 سنين قدام ان شاء الله ورايزن 5 3600 سيكون مناسب معه.
طيب معلش اخر حاجه واسف اني بسالك كتير المفروض الكارت 1660 هيبقا ف الالعاب كويس بعد كدا ع دقه 1080 ويعيش اد ايه كدا معايا مثلا وبعد كدا أحدثه وكمان اجيب بروسيسور ايه مناسب معاه هل رايزن3600 مناسب معاه. ولا لا ولا اللي عندي 2400g هيشتغل معاه كويس وشكرا مقدما ليك ع ذوقك وردك واسف اني ازعجتك
البوردة ساعات بتحتاج تحديث البايوس عشان تقبل البروسيسورات الجديدة لكن بعد ما يتم تحديثه بتشتغل عادى لأن سوكيت am4 لسه مدعوم حتى من الأجيال الجديدة. وبالنسبة لكروت الشاشة الجديدة فهتشتغل عادى على البوردة متقلقش منها. أما بالنسبة لموضوع الإنتظار فالمشكلة الوحيدة هى أن القطع بتغيب على ما تيجى عندنا فى مصر، ده غير أن أسعارهم ممكن تبقى مش فى متناول اليد. صحيح أنى نصحتك فى الموضوع إن انتا تستنى الجديد بس الحاكم الأول والأخير فى الموضوع ده هو ميزانيتك فلو أنت ميزانيتك عالية اوى اوى فممكن تستنى الجديد وأنت مستريح أما لو الميزانية مثلا متوسطة فتوكل على الله وخليك مع 1660، لأن كروت الفئة الإقتصادية لسه منعرفش عنها حاجة واللى بيتقال عنها مجرد إشاعات غالبا زى كروت نفيديا وكدة. وعموما موضوع الإنتظار بيبقى صعب وكل ما تستنى أكثر تلاقيهم بيخططوا عشان ينزلوا حاجة تانية وهكذا دواليك.
معلش الموضوع اللي منزله بتاع ايهما افضل انا عاوز اعرف معلش الماذربوردx370 gaming plus هتدعم الاجيال اللي نازله جديده سوااء كروت الشاشه او المعالجات هتدعمها وتشتغل عليها كويس ولا لا تاني حاجه استناها لو هتدعمهم ولا اجيب كارت gigabyte gtx 1660 super gaming oc احسن ومعلش ع الازعاج
وعليكم السلام ورحمة الله وبركاته...اتفضل أخى الكريم.
السلام عليكم لو سمحت ممكن سؤال
