لكل عشاق الجيمنج يدخل هنا
بسم الله الرحمن الرحيم
مع اقتراب نزول البلايستيشن 5 فى بعض منكم بيسال نفسو اجيب تجميعة كمبيوتر ولا اشترى بلايستيشن 5 افضل ؟؟؟
انا من خبرتى فى الكمبيوتر وكاواحد من عشاق شراء كروت الشاشة بالاخص لما يكون فيها مميزات جديدة
فعلا دلوقتى بدأت افكر فى البلايستيشن 5 عشان اسعار كروت الشاشة بقت عالية جدااا
تعالو نفكر مع بعض انا لو جبت بلايستيشن 5 كل الى هاحتاجة تلفزيون 47 بوصة مثلا و اى لعبة هاتنزل خلاص انت متاكد انها هاتشتغل عندك مع دقة 4k و 60 فريم يعنى تمام جدااا بس بالطبع هاتحتاج تشترى اى لعبة هاتعجبك عشان البلايستيشن مافيش العاب ببلاش علية
نيجى للكمبيوتر عشان تعمل تجميعة تساوى البلايستيشن 5 هاتحتاج كارت شاشة مثلا RTX 2080 او GTX 1080 TI + بروسيسور i7 جيل تاسع + رامات مش اقل من 16 جيجا يعنى الحسبة ممكن تدخل فى حدود 24 الف مثلا
هاتلعب على شاشة جيمنج و ممكن تحقق فريمات اعلى كتير من بلايستيشن بس بجد انا لقيت 60 فريم على 4k كافى جدااااا + حصريات البلايستيشن
الخلاصة
من وجهة نظرى لو انت جيمنج فقط يبقى على طول روح مع البلايستيشن 5
و لو انت عايز جيمنج + شغل جرافيك و اعمال مكتبيه يبقى طبعا تشترى الكمبيوتر
مستنى الاراء بتاعت كل الجيمير هنا
رد: لكل عشاق الجيمنج يدخل هنا
مرحبا ياأخ أحمد
موضوع جيد يهم ممارسى الألعاب
ينقل للقسم المناسب
رد: لكل عشاق الجيمنج يدخل هنا
الحصريات فعلا عامل مهم فى الإختيار مثل GOD OF WAR و Uncharted 4: A Thief's End على Playstation 4 فقط, فهى ألعاب متميزة جدا, فلو أن الPLAYSTATION 5 عليه حصريات رائعة مثل هؤلاء, فهو يستحق الشراء من وجهة نظرى.
رد: لكل عشاق الجيمنج يدخل هنا
بضبط البلايستيشن 5 هاينزل بى حصريات كتير و دى افضل حاجة
رد: لكل عشاق الجيمنج يدخل هنا
معلومة جديدة الكنترول بتاع البلايستيشن 5 هايكون فى ميزة جديدة و هى ان الهزاز بتاعو مش مجرد هزاز لا يعنى لو انت ماشى فى تلج غير و انت ماشى فى صحرا كل حاجة بيحسيسك انك بجد ماشى فى المكان دة
رد: لكل عشاق الجيمنج يدخل هنا
اقتباس:
المشاركة الأصلية كتبت بواسطة RVD150
معلومة جديدة الكنترول بتاع البلايستيشن 5 هايكون فى ميزة جديدة و هى ان الهزاز بتاعو مش مجرد هزاز لا يعنى لو انت ماشى فى تلج غير و انت ماشى فى صحرا كل حاجة بيحسيسك انك بجد ماشى فى المكان دة
هذه الخاصية رائعة، منذ أن جربتها فى لعبة mafia 2 وأنا أعشقها لأنها تشعرك كما لو أنك تقود سيارة حقيقية.
بالمناسبة كنت أفكر فى جعل هذا الموضوع موحدا فيما يخص كل شئ عن بلايستيشن 5 من الآن وحتى موعد إطلاقه فى شهر نوفمبر القادم، وممكن نقوم بتثبيته أيضا.