كيفية كسر السرعة للمعالج Core I7 4790K مع المازربورد Asus MAXIMUS VII HERO

السلام عليكم و رحمة الله و بركاته
ارجو من اخواننا الخبراء فقط توضيح كيفية كسر سرعة المعالج Core I7 4790K على المازربورد Asus MAXIMUS VII HERO ؟؟؟

علما بان مواصفات جهازى كالآتى :-

CPU : Intel Core I7-4790K

CPU Cooler : CORSAIR Hydro Series H80i

M.B : ASUS MAXIMUS VII HERO

RAM : G.SKILL Trident X Series 16GB (4 x 4GB) DDR3 2400 CL10 V1.65

GPU : Asus GeForce GTX 980 DirectCU II OC Strix 4GB GDDR5

PSU : Seasonic X Series 850W 80 PLUS Gold Certified Full Modular PSU

CASE : Corsair Graphite Series 760T Full Tower Windowed Case

يا ريت لو فيه فيديو توضيحى باللغة العربية ... لانى تايه فى البيوس بتاع المازربورد ...

up up up

وعليكم السلام ورحمه الله وبركاته ... مرحبا بيك يا اخ محمد ومبروك على الجهاز ..
شوف اخى حسب علمى انت معاك عدد غزير من السوفت وير الخاص بكسر السرعه مع هذه اللوحه ..
اشهر هذه البرامج هو برنامج 5Way Optimization .. بضغطه كليك واحده OC بيكسر السرعه لمكونات الجهاز بطريقه احترافيه ..
بعد الكسر الاوتو خد فكره الاول عن كل شىء عشان تعرف تردد المعالج وصل من كام الى كام والفرق كام تقريبا ..

بعدها افتح برامج الحراره امامك وخليها ثابته وابدا الضغط على المعالج باستخدام برنامج Prime95 وراقب جيدا جدا درجه حراره المعالج ..
اقصى درجه حراره مسموح بيها 100C وبعدها المعالج هيحمى نفسه ويعمل اغلاق لنفسه اوتماتيك
لذلك يجب دائما ان تضع عينك على الحراره الا ترتفع لهذا الحد بعد ساعه ساعتين من استمرار الضغط ...
طول ما برنامج الضغط شغال كويس ومحصلشى كراش للنظام او ظهور اى اخطاء وماذالت درجه الحراره فى وضع جيد
كمل الضغط لمده 4 ساعات على الاقل ... لو اكتر مفيش مشكله يكون افضل ...

اذا لاحظت ارتفاع درجات الحراره بشكل عشوائى بمجرد بداء الضغط فقط .. ارجع للبيوس وشوف الكسر الاوتو ضبط الفولتيه على كام ؟
ابدا قللها 0.010v او حسب التقليل التدريجى المسموح فى البورده ( يجب ان تكون دائما اقل من 1.35v برايى واقصاك 1.30v )
ووافق على الفولت الجديد وابدا الضغط من جديد وتابع الحراره الجديده ...

كل هذا الى ان تستقر على افضل كسر بالنظر الى الحراره واستقرار النظام على الفولت الصحيح للمعالج ..
برنامج 5Way Optimization ذكى جدا وعدد كبير كسر السرعه عليه بدون احتياج ايه تعديلات داخل البيوس ولكن
كل شىء محتمل فى الكسر بسبب اختلاف باتشات المعالج وباقى المكونات بتاعتك وحتى اللوحه الام نفسها واصدار البيوس ..

اذا اكتشفت ان الامور طيبه بمجرد الكسر الاوتو ودرجات الحراره جيده و ( الكسر مرضى ) انصحك بالتوقف والاكتفاء
ابدا انتقل الى الرام وتاكد من تفعيل بروفايل XMP للرامات لتصل الى اقصى تردد لها ...

على كل حال كسر السرعه بيختلف دائما من منصه لمنصه والافضل انك تبحث عن دليل ارشاد خاص باللوحه الام نفسها على YouTube
You Tube افضل مرجع فى الكسر بسبب اختلاف ادوات وضوابط البيوس من لوحه لغيرها هذا فى حال لم يصلح معك السوفت وير وانتقلت للكسر المانوال

اخى Phenomenon اشكرك كل الشكر من صميم قلبى . و عقبال عندك يا غالى :D