ابحث عن فكرة خادم لاستخدامة فى انترنت كافية

السلام عليكم ورحمة الله وبركاتة

باختصار ودون مقدمات انا عندى سيبر فى حى شعبى فى القاهرة - المشكلات اللى بواجهها :

1- لما مجموعة من الزباين يفتحوا اليوتيوب مع بعض - طبعاً استهلاك الباندودث للانترنت بيبقى عالى والنت يبقى بطئ على باقى الاجهزة (السرعة الحالية 2Mbps / الاجهزة 6 )
2- حتى الان مش بسمح بتشغيل الالعاب الاونلاين والاسباب : لو شخص بيشتغل على اليوتيوب بيسبب تأخير (Ping) ودة هيخلى الالعاب متشتغلش كويس -- وعلشان امنع بعض مدمنى الالعاب الاونلاين من الدخول للمحل (الناس اللى عندها عدم تمييز بين الحياة الحقيقية والحياة الافتراضية فى الالعاب) - والمشكلة الاخيرة والاهم هى ابديت الالعاب وسياسة الحد الاقصى (حاجة كدة شبه الاستخدام العادل) من شركات الانترنت ، لان الاجهزة كلها بستخدم فيها برنامج Deep Freeze تجنباً لمشاكل الاجهزة اللى سببها تعامل الزباين مع الاجهزة وطبعاً لما الجهاز يقفل ويفتح اللى هيلعب لعبة اونلاين هيعمل ابديت تانى . ونظراً لظروف الحياة وقلة الدخل الشهرى بالاضافة لان فية محل تانى هيفتح قريب منى نفس المجال قررت انى اشغل بعض انواع الالعاب الاونلاين زى العاب المنظور الاول FPS او الالعاب الاستراتيجية زى DOTA والالعاب اللى من نفس الفئة

المطلوب معرفة الطرق الاتية علشان احل المشكلات اللى موجودة حالياً :

1- عايز اشترى جهاز استخدمة كسيرفير حتى لو من الاجهزة المستعملة (وارد الخارج) - اية يكون الانسب بسعر حد اقصى 1500 جنية (اية الانسب كمواصفات وماذا تعنى رامات ecc فى اجهزة السيرفير )
2- الخدمات اللى انا عايزها من السرفير هى :

1- الالعاب الاونلاين تكون موجودة عليه وكل اجهزة الزبائن تشغل الالعاب الاونلاين من علية والابديت يتنفذ مرة واحدة فقط على السيرفير
2- السرفير يبقى كاش لليوتيوب والمواقع كلها اللى بتفتحها اجهزة الزباين بحيث لو شخص شغل فيديو واشتغل لنهايتة يصبح ملف الفيديو موجود بشكل دائم على السرفير فى .مجلد كاش ينفع لاى متصفح جوجل كروم استخدامة من اى جهاز من اجهزة الزباين اذا تم فتح نفس صفحة الفيديو مرة اخرى
3- اخصص جزء من السيرفير لادارة الانترنت - بحيث اقدر اتابع الباندودث المستهلاك للانترنت على كل جهاز بحيث اقدر اقسم سرعة النت الى قسمين بحيث لو شخص شغل لعبة اونلاين اقدر انى احدد الباندودث بالشكل دة (سرعة الانترنت 2 ميجا - 3 اجهزة بيشتغلو يوتيوب - 2 جهاز بيشتغل لعبة اونلاين : : اقسم السرعة الى 1 ميجا لل 2 جهاز اللى شغالين لعب اونلاين و 1 ميجا لل 3 اجهزة اللى شغالة يوتيوب او اى حاجة تانية )
4- اية نظام التشغيل الافضل علشان اعمل الكلام دة Windows Server 2008 ولا Ubuntu Server
5- انا حالياً بستخدم سويتش عادى 10/100 وكابلات مكتوب عليها CAT5E بس من ارخص الانواع - هل الاحسن انى استخدم كابلات CAT6 واغير السويتش لواحد 10/100/1000 واستخدم كروت شبكة 1Gpbs ولا يبقى الوضع كما هو علية بالكابلات القديمة ؟



ولو فية افكار اضافية ممكن حد يقولهالى تقدر تساعدنى فى استخدام السرفير فى السيبر

وشكرا :)

انا كمان عايز حاجة زيك كدة .والله بجد بدفع 1500 اشتراك انترنت ل20 جهاز بسبب اليوتيوب ومش عارف اعمل أيه. بس انا ممكن افيدك بحاجة انا عملها في الهاندي كافيه والديب فريز يسهلوا عليك الموضوع .كمان انا عندي ديب فريز شبكة زي الهاندي كافيه كدة .بتحكم في الاجهزة كلها من علي الجهاز الرئيسي .لو ده مش عندك كلمني هفيدك فيه جامد اوي وجميل جدا وببلاش. 01112949699 0235416226 انا تحت أمرك في أي وقت. وكمان انا مشغل 3 روترات علي شبكة واحدة وجهاز رئيسي واحد .وكل 6 اجهزة ليهم خط انترنت خاص بيهم

اقتباس:

---

المشاركة الأصلية كتبت بواسطة aborawashalam

انا كمان عايز حاجة زيك كدة .والله بجد بدفع 1500 اشتراك انترنت ل20 جهاز بسبب اليوتيوب ومش عارف اعمل أيه. بس انا ممكن افيدك بحاجة انا عملها في الهاندي كافيه والديب فريز يسهلوا عليك الموضوع .كمان انا عندي ديب فريز شبكة زي الهاندي كافيه كدة .بتحكم في الاجهزة كلها من علي الجهاز الرئيسي .لو ده مش عندك كلمني هفيدك فيه جامد اوي وجميل جدا وببلاش. 01112949699 0235416226 انا تحت أمرك في أي وقت. وكمان انا مشغل 3 روترات علي شبكة واحدة وجهاز رئيسي واحد .وكل 6 اجهزة ليهم خط انترنت خاص بيهم

---

شكراُ لاهتمامك - انا بفكر فى خادم مستقل يقوم بالخدمات اللى انا ذكرتها بشكل اوتوماتيك - لان الخادم بطبيعتة محدش بيستخدمة اصلا - كل اللى هعملة مجرد ريموت علية علشان انفذ اللى انا عايزة فقط

يا ريت نلاقي حد يدلنا علي حاجة زي كدة انا بحثت كمان وعرفت ان الخادم مبيشتغلش علي youtube لانه شغال علي بروتوكول https.مش عارف ده حقيقي ولا لاء. انا عموما حيبت اسعدك بالديب الفريز الشبكة ده كمسكن كدة لحد ما حد يدلنا علي اي حاجة.

اقتباس:

---

المشاركة الأصلية كتبت بواسطة aborawashalam

يا ريت نلاقي حد يدلنا علي حاجة زي كدة انا بحثت كمان وعرفت ان الخادم مبيشتغلش علي youtube لانه شغال علي بروتوكول https.مش عارف ده حقيقي ولا لاء. انا عموما حيبت اسعدك بالديب الفريز الشبكة ده كمسكن كدة لحد ما حد يدلنا علي اي حاجة.

---

تمام

بالنسببة للالعاب الاونلاين - فية دماغى فكرة ياريت لو المختصين فى المنتدى يساعدونى فيها

الفكرة تعتمد على فصل الزبائن اللى شغال على العاب اونلاين عن الزبائن اللى شغالة على أى شئ أخر على الانترنت

المطوب = جهاز بكرتين شبكة (برنامج لتقسيم ترافيك الانترنت لمجموعات ) نعتبرة سرفير (مكانة فى الشبكة بين الروتر وباقى الاجهزة)
الوظيفة = البرنامج هيتم فية انشاء مجموعات بيتم فى كل مجموعة تحديد الابلود والدونلود

الهدف : الجهاز الرئيسى للسيبر هيعمل ريموت على السرفير ويضيف اجهزة الزبائن لاحدى المجموعتين المبرمجة مسبقاً اما مجموعة الالعاب الاونلاين او مجموعة الانترنت العادية اللى حددنا فيها الابلود والدونلود قبل كدة

طريقة التشغيل : لما زبون يدخل المحل ويطلب انة يلعب لعبة اونلاين : افتحلة الجهاز واعمل ريموت للسيرفير واضيف جهازة لمجموعة الالعاب الاونلاين

كان فية برنامج زمان استخدمتة بيعمل كدة بس بيعمل كدة بدون مجموعات - ياريت المختصيين يقولولنا ازاى نعمل حاجة زى كدة
وعلشان مندخلش فى قصة الكراكات والكلام دة - هل فية برامج موجه لمنصة لينكس بتعمل الوظيفة اللى تم ذكرها ولا لا