( مصر ) طلب مساعده فى التاكد من التوافق للجهاز 4000 - 5000 جنيه

بسم الله الرحمن الرحيم

لو سمحتم انا كنت بجمع جهاز قوى للالعاب و اخترت القطع دى
Gigabyte GA-X79-UD5 socket 2011 motherboard
Intel Core i7-3930K Sandy Bridge-E 3.2GHz LGA 2011 Six-Core
Kingston Value RAM 4*4GB DDR3 1333MHz
Western Digital (WD) Caviar Green WD20EARX 2TB 64MB
Cache SATA 6.0Gb/s
بالاعتماد على كالرت المازار بورد فى الفيجا

كده الجهاز حلو ........... ؟
و سعره فى حدود كام لو سمحتم
و بالنسبه لموضوع كسر السرعة ممكن حد يفهمنى ايه هيا و ايه افضل طرقها و اضرارها ؟؟


الجهاز للالعاب و الجرافكس و بالنسبه لكارت الشاشه هاشتريه بعدين لانى بفكر فى واحد عالى
و شكرا مقدما

تعديل ليوافق نموزج الطلبات :

- أقصى ميزانية محددة: 4000 / 5000
- استخدامك للجهاز: الالعاب القويه و الجرافكس مع طلب جهاز لمده تتجاوز السنتين دون تعديلات يعنى جهاز للالعاب حتى 2014
- حجم الشاشة و الدقة (Resolution) التي تستخدمها: 1366*768
- القطع التي تنوي شراءها: مازاربورد و بروسيسور ورامات و كارت شاشه ان سمحت الميزانيه و هارد دسك 2TB
Gigabyte GA-X79-UD5 socket 2011 motherboard
Intel Core i7-3930K Sandy Bridge-E 3.2GHz LGA 2011 Six-Core
Kingston Value RAM 4*4GB DDR3 1333MHz
- القطع التي ستعيد استخدامها من الجهاز القديم: الـ DVD و الشاشة
- ميعاد شراء الجهاز: خلال شهر
- مكان الشراء: القاهرة
- محل سكنك: ( يكفى إسم البلد او المحافظه و لا يشترط العنوان بالتفصيل ) : القاهرة

و برجاء طلب اضافى وضع لاب توب يتوافق مع طلبى و يكون قوى فى الاداء

البورده سوكت 1155 والبروسيسور سوكت 2011 يعنى مافيش توافق نهائى وثانيا البروسيسور ده مش للجيمز الجيمز اخره بروسيسور i5 3550 واداء البروسيسور فى الجيمز متساوى مع ال

Intel Core i7-3930K

واذا حابب انك تكسر السرعه هاتجيب بروسيسور i5 3570 k ييعنى هاتوفر مش اقل من 2200 جنيه انت قول الميزانيه معك كم ونختار لك قطع متوافقه مع بعضها وقول ايه الانت هاتستخدمه من الجهاز القديم شاشه كيسه باور اصلى

أخى الكريم الجهاز غير متافق مع بعضه لانك مختار بروسيسور I7 3930k فهو من معمارية SANDY BRIDGE-E و السوكت الخاص بة هو 2011 و مختار معاه بوردة Z77 و السوكت الخاص بها هو 1155 يعنى مش متوافق و كمان لو استخدامك هو الالعاب فمعالج i5 3550 سيكون اكثر من كافى و لو عايز كسر سرعة سيكون i5 2500k اكثر من كافى .كسر السرعة يعنى رفع التردد الخاص بالمعالج عن التردد الافتراضى يعنى مثلا معالج يأتى بتردد 3.1 رفعت هذا التردد الى 4 كدة يبقى انتَ كسرت سرعة و بيعتمد على المعالج و البوردة و المشتت يعنى لو بنتكلم على القطع الحديثة يبقى لازم معالج ينتهى بحرف K و بوردة بشريحة P67 او Z68 او Z77 حتى تستطيع الكسر و لازم يكون مشتت احترافى حتى يكون التبريد جيد و لا تزداد درجة حرارة البروسيسور و فوائد كسر السرعة زيادة الاداء مجاناً و اضراره انك لو مكسرتش صح يعنى لو درجة حرارة البروسيسور و الفولت الخاص به زادوا عن الحد المسموح به ممكن يؤدى لحرق البروسيسور بس لو انتَ عملت موضوع فى قسم كسر السرعة مش هتحصل الحاجات دية ان شاء الله لانهم هناك هيخلوك ازاى تكسر صح و تراقب درجة الحرارة و ما غير ذلك .
ارجو منك الالتزام بقوانين المنتدى حتى نساعدك اكثر :


نموذج الموضوع يكون كالتالى:
- يجب الإلتزام بهذا النموذج حرفياً فى أى طلب من طلبات تجميع الاجهزة، أى موضوع لم يلتزم بهذا النموذج سيتم حذفه مباشرة!

- أقصى ميزانية محددة:
- استخدامك للجهاز:
- حجم الشاشة و الدقة (Resolution) التي تستخدمها:
- القطع التي تنوي شراءها:
- القطع التي ستعيد استخدامها من الجهاز القديم:
- ميعاد شراء الجهاز:
- مكان الشراء:
- محل سكنك: ( يكفى إسم البلد او المحافظه و لا يشترط العنوان بالتفصيل )

ملحوظة: لا يسمح باستخدام أكثر من 3 ألوان في الموضوع، أو أن يزيد حجم الخط عن 3 .

شكرا لردودكم انا مكنتش اعرف موضوع التوافق للمازاربورد و البروسيسور و لا قواعد التعامل مع الطلبات
- أقصى ميزانية محددة: 4000 / 5000
- استخدامك للجهاز: الالعاب القويه و الجرافكس مع طلب جهاز لمده تتجاوز السنتين دون تعديلات يعنى جهاز للالعاب حتى 2014
- حجم الشاشة و الدقة (Resolution) التي تستخدمها: 1366*768
- القطع التي تنوي شراءها: مازاربورد و بروسيسور ورامات و كارت شاشه ان سمحت الميزانيه و هارد دسك 2TB
- القطع التي ستعيد استخدامها من الجهاز القديم: الـ DVD و الشاشة
- ميعاد شراء الجهاز: خلال شهر
- مكان الشراء: القاهرة
- محل سكنك: ( يكفى إسم البلد او المحافظه و لا يشترط العنوان بالتفصيل ) : القاهرة

هل تريد كسر السرعة ؟ و هل المقصود بالجرافيك برامج الجرافيك ولا جرافيك الالعاب ؟

لا اريد الممغامره بكسر السرعة لانه ليس لدى خبره بها نهائيا .... اقصد بالجرافكس اننى احاول تعلم بعض برامج التصميم ثلاثى الابعاد على سبيل التدريب مثل 3D MAX
و ايضا احتاج قوه للجهاز لاننى احب لعب الالعاب على اقصى قوه ممكنه لها

اذا سمحتم انا شفت النوافقات على المواقع الانجليزيه كانت لاقصى قوه للاستخدام مع البروسيسور الاول هى البورده
Gigabyte GA-X79-UD5 socket 2011 motherboard
فالماذار بورد دى سعرها كام و كده هيا و البروسيسور و الرامات يدخلو فى حدود كام مع كارت شاشه و من غير كارت شاشه

عايز سعر جهاز كامل بالحاجتين دول
Gigabyte GA-X79-UD5 socket 2011 motherboard
Intel Core i7-3930K Sandy Bridge-E 3.2GHz LGA 2011 Six-Core
Kingston Value RAM 4*4GB DDR3 1333MHz

شكرا مقدما و عارف انى طولت شويه ياريت تعزرونى

Thermaltake Commander MS-I Mid Tower Desktop Case = 295 LE

او

Cooler Master K350 Mid Tower Desktop Case = 290 LE

Gigabyte GA-H61M-S2P-B3 Socket 1155 motherboard = 345 LE

Intel® Core™ i5-3550 Ivy Bridge 3.3GHz 6MB Cache Desktop Processor = 1365 LE

Kingston ValueRAM 4GB DDR3 1333MHz CL9 1.5v = 135

XFX ProSeries 550W PSU 80 plus Bronze = 470 LE

Seagate Barracuda ST1000DM003 1TB 7200 SATA 6Gb/s HDD = 520 LE

الاجمالى 3235

وكارت الشاشة انصحك بالانتظار من اسبوع الى عشر ايام لحين وصول الوحش انفيديا gtx 660 ti

وسعره هايكون فى حدود 2000 الى 2100 جنيه

وكافى فى الوقت الحالى انك تستخدم هارت 1 تيرا وممكن تركب الهارد القديم العندك معه
الجهاز ده يقعد معك 3 سنوات مرتاح جدا
واذا ال200 جنيه هايعملو معك فرق كبير تقدر تجيب البروسيسور ده

Intel® Core™ i5-3450 3.1GHz 6MB Cache Processor = 1180 LE

انا كنت عايز المازار و البروسيسور الى كاتبهم فى الموضوع جوه التجميعه لو سمحت .......... ؟

يعنى انت هاتشترى بورده وبروسيسور بال5000 جنيه وتركبهم فين البروسيسور ده سعره 3700 جنيه والبورده ثمنها 2100 جنيه يعنى 5800 جنيه وكمان بيشتغل على رام اقل حاجة باص 1600 يعنى علشان تجيب 16 جيجا رام محتاج كمان بتاع 800 جنيه مش كل حاجة غاليه هى الصح وثانيا ممكن تقول انت هاتستخدم الجهاز فى ايه واحنا نقولك الصح فين مش ها نضرك ما تقلقش

هاستخدم الجهاز لبرامج 3D MAX و احيانا فوتوشوب , و الالعاب الحديثه باستمرار خاصه 2012
و محتاج بروسيسور قوى لانى بشغل محاكيات PS2 و الالعاب الحديثه بقت محتاجه لقوه معالجه عاليه جدا اغلى من اللعاب الكمبيوتر العادى فاكنت عايز اشترى اعلى قوه ممكنه

عزيزي
من الاخر كده
لو انت عايز البورده والبروسيسور دول يبقي لازم الميزانيه تزيد علشان البورسيسور ب 3850 والبورده ب 2100 يعني لوحدهم ب 5950 جنيه
وعلي فكره البورده والبروسيسور يمشوا مع بعض مافيش مشكله
ولو في اي حاجه انا معاك

بص يا أخى من الاخر الفرق بين I7 و I5 فى الالعاب لا يوجد لكن فى برامج التصميم مثل 3DMax بيبقى فى فرق بين I7 و I5 لصالح I7 و بعدين I7 3930K دة بينتمى لعائلة SANDY BRIDGE-E و ديه عائلة سعر معالجاتها بيبقى عالى جدا مقابل اداء ليس بدرجة هذا السعر يعنى مثلا معالج I7 3930k بسعر 3700 ج و معالج I7 3770 من معمارية Ivy Bridge بسعر 1850 ج لو قارناهم على السرعات الافتراضية هتلاقى لا يوجد بينهم فرق كبير يستحق هذا السعر بل بالعكس معالج I7 3770 بيتفوق فى بعض الاختبارات و هذه مقارنة https://www.anandtech.com/bench/Product/552?vs=551 بين I7 3930k و I7 3770k بس على السرعات الافتراضية يعنى من غير كسر سرعة يعنى فى هذه الحالة معالج I7 3770k يساوى فى الاداء i7 3770 (خد بالك من ان فيه بعض الاختبارات مكتوب تحتها LOWER IS BETTER ) و انصحك بهذه التجميعة اذا كنت بستسخدم برامج 3DMax :
Intel® Core™ i7-3770 Ivy Bridge 3.4GHz 8MB Cache : 1850 LE
Gigabyte GA-H61M-S2P-B3 Socket 1155 : 350 LE
Kingston ValueRAM 4GB DDR3 1333MHz : 140 LE
Seagate Barracuda ST1000DM003 1TB 7200 SATA 6Gb/s : 525 LE
SAPPHIRE HD 7850 OC 2GB GDDR5 : 1480 LE
CORSAIR CX500 V2 80 PLUS PSU : 400 LE
Thermaltake Commander MS-I Mid Tower Desktop Case : 300 LE
TOTAL : 5045 LE

بعد اذن صاحب الموضوع سؤال صغير معلش مين احسن فى الكيستين دول من حيث جودة التصنيع والخامات وتنظيم الكابلات وانا اسف لو كنت سببت ازعاج

Thermaltake Commander MS-I Mid Tower Desktop Case = 295 LE

او

Cooler Master K350 Mid Tower Desktop Case = 290 LE

تجميعه اكتر من ممتازة وممكن تزود رامه كمان 4 جيجا بس مش هتحس بفرق فى الالعاب كبيبر بين 8 او 4