رد: شرح الميكروتك للمبتدئين
ثامنا : منع النت كت
تاسعا : تحديد السرعه
احنا الحمد لله عرفنا نخرج النت للمشتركين وطبعا معظم الناس الى بتعمل الميكروتك بتعمله فى الغالب علشان حاجتين
1- تمنع النت كت ودا اكبر مشكله لاصحاب شبكات النت
2- تحدد سرعه لكل مشترك طبعا فيه مشتركين قاعدين على النت 24 ساعه يعملوا داونلود وساحبين السرعه كلها يجى واحد تانى عاوز يتصفح يتخنق من النت ومن الدنيا ......
هانشرح هنا ثامنا : منع النت الكت
1- هافتح الوين بوكس وادخل على IP واختار Dhcp Server
2- هاختار Network
3- هاضغط على 10.0.0.0/24 هاتفتح قايمه تانيه
4- هنا بقى خدوا بالكوا انا كنت عامل الجيت واى 10.0.0.2 انا هنا هاغير وهاخليه اى رقم تانى هاخليه مثلا 1.1.1.1
5- هاضغط Ok
تمام وبعدين
1- هادخل من الوين بوكس على IP واختار address
2- هاضغط على علامة +
3- هاضيف الجيت واى الجديد الى انا عملته فى الخطوه السابقه 1.1.1.1
4- هاخلى Interface على Ather 2 الى هو خاص بالكارت الى مطلع النت للمشتركين .
5- هاضغط Ok
تمام كده اول ما صاحبنا يجى يفتح النت كات مش هايظهر عنده الجيت واى لاننا عملنا واحد تانى وهمى وبالتالى مش هايعرف يفصل نت على حد .
تاسعا : تحديد السرعه
طبعا معظم الى محتاج يعمل الميكروتك علشان اصحابنا الى شغالين الله ينور 24 ساعه داونلود بدون رحمه للنت وبدون مراعاة باقى المشتركين .
مبدئيا انا عاوز اشرح نقطه النت فى مصر بيبقى بنسبة 1 : 4 يعنى ايه يعنى سرعة الداونلود 4 اضعاف سرعة الابلود تمام والسرعه الاصليه مقسمه على 8 جميل يعنى ايه برده
هاضرب مثل السرعه 1 ميجا الى هى 1024 كيلو بايت بتكون مقريه فى الراوتر ( 1024/256 ) ........ اعرف اجيب منها سرعة الداونلود ازاى سهلة جدا انا هاقسم السرعه الاصليه على 8 تمام يعنى سرعة الدانلود ناتج قسمة 1024 / 8 = 128 كيلو بايت ودا فعلا الى موجود انا لو موصل سرعة 1 ميجا بتبقى سرعة الداونلود فى حدود 128 تمام ...... و سرعة الابلود ناتج قسمة 256 /8 = 32 كيلو بايت / ثانيه .
فى ناس كتير لما تيجى تحدد السرعه تقولك اعمل بروفيل واعمل كذا وكذا وحوارات ........ وناس تانيه تقولك اكتب المعادله دى فى المكان كذا ...... وناس تانيه تقولك انا هاحدد امتداد معين ...... وبندخل فى متاهات وحوارات مالهاش اول من اخر....
فأنا هنا بكل بساطه هاوضح ازاى ادى كل مشترك السرعه الى انا عاوزها ..... تابعوا معايا الصوره الى جايه
1- هافتح الوين بوكس وادخل منه على Qusues تمام
2- هادخل على Simpel Queuse
3- هاضغط على علامة + لعمل هايفتح قايمه هادخل منها على Generall New
4- هنا بقى Name هاكتب اسم المشترك الى انا عاوز احددله السرعه
Target Address -5 اكتب هنا الاى بى بتاع المشترك الى انا عاوز احددله السرعه
Maximam Limet-6 هنا بقى اهم نقطه ركزوا معايا .....
هاكتب هنا السرعه الى انا عاوز اديها للمشترك من داونلود , ابلود ..... انا هنا كاتب 1 ميجا فى الداونلود معنى كده ان المشترك ده واصله سرعه منى 1 ميجا يعنى ايه يعنى الداونلود عنده هايكون فى حدود 128 كيلوبايت / ث تمام زى ما اتفقنا قبل كده ووضحناها
والابلود انا كاتب 1 ميجا يعنى سرعة الابلود هاتكون 128 كيلوا بايت / ثانيه تمام انا وضحتها قبل كده .... اننا نقسم السرعه على 8 .
وهنا كل واحد يدى المشترك السرعه الى هو عاوزها من دانلود وابلود اول ماتضغط السهم الى فى نفس المربع الى مكتوب فيه 1 ميجا هايظهرك سرعات اخرى زى ( 64 - 128 - 256 - 512 - M1 - 2M ) كل واحد بقى يختار الى هو عاوزه ..... ويعمل نفس الخطوات دى لمشترك مشترك
ok- 7
كده تمام احنا ادينا كل مشترك السرعه الى احنا عاوزنها .
طبعا فيه مواضيع اخرى فى الميكروتك انا هنا عملت الشرح على الاساسيات ازاى اعمل الميكروتك واخرج نت للمشتركين .......... وشرحت هنا اهم حاجتين الناس الى بتعمل الميكروتك بتحتاجهم ( منع النت كت - تحديد السرعه للمشتركين ).
وبكده اكون انتهيت من شرح الميكروتك للمبتدئين
ارجوا من الله ان اكون وفقت فى هذا الموضوع
واتمنى من مشرفى القسم والاعضاء الافاضل ان يضعوا هنا كل ماكان منى من خطأ او نسيان او نقص
TAHER NABIL
رد: شرح الميكروتك للمبتدئين
اخى الفاضل انا سجلت مخصوص فى المنتدى عشان اشكرك على الموضوع الاكثر من رائع ولك تحياتى وفقك الله
رد: شرح الميكروتك للمبتدئين
انت ليك في الحوارات دي يا برنس
من حظك السئ اني شوفت موضوعك دلوقتي
انا بعمل شبكه واير ليس هركبها في خلال اسبوع او 10 ايام
وهصدع دماغك اسئله
ههههههههههههههههههههه
هخليك تكره اليوم اللي اتعلمت فيه المايكرو تيك
:D
موضوع تماااااااااااااااااااااااام يا رياسه
تسلم ايدك
تعديل : استاذ طاهر
ياريت تضيف اللينكات في كل رد
يعني كل رد معاه اللينك بتاعه
علشان في ناس ممكن تلاقي الموضوع طويل وفيه صور كتير
ولو الكونكشن ضعيف الصور مش هتكون ظاهره واحتمال كبير الراجل يكسل يقرا الموضوع او مايعرفش يقرا اساسا
ومش هيوصل للصفحه التانيه علشان يحمل اللينكات
رد: شرح الميكروتك للمبتدئين
بارك الله فيك على هذا الشرح الرائع ويعطيك ألف عافية على هذا المجهود المبارك
شرح ولا أروع لسيرفر الميكروتك ، ولقد بحثت في كل المنتديات عن مثل هذا الشرح الرائع جدا ولم أجد
أسأله الله أن يوفقك ويبارك فيك وينور طريقك ، وبإنتظار بقية دروسك الممتعة :)
التقييم : 5 نجوم
رد: شرح الميكروتك للمبتدئين
رد: شرح الميكروتك للمبتدئين
الميكروتيك 14 ميجا :eek:
ههههههههههههههه
طيب كويس والله
ال VMware عندي وانا اصلا مش هحتاجه
هجيب جهاز اوريجينال اشغله عليه احسن
بالنسبه للتوصيل
الراجل هيجيبلي الجهاز ويجي يركبه ويوصله ويظبط المسائل
بس انا ما بحبش ابقي واقف خواجه
هجرب كل الحوار ده النهارده بليل لما اروح
انا كسلت اجرب وكنت متوقع حجم الميكروتيك كبير عن كده
انما كده هجرب
:D
بس هو برنامج winbox ده ضروري
قصدي لما اسطب السيرفر علي الجهاز الاوريجينال هحتاجه برضوا ولا ده علشان الجهاز الوهمي بس ؟
رد: شرح الميكروتك للمبتدئين
اقتباس:
بس هو برنامج winbox ده ضروري
بص يا محمود انا عاوزك تعتبر الميكروتك هو الوين بوكس انت عارف انت بتعمل بيه كل حاجه
1- تخرج النت للمشتركين عن طريق الوين بوكس
2- تحدد المشتركين الى انت عاوز تخرجلهم نت
3- تمنع النت كت
4- تفصل النت على اى مشترك انت عاوزه
5- ترسل رساله للمشتركين عند اول شهر علشان الاشتراك
6- تمنع المواقع الاباحيه
7- تمنع مشترك انه يحمل رابط معين يعنى ممكن تمنع مشترك انه يستخدم التورنت مثلا
8- تخلى السيرفر يخزن كل حاجه بتتحمل على النت سواء عندك او عند اى مشترك ولما حد تانى يجى يحملها يحملها كانه بينقل من على الشبكه ( ودى بتتخزن عندك على السيرفر )
9 - معرفة جميع المواقع التى تم دخلوها بواسطة المشتركين
وفيه خصائص اكتر من كده بكتير يعنى الى نفسك فيه هاتلاقيه من تحكم تام بالشبكه
يعنى انت بتعمل السيرفر فقط اول مره وبعدين كل التحكم بالكامل عن طريق الوين بوكس
انت عارف هى عامله زى الويندوز لما بتسطبه وبعدين بتبدأ تسطب فى البرامج علشان تشتغل بيها يعنى ممكن تحمل تورنت عن طريق الويندوز طبعا ما ينفعش يبقى هنا لازم تسطب برنامج للتورنت والتحكم فى التورنت هايكون بعد كده عن طريق البرنامج وليس الويندوز .
اتمنى ان اكون وضحت
رد: شرح الميكروتك للمبتدئين
تمام
كل ده كلام في السليم جدا
:D
وهنعوزه قريب
ليك في الهاردوير ولا سوفت بس ؟
يعني ممكن تنصحني بجهاز معين او انتنا معينه؟
متهيألي نخلي الحوار ع الخاص حفاظا علي شكل الموضوع
:)
رد: شرح الميكروتك للمبتدئين
بصرحة شرح عشرة على عشرة
هل هذه الخطوات نتبعها عندما نقوم بتنصيب نسخة مايكروتيك على جهاز مستقل
واطلب منك شى اخر لو تقوم بعمل تللك الشرح على هيئة فيديو لتسهل علينا الطريقة سيكون عمل اكثر من راثع وتستحق افضل تحية لان الفيديو يكون اوضح فى ايصال المعلومه عن الصور
تقبل خالص تحياتى
رد: شرح الميكروتك للمبتدئين
انا اسف اريد طريقة اعدادات الفايرول والحمايه من الفيروس الصينى وباقى الفيروسات
رد: شرح الميكروتك للمبتدئين
رد: شرح الميكروتك للمبتدئين
لا يا اخى العزيز لا تقل هذا بل انا من يقول ذاك اولا الف شكر على الاهتمام والرد
ثانيا على هذه االفديوهات الجميله
رد: شرح الميكروتك للمبتدئين
ربنا يقويك ع الشغل يا حاج
معلش متقل عليك انا
بالنسبه للنقطه دي
اقتباس:
- تخلى السيرفر يخزن كل حاجه بتتحمل على النت سواء عندك او عند اى مشترك ولما حد تانى يجى يحملها يحملها كانه بينقل من على الشبكه ( ودى بتتخزن عندك على السيرفر )
دي هعملها علي نفس سيرفر الميكروتيك
ونفس الجهاز اللي هيبقي متسطب عليه الميكرو
ولا هحتاج جهاز تاني واسطب عليه الفريون والكلام ده ؟؟؟
رد: شرح الميكروتك للمبتدئين
ايوه يا محمود بتبقى فى نفس المكان الى انت مسطب فيه الميكروتك علشان كده وانت بتعمل الجهاز الوهمى ابقى كبر المساحه علشان التخزين ولو هاتكون على كيسه مستقله ابقى خلى الهارد كبير شويه يعنى ما يقلش عن 80 جيجا كافى جدا .
ودا شرح لتفعيل الكاش
https://www.mediafire.com/?sxfph84csd11bqd
رد: شرح الميكروتك للمبتدئين
مشكوووووووووور يا برنس
كنت اتمني اني اقدر اديك تقييم
ليك عندي واحد :)