ارتفاع درجة حرارة معالج I7 10700K ل95 درجه

السلام عليكم
الحقيقه انا اول مره اجرب اقيس درجة حرارة المعالج عندي
كنت بضغط فيديو حجمه كبير على برنامج FORMAT FACTORY
وقلت اشوف درجة الحراره كم وكدا
وفوجئت ان درجات الحراره لكل نواع معديه 95 زي ماهو باين فى الصور
انا تجميعتي كالاتي

motherboard= Z490 AORUS PRO AX
Cpu= i7 10700k
cooler= hyper 212 spectrum
Ram= corsair vengeance rgb pro 2x8gb
m.2= adata xpg 8200 pro 512gb
POWER SUPPLY= Seasonic FOCUS 750 Gold 80+ Gold
CASE =ASUS TUF Gaming GT501
​https://j.top4top.io/p_1759njqo41.png
https://j.top4top.io/p_1759njqo41.png
ودي صورة للمعالج فى الوضع العادي
https://e.top4top.io/p_1759g9pmm1.png

وعليكم السلام ورحمة الله وبركاته... حسب موقع إنتل فإن الخطورة تبدأ عند تخطى حاجز ال100 درجة أثناء الضغط، ولكن فى كل الأحوال هناك بعض الأمور يمكن التحقق منها، فمثلا :

1- هل المعجون الحرارى وضع على البروسيسور بالطريقة المشهورة وهى أن تضع مقدار حبة أرز على سطحه ثم تنشرها عليه بظهر المفك أو الجفت ؟

2- وهل هناك تكييف فى الغرفة أم إن التهوية سيئة ؟

انا حطيت المعجون اللي جاي مع الكولر على شكل حرف اكس
ومافيش تكييف فى الغرفه للأسف
والكيسه واسعة وتهويتها حلو بس لاحظت فى الازاز اللى قصاد الكولر انه سخن شوية
الجهاز ماكملش شهر لسه هل الكولر وحش مثلا واللا ايه
وهل فيه اعدادات معينة لمروحة الكولر مثلا اني اعلى سرعته او اجيله كمان مروحه اضافيه بحيث يبقى الكولر ليه مروحتين من الجنبين

لا أعتقد أنه يمكن تركيب مراوح للكولر نفسه والكولر بالمناسبة يعتبر جيد، عموما لو تستطيع الدخول للبيوس ووضع الcpu fan speed بوضع max يعنى اعلى معدل دوران وتحفظ الخطوه f10 وتجرب النتيجه.

وتأكد من طريقة تركيب المروحة جيدا فوق المعالج.

مرحبا أخى الكريم

تلك النوعيه من المعالجات

تحتاج ألى 125W TDP

كما أنها مزوده بترددات تعزيز السرعه

التى قد تصل ألى 5.1

( أذا توفر لها التبريد القادر على التعامل مع هذا التردد المرتفع )

كما أنها بخلاف تقنيه

Turbo Boost 3.0

فهى تتمتع بتقنيه

Thermal Velocity Boost

والتى لاتسمح بوصول المعالج ألى ذروه التردد

عند تخطى درجه حراره معينه

( ذكر ببعض التقارير أنها 70 درجه مئويه )

بمعنى أخر

أنك لن تستطيع أن تأخذ

كامل قوه تلك المعالجات

ألا بعد توفير تبريد قوى وجيد

لذلك ينصح دائما

بالمبردات المائيه لمعالجات كمثال

i7 10700K / i9 10900K


تحياتى للجميع

من فضلك بس يا أستاذ عبدالحليم مش فاهم يعني ايه (تحتاج ألى 125W TDP)
كمان يعني انها (( ذكر ببعض التقارير أنها 70 درجه مئويه )) يعني دا اقصى درجة حرارة بتوصله مثلا لو فيه مبرد كويس واللا ايه
وهل د الطبيعي بتاع المعالجات انها توصل لدرجات الحراره فوق التسعين عند الضغط واللا دا خطر

اقتباس:

---

المشاركة الأصلية كتبت بواسطة medo tarek

من فضلك بس يا أستاذ عبدالحليم مش فاهم يعني ايه (تحتاج ألى 125W TDP)

---

طاقة التصميم الحرارية (Thermal Design Power (TDP تعبر عن كمية الحرارة العظمي التي يقوم المعالج بتوليدها عند العمل بالتردد الأساسي مع تنشيط كل نواة والتي يجب على نظام التبريد في الحاسوب تبديدها وتقاس بالواط.

اقتباس:

---

المشاركة الأصلية كتبت بواسطة medo tarek

كمان

يعني انها (

( ذكر ببعض التقارير أنها 70 درجه مئويه )) يعني دا اقصى درجة حرارة بتوصله مثلا لو فيه مبرد كويس واللا ايه

---

تقنية Thermal Velocity Boost لا تسمح بوصول المعالج إلى أقصى تردد ممكن عند تخطى درجه حرارة محددة (أى أنها تحد من قدرة البروسيسور على العمل بعض الشئ للحفاظ على درجة حرارة منخفضة له وخصوصا إذا كنت تستعمل مبرد هوائي).

اقتباس:

---

المشاركة الأصلية كتبت بواسطة medo tarek

وهل ده الطبيعي بتاع المعالجات انها توصل لدرجات الحراره فوق التسعين عند الضغط واللا دا خطر

---

إن شاء الله، لا توجد خطورة فقط عليك بشراء مبرد مائي كما ذكر باشمهندس عبد الحليم وانصحك بهذا : https://tinyurl.com/y5umzvxu

تمام متشكر جدا
بس دلوقتي انا مش هقدر خالص اشتري كولر مائي انا بجهز الفلوس لكرت الشاشه
وناوي استكفي بالكولر اللى معايا دلوقتي لحد اما اوفر فلوس للمائي
هل هيحصل مشاكل خطيره قدام
وهل مثلا الوضع العادي او الشغل على الفوتوشوب وبعض الالعاب الخفيفه طوال 12 ساعه مثلا هيأثر على المعالج واللا لازم اجيب مبرد مائي وخلاص

العفو, تحت أمرك, فقط حاول توفر تهوية قدر الإمكان حتى لو استدعى الأمر فتح باب الكيسة وإبقائه مفتوحا.

انا بعتذر جدا عالاطاله بس عندي حاجه اخيره
انا لاحظت ان المعالج تحت الضغط الشديد بيوصل 4.7 جيجا هرتز
ماينفعش مثلا اتحكم في كدا واخليه اقصى تردد يوصله 4 لحد اما اشتري كولر مائي

اقتباس:

---

المشاركة الأصلية كتبت بواسطة medo tarek

انا بعتذر جدا عالاطاله بس عندي حاجه اخيره
انا لاحظت ان المعالج تحت الضغط الشديد بيوصل 4.7 جيجا هرتز
ماينفعش مثلا اتحكم في كدا واخليه اقصى تردد يوصله 4 لحد اما اشتري كولر مائي

---

لاداعى لأى أعتذار أخانا الكريم

إقرأ مابهذا الموضوع جيدا

وقم بتطبيق مابه

https://forum.arabhardware.net/showthread.php?t=477719

بالتوفيق

أنا جربت اللى حضرتك قلت عليه يا استاذ عبدالحليم بالظبط
ودرجات الحراره قلت ل55 درجه بس في نفس الوقت كنت بعمل اختبار اداء على cinebench ولقيت الاداء قل حوالي الف درجه عمل 3717 ,
وهو قبل كدا كان بيعمل 4800 تقريبا
هو كدا ايه اللى حصل
ماخلينا المعالج يشتغل بكامل طاقته يعني واللا ايه

اقتباس:

---

المشاركة الأصلية كتبت بواسطة medo tarek

أنا جربت اللى حضرتك قلت عليه يا استاذ عبدالحليم بالظبط
ودرجات الحراره قلت ل55 درجه بس في نفس الوقت كنت بعمل اختبار اداء على cinebench ولقيت الاداء قل حوالي الف درجه عمل 3717 ,
وهو قبل كدا كان بيعمل 4800 تقريبا
هو كدا ايه اللى حصل
ماخلينا المعالج يشتغل بكامل طاقته يعني واللا ايه

---

55 فى الخمول ولا فى الضغط ؟

اقتباس:

---

المشاركة الأصلية كتبت بواسطة MIDO V2012

55 فى الخمول ولا فى الضغط ؟

---

مانا كاتب في اختبار

cinebench

يعني اكيد فى الضغط