مشكلة بخصوص كارت EVGA RTX 2060 SUPER

السلام عليكم

انا اشتريت كارت EVGA RTX 2060 SUPER SC ULTRA بدل كارتى القديم GTX 1060 وبعد تركيب الكارت فوجئت ان عدد الفريمات قليل وبيدينى نفس اداء الكارت القديم يعنى مثلا لعبة Breakpoint GRعلى اعلى اعدادات بتجيب 35 FPS واغلب الالعاب على نفس الوضع وبصراحة انا محبط جدا لانى دفعت كتيير ف الكارت ومفيش اداء وعملت BENCHMARK للجهاز كله وادانى اداء ممتازز

مواصفات جهازى كالاتى:برجاء المساعدة و الرد بسرعة من الاعضاء حول ما هى المشكلة وازاى احلها ززززشكرا جزيلا لكم

Processor: Intel I5-8600K
RAM : Kingston 16giga ( 2*8gb)
Mobo: Z370 PRO 4
Cool master 700 watt: Power sup
VGA : EVGA RTX 2060 SUPER SC ULTRA
Storage : ssd 1tb
Monitor: LG SMART TV FULL HD WITH REFRESH RATE 60HZ

يا جماعة 37 مشاهدة ومفيش رد واحد ....برجاء المساعدة من الاعضاء الخبراء

اول حاجة انت مسحت التعريف القديم من جذوره ولا سطبت تعريف الكارت الجديد علي القديم ؟

استخدمت ب نام لمسح التعريف من جذوره وسحبت آخر ظريفة من EVGA بس انا عندى شك وسؤال هل ال refresh rate للتليفزيون ٦٠ ده يعمل اختناق لعدد الفريمات لاني شغلت لعبة كنترول على أقل اعدادات وبرضه مش بتزيد عن ٦٠ فريم

غالبا لا بس ممكن تذكر نوع التلفزيون ايه ؟ واهم حاجة
اتأكد من داخل اعدادات اللعبة ان vsync مش شغال

التلفزيونLG ٤٩ بوصةFHD &refresh rate 60 hz

ممكن تحط سكرين شوت لاعدادات الجرافيك للالعاب اللي فيها المشاكل

لااعتقد من الشاشة بل من المعالج وباقي مكونات العتاد عند حضرتك ممكن تسرد لنا المعالج ايه بالظبط ؟