عرض للطباعة
السلام عليكم انا هسطب اخر اصدار نسخة W10 بنظام GPT هل كدة انا ماشى صح
عندى (هارد SSD كنج سيتون هيكون علية السسيتم ) وهارد تانى ( 1تيرا )
انا هيئت الفلاشة بملف ايزو ببرنامج rufus ودخلت على تالت اختيار كدة ثم دخلت على تسطيب الويندوز انا ماشى صح افرمت واسطب النسخة ولا فى حاجة غلط
https://g.top4top.io/p_16397byhd3.png
https://f.top4top.io/p_1639y9wsn2.png
https://e.top4top.io/p_1639h1r6n1.png
عليكم السلام ورحمة الله
إستمر.. ماشي تمام،
بس لو فيه داتا مهمة ع الـ C انقلها ع الهارد الـ 1 تيرا قبل الفورمات.
حبيبى تسلم الله يكرمكاقتباس:
المشاركة الأصلية كتبت بواسطة محمد فاروق غازي
طيب ممكن سؤال هو نظام GPT بيكون لية افضل من MBR
بما إن دا سؤال تقني بحت هجاوبك بشكل مبسط وهرفقلك رابط من موقع عرب هاردوير فيه شرح بردو لو حابب تقرأ في الموضوع أكتر.اقتباس:
المشاركة الأصلية كتبت بواسطة nazeh000
الـ MBR و GPT هي تنسيقات للأقراص الصلبة، تقدر تقول إنها الطرق المسئولة عن تعاملات القرص الصلب بشكل عام مع اللوحة الأم ونظام التشغيل،
على سبيل المثال فهي بتكون مسئولة عن أقسام القرص بتبدأ منين وتنهي فين ومسئولة عن المعلومات الشاملة لكل قسم في القرص
زي القسم وليكن C مثلًا قابل لإقلاع النظام ولا لا؟ وهل هو قسم أساسي ولا ثانوي؟ وهكذا، حتى الداتا ونظام إقلاع القرص التنسيقات هي اللي بتتعامل معاها.
الـ GPT تنسيق أحدث من الـ MBR وعشان كدا بيخلي القرص أفضل في طريقة تعامله مع اللوحة الأم وأنظمة التشغيل وطبعًا زي أي شيء أحدث بيديك خيارات أفضل وتحسينات عن اللي قبله
فمثلًا تنسيق الـ GPT بيخليك تقدر تعمل أقسام أساسية "Primary" لحد 128 قسم في الوقت اللي الـ MBR بيكون محدود بـ 4 فقط
الـ GPT بيقدر يتعامل مع أقراص بمساحة مهولة "قرأت إنها بتصل لحد 18 إكسابايت" مع العلم إن الـ 1 إكسابايت يساوي مليون تيرابايت.
الـ MBR أقصاه يتعامل مع أقراص بسعة 2 تيرا بايت، وبعض الشركات زي جيجا بايت كانت بتضيف برنامج خاص باللوحة الأم عشان ترفع المساحة دي لـ 3 تيرا
الـ GPT أفضل في حالة استرجاع الداتا المفقودة لأنه بيسجل البيانات بطريقة فيها تكرارية أما الـ MBR بيسجلها مرة واحدة ودا بيخلي عملية استرجاع الداتا صعبة
الـ GPT أسرع نسبيًا في عملية الإقلاع من الـ MBR لكن طبعًا إمكانيات الجهاز ليها الدور الأكبر وخاصة نوع القرص نفسه HDD ولا SDD
ولو بحثت هتلاقي مميزات كتير جدًا لصالح الـ GPT
وطبعًا ممكن تلاقي بعض المميزات مش مهمة بالنسبالك لكن أكيد مهمة لفئة معينة من الناس وفي كل الأحوال الـ GPT أحدث وأفضل لأي مستخدم لوحته الأم بتدعم UEFI وبيشتغل بويندوز x64
وأظن أغلب المستخدمين على هذا الحال.
أتمنى أكون أفدتك ودا رابط المقال اللي أشرت إليه في بداية الكلام لو حابب تتوسع من هــنــا
وعليكم السلام ورحمه الله وبركاته
بالإضافه لما ذكره الأخ محمد
بارك الله به
حاول تطبيق
مافى هذا الموضوع حرفيا
https://forum.arabhardware.net/showt...58#post3157958
تحياتى للجميع
شكراا على مجهودكم جزاك اللله خيراااااا
اقتباس:
المشاركة الأصلية كتبت بواسطة nazeh000
الشكر لله
بالتوفيق