المسكين gtx 760 مع شاشه 1080.. وطلب نصيحه

السلام عليكم
انا معايا الكرت المسكين gtx 760 مع شاشه 19 مسكينه بردو.. فا كنت عايز اعرف لو اشتريت شاشه 24 بدقه 1080 هل الكرت دا هيستحمل الالعاب.. مع العلم انه شغال كويس ع الشاشه 19 اللي هي دقتها 1440*900 هل هيحصل دروب عالي ف الفريمات لو شغلته علي شاشه 1080 ولا هيمشي الحال
السؤال التاني
هو سؤال غبي بس حابب اساله بردو.. هل الفرق بين الشاشتين يستاهل التغير يعني فرق الجوده ف الصوره عالي ف الالعاب بين الاتنين؟
بعد كدا عايز نصيحتكم.. بس يا ريت يتم الفصل بين السؤال اللي فات و النصيحه دي
احدث كرت الشاشه و اشتغل علي الشاشه 19 افضل لحين تغير الشاشه ولا احدث الشاشه ل 24 و اشتغل علي gtx 760 2gb لحين تغير الكرت؟
باقي الموصفات ف التوقيع

كل عام وانت بخير اولا ، الفرق بين الشاشتين (في الجودة) مش ملحوظ بدرجة كبيرة و خصوصا انك هتنقل علي شاشة اكبر 5 بوصة ، و ده اللي هيخلي الجودة اللي انت شايفها متختلفش لان ال DPI قريب ، و لكن بالطبع الفريمات هتقل و استهلاك الvram هيزيد ، و هتضطر تقلل الاعدادات الخاصة بالtextures و draw distance و هكذا الي بتستهلك ذاكرة وده هيقلل الجودة بتاعة الصورة ، بس لو كنت بتشغل antialiasing عالي ، مش هتضطر تعمل كدة مع ريزوليوشن اعلي بس فرق البوصة هيخليك بدل ما تقلفه خالص تخليه 2x بدل 4x وهكذا ، يعني هتلاقي حاجات تزود الاداء و حاجات تانية تقلله فالاختيار صعب نوعا ما بس برضه فيه عامل و هو المعالج و مزود الطاقة , لو رحت اشتريت كارت قوي نوعا ما مش هتستفيد بيه لان المعالج هيعمل عنق زجاجة في الريزوليوشن القليل بس هيبقي الاداء احسن من اللي معاك برضه بلا شك ولكن مش هيكون استهلاك امثل للمال لو مش ناوي تجدد معالج قريب

الخلاصة انك قدامك حلين ، حاول تجيب شاشة اصغر شوية و كارت جديد ميكونش قوي (rx 580 , rx 590 , gtx 1060 ) اوي و لو الميزانية ضيقة ممكن تتجه للمستعمل و انا افضل مثلا gtx 1070 او الكروت السابق ذكرها علي حسب ميزانيتك و كدة انت استفدت اقصي استفادة بفلوسك و الشاشة برضه من لازم تكون جديدة و ده هيبقي حل ممتاز

الحل الاسرع انك تجدد كرت الشاشة و تستخدم تقنية ال resolution scaling اللي موجودة في معظم الالعاب حاليا عشان تعلي الجودة و ده هيحتاج كرت كويس زى rtx 2060 او gtx 1660 ti كحد ادني لو هتعلي الاعدادت و عايز تجيب متوسط فريم 60
الهدف من الحلول ديه انك تحصل علي جودة صورة اعلي مع افضل اداء ، و الحل الأول افضل لو كنت ميال انك تكبر حجم الشاشة مش مجرد عايز تزود جودة و انا شخصيا مع الحل الاول

ملحوظة : التوقيع مش ظاهر عندي عشان كدة مش عارف امكانيات جهازك بالضبط

باقي الموصفات كالتالي
Intel Core i5-4440 Haswell 3.1GHz 6M LGA 1150
Seagate Barracuda ST2000DM001 2TB
Kingston HyperX Blu 8GB DDR3 1600MHz CL10 1.5V
Gigabyte GA-H81M-S2PH Socket 1150 Motherboard
SeaSonic S12II Bronze 520W 80 PLUS Certified PSU
هل معالج i5 هيعمل عنق زجاجه مع الكروت القويه؟
حضرتك تقصد ان كل اما شاشه بتزيد ف نفس الدقه جوده الصوره بتقل
يعني شاشه 23 ع دقه 1080 افضل من 24 دقه 1080 من حيث جوده الصوره؟
طب الكرت الحالي لو لعبت ع اعدادات متوسطه ما يمشيش الحال؟
حضرتك تقصد شاشه اجيب شاشه اقل من 24 بس نفس الدقه ولا ايه؟

اقتباس:

---

المشاركة الأصلية كتبت بواسطة mido salah

باقي الموصفات كالتالي
Intel Core i5-4440 Haswell 3.1GHz 6M LGA 1150
Seagate Barracuda ST2000DM001 2TB
Kingston HyperX Blu 8GB DDR3 1600MHz CL10 1.5V
Gigabyte GA-H81M-S2PH Socket 1150 Motherboard
SeaSonic S12II Bronze 520W 80 PLUS Certified PSU
هل معالج i5 هيعمل عنق زجاجه مع الكروت القويه؟
حضرتك تقصد ان كل اما شاشه بتزيد ف نفس الدقه جوده الصوره بتقل
يعني شاشه 23 ع دقه 1080 افضل من 24 دقه 1080 من حيث جوده الصوره؟
طب الكرت الحالي لو لعبت ع اعدادات متوسطه ما يمشيش الحال؟
حضرتك تقصد شاشه اجيب شاشه اقل من 24 بس نفس الدقه ولا ايه؟

---

ايوة جودة الصورة هتقل في شاشة اكبر لو الدقة هي هي للشاشة الاصغر ( نفس عدد البيكسلات هيتوزع علي مساحة اكبر ), 23 بوصة جودتها اعلي من 24 لو الدقة في الاتنين 1080p
المعالج بتاعك هيعمل عنق زجاجة من اول Gtx 1660ti و انت طالع و بالتالي افضل خيار لك هو ( rx 580 او gtx 1060) , و برضه الاداء هيتفاوت من لعبة للتانية علي حسب تصميم المحرك بتاعها , ممكن تعتمد علي المعالج اكثر (CPU bound) و ممكن تعتمد علي الكرت(GPU bound)اكثر و لكن بوجه عام المعالج ضعيف بعض الشيئ و لا انصح بكارت من الفئة العالية

الكرت اللي معاك حاليا هيعاني لو عايز تلعب 1080p علي اعدادت عالية نوعا ما و خصوصا لو مش عايز تقطيع او حتي micro stuttering , و متنساش ان 2Gb vram صعبة شوية في الالعاب الجديدة , يفضل 3GB او اكثر علي 1080p
انت ممكن تشوف علي اليوتيوب Benchmarks لكارتك علي كل الالعاب تقريبا بكل الاعدادات و ساعتها القرار يرجعلك .

انت ممكن تجيب شاشة 21.5 ( لو مش هامك الحجم اوي ) مستعملة ( او جديدة حسب امكانياتك) و تكون 1080p و تشوف كرت مستعمل مناسب من اللي قولتلك عليهم ( لو ميزانيتك مش مكفية الجديد )
كرت ال RX 580 حاليا جديد في ماكسيمم ب 4250 جنيه ( و ده سعر كويس جدا مقابل الاداء و لكن الGTX 1060 اكثر ثباتا ) .
و الأولوية لشراء كرت جديد افضل من شاشة جديدة عشان الدقة ممكن تعلي علي نفس الشاشة اللي معاك بال resolution scaling