مشكلة اداء تشغيل الألعاب علي لاب توب Dell Inspiron N5110 بالبطارية أقل من علي الشاحن

السلام عليكم

لاب توب Dell Inspiron N5110
I7
8GB RAM
1GB Nvidia

Windows : Windows 7 Ultimate x64

بشغل لعبة Call of dutey Or Need for Speed the RUN ، اللعبتين دوول أدائهم مُمتاز و اللاب توب شغال علي الشاحن
بيسوء أداء الجهاز تماماً و لا استطيع التعامل مع الجهاز مُطلقاً و هو بالبطارية

ده طبيعي عشان و انت على البطارية الالعاب بتشتغل على كارت الانتل و طبعا كارت الانتل ادائه ضعيف في الالعاب

لازم تكون موصل الشاحن عشان الالعاب تشتغل على كارت الانفيديا

لـا مش لـااازم

انتــاا بس ادخل عـلى اعدااداات الكااارت واعملو high performance لملف الـ exe بتااع اللعبه

معلش يا XFXGForce حتي لو عمل زي ما انت بتقول بردو لازم يكون موصل الشاحن عشان لما بتفصل الشاحن كارت الانفيديا بيفصل اوتوماتيك (Nvidia Optimus)

تقدر من تعريف كرت النيفيديا تشغل اللاب على كرت الخارجي النيفيدا علطول حتى لو كنت موصل البطارية أو شايلها
الوضع الطبيعي الجهاز بيشتغل على وضع الهاي بيرفورمانس على الشاحن وبيشتغل على وضع البور سيفينج والكرت الداخلي على البطارية

على فكرة حتي لو اخترت تشتغل على كارت الانفيديا على طول بردو مش هيشتغل و انت على البطارية هيشتغل بس و انت على الشاحن

انا مجربها

أنا مجربها أنا الآخر وكنت بلعب بيس 2012 على البطاريقة بكرت النيفيديا 540
إنت أصلاً ممكن تلغي خاصية الأوبتيمس من الكرت

نوعه ايه اللابتوب ؟

ديل إكس بي إس بس مش فاكر الموديل بس هو ضخم وبشاشة تاتش وسماعاته جي بي إل فاجرة

طيب مش كل اللابات فيها الاوبش انك تلغي الاوبتيمس

انا اللابتوب بتاعي فوجيتسو مفهوش

بس اخوية اللابتوب بتاعه لينوفو z570 فيه زرار اودام لما يفتحه بيشغل كارت الانفيديا و هو على البطارية

و اظن انا Dell Inspiron N5110 زي الفوجيتسو عشان ولا فيه زرار و لا اي اوبشن في البيوس

لا من تعريف كرت الشاشة في 5110 تقدر تخليه يلغي الأوبتيمس

يمكن:)

يا جماعه باااه عليكم ساعدوني انا لابي ديل انسبريون n5110 ram 4 giga /nvidia 525 m 1 gigs ddr3 المشكله بقي اني بشغل الالعاب عادي جدا و سريعه لكن بتقعد شويه سريعه و بعدين لالقي تهنيج المشكله معايا مش من اول ما جبت اللاب لا هو قعد سنه معايا علطول بيشغل اللعب تمام بعد السنه لقيت المشكله دي و متاكد انه مش من كارت الشاشه لاني بشغل نفس الالعاب اللي كانت بتشتغل من غير تهنيج و بعد السنه بقت بتهنج بعد شويه من اللعب فا انا عايز اعرف المشكله دي من ايه المروحه مثلا ولا عيب من البورده ياريت اللي يعرف الحل يقول و النبي

اقتباس:

---

المشاركة الأصلية كتبت بواسطة yousef_mohsen30

يا جماعه باااه عليكم ساعدوني انا لابي ديل انسبريون n5110 ram 4 giga /nvidia 525 m 1 gigs ddr3 المشكله بقي اني بشغل الالعاب عادي جدا و سريعه لكن بتقعد شويه سريعه و بعدين لالقي تهنيج المشكله معايا مش من اول ما جبت اللاب لا هو قعد سنه معايا علطول بيشغل اللعب تمام بعد السنه لقيت المشكله دي و متاكد انه مش من كارت الشاشه لاني بشغل نفس الالعاب اللي كانت بتشتغل من غير تهنيج و بعد السنه بقت بتهنج بعد شويه من اللعب فا انا عايز اعرف المشكله دي من ايه المروحه مثلا ولا عيب من البورده ياريت اللي يعرف الحل يقول و النبي

---

ضع استفسارك في موضوع منفصل ليتم الرد عليه .. من زر "اضافة موضوع جديد" في القسم ..
تحياتي ..