مصر - اريد شراء سب ووفر لا يتعدى 400 جنيه

السلامو عليكم
انا من مصر / القاهرة

اريد شراء سب ووفر (سماعات) لا يتعدى ثمنها ال400 جنيه

مش مهم عدد السماعات (2.1 او 4.1) .. ومش مهم الكماليات زى شاشة او ريموت او مكان لفتحة USB
اهم شئ يكون صوتها عالى وقوى ونضيف

انا من الناس اللى بتحترم ماركة مازورى جدا (عندى سب مازورى الفضى القديم 4.1 وشغال زى الفل مع اخويا بقاله سنين لحد دلوقتى)
فى ناس نصحونى ب mazoori x900
بس فى ناس تانية قالتلى مستوى مازورى انخفض ومبقاش زى الاول .. غير انى اساسا مش لاقى السماعات دى ولا بلاقى حاجة لشركة مازورى بقالى فترة طويلة

وشركة كرييتف بقالها فترة حاجتها رديئة جدا (جربت كرييتف انسباير 4.1 ووحدة تعلية وتخفيض الصوت باظت فى خلال سنة)

عندى حاليا سب ووفر ماركة ايديفاير 2.1 (مش فاكر الموديل بس هو جاي امبليفاير + ريموت وكان عامل وقتها 650 جنيه)
صوته نضيف بصراحة بس واطى .. ومع الوقت صوته بيوطى اكتر واكتر

السؤال هنا : فى حد ينصحنى بماركة تانية او موديل لسب ووفر يكون محترم وعن تجربة
ارجوكم ساعدونى لانى بقالى فترة بدور فى السوق ومش لاقى غير ماركات اول مرة اسمع عنها

وشكرا مقدما لكل واحد هيتعب نفسه

F&D A330U 2.1 Multimedia Speaker System 440le

F&D F1200U 4.1 Multimedia Speaker System 380 le

والله كنت لسة داخل اسال على ماركة F&D
دى ايه نظامها ؟؟
نضيفة يعنى ولا ايه

مفيش اى رد يا جدعان

مفيش اى حد عنده اى معلومات خلاص

يا جدعان ساعدونى فى حد يعرف نوع صب نضيف
اسمه ايه وبكام

عليكم السلام ورحمة الله وبركاته
أرشحلك السماعة دي يا أخي رائعة إن شاء الله
Edifier P3060 Stylish 2.1 Multimedia Speaker System 400 L.E
ولو عايز حاجة أقل
أختار حاجة من دول
F&D F1200U 4.1 Multimedia Speaker System 379 L.E
Edifier P2060 2.1 Multimedia Speaker System 360 L.E
F&D A520 2.1 Multimedia Speaker System 360 L.E
F&D A521 2.1 Channel Speaker System 330 L.E
Edifier P1060 2.1 Multimedia Speaker System 325 L.E

F&D A530U رأيي دي أقوى سماعات في الفئة السعرية دي على حسب كل الreviews اللي في أمازون ومواقع كتييييير جدا
سعرها 360LE
وفيه F&D A555U نفس المواصافت بس الديزاين مختلف وفيها شاشة