أين أجد HdD Caddy في مصر

لدي لاب توب Dell R15 5573
وأريد تركيب هارد SSD له
وبما أنه لا يوجد مكان له فلابد من تركيب HDD Caddy بدلا من ال DVD
هل ال HDD Caddy تباع في مصر وإذا كانت تباع فأين

هو الموضوع صعب كدة

أخى مش صعب ولا حاجة موجود بموقع سوق دوت
بسعر 175 جنيه تحت اسم (حامل هارد لابتوب )

أولاً : جزاكم الله خيراً
ثانياً
في ده
https://egypt.souq.com/eg-en/dvd-%D8...%A8-6603139/i/

وفي ده
https://egypt.souq.com/eg-en/dvd-%D8...i/#description

أيه الفرق بين الاتنين

السلام عليكم ورحمة الله وبركاته
اولا شوف العلبة الخاصة بالاب بيكون مكتوب فى المواصفات حجم الدىفىدى
اما 12.7 او 9.5 انا كان مكتوب عندى 12.7 اللى هوه ب 175 جنية بس انا اشتريته من الخارج ووصلنى
فى الاسكندرية ب 185 جنيه وبعد كام يوم لقيته على موقع السوق المهم انه فى حجمين 12.7 و9.5
شوف الاول من على العلبة او ادخل موقع اللاب وانت تعرف

ال DVD طلع 9.5
طيب معلش سؤالين
الأول
هل ال حامل ال 9.5 ممكن يركب مكان DVD 12.7

السؤال التاني
أنا نزلت ولفيت في سوق العصر والسخاوي
لقيت واحد من اللي هو 12.7 عامل 90 جنية

هل فيه فرق بينه وبين الموجود علي موقع سوق ولا سوق بيغلي وخلاص

يعني هل ادور علي واحد 9.5 بسعر ارخص ولا آخد بتاع سوق وأمري إلى الله

عملت بحث علي موقع أمازون لقيته موجود بمتوسط سعر 10 دولار
يعني تكلفته بالشحن مش هاتعدي 150 جنية
https://www.amazon.com/s/ref=nb_sb_n...=HDD+CADDY+9.5

السلام عليكم ورحمة الله وبركاته
اخى بالنسبة للسؤال الأول لا اعتقد وإلا مكنش اتعمل مقاسين
فأكيد مقاس الديفيدى 12.7 اكبر من 9.5 يعنى مش حيدخل فى مكانه
والعكس ممكن 9.5 يدخل مكان 12.7 بس حيبقى مش ثابت وحيعمل قلق
ثانيا موقع سوق لا أشترى منه إلا اذا كان المنتج لايوجد منه فى السوق المصرى
لان سعره غالى
واذا كان على موقع امازون ب150 جنيه فتوكل على الله
صدقنى الموضوع يستاهل
ويا حبذا لو كان القرص الذى ستضع عليه السيستم قرص ssd فهو رائع بكل المقاييس
انا عملت كده بالضبط.... مع تحياتى

جزاكم الله خيراً يا هندسة
في الغالب هاركب هارد SSD

الحمد لله
اشتريت الـ راكة من محل في سوق العصر
وركبت عليها هارد SSD
وشغال كويس الحمد لله


السؤال دولوقتي
هل في طريقة اشغل بيها ال dvd كأنه external DVD Rom
مشكلتي الأساسية مع وصلة الباور بتاعته