قبل ان تشترى شاشه LCD تعرّف كيف تكتشف الديد بيكسل
السلام عليكم و رحمه الله وبركاته
اكتب هذا الموضوع لمساعده اخوانى الأعزاء فى عرب هاردوير على اكتشاف الديد بيكسل عند شراء شاشه
LCD جديده و اقصد بكلمه LCD هنا : اى شاشه تعمل بالكريستال السائل سواء عاديه او بتقنيه الإضاءه الخلفيه
LED .
ما هى الديد بيكسل ؟؟؟
كل بيكسل عباره عن 3 ترانزيزستور كل ترانزيستور منها يقوم بعرض لون من الألوان الثلاثه الأساسيه
و بشده إضاءه معينه للوصول للون المطلوب . و مع زياده عدد الترانزيزتورات فى الشاشه
1920*1080*3 = 6,220,800 ترانزيستور لهذه الدقه قد يزيد احتمال وجود ترانزيستور او اكثر لا يعملون بدقه
او كما هو مُحدد لهم .
فليس معنى الديد بسكل : نقطه سوداء غير مضيئه بالشاشه " هذا مفهوم خاطىء "
فالديد بيكسل قد تظهر مع الوان مثل " الأحمر و الأخضر و الأزرق و الأبيض و الأسود "
كل هذا له شرح بالبرنامج الذى انا بصدد شرحه اليكم الآن وهو DEAD PIXEL TESTER
قبل اى شىء التحميل
من هنا
وظيفه البرنامج
عرض صور بألوان متعدده ( و هى الألوان الأساسيه التى يعرضها الترانزيستور ) و التى يظهر بها الديد بيكسل
من مميزات البرنامج
صغر حجمه فهو لا يتعدى الـ 300 كيلو بايت
و لا يحتاج الى تنصيب : فقط تضعه على الفلاش و انت رايح تشترى الشاشه و تجربه من الفلاش بكل سهوله
==================================
نبتدى فى شرح مصور للبرنامج بإذن الله
1- فتح واجهه البرنامج الأساسيه
https://img514.imageshack.us/img514/3157/26303535.png
https://img143.imageshack.us/img143/6655/14695038.png
** هناك قائمه HELP لتساعدك على الإستخدام الأمثل للبرنامج للتعرف على الديد بيكسل إن وجدت
https://img269.imageshack.us/img269/2166/18781212.png
اولاً : تأكد من نظافه سطح شاشتك من العلامات او الأتربه و خلافه
ثانياً : تأكد ان ريزوليوشن العرض هو ريزوليوشن عرض الشاشه ( اى انه المفروض ضبط الشاشه على اعلى
دقه لها قبل فتح البرنامج ) و هذا بيان لكل من لا تظهر عنده ديد بيكسل على الدقات المنخفضه :)
ثالثا : اضغط ESC لإخفاء واجهه البرنامج و قائمه HELP و لعرض اللون بكامل الشاشه
رابعا : استخدم مفتاح C للتغيير بين الألوان الأساسيه و ابتدى لاحظ وجود اى بيكسل فى الشاشه مع كل لون
خامسا : لو مفيش اى نقط مختلفه يبقى الف مبروك عليك الشاشه سليمه 100% و احمد ربنا و كمان توجه بالشكر لصاحب المحل
سادساً : لو فيه ديد بيكسل ممكن تعلم على وجودها عن طريق وضع الماوس فوقها مباشره ثم ضغط M و سيحدد
البرنامج لك دائره تحوى الديد بيكسل لسهوله الوصول لها عند الحاجه مره اخرى
===============================
فيه سؤال احب اجاوبه : كان فيه شخص سأل و قال لو الشاشه مفيهاش ديد بيكسل هل ممكن مع الزمن
يظهر فيها ؟؟؟؟
المنطق بيقول ان كل شىء معرض للتلف .
لكن ده شىء اقرب الى المستحيل . يعنى شىء مستحيل حدوث ذلك
يا الشاشه شغاله من الأول يا مش شغاله . ولا داع للقلق .
============================
ملحوظه : بالبرنامج خواص عديده و كتيره لكنها كماليه و غير اساسيه
فتحديد الديد بيكسل يتحدد بالطريقه السابق ذكرها .
ملاحظات عند الشراء :
1- تأكد ان وصل الدفع ملصق بظهره قوانين الضمان او على الأقل اسمعها من البائع قبل مغادره المكان
2- يُفضل تجربه الشاشه قبل الخروج من باب المحل او دفع المبلغ . و إن لم يتيسر ذلك فقم بتجربتها فور وصولك
للمنزل ( كما فعلت مع شراء شاشتى الـ 24 بوصه )
3- المُتعارف عليه حالياً هو عدد 7 ديد بيكسل فى الشاشه كلها لتدخل الضمان و هذا ما هو مكتوب فى فاتوره
الشراء الخاصه بالشاشه بتاعتى . مع ان ايامها كان البيكسل المفروض ميزيدوش عن 5 و المفروض اكتر
انك تتمسك بحقك فى شراء منتج سليم و غير معيوب لأن كل شاشه و اكرر كل شاشه يتم فحصها قبل
نزولها الأسواق :)
=============================
اى خطأ او نسيان ارجو تصحيحى فيه ( خطأ تقنى و ليس تجارى :) ) فكلنا معرضون للخطأ
و اسأل الله ان ينفع الجميع بعلمهم و ينفعنا بما علّمنا و ان تكون تجاربكم فى الشراء جيده و غير سيئه
بالتوفيق للجميع
رد: قبل ان تشترى شاشه LCD تعرّف كيف تكتشف الديد بيكسل
اولا شكرا عالموضوع
بس انا عندي في الشاشه هتت صغير بس اكتر من واحد بكسل عامله زي مايكون عليها ميه كدا بس انا لما بمسحها مبترحش دي تعتبر ديد بكسل ولا ايه
شكرا
رد: قبل ان تشترى شاشه LCD تعرّف كيف تكتشف الديد بيكسل
موضوع رائع يا فوزى وانا بجرب دلوقت اهو
تعديل
مع انها 17بوصة وقديمة وتعبانة الا انها طلعت سليمة تماما
يرجى التثبيت للاهمية
فوزى بعتلك فى سكيب ابقى اقتكر ابقلنى
رد: قبل ان تشترى شاشه LCD تعرّف كيف تكتشف الديد بيكسل
هجرب ان شاء الله بعد الامتحان يوم 30-6 علشان ميجليش :ah42:
شكرا على مجهودك
لو مطلعش فى حاجه كل يوم هديك تقييم بس لو طلع فى حاجه ..... ياويلك:D
رد: قبل ان تشترى شاشه LCD تعرّف كيف تكتشف الديد بيكسل
شكرا يامحمود هبقى اجربه لما اجيب lcd ان شاء الله :)
رد: قبل ان تشترى شاشه LCD تعرّف كيف تكتشف الديد بيكسل
سؤال بره المنهج : هل الموبايلات كده كمان ؟ ولو ايوه هل فيه برنامج ؟
شكرا على الموضوع الهام .
رد: قبل ان تشترى شاشه LCD تعرّف كيف تكتشف الديد بيكسل
يا جماعة ده مش لعبة ههههههه .. الاستاذ محمود واضع البرنامج علشان شراء الشاشات الجديده هههههه
متشكرين على الموضوع
----------------------------
الموبايلات فيها كمان عيوب مماثلة .. مش لازم برناج كفاية صور ملونة ابيض اسود اخضر ازرق احمر
رد: قبل ان تشترى شاشه LCD تعرّف كيف تكتشف الديد بيكسل
رد: قبل ان تشترى شاشه LCD تعرّف كيف تكتشف الديد بيكسل
شكرا علي الموضوع يا حودة
بس المتعارف دلوقتي عند الشركات المحترمة لا زال 5 ديدات و ده المكتوب في ضهر فاتورة الشاشة بتاعتي (أنا جايب واحدة لأخويا من كام يوم ونفس الكلام)
رد: قبل ان تشترى شاشه LCD تعرّف كيف تكتشف الديد بيكسل
5 ده المتعارف عليه
7 ده لما يكون صاحب المحل عايز يضمن نفسه او على حسب التوكيل
و الف شكر على مروركم يا شباب و ربنا ميجبلكوش لا ديد بيكسل ولا حتى بيكسل بتفرفر :D
=============================
اقتباس:
اولا شكرا عالموضوع
بس انا عندي في الشاشه هتت صغير بس اكتر من واحد بكسل عامله زي مايكون عليها ميه كدا بس انا لما بمسحها مبترحش دي تعتبر ديد بكسل ولا ايه
شكرا
ممكن الترجمه :D ؟؟ بجد مش فاهم حاجه
رد: قبل ان تشترى شاشه LCD تعرّف كيف تكتشف الديد بيكسل
اقتباس:
بس انا عندي في الشاشه هتت صغير بس اكتر من واحد بكسل عامله زي مايكون عليها ميه كدا بس انا لما بمسحها مبترحش دي تعتبر ديد بكسل ولا ايه
يا مان الديداية دي بتبقي أصغر من النقط اللي فوق الحروف دي, يعني محتاج تمقق عينك و تركز أوي عشان تشوفها (أو يمكن عشان أنا لابس نضارة:D)
لكن اللي أنت بتقول عليه ده يا أما تراب لازق في الشاشة أو حاجة أتدلقت عليها و لزقت
أو يكون عيب في أضاءة الشاشة
أو حاجة تانية أنا معرفهاش (الشاشة بتودع مثلا)
أتأكد بس من نضافة الشاشة فلة و هي مقفولة قبل ما توديها الضمان
رد: قبل ان تشترى شاشه LCD تعرّف كيف تكتشف الديد بيكسل
موضوع رائع يافوزي
بس علي فكره
حته انو مستحيييييييل انو تظهر ديد بكسل صدقني لا
انا جربتها هناك طلعت تمام جيت هنا اسبوعين بس ظهر فيها 3 ديد بكسل ومتعايش معاهم عادي :D
رد: قبل ان تشترى شاشه LCD تعرّف كيف تكتشف الديد بيكسل
الف شكر يا حوده حبيـبىى
انا لسه مشيك على الشاشه والحمد لله طلعت عكس ما توقعت تماما بص بقى
1 فى اللون الابيض كلها بيضه ( ياسلام لو بالبصترمه )
2 فى الاسود مشفتش منها اى حاجه
3 فى الاحمر تمام كأنى قاتل عليه واحد الصيح
4 فى الازرق فكرنتى بالنيل اللى عمرى ماشفته ازرق فى حياتى
الف شكر يا حوده باشا على البرنامج الجامد دا
الواحد كان مقلق انها تطلع وتنزل تانى
ههههههههههه :D
معلش بقى تاثير امتحان اللغه
( الراجل كاتب كل الاسبليج غلط )
رد: قبل ان تشترى شاشه LCD تعرّف كيف تكتشف الديد بيكسل
الموضوع أكثر من رائع ....
رد: قبل ان تشترى شاشه LCD تعرّف كيف تكتشف الديد بيكسل
الله ينور يا معلم :) , تم التست , كله تمام , موز اللوز!