رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
لو سمحت يا باشا...انا عندي نفس النسخة..الشاشة فعلا full HD...بس النوافذ ورسائل الخطأ عمالة تطلعلي بدقة ضعيفة..بتحسها تقريبا 800*600...عندك حل؟
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
ألف مبروك ياعم اللاب مواصفاته جميلة
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
هو ذاكرة كارت الفيجا يا جماعة 4 ام 2 جيجا لانها مكتوبة فى موقع راية 4 جيجا وهو افضل و لا الديل 3542 لانى شايفه مواصفاته اعلى بنفس السعر تقريبا
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
اقتباس:
المشاركة الأصلية كتبت بواسطة arch.hashim
شاريه من أنهى محل فى البستان يا افندم :)
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
اقتباس:
المشاركة الأصلية كتبت بواسطة ahmed elness
شاريه من أنهى محل فى البستان يا افندم :)
انا اشتريته من egypt laptop
ب 7900 ج ال8gb ram
وهده مراجعتي المتواضعة
https://arabhardware.net/forum/showthread.php?t=421374
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
كنت عايز اسال علي حاجة هو اللاب ده فيه كارتين شاشه خارجي وداخلي ؟؟
وهو ايه الفرق بين كارت مدمج intel hd shared
وكارت Dedicated نيفديا مثلا
وهو الكارت Dedicated في اللاب لازم يبقي معاه كارت shared
ولا بيبقي كارت واحد بس ؟؟
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
مراجعة جميلة بس كنت حابب أقول رأيى بخصوص شوية حاجات أرجوا أن تتقبلها بصدر رحب
أولاً : سعر الجهاز مبالغ فيه خصوصاً إن مواصفاته أقل من أجهزة أقل منه فى السعر والمعالج I7 لكنه ثنائى وموفر للطاقة
ثانياً : حضرتك حكمت إزاى إن الكيبورد فى اللينوفو أفضل من ال HP وال Dell بشكل عام! (كل جهاز بيتفاوت فى جودة صناعته على حسب ثمنه)
ثالثاً : عند إستخدام الجهاز للألعاب ما ينفعش تستخدم البطارية نهائى (لأن السحب منها هيكون عالى + البطارية هتسخن + عمرها الإفتراضى هينتهى بدرى + إن الأداء مش هيكون زى ما هتشغل الجهاز بالشاحن لأنه الجهاز هيكون فى وضع توفير الطاقة)
رابعاً : حضرتك موضحتش أعلى درجة حرارة وصل ليها المعالج وكارت الشاشة أثناء تشغيل الألعاب.
رد: مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -
السلام عليكم ورحمه الله
انا لسه جابيه الجهاز من يومين هو كويس جدا بس المروحه بتاعته ليها صوت وشغاله باستمرار مع انه مش بيسخن الحمدلله خالص حتى لو على رجلى مش بحس منه بسخونيه فهل طبيعي علو صوت المروحه هو مش بيكون مسموع لو فى دوشه ف المكان بس لو ف مكان هادى بيكون مسموع صوتها ف السرعتين بتوعها
وازاى اعرف الجهاز الجديد ان كان فيه عيوب صناعه ولا لاء عشان الحق قبل ما ال 14 يوم بتوع الترجيع ما يخلصو
ارجو الرد
اقتباس:
المشاركة الأصلية كتبت بواسطة boddaxp
السلام عليكم ورحمة الله وبركاته
بعد بحث طويل وحيرة بين الاجهزة وهي المشكلة التي تواجه اعلب من يريد شراء لاب توب جديد،
تم بحمدالله شراء جهاز Lenovo Z50-70
وقررت اعمل مراجعة للجهاز لإفادة الجميع وبالاخص الي لسه محتار زي ما انا كنت من كام يوم
https://s29.postimg.org/q377hwtef/lenovo.jpg
____
اولا: مواصفات النسخة وسعر الشراء
Lenovo Z50-70
Processor: Intel Core i7-4510U
Hard Disk: 500GB+8G SSHD
Display Size: 15.6 inches FULL HD LED
Operating System: Free DOS
Memory: 1x 4GB DDR3L PC3-12800 1600MHz
Graphics: 2GB NVIDIA GeForce GT840 DDR3
Optical Drives: DVD SuperMulti
Camera: HD WebCam 720P
Communications: WiFi + Bluetooth
Power: Battery 4 CELL
Sound System: DOLBY Home Theater
ملاحظة هامة: الشاشة FULL HD 1920x1080 فعلاً والالعاب بشغلها 1366x768 لتكون اسرع ليس الا
**********
UPDATE: RAM UPGRADED TO 8GB by adding "1x TEAM 4GB DDR3L 1600MHz"
سعر النسخة كان في عرض على موقع Rayashop Online بـ 5200 ج فقط "سعرها في نفس الوقت 5700 ج في السوق"
بالاضافة الى خصم 100 جنيه اضافي يعني وقف عليا بـ 5100 ج والشحن عليهم و الجهاز وصل بعد الطلب بيومين فقط واشحن من شركة aramex .. الصراحة ناس محترمة جدا
تحديث: سعر الجهاز وقف عليا بزيادة الرام 5425 ج وسعره بنفس المواصفات لكن بهارد تيرا لا يقل عن 6000 حالياً
______
ثانياً: صور الجهاز
https://s29.postimg.org/wxhi7lm1j/rev1.jpg
علبة الجهاز
https://s29.postimg.org/sj90vrbh3/rev2.jpg
المحتويات داخل الكرتون : وصلة شاخن بمثبس ثنائي + وصلة بمقبش ثلاثي + ادابتر البطارية + اسطوانة تعريفات Win 8.1 64bit + كاتالوج وضمان + البطارية والجهاز طبعاً
https://s29.postimg.org/nbnxrauvr/rev3.jpg
نظرة داخلية
https://s29.postimg.org/45aqo4edz/rev4.jpg
لوحة المفاتيح اكثر من رائعة
https://s29.postimg.org/jo8os5g47/rev5.jpg
https://s29.postimg.org/rwamd580n/rev6.jpg
https://s29.postimg.org/nut10kmaf/rev7.jpg
خامة الجهاز جميلة جدا ولكن تتأثر بالبصمات بسرعة
https://s29.postimg.org/qsqi16ndj/rev8.jpg
DVD + 1x USB 2.0 + 3.5mm Audio Jack \\ 1x USB 2.0 + 1x USB 3.0 + 1x HDMI + 1x Ethernet Port + 1x VGA Interface + Battery Adapter Port
*** اضافة الرام الجديد ***
تم زيادة الرام الى 8 جيجا بإضافة رام TEAM بنفس التردد والنوع للرام الموجودة في الجهاز وتم شراؤها بسعر 325 ج
https://s7.postimg.org/9wllfhjvf/20141204_152216.jpg
https://s7.postimg.org/tktxyipy3/20141204_153345.jpg
https://s7.postimg.org/z5b0mwe6z/20141204_153508.jpg
https://s7.postimg.org/jxv12jmcb/20141204_154255.jpg
______
ثالثاً: اداء الجهاز
1. الجهاز بيجمل الوندوز بصورة سريعة جداً (ثانيتان فقط لبدأ تحميل الوندوز + 6 ثواني من بداية تحميل الوندوز إلى الدسك توب) يعني الجهاز من ساعة ما تضغط باور بيستغرق 8 ثواني فقط لتكون في سطح المكتب للوندوز ! طبعا دي سرعة عالية جدا لكن بالتأكيد هو لسه سريع لأني لسه منزل الوندوز امبارح وتم اخذ الزمن في عملية التشغيل رقم 7 تقريباً .. اما في ايقاف التشغيل بيستغرق 10 ثواني لحد ما يفصل كهرباء تماما تقريبا
2. لم اضغط بشكل كامل على البطارية لكن من الواضح انها بتستحمل ساعتين او ساعتين الا تلت في الضغط العالي و 3 ساعات في الاستخدام المتنوع او 4 ساعات (او اقل حاجة بسيطة) للانترنت فقط وممكن 5 ساعات ونصف لو بدون استخدام واقل اضاءة .. البطارية جيدة عموما وميزتها انها خارجية مش زي z510 كانت داخلية يعني ممكن تشتغل على الجهاز دا بالشاحن فقط "عشان الي ميعرفش يعني"
3. الكاميرا كويسة جدا للانترنت في الاضاءة الجيدة وطبعا هي 1 ميجا بكسل تقريبا لكن الفيديو ابعاده 1280x720 يعني HD Res ولكن الجودة ضعيفة لتناسب الانترنت اكيد ومع ذلك عجبتني جدا وهي اوضح على الطبيعة لكن خدت صورتين منها
https://s29.postimg.org/o3qlqhz2v/rev9.jpg
https://s29.postimg.org/6qgtijx7b/rev91.jpg
4. الجهاز ملهوش صوت تقريباً .. هادئ جدا وملوش حس ورائع ولكن عند قراءة CD او DVD طبعا بتسمع صوت عالي لحظيا ثم يهدأ مره اخرى .. الهارد ملوش اي صوت وتم تجربة فك ضغط ملفات كبيرة ونقل ملفات والتنقل بالجهاز في نفس الوقت ولم يكن له اي صوت (ممتاز)
5. تبريد الجهاز ممتاز حيث يكون في الخمول من 40 الى 50 وفي الضغط العالي لم يتعدى 67 معي ولم اشعر بالحرارة ناحية الماوس ولكن اسفل الجهاز على اليسار اثناء اللعب بيكون في حرارة اكيد بس مش بتحس بيها الا لو اللاب على قدمك .. يعني حرارة طبيعية جدا
https://s29.postimg.org/uzbcgimzb/review_1.png
اثناء فك ضغط ملفات + تشغيل يوتيوب
https://s29.postimg.org/wd2zbtm8n/review_2.png
اثناء تشغيل PES 15 High on nvidia 840M + Chrome "Youtube" + IEتحديث
وهنا نتائج اختبار OpenGL على برنامج CINEBENCH واختبار المعالج
https://s7.postimg.org/enlgxicpn/cinebench1.jpg
https://s7.postimg.org/lx71g7ra3/cinebench2.jpg
https://s7.postimg.org/ib183kkwr/cinebench3.jpg
حرارة الجهاز اثناء تشغيل METRO 2033 مع تثبيت MAFIA 2 نسخة مضغوطة
https://s7.postimg.org/e36futjh7/press1.jpg
حرارة الجهاز في نفس الوقت السابق ولكن مع تشغيل الفوتوشوب بالاضافة لمؤشر الرام
https://s7.postimg.org/bgvirmhnf/press2.jpg
6. الكيبورد مريج جدا وشخصياً شايف كيبورد اللينوفو افضل بكتير من Dell و HP لانه مريح جدا وتصميمه اكثر جاذبية .. في ناس اشتكت من ضعف قاعدة الكيبورد وانك لما تضغط عليها جامد بتدخل معاك لجوه شوية وترد اكيد لما تشيل ايدك لكن دا محصلش معايا خالص
7. خامة الجهاز قوية ورائعة ولكن الضهر بيتأثر بالبصمات بسرعة بالاضافة لأن اثناء الشحن لو فضلت تمشي ايدك على الجهاز حول الكيبورد كتير هتحس كأن في موبايل بيعمل Vibration خفيف جدا يعني مش بقول بتحس بكهبراء لا لكن بتحس في هزات او ذبذبات خفيفة جدا ودا لأن خامة الجهاز معدنية
8. الشاشة Full HD والوانها جميلة جدا لكن الشاشة عاكسة جدا للأسف يعني لو محفف الاضاءة وجايب صورة داكنة بتشوف انعكاس صورتك .. لكن العيب دا ممكن تتفاداه بتغيير اتجاه الشاشة لتجنب الضوء وتظبط الوضعية الي تناسبك..
9. صوت الجهاز لو مش مشغل Dolby Home Theater هتحس انه مكتوب وتعبان اما لما تشغل البرنامج الخاص بيه هتحس انك ركبت سماعات مختلفة تماما والصوت بيكون عالي جدا مسمعتش لاب توب بصوت عالي زيه قبل كدا .. البرنامج رائع وبيتيح ليك عدة انواع وخيارات للصوت لكنن مش بيكون نقي جدا يعني درجة نقاء "جيدة" مع صوت عالي جداً .. بصفة عامة صوت الجهاز ممتاز وسماعاته عجبتني
بالنسبة للألعاب
تم اضافتها في المشاركات بالاسفل لأن الموضوع لا يسمح بأكثر من 25 صورة..
____________________
في النهاية احب اقول ان الجهاز يستحق الاقتناء فعلاً لمن يحاتج مواصفات فوق المتوسطة "مثل التصميم والانترنت .. الالعاب ولكن بشكل مش تقيل"
تقييمي للجهاز 8.5/10
اعتقد غطيت اهم واغلب النقط واي استفسار تحت امركم واتمنى تكون المراجعة مفيدة وفيها اجابة لكثير من الاسألة
رد: مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -
اقتباس:
المشاركة الأصلية كتبت بواسطة اذكرالله
السلام عليكم ورحمه الله
انا لسه جابيه الجهاز من يومين هو كويس جدا بس المروحه بتاعته ليها صوت وشغاله باستمرار مع انه مش بيسخن الحمدلله خالص حتى لو على رجلى مش بحس منه بسخونيه فهل طبيعي علو صوت المروحه هو مش بيكون مسموع لو فى دوشه ف المكان بس لو ف مكان هادى بيكون مسموع صوتها ف السرعتين بتوعها
وازاى اعرف الجهاز الجديد ان كان فيه عيوب صناعه ولا لاء عشان الحق قبل ما ال 14 يوم بتوع الترجيع ما يخلصو
ارجو الرد
هل صوت المروحة بيعلي لما بتكون عامل ضغط عليه ( لعب او تصفح مواقع فيها فلاش كتير او مشغل برنامج تصميم ) و لا علطول طول ما هو شغال حتي لو سايبه مش بتعمل عليه حاجة ؟
رد: مراجعتي لجهاز Lenovo Z5070 اختبار عام للجهاز والحرارة والألعاب و CINEBENCH Test -
هى شغاله باستمرار حتى لو مش بعمل حاجه او بتصفح مواقع مش بيكون عالى قوى ومزعج بس مسموع ومن وقت للتانى بيعلى شويه ويرجع لنفس الدرجه المستمر عليها ..
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
انا فاهم حضرتك انها شغالة علطول ، ده الطبيعي ، بس اللي اقصده هل صوتها بيعلي و يبقي مسموع لما بتضغط علي الجهاز زي انك تشغل لعبة او تتصفح مواقع فيها فلاش كتير او بتفتح تبويبات كتيرة في التصفح ، كل ده عليه عامل ، كل ما المعالج يكون بيستهلك اكتر او مطلوب منه شغل اكتر لازم المروحة سرعتها تزيد عشان تعرف تبرده
و هل لما انت بتبقي مثلا بتتفرج علي فيلم شغال علي اللاب و سايبه كدة مجرد انك بتتفرج هل بيبقي صوتها مسموع ؟ و لا بتبقي هادية ؟
لو صوتها مسموع و انت مش بتعمل حاجة علي اللاب او مش ضاغط عليه باستهلاك المعالج يبقي ساعتها في مشكلة
و عامة خليك في السليم و روح للمحل اللي اشتريت منه و خليه يبصلك عليه برضه زيادة احتياط لا اكثر و لا اقل
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
اها بيعلى شويه وبيكون مسموع لما بفتح كذا تبويب مع بعض بيكون اعلى شويه من صوت ال cooler اللى جربت اشغله مع الجهاز
لما شغلت فيديو هو نفس الصوت بتاعها اللى بتبدء بيه ومش بسمعه ف الغالب من صوت الفيديو اللى لو اللاب قريب منى قوى
رحت السنتر قالو ده طبيعى هى صوتها كدا عشان البروسيسور عالى وشغله ع cooler ومش احطه ع غير ع حاجه خشب عشان هو فيه زى vibration هو اللى بيعمل الصوت زى بتاع المروحه فمش عارف بقا فعلا ده ف كل اجهزة الموديل ده ولا ايه
اقتباس:
المشاركة الأصلية كتبت بواسطة BeboDragon
انا فاهم حضرتك انها شغالة علطول ، ده الطبيعي ، بس اللي اقصده هل صوتها بيعلي و يبقي مسموع لما بتضغط علي الجهاز زي انك تشغل لعبة او تتصفح مواقع فيها فلاش كتير او بتفتح تبويبات كتيرة في التصفح ، كل ده عليه عامل ، كل ما المعالج يكون بيستهلك اكتر او مطلوب منه شغل اكتر لازم المروحة سرعتها تزيد عشان تعرف تبرده
و هل لما انت بتبقي مثلا بتتفرج علي فيلم شغال علي اللاب و سايبه كدة مجرد انك بتتفرج هل بيبقي صوتها مسموع ؟ و لا بتبقي هادية ؟
لو صوتها مسموع و انت مش بتعمل حاجة علي اللاب او مش ضاغط عليه باستهلاك المعالج يبقي ساعتها في مشكلة
و عامة خليك في السليم و روح للمحل اللي اشتريت منه و خليه يبصلك عليه برضه زيادة احتياط لا اكثر و لا اقل
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
طب لما بتفتح الجهاز في الاول خالص ، هل بتبقي سامع صوتها و لا بتبقي هادية خالص ؟
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
يا جماعة لاب lenovo z5170 بسعر 5600 كويس ولا غالي ؟
رد: مراجعتي لجهاز Lenovo Z5070 . i7 ,, اختبار عام للجهاز والحرارة والالعاب
اقتباس:
المشاركة الأصلية كتبت بواسطة axok12
يا جماعة لاب lenovo z5170 بسعر 5600 كويس ولا غالي ؟
ما زلت غير مقتنع اخى احنا بنحكم على الجهاز من منافسينه لو عايز تعرف الجهاز يستاهل ول لا هات وقه وجمع كل منا فسينه فى الفئه السعريه بتاعته وابدا صفى بينهم من حيث الامكانيات وشوف مين حيكمل معاك للاخر وياريت تشاركنا بالمقارنه الى حتعملها عشان نستفيد معاك ونعرف مين الافضل من حيث الامكانيات فى السعر ده واول ما تشارك معانا مقارنتك حعمل انا بدور مقارنه لنفس الاجهزه دى بس معالجات الi5 عشان نعرف هل تستاهل ندفع الفرق ام لا