قسم البيع والشراء بنظامه الجديد
الاخوة زوار وأعضاء المنتدى الكرام...
بعد كثير من التعديات المتتالية على مر فترات طويلة جدا, ليس اليوم او امس بل طوال سنوات كثيرة ماضية, ورغم وضعنا لعدد من القوانين ورقابتنا الصارمة على القسم, الا أن هناك من هو لا يأبه بشيء من هذا.
فهناك من سجل عضوية بالمنتدى فقط ليعرض بضاعته, وهناك من يشارك هنا فقط لعرض منتجاته, وكأن قوانين الادارة لا حق لها في شيء, مضروبا بها عرض الحائط.
هؤلاء لم يراعوا حق اخوانهم الأعضاء, في طرح مواضيع ومشاركات حول قطع العتاد الخاصة بهم للتبادل أو البيع, ولم يراعوا أهداف انشاء القسم التي هي بعيدة تماما عن المادية والربح, بدليل أن كثير من الجهات (التجارية) تروج بضاعتها هنا دون أن نأخذ منها فلسا واحدا...
لهذا كله, فلقد جاء الاغلاق للقسم, واعادة تنظيمه من جديد...
جميع المواضيع السابقة موجودة بقسم فرعي (أرشيف), وهو قسم مغلق عن المشاركة...
وجميع المواضيع التي سيتم نشرها هنا ستخضع لموافقة المشرف العام بشكل مؤقت لحين تنظيم العمل هنا مرة اخرى.
كل التحية للجميع
ادارة المنتدى
رد: قسم البيع والشراء بنظامه الجديد
طيب حضرتك دلوقتى اية الحل يعنى
يعنى الموضوع دة هيتحل ازاى
ماهو اى منتدى كدة
يعنى ان شاء الله هيتفتح امتى القسم تانى
وبالتوفيق
رد: قسم البيع والشراء بنظامه الجديد
مالي أراك شديد التعصب من ردك؟؟؟ :)
سيرجع بعد أن نضع نظام جيد يناسب الجميع..
وحتى لو كانت كل المنتديات كما تقول,,,, عرب هاردوير يختلف :)
أذكر الاخوان, بل أعتذر لهم بخصوص المواضيع الهامة التي كانت موجودة بالقسم, سنعيدها الآن ليعود التفاعل فيها من جديد.
رد: قسم البيع والشراء بنظامه الجديد
أنا رأيي: ما يبقاش من حق أي عضو يعمل موضوع جديد في قسم البيع و الشراء قبل مرور شهر على فترة الاشتراك, و عدد المشاركات ميكونش أقل من 50 مثلا.
و لكن الكلام ده ينطبق على انشاء المواضيع الجديدة فقط. العضو لازم يكون قادر انه يرد على المواضيع و يبعت الرسايل الخاصة عشان يعرف يشتري.
و شكرا...
رد: قسم البيع والشراء بنظامه الجديد
السلام عليكم ورحمة الله وبركاته
قرار سليم وبالتوفيق إن شاء الله
يفترض أن العضو الذي سجّل في المنتدى ليشارك،
أن لا يتضجر ويغضب من إغلاق أحد أقسامه.
وخصوصاً أن القسم لا يمثّل الهدف الأساسي من الموقع
ولا يؤثر سلباً على نشاطه إن شاء الله.
رد: قسم البيع والشراء بنظامه الجديد
أولا أنا من مؤيدي التحديث
و لدي اقتراح آخر ..
لماذا لا يتم وضع قسم فرعي لمواضيع الشراء عن طريق الإنترنت .. حتى يتم تنظيم المنتدى بشكل أفضل ؟
بالتوفيق
رد: قسم البيع والشراء بنظامه الجديد
حل ممتاز
وبخاصة انه بالاخير صار القسم ممل
رد: قسم البيع والشراء بنظامه الجديد
السلام عليكم
ارجو ان لا يطول اغلاق القسم و لكن يعلاج السلبيات مثل الدعاية التجارية التي ظهرت ولكن انا لا احبذ اغلاق القسم نهائيا و حقا لقد افادني هذا القسم عدة مرات في بيع بعض المكونات .. واكيد انه يعم بالفائدة علي الجميع و ليس من سجل اشتراكه فقط للبيع هنا
نقطة اخرى
يوجد في القسم مواضيع مهمة جدا متعلقة بأسعر السوق المصري و المنتجات المعروضة به و انا اري انه مهم جداً للمصريين بسبب طبيعة السوق المصري و ندرة بعض المنتجات به ولكن هذا الموضوع سهل علينا الكثير
و جعل امور الشراء اسهل
فارجو من الادارة ان يستثني هذا الموضوع من الاغلاق موقتا حتي يتم حل مشكلة القسم
و بالتوفيق اخي kimo
رد: قسم البيع والشراء بنظامه الجديد
طب هوا القسم هيفضل كده مغلق لامتى والاداره المفروض لما يكون عندها نية التنظيم تبقى تسيب المواضيع اللى كانت مش مخالفه وتشيل بقيت المواضيع او على الاقل ممكن تسيب المواضيع اللى فى الارشيف مفتوحه للمشاركه لحين الانتهاء من التعديلات بدل ما يقف النشاط تماما بالشكل دا
انا من الناس اللى استفادت جدا من موضوع wmgc والموضوع كان معمول فيه مجهود جامد وخساره الموضوع يتوقف عشان معاه مواضيع مخالفه
ارجو من االداره انها تفتح المشاركه فى قسم الارشيف حتى لما الموضوع يتحل واليتنظم او على الاقل تفتح المشاركه فى المواضيع المهمه
رد: قسم البيع والشراء بنظامه الجديد
انا معلش ليا استفسار ولكن ارجو ان يتسع صدركم ليه
ومش عارف ان كنت صح ولا غلط فى السؤال ده
بس انا هقوله وامرى الى الله
انا حاسس ان قسم البيع والشراء بالمصرى كده قسم نايم
طبعا باستثناء الموضوعين اللى بيتكلمو عن اسعار قطع الكمبيوتر فى مصر
يعنى انا قبل كده لما عرضت حاجتى للبيع
فضلت يوم واتنين وتلاته واسبوع وما حدش بيرد سواء يشترى او يستفسر حتى
لكن فى منتدى اخر مصرى اول ما وضعت الاعلان كتير استفسرو وكان فيه تفاعل وكده
انا الكلام ده محصلش معايا مره واحد ولكن انا بيعت اكتر من مره وبنسبة كبيرة جدا المشترى ما كانش من القسم وكانت سرعة التفاعل بطيئة جدا
انا اسف لو استفسارى غلط
بس انا بين اخواتى و هيستحملونى
وشكرا
رد: قسم البيع والشراء بنظامه الجديد
اقتباس:
المشاركة الأصلية كتبت بواسطة hisham2007
انا معلش ليا استفسار ولكن ارجو ان يتسع صدركم ليه
ومش عارف ان كنت صح ولا غلط فى السؤال ده
بس انا هقوله وامرى الى الله
انا حاسس ان قسم البيع والشراء بالمصرى كده قسم نايم
طبعا باستثناء الموضوعين اللى بيتكلمو عن اسعار قطع الكمبيوتر فى مصر
يعنى انا قبل كده لما عرضت حاجتى للبيع
فضلت يوم واتنين وتلاته واسبوع وما حدش بيرد سواء يشترى او يستفسر حتى
لكن فى منتدى اخر مصرى اول ما وضعت الاعلان كتير استفسرو وكان فيه تفاعل وكده
انا الكلام ده محصلش معايا مره واحد ولكن انا بيعت اكتر من مره وبنسبة كبيرة جدا المشترى ما كانش من القسم وكانت سرعة التفاعل بطيئة جدا
انا اسف لو استفسارى غلط
بس انا بين اخواتى و هيستحملونى
وشكرا
فعلا كلامك تمام وانا اقترح الغاء هذا القسم
رد: قسم البيع والشراء بنظامه الجديد
المفروض طالما فى نية مبيتة لاغلاق هذا القسم كانت الادارة قالت انه سوف يتم غلق منتدى البيع والشراء يعنى مش مرة واحدة كده ندخل كأعضاء نلاقى المنتدى ممنوع فيه المشاركات ومغلق يعنى المفروض كان يبقى فى تنبيه
ثانيا انا شايف ان القسم مفيد للأعضاء اللى زينا اما بالنسبة للدعايا والشركات اللى بتروج منتجاتها هنا اولا انا مش عارف ازاى انتم عرفتم انها شركات ثانيا ممكن تتبعوا احد النظامين الاتينن >
1- لا يستطيع العضو ان يضع مشاركة فى هذا القسم الا بعد عدد معين من المشاركات يعنى 50 مثلا وبكده هيبقى فعال فى باقى الاقسام
2- ان يتم رقابة المواضيع وعدم السماح للمواضيع التى يوجد بها دعايا لشركة معينة او منتج شركة معينة اى الغائها وممكن حاجة افضل ان المواضيع متنزلش فى القسم الا بعد ما الادارة والمشرفين يوافقوا عليها
اعتقد ان الحل واحد من الاتنين لكن مسألة الغاء القسم اعتقد انه قرار سيىء لما يوجد به من مواضيع هامة عن الاسعار و يفيدنا ايضا فى عرض قطعة او جهاز كمبيوتر نريد ان نبيعه او نستبدله وهكذا
شكرااااا
رد: قسم البيع والشراء بنظامه الجديد
شكرا للادارة بعودة موضوع اسعار الهاردوير بمصر
رد: قسم البيع والشراء بنظامه الجديد
شكرا لجميع الاخوة على الرد والمشاركة...
حاليا: القسم يعمل كما نوهت لكن من خلال مراقبة المواضيع, بمعنى أن اي موضوع جديد يحتاج لموافقة المشرف عليه قبل النشر..
لكن هذا الأمر صعب, ليس للمشرف بقدر ما هو للعضو, فلو تأخر عرض الموضوع يومين مثلا, فان هذا يعود بالضرر على العضو صاحب الموضوع..
وفي نفس الوقت يجب أن تدلوا باقتراحاتكم كما فعل بعض الأعضاء, فليس من الصحيح وضع نظام معين للقسم دون أن نعرف رأيكم أو أفكاركم أو تصوركم...
بالتوفيق
رد: قسم البيع والشراء بنظامه الجديد
انا حاسس ان العمليه مش صعبة للدرجه دى
اقتراحات:
1- عمل قسم للعرض وقسم اخر للطلب
2-عمل مشاركة مثبتة للشكوى ومن يرى نشاطا تجاريا او اى اخلال بالقوانين ينبه المشرف عن طريق هذه المشاركة المثبته
3-غير مطلوب من المشرف ان يعتمد كل اعلان ولكن عليه فقط عندما يستيقظ من النوم ويشرب كباية شاى عليه ان يتفقد ما استجد على القسم فقط وعلى رأى المثل المصرى عد غنماتك يا جحا
يعنى المواضيع مش كتير للدرجه دى يعنى ممكن الصبح فى ربع ساعه يعرف ايه اللى جد واللى يلاقيه مخالف
يقوم بالمطلوب مثل التحذير او الايقاف او مسح الموضوع الخ
4-والاقتراح ده لا احبذه ان قسم العرض او قسم الطلب يقسم الى اقسام فرعية مثل قسم قطع الكمبيوتر وقسم الموبايلات الخ
التقسيم ده كويس بس مش وقته لان عمليات البيع والشرا فى المنتدى مش كتيرة لدرجه تستدعى التقسيم الفرعى
وفى النهاية كل ما اتمناه ان يكون المنتدى فى افضل صورة بإذن الله