إلى متى يمكن الإعتماد على ذاكره 4GB DRAM و ما هي متطلبات الألعاب لعام 2017 من سعة ذواكر التخزين

اقتباس:

---

المشاركة الأصلية كتبت بواسطة capoo002

ماشاء الله اخى الفاضل ربنا يبارك لحضرتك ويجعله فى ميزان حسناتك استفدت كتير جدا من المقارنة الدقيقة ويكفى أنها من حضرتك وليست لأغراض تجارية وليا شوية إستفسارات بسيطة اذا تكرمت
الحمد لله عندى رامات 16 هل ممكن اقفل خاصية page file نهائى لانى اكيد مش هحتجها ولا حضرتك تفضل ايه
انا عندى قارئ خاصية dual channel شوفتها فى برنامج cpuz بس الرامة الاولى gskill والتانيه crucial بس نفس التردد ونفس المواصفات cl9 وتردد 1600 هل كده فعلا الخاصية مفعلة وأقدر استفاد بيها وازاى اعرف انى بستفاد فعلا منها
انا عندى بنك الرامات رمادى واسود هل هتفرق لو حطيتهم مثلا فى الرمادى وبلاش الاسود ولا مش هتفرق غير فى dual channel بس
واعذرنى على الإطالة اخى الكريم ولك منى كل الإحترام والتقدير :)

---

سعيد بمرور حضرتك جدا
اكيد تقدر تقفل الخاصيه لو محتاج تحافظ على عمر و حالة عمل الهارد الصلب اطول فتره عمريه ممكنه
او ممكن تحدد وجهة تخزينها على هارد عن الاخر بس اتاكد دائما انك مش في احتياجها و جميع اعمالك لا تستدعيها

تفعيل خاصية تعدد قنوات الاتصال بيتطلب للضروره كيت موحد لتحقيق افضل اداء ممكن
و لكن من اهم شروطه الاولى تساوي حجم " سعة " ذاكرة التخزين نفسها يعني الاولى 8 و الثانيه 8

في بعض اللوحات الام و الشيبات القادره على دعمها حتى مع اختلاف السعه لكن الافضل تساوي سعة تخزين كل منهم
لكن مع اختلاف الخصائص فتبتدا تشتغل على خصائص الرامه الاقل فقط

المشكله ان احيانا في رامه 8GB لكنها عباره عن شرائح ذاكره تصنيع Hynix أو Samsung و ممكن تكتشف ان رامة Crucial من تصنيعها و مكتوب عليها Micron
في رامه على الجنبين بتوعها 4 شرائح يمين و اربع شرائح شمال و كل شريحه 1GB و ممكن تلاقي الرامه التانيه 8 الجهه الاولى و 8 الجهه التانيه و كل واحده 512MB

فدائما اغلب مشاكل الرامات بتكون بسبب بعض الامور دي حتى اذا تساوى في المواصفات

بالنسباله فعاله بشكل صحيح ان شاء الله

بخصوص الوان البنوك فغالبا شركات اللوحات الام بتلاقيها عاطيالك نصائح في مانوال اللوحه بخصوص الامر ده
فلو الاربع بنوك ارقامهم 1 / 2 / 3 / 4 ممكن تلاقي تنبيهه لو معاك كيت دوال شانل يفضل الاعتماد على سوكيت رقم 1 + 3 او على سوكيت رقم 2+4
و معنى كده انك لما تحب تزود تبدا في اللي بعدهم

عشان كده الامر مش باللون و لكن بالترتيب و اعتقد ان الشركه بتنصحك بالترقيم ده حسب القناه الاقرب للمعالج اولا و الله اعلم

ممكن كمان تجرب بنفسك الاعتماد على اللون الرمادي فقط او الاسود فقط و تشوف النتيجه هل سوكيت A+C ام B+D و هكذا

الف شكر اخى الكريم ماشاء الله عليك ربنا يزيدك من علمه واكثر من امثالك يارب
فعلا زى ماحضرتك قولت قرأت دلوقتى فى كتالوج البوردة عن الموضوع ده قرأت انهم بيفضلوا اصطب الرامتين فى البنك1و2 بصيت على البورده لاقيتهم شغالين على الاسود والمفروض 1و2 دول الرمادى هعملهم دلوقتى معلومة جديدة اوى مره اعرفها جزاك الله كل خير وخيركم من تعلم العلم وعلمه
وهقفل خاصية page file لانى اكيد مش هستفاد منها بحاجة الحمد لله
اخر استفسار بخصوص الهارد
https://www4.0zz0.com/2017/02/28/02/168275158.jpg

عاوز اعرف الخاصية الى مش متعلم عليها صح دى بتعمل ايه فى الهارد وهل هى مفيدة ام ضاره ولو مفيده استخدمها ولا بلاش

جزاك الله كل خير
الواضح انها قريبه من نفس خصائص عمل Page File و تقدر تلغي تفعيلها مفيش مشاكل

اقتباس:

---

المشاركة الأصلية كتبت بواسطة Phenomenon

جزاك الله كل خير
الواضح انها قريبه من نفس خصائص عمل Page File و تقدر تلغي تفعيلها مفيش مشاكل

---

شكرا جزيلا اخى الفاضل ربنا يكرمك وميحرمناش من مجهودك ومعلوماتك القيمة وأسال الله التوفيق لك فى جميع أمور حياتك
تقبل تحياتى :)

اولا انا لم اكمل قرائة الموضوع كاملا لى رجعه ان شاء الله
و لكن و كعادة المتألق ابراهيم يعود بموضوع رائع و فى وقته تماما - و الله كأنى دخلت المنتدى مخصوص عشان اشوف الموضوع ده و هاقول ليه:)

انا لسه مسطب لعبه BF1 امبارح و بما ان اللعبه اخدت حوالى ساعتين فى التثبيت على الجهاز عندى فذهبت على صفحة الملاحظات الخاصه بكاسر اللعبه و رافعها لقرائة كل ما يجب عمله لتشغيلها و انا اتسائل طبعا بما ان جهازى به فقط 4 جيجا من الذاكره RAM هى فعلا DDR4 و لكن ما زالت قليله جدا بشكل عام وخاصه فى الالعاب و لذلك وجدت فى صفحه ملاحظات الشخص الذى اصدر اللعبه انه يجب التأكد من ان الذاكره كافيه و لمن لا يملك ذاكره كافيه فعليه استخدام الVirtual Memory او الذاكره الافتراضيه و هذا المذكور تماما:

Make sure you have enough Virtual Memory
If you have 4 GB of RAM, set virtual memory to 8 GB (Custom size: set both initial and maximum size to 8192)
If you have 8 GB of RAM, set virtual memory to 16 GB (Custom size: set both initial and maximum size to 16384).
If you have 16 GB of RAM, set virtual memory also to 16 GB (Custom size: set both initial and maximum size to 16384)
If you have 32 GB of RAM, set virtual memory also to 8 GB (Custom size: set both initial and maximum size to 8192) just in case.
Do not set “System managed size”, cause it’s slower. Fixed VM size is the most efficient setting.

و طبعا قمت بعمل ذاكره افتراضيه بمساحة 8 جيجا و لكن يوجد لدى حاليا مشكله عويصه و هى انى لا اجد اى برنامج OSD [استطيع من خلاله ملاحظه بيانات الجهاز من الهاردوير] يعمل لدى على لعبة BF1 جربت MSI AB و برنامج جاى مع اللوحه الام اسمه Gigabyte 3D OSD و برنامج اخر ايضا (مش فاكر اسمه حاليا - فقط الشئ الوحيد الذى يعمل هو تشغيل الFPS من برنامج الNVIDIA Experience و لا يوجد فيه امكانيه لمشاهدة اى بيانات اخرى للهاردوير لدى على شاشة لعبه BF1!

فهل من الممكن ان يكون له علاقه بالذاكره علما بأن برنامج الMSI AB عند استخدامه تفتح اللعبه و عليها البيانات ظاهره لمدة 2-3 ثوانى ثم يحدث توقف و رسالة خطأ بأن اللعبه توقفت عن العمل.
و لاحظت ايضا وجود عمود بلون اخضر يظهر على يسار شاشة اللعبه BF1 فقط فى حالة تفعيل برنامج MSI AB OSD.

و لكن وجب التنويه ان اللعبه تم تجريبها و تعمل بدون ادنى مشكله و بسلاسه مطلقه على اعدادات High و باستخدام DX 12 و لاكن فقط فى حالة عدم تفعيل اى برامج OSD.

هي مشكلة المونيتور شائعه بقالها فتره وجميع البرامج تعتمد على Riva Tuner بالأساس غحتوا تحديث إصدار RT أولاً و شوف هيبدأ يوضح النتائج ولا المشكله مستمره ؟
حاول تعلي الرام في اقرب فرصه و 8GB قياسيه إلى حد بعيد و هتفضل بهذا الشكل فتره أطول
لكن نسخة اللعبه الي انت منزلها ريباك سيء جدا انت محمل اللعبه بفريق ايه
نورت الموضوع بالتأكيد

اقتباس:

---

المشاركة الأصلية كتبت بواسطة phenomenon

هي مشكلة المونيتور شائعه بقالها فتره وجميع البرامج تعتمد على Riva Tuner بالأساس غحتوا تحديث إصدار RT أولاً و شوف هيبدأ يوضح النتائج ولا المشكله مستمره ؟
حاول تعلي الرام في اقرب فرصه و 8GB قياسيه إلى حد بعيد و هتفضل بهذا الشكل فتره أطول
لكن نسخة اللعبه الي انت منزلها ريباك سيء جدا انت محمل اللعبه بفريق ايه
نورت الموضوع بالتأكيد

---

دا نورك اخى العزيز,
اللعبه هى فعلا ريباك من اصدار FitGirl والاصدار بيتيح تحميل الsingle-player فقط لاختصار المساحه
يعنى انا عندى اللعبه بالكامل single بمساحة حوالى 17 جيجا فقط (الملفات الاصليه و هى مضغوطه قبل التثبيت) و بعد التثبيت المساحه حوالى 30 جيجا.

و متشكر جدا على المعلومه الخاصه بمشكله عامه للمونيتور انا فعلا كنت هاتجنن عشان اعرف الحل من امبارح.

الريباكات الخاصه بيها إحترافيه لكن فعلا بتغيب جدا في التثبيت و لكنها الحل المثالي مع النت السلحفاه بتاعنا

اقتباس:

---

المشاركة الأصلية كتبت بواسطة N3V3RMiND.2016

اولا انا لم اكمل قرائة الموضوع كاملا لى رجعه ان شاء الله
و لكن و كعادة المتألق ابراهيم يعود بموضوع رائع و فى وقته تماما - و الله كأنى دخلت المنتدى مخصوص عشان اشوف الموضوع ده و هاقول ليه:)

انا لسه مسطب لعبه BF1 امبارح و بما ان اللعبه اخدت حوالى ساعتين فى التثبيت على الجهاز عندى فذهبت على صفحة الملاحظات الخاصه بكاسر اللعبه و رافعها لقرائة كل ما يجب عمله لتشغيلها و انا اتسائل طبعا بما ان جهازى به فقط 4 جيجا من الذاكره RAM هى فعلا DDR4 و لكن ما زالت قليله جدا بشكل عام وخاصه فى الالعاب و لذلك وجدت فى صفحه ملاحظات الشخص الذى اصدر اللعبه انه يجب التأكد من ان الذاكره كافيه و لمن لا يملك ذاكره كافيه فعليه استخدام الVirtual Memory او الذاكره الافتراضيه و هذا المذكور تماما:

Make sure you have enough Virtual Memory
If you have 4 GB of RAM, set virtual memory to 8 GB (Custom size: set both initial and maximum size to 8192)
If you have 8 GB of RAM, set virtual memory to 16 GB (Custom size: set both initial and maximum size to 16384).
If you have 16 GB of RAM, set virtual memory also to 16 GB (Custom size: set both initial and maximum size to 16384)
If you have 32 GB of RAM, set virtual memory also to 8 GB (Custom size: set both initial and maximum size to 8192) just in case.
Do not set “System managed size”, cause it’s slower. Fixed VM size is the most efficient setting.

---

اخى الكريم هل كده برده المفروض اعملها يدوى انا عندى رامات 16 وحضرتك مكتوب ان الى عنده رامات 16 يعملها 16 برده المفروض الغيها ولا افعلها انا حملت اللعبة وهصطبها النهادرة بإذن الله ومكتوب المفروض انى الغى system managed size واخليها manual

اقتباس:

---

المشاركة الأصلية كتبت بواسطة capoo002

اخى الكريم هل كده برده المفروض اعملها يدوى انا عندى رامات 16 وحضرتك مكتوب ان الى عنده رامات 16 يعملها 16 برده المفروض الغيها ولا افعلها انا حملت اللعبة وهصطبها النهادرة بإذن الله ومكتوب المفروض انى الغى system managed size واخليها manual

---

و الله انا شايف ان 16 جيجا رامات كافيه جد اجدا لأى لعبه حاليا و مفيش داعى ابدا انك تفعلها لكن لو عايز تفعلها يدوى ففى فيديو مرفق مع الكلام ده من اللى اصدرت اللعبه(FitGirl) و انا هارفقه للعايز يعرف ازاى يفعل الخاصيه دى يدوى:
https://www.youtube.com/watch?v=NkHjRKFUnNc

ما شاء الله تبارك الله .... موضوع أكثر من ممتاز ...

وكالعادة مواضيع فى الصميم وباحترافية عالية - ماشاء الله - كما هى العادة منك ....

اقتباس:

---

المشاركة الأصلية كتبت بواسطة N3V3RMiND.2016

و الله انا شايف ان 16 جيجا رامات كافيه جد اجدا لأى لعبه حاليا و مفيش داعى ابدا انك تفعلها لكن لو عايز تفعلها يدوى ففى فيديو مرفق مع الكلام ده من اللى اصدرت اللعبه(FitGirl) و انا هارفقه للعايز يعرف ازاى يفعل الخاصيه دى يدوى:
https://www.youtube.com/watch?v=NkHjRKFUnNc

---

الف شكر لمجهودك اخى الكريم انا فعلا كنت بستخدمها لما كانت عندى رام 8 عشان بستخدم برامج كتير فى وقت واحد وخصوصا جوجل كروم بس حاليا مع الضغط الكتير مش بعدى 5 جيجا رام وفيه 11جيجا فاضيين الحمد لله انا هعمل المساحة recommended المكتوب عندى فيها 2939 عشان متبقاش اتوماتيك

اقتباس:

---

هي مشكلة المونيتور شائعه بقالها فتره وجميع البرامج تعتمد على Riva Tuner بالأساس غحتوا تحديث إصدار RT أولاً و شوف هيبدأ يوضح النتائج ولا المشكله مستمره ؟

---

انا مش عارف اشكرك ازاى اخى العزيز بالفعل عملت ابديت للRT و بالفعل الMSI AB اشتغل على BF1 و النتائج هارفعها للمنتدى ان شاء الله (شغال عليها حاليا :))

اقتباس:

---

المشاركة الأصلية كتبت بواسطة N3V3RMiND.2016

انا مش عارف اشكرك ازاى اخى العزيز بالفعل عملت ابديت للRT و بالفعل الMSI AB اشتغل على BF1 و النتائج هارفعها للمنتدى ان شاء الله (شغال عليها حاليا :))

---

طمنى اخى الكريم اللعبة شغالة معاك كويس وهل ممتعة فعلا والجيم بلاى والقصة تستاهل اصطبها ولا اصطب حاجة تانيه افضل

اقتباس:

---

المشاركة الأصلية كتبت بواسطة capoo002

طمنى اخى الكريم اللعبة شغالة معاك كويس وهل ممتعة فعلا والجيم بلاى والقصة تستاهل اصطبها ولا اصطب حاجة تانيه افضل

---

اتفضل اخى النتائج فى مراجعه سريعه:
https://arabhardware.net/forum/showt...0&goto=newpost