استفسار بخصوص ضبط بروفايل لفانات كارت الشاشه
السلام عليكم
برجاء محتاج اعمل بروفايل لكارت gigabyte aorus geforce rtx 3080 xtreme ببرنامج Msi Afterburner
محتاج اعرف المفروض ابدأ بتشغيل الفانات لما درجة حرارة الكارت توصل كام وايه اقصى درجة حرارة الكارت ممكن يوصلها من غير الفانات ما تشتغل يعنى ابدأ اشغل الفانات لما الكارت يوصل لكام درجه تقريبا ......
انا لاحظت الكارت بيكون ثابت على متوسط درجة حراره 50 من غير ما الفانات تشتغل نهائى هل لو سيبت الكارت على هذه الدرجه 45 : 55 من غير تشغيل الفانات دا طبيعى ومش هاياثر على الكارت
الكارت اقصى درجة حراره بيوصلها مع الضغط 78 درجه بس صراحه انا مش عارف الفانات شغاله على انه سرعه وهل لو الفانات سرعتها بقت اعلى درجة الحراره هاتقل عن 78
فياريت الافاداه لبداية البروفايل الى نهايته من حيث درجات الحراره وسرعة الفانات المناسبه
وفى نقطه اخرى انا عندى كيسه Thermaltake View71 TG RGB هل وصول الكارت الى درجة 78 او 80 ممكن يؤثر على زجاج التيمبر جلاس الخاص بالكيسه صراحه انا بكون قاعد جنب الكيسه وخايف حاسس انها هاتنكسر
ولكم جزيل الشكر
رد: استفسار بخصوص ضبط بروفايل لفانات كارت الشاشه
حضرتك انا افضل انك تسيب الكارت على طبيعتو افضل من انك تعمل بروفيل
تانى حاجة بنسبة لدرجة الحرارة عند الخمول 48 و 50 طبيعى جدا فى ايام الحر متقلقش من حاجة مش هايتاثر
تالت حاجة . كارت الشاشة عند الضغط بيجيب 78 درجة طبيعية و ممكن يوصل لى 83 كمان كل دة طبيعى مع الضغط
رابع حاجة زجاج الكيسة مش هايتاثر من سخونة الكارت و المكونات
ملحوظة . انا عارف انك لسة جايب الكارت اكيد و دافع فى فلوس كتير و خايف علية و قلقان . عايز اقولك متركزش و اقعد العب و استمتع و سيبك اهم حاجة الكيسة بتاعتك تكون فى مكان التهواية بتاعتو جيدة يعنى متحطش الكيسة مابين حاجة
و مبروك عليك الكارت
رد: استفسار بخصوص ضبط بروفايل لفانات كارت الشاشه
ملحوظة . انا عارف انك لسة جايب الكارت اكيد و دافع فى فلوس كتير و خايف علية و قلقان
ههههه صراحه ايوه وربنا يستر وبجد تسلم على اهتمامك والف شكر لحضرتك وان شاء الله هاعمل كل الى قلت عليه وجزاك الله خيرا
رد: استفسار بخصوص ضبط بروفايل لفانات كارت الشاشه
متخفش من حاجة . هات بس مشترك كهربا محترم . عشان بيحافظ على طيار الكهربا
و كل 6 شهور مثلا اعمل تنضيف للكارت عن طريق بلاور و ان شاء الله يعيش معاك
الف مبروك عليك . و تستمتع بى ان شاء الله
رد: استفسار بخصوص ضبط بروفايل لفانات كارت الشاشه
تسلم
انا بالفعل عندى مشترك المانى كويس جدا 3500 وات 16 امبير وبنضف الكيسه كل شهر او شهر ونص مره بالبلاور
رد: استفسار بخصوص ضبط بروفايل لفانات كارت الشاشه