مشكله عند تشغيل الجهاز

السلام عليكم
عندى مشكله كانت بتحصل على فترات متباعده ان الجهاز بيفصل مره واحده وانا شغال عليه وفى بعض اوقات لما كان بيفصل واجى اشغله تانى يفصل تانى اسيبه شويه واجى اشغله يشتغل عادى جدا بعض الناس قالولى ان دى مشكله كهرباء وانها كانت ضعيفه فى الوقت ده مش عارفه تقوم الجهاز عموما المشكله دى بقالها تقريبا 3 شهور مش بتحصل نهائى وكان فيه استقرار تام ومن يومين سطبت ويندوز جديد عادى جدا وسطبت البرامج وفتحت لعبه وبعدها بربع ساعه الجهاز فصل لوحده المهم شغلته تانى اشتغل وفصل واشتغل لوحده حوالى 3 مرات وكانت لمبة dram فى المازر بورد منوره لونها برتقالى تقريبا وشيلت الرامات 4 وفضلت اجرب 2 بس فى اكتر من مكان ونفس المشكله المهم شيلت الفيشه وانتظرت شويه وفتحت الجهاز ادانى رساله انى لازم ادخل على البايوس المهم دخلت على البايوس لاقيته عامل ريسيت لوحده ظبطه وشغلت الجهاز اشتغل عادى وفصل لوحده ونفس المشكله عمل ريسيت للبايوس وادانى نفس الرساله انى لازم ادخل على البايوس وبعدها طفيت الجهاز وجيت اشغله مش راضى يشتغل نهائى المازر بورد واصلها كهرباء والشعار الخاص بيها منور لكن لما باجى اضغط على زر الكيسه مافيش استجابه نهائى انا مش عارف المشكله فين بالرغم ان الكيسه جديده بقالها سنه يرجى الافاده ..
مواصفات الجهاز
Asus rog b550 E gaming
Rayzen 5600x
Ram kingston hyperx 4*8 pass 3800
Thermaltake View 71 Tempered Glass RGB Edition +850wat thermaltake
مع العلم انى كنت مغير تردد الرامات فى البايوس الى 3200

ياريت الافاده انا هاموت واعرف ايه المشكله بالظبط علشان احلها هل فى قطعه فى الجهاز هى الى عامله المشكله اغيرها هل المشكله فى الكهرباء ولازم اجيب ups كويس

أخي الكريم هل انت عامل كسر سرعة من اي نوع ؟ او بتستخدم مثلا Curve Optimizer ؟

لا نهائى وعمرى ما عملت كسر سرعه لاى قطعه فى الجهاز

أخي الكريم المشكلة الخاصة بك ممكن تكون كذا حاجه بس من كلامك ممكن تكون مشكلة باور سبلاي بنسبة كبيره .. حاول تجرب جهازك على باور سبلاي تاني وشوف هيشتغل معاك وهيبقي فى فرق ولا لاء .

يبدو أن المشكلة من الباور سبلاي أو التركيب للقطع أو التوصيلة الكهربائية و الأفياش .. استخدم نوعيات جيدة ذات إمبير لا يقل عن 13


https://www.ikea.com/sa/en/images/pr...524_s5.jpg?f=s

وقد تكون المشكلة من الفيش الجداري .. جرب الأخرى مع توصيلات أطول ..

تمام ان شاء الله اجرب باور اخر وبالنسبه للفيشه انا مركب واحده 16 امبير

تم تجربة باور اخر وصدقونى حصل معايا حاجه اغرب من الخيال انا عندى جهازين فى البيت الجهاز التانى القديم شغال كويس جدا مافيش فيه اى مشاكل والباور الى فيه جديد شاريه من كام شهر جيجابايت 650 وات او 600 مش متذكر المهم فكيته وركبته فى الجهاز الجديد الى فيه مشكله وجيت اشغل نفس المشكله مافيش اى استجابه نهائى معنى كدا ان المشكله مش فى الباور الغريبه بقى هنا الى هاموت واعرف ايه سببها انى فكيت الباور ورركبته تانى مكانه فى الكيسه القديمه الى مافيهاش مشكله وجيت اشغلها الجهاز اشتغل تقريبا 5 ثوانى وفصل لوحده وبعديها ب 3 ثوانى اشتغل تانى لوحده بس مافيش كونكت مع الشاشه وفى لمبه لونها احمر فى المازر بورد منوره المهم شيلت الفيشه وركبتها تانى وجيت اشغل الجهاز حصل نفس المشكله المهم شيلت البطاريه وفكيت رامه وسيبت رامه واحده الجهاز اشتغل عادى جدا اركب الرامتين الجهاز يعمل نفس المشكله اسيب اى واحده منهم الجهاز يشتغل عادى لكن الاتنين مع بعض بيحصل مشكله
انا بجد هاموت واعرف ايه الى بيحصل الجهاز القديم كان شغال كويس جدا جدا لحد مافكيت الباور منه علشان اتاكد من الجهاز الجديد الى فيه مشكله وبعد ما رجعته تانى مكانه حصلت مشاكل انا عاجز فعلا عن فهم الى بيحصل

شوف أخي الكريم بخصوص جهازك القديم طالاما كان شغال كويس يبقي بس إتأكد انك موصل كل شىء مظبوط ونضف مكان الرامات بفرشاة وكحول نقي او أكاي ازرق وركب الرامات تاني مكانها او جرب تبدل مكانهم وإن شاء الله يشتغل معاك .. بخصوص الجهاز الحالي طالاما مش بيفتح خالص حتي مع الباور التاني يبقي جرب تشيل البروسيسور من مكانه على البوردة وركبه تاني وغير المعجون الحراري وجرب تشغله تاني وشوف .. ولما الجهاز يفتح معاك ومازالت المشكلة الاساسيه موجوده جرب الرامات التانيه اللى على الجهاز القديم على الجهاز الجديد وشوف هتتحل المشكله ولا لاء .. فى مشاكل فى الكمبيوتر بتحتاج تجربة كل احتمال لحد اما توصل للمشكلة .

تمام تسلم انا اكتر حاجه شاكك فيها البروسيسور انا عموما هاخد الكيسه اوديها مول البستان للمحل الى كانت شاريها منه اكيد عندهم قطع يجربوا بيها لان الجهاز القديم الى عندى انتل جيل تانى والجديد رايزن فما مش هاينفع اجرب بينهم

الحمد لله تم معرفة مشكلة الجهاز البروسيسور مات بالفعل ولما ركبنا بروسيسور تانى الجهاز اشتغل زى الفل بدون اى مشاكل نهائى وجربنا اكتر من مره اننا نشيل الجديد ونركب القديم والمشكله فعلا طلعت من البروسيسور القديم مافيش استجابه نهائى وتم شراء بروسيسور جديد 5800x وشكرا لحضراتكم
ويرجى النصيحه محتاج اشترى ups كويس للعلم كارت الشاشه عندى rtx 3080 extreem انا بحثت كتير ووصلت للنوع ده eps لاين انتر اكتف 2 كيلو 1200 وات فهل دا مناسب وهل فيه افضل منه

وعليكم السلام ورحمه الله وبركاته وكل عام وحضرتك بألف خير وسلام .... ال ups ليس بقدرته فال كيلو 1200 هو مقدار مايستطيغ ال ups تشغيل الجهاز بحال إنقطاع التيار الكهربائى .... فأذا كان التيار الكهربائى ينقطع عندك مده كبيره ( بحدود ساعتين مثلا ) فبتلك الحاله سيفيدك الذهاب إلى ups ذو قدره تخزين أعلى للطاقه .... كمثال ال ups المذكور أما أذا كانت المده بحدود ساعه فأقل .... فيكفيك ups بحدود 600 كيلو مثلا لأن ال ups عباره عن بطاريه فقط لاغير .... إذا من يحدد حجم ال ups هو مدى مايستمر إنقطاع التيار الكهربائى وهذا ماتقرره أنت وذلك لتوفير النقود .... وإن كان إمكانيات جهازك ستضغط علىه وستستنفذ مابه من طاقه سريعا لذلك أنا مع الذهاب مع ups يستوعب طاقه أعلى كمثال الجهاز المذكور ( وذلك فى حاله أن التيار ينقطع فتره زمنيه كبيره ) وبالنسبه للماركه فال ups الذى ذكرته جيد ولاغبار عليه ... رمضان مبارك