استشاره بخصوص سعر شاشه مستعمله
ان شاء الله ناوى ابيع الشاشه الخاصه بيا وهشترى سامسونج s24d590pl مستعمله وعلى كلام البائع الحاله كلجديد واستخدام بسيط جدا بدون اى عيوب وسعرها 2000 جنيه من الاخر
هل الشاشه تستحق السعر ده او موجود جديد يوازيها بنفس السعر او اقرب وايه افضل
اشترى الشاشه ديه ولا اجيب جديد بنفس المبلغ
شاكر فضلكم مقدما
رد: استشاره بخصوص سعر شاشه مستعمله
أولا أخي الكريم ربنا يوفقك لما فيه الخير ..
هو ما يميز الشاشة سامسونج s24d590pl بالتحديد الموديل داه
أنه يأتل بـبانل PLS وداه أفضل بدرجة معقولة في الالوان من نوع TN.ومن ناحية تستحق حاول تنزل فيها شوية لكن مقبول(وكما أتكر الموديل داه او الاكبر كان يقال انهم حلوين)
ومن ناحية يوجد ما يوازيها جديد هو في الغالب في نفس الرنج داه هتلاقي شاشات 22 بوصة يعني أقل 2 بوصة(لو هيفرق) وهي الفكرة في الالوان والسطوع وكدا. يعني ممكن تلقي مودل LG زي
22MP48HQ-P 22 Inch IPS
أو شاشة من سامسونج Samsung S22F350FHM 22. (ومن ناحية الاداء هما مناسبين للأداء العام أفلام والعاب وكدا)
وممكن موديل أغلى قليلا زي Samsung S24D330H في حدود 2400 (وداه بيقدم زمن استجابة أقل 1ms-وداه أفضل في الالعاب)
فحسب الاريحية حضرتك وما تشغلش بالك بكلام البياعين وشوف الشاشة وخد راحتك وفكر.
وبالتوفيق ولك التحية...
رد: استشاره بخصوص سعر شاشه مستعمله
انا من رأئى الشاشة سعرها غالى 500جنيه لان الشاشة ديه الراجل استخدمها اقل حاجة سنتين ودا سعرها من سنتين ونص 2300 . انا شايف انك تجيب الlg 22mp48hq زى ما قال الاخ ميشيو او تزود 200جنيه وتجيب النسخة ال24منها lg 24mp48hq.
رد: استشاره بخصوص سعر شاشه مستعمله
وأنا أيضا أجد أن سعرها مغالى به
سعرها المعقول من 1300 ألى 1500
لكنى أفضل الجديد دائماا
تحياتى للجميع
رد: استشاره بخصوص سعر شاشه مستعمله
انا والله عاجز عن شكركم جميعا وشاكر فضلكم
انا من الناس اللى بتفضل الجديد وكمان ضمان فأكيد افضل
لكن اللى سمعته عن الموديل ده تحديدا هو اللى خلانى افكر فيها لان هبيع شاشتى القديمه وهشترى غيرها اكبر وهى للعلم 20 بوصه انا اخترت انها تكون 24 لانى هوصل عليها رسيفر hd فالمداخل فى الشاشه ديه تحديدا خدمتنى بخصوص الموضوع ده
هو صاحب الشاشه شخص عادى مش محل وانا لقيت منها استيراد بس خايف لانى معرفش هى اشتغلت قد ايه فعلشان كده فضلت الشخص ده لان الشاشه استعمال شخصى ليه وواضح من شغله انه بيستعملها نادر وده فعلا كان كلامه وهو قالى لو شوفتها هتفتكرها جديده لانها بدون ادنى عيب وده طمنى كتير وشجعنى اشتريها منه وعموما وصلت للسعر ب1900 جنيه هو قالى انه صعب ينزل اكتر منه لانه بيبعها علشان محتاج فلوس وده سبب شجعنى اخدها منه مع انها فى المول ب1750 بس هيبقى من ناحيه مساعده ليه ومن ناحيتى افضلى من الاستيراد ولو على الفرق انا مسامح فيه وانا عارف ان سعرها غالى شويه لكن اللى يهمنى هل هى افضل من الجديد الموجود حاليا
وهل الموديل ده Samsung S24D330H تحديدا يوازيها ولا مين افضل فيهم مع اعتبار وجود ضمان
رد: استشاره بخصوص سعر شاشه مستعمله
تمام أخى الكريم
طالما أنت مرتاح نفسياا للشاشه
ومسامح بفارق السعر
تعاطفاا مع المالك فجزاك الله خيراا
اقتباس:
وهل الموديل ده Samsung S24D330H تحديدا يوازيها ولا مين افضل فيهم مع اعتبار وجود ضمان
بالتأكيد الجديد والضمان لوحدهم كافيين
لترجيح كفه الشاشه الأخيره
بالأضافه لكونها
response time 1ms
وتلك مقارنه كامله بينهما
https://www.displayspecifications.co...ison/202c56f50
بالتوفيق
رد: استشاره بخصوص سعر شاشه مستعمله
والله استاذ عبدالحليم مش عارف اشكرك ازاى وربنا يجعله فى ميزان حسناتك اخى الغالى
اتا اتصلت بالبائع واتفقت معاه وبلغنى انه هيتصل بيا نظبط مع بعض لكنه لم يتصل
عموما مش هتصل تانى لحد ما يتصل فى خلال يوم او يومين وبعدها هنزل اشترى الجديده بضمير مرتاح لانى كده عملتى اللى عليا
والخيره فيما يختاره الله
رد: استشاره بخصوص سعر شاشه مستعمله
الشكر موصول لك أخى الكريم
فقلما نجد
من يشعر بحاجه الناس
وأحتياجهم للبيع
بالتوفيق دائماا
فائق تحياتى لشخصك الكريم