۩(●̮●)۩ كل ما تريد معرفتة عن شراء المنتجات من الخارج ۩(●̮●)۩
السلام عليكم ورحمة الله وبركاتة
قمت بعمل هذا الموضوع بسبب الخدمات الجديدة التى تقدمها شركات الانترنت ( تى اى داتا & لينك ) بمصر
لاستيراد المنتجات من الخارج
وحتى يصبح مرجع لكل من يريد استيراد اى منتج من الخارج
حتى يستطيع ان يحسب تكلفتة ااجمالية من شحن و جمارك و ضرائب
و ان يعرف افضل المواقع للشراء منها
و طرق الدفع و يكون ملم بكافة التفاصيل
ارجو من كل من لدية خبرة فى الاستيراد من الخارج ان يفيدنا جميعا بمعلومات عنة
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
موضوع رائع يا استاذ جوكر ... تسلم ايدك ..
ونرجو التفاعل فى الموضوع لمن لديه الخبره..
واسمحلى اضيف هذه الروابط ..
الدفع و الشراء عن طريق الإنترنت ( كتاب )
خدمة الـ Shop&Ship و طريقة الشراء من موقع Amazon ( كتاب )
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
فكرة ممتازة وانا محتاج اعرف معلومات كاملة عن الحكاية دي
بكل تفاصيلها
يعني لو انا شوفت مثلا شاشة فى موقع عجبتني .. وسعرها مثلا 200 دولار
هل هيكون ال 200 دولار وخلاااص كدة اللي هدفعهم من الفيزا
ولا هيكون في كلام تاني حواليهم
وازاي اعرف اجمالي التكلفة لحد ما توصلني السلعة .. وايه الامور والحجات اللي احوطها فى الحسبان واخلي بالي منها
عايزين معلومات دقيقة شاملة
يعني حكاية وزن السلعة دي محدش بيكلم عنها
حكاية الجمارك مش فاهمنها .. يعني انا اشتري حاجة وبعدين يتقدرلها جمرك انا مش عارف هيبقى كام ويطلع عالي .. اعمل ايه ساعتها
يعني بأختصار .. ازاي اعرف السلعة دي هتكلفني كام من طقطق لسلاموا عليكم لحد ما تبقى في بيتي بين ايدية
ايه اللي هيدفه بالفيزا وايه اليل هيدفع يد بيد
بالتوفيق
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
شكرا اخى جوكر على الموضوغ الممتاز الذى يسعة الى معرفتة الكثرين خصوصا عدم وجود كل المنتجات وهناك نقص كامل وتغيب لمنتجات هامة جدا مثل الكيس و المبرد الهوائى والمائى شاشات كروت شاشة احترافية ......الخ + المبالغة المميتة فى السعار للمنتجات الحصرية
والاهم معرفتة
1- مصادر الشراء الموثوقة والتى تتيح الشحن داخل مصر
2 طرق الدفع وسياستها
3- تكلفة الشحن (الضرائب و الجمرك ) ومعرفة السعر النهائى لسلعة مثلا 200 دولار 550 جنية ما كل التكليف لحد الوصول الى يد المستهلك والوقت الذى يصل لة المنتج من تاريخ الطرب معرفة وكيفية حساب تكلفة الجمارك والتعامل معها
4- طريقة الاستلام النهائى
بالتوفيق و اتمنى ان يفيدنا احد الخبراء او المجربين اهذا الموضوع
ولى استفسار عن
اقتباس:
الخدمات الجديدة التى تقدمها شركات الانترنت ( تى اى داتا & لينك ) بمصر
لاستيراد المنتجات من الخارج
وشكرا على طرح الموضوع ولك تقييم
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
الجووووووكر D: ,,, اشكــرك يا باشا على طرحكك للموضوع
و نتمنى اخوانا اللى اتعاملوا فى الموضوع و عندهم خبرة فيه يشاركونا هنا
أنا مقدم على عملية شراء من الخارج و عاوز اعرف منكم المعلومات :)
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
اقتباس:
المشاركة الأصلية كتبت بواسطة DreAmO
فكرة ممتازة وانا محتاج اعرف معلومات كاملة عن الحكاية دي
بكل تفاصيلها
يعني لو انا شوفت مثلا شاشة فى موقع عجبتني .. وسعرها مثلا 200 دولار
هل هيكون ال 200 دولار وخلاااص كدة اللي هدفعهم من الفيزا
ولا هيكون في كلام تاني حواليهم
وازاي اعرف اجمالي التكلفة لحد ما توصلني السلعة .. وايه الامور والحجات اللي احوطها فى الحسبان واخلي بالي منها
عايزين معلومات دقيقة شاملة
يعني حكاية وزن السلعة دي محدش بيكلم عنها
حكاية الجمارك مش فاهمنها .. يعني انا اشتري حاجة وبعدين يتقدرلها جمرك انا مش عارف هيبقى كام ويطلع عالي .. اعمل ايه ساعتها
يعني بأختصار .. ازاي اعرف السلعة دي هتكلفني كام من طقطق لسلاموا عليكم لحد ما تبقى في بيتي بين ايدية
ايه اللي هيدفه بالفيزا وايه اليل هيدفع يد بيد
بالتوفيق
أولا حضرتك لازم تتأكد إن الموقع يقبل "International Credit Card " لإن لو بطاقة ال Visa صادرة من أي دولة غير الولايات المتحدة تبقي بطاقة Visa دولية ويتم رفضها لأسباب امنية
ثانيا الحسبة الأساسيه تقسم للاتي
ثمن المنتجات + ثمن الشحن داخل امريكا + ثمن الشحن من امريكا إلي مصر + ضرائب
أولا ثمن المنتج
مثلا حاجة زي كده
$79.99
You Save: $20.00
($54.99 after $25.00 Mail-In Rebate Card )
سعر المنتج 80$ في حالة الشراء سيتم خصم 80$ من بطاقة الائتمان , بالنسبة لل Mail IN Rebate فـ هو خصم من المصنع والموقع ليس له دخل , بعد شراء المنتج تحصل على ال rebate من المصنع وفي حالتنا لن تحصل عليه
ثاني جزئية هي وجود ضرائب داخل الولايات المتحدة تطبق من بعض المواقع على بعض الولايات فقط , مثلا عند شراء HD4890 من أمازون وشحنة الي New York قمت بدفع 224$ ثمن المنتج و 20$ ضرائب , لكن في حالة الشراء من Tigerdirect وشحن الي NewYork لا يوجد ضرائب
ثانيًا شحن داخل امريكا
يختلف من موقع اللي آخر حسب مكان الشحن / وزن المنتج / مدة الشحن وهناك مواقع تشحن بالمجان (Free Shipping ) و تكلفة الشحن الداخلي تحمل على بطاقة الائتمان
أول جزئين من أسهل ميكون لسهولة معرفتهم قبل الطلب
ثالثا ثمن الشحن من امريكا إلي مصر
اولا aramex
أول بوند 62 جنيه و 45 جنيه على كل بوند اضافي
ثانيا DHL
أول كيلو 130 جنيه بعد كده الحسبة معقدة شاملة كسور كتير
https://www.borderlinx.com/m/total-cost-calculator
المشكلة في حسبه تكلفة الشحن إن المنتج يتم تغليفه و شحنة في صندوق أكبر
مثلا hd5870
Shipping Weight: 4 pounds
عند تغليفه وشحنه أصبح 5.5 بوند بتكلفة 242 جنيه عن طريق أرامكس , تكلفة شحن 5.5 بوند من DHL الي مصر 266 جنيه .
يتم دفع مصاريف الشحن مباشر لشركة الشحن
آخر جزئية هي الضرائب وهي طبعا اصعب جزئية
بالنسبة لمستلزمات الكمبيوتر فهيا 10% من اجمالي سعر المنتج + مصاريف تخليص جمركي وفي حالة عدم وجود فاتورة يتم حسب قيمة تقديرية (على مزاج الشركة )
مصاريف التخليص في ارامكس 25 جنيه في حالة إن الضرائب اقل من 150 جنيه و 50 جنيه لو الضرائب اكتر من 150 جنيه , DHL مجانا لعملاء link.net
اقتباس:
1- مصادر الشراء الموثوقة والتى تتيح الشحن داخل مصر
عن تجربة amazon.com , وخلي بالك إن داخل أمازون يوجد كثير من المواقع مثل Tigerdirect , buy.com , Compusa , Zipzoomfly Antonline و في جميع الحالات تعاملاتك تكون من خلال أمازون ولكن لك حرية الاختيار ما بين اسعار مختلفة من موقع للآخر
اقتباس:
2 طرق الدفع وسياستها
تم التوضيح بالأعلى و ايضا في مشاركة الاخ ALL4US
اقتباس:
تكلفة الشحن (الضرائب و الجمرك ) ومعرفة السعر النهائى لسلعة مثلا 200 دولار 550 جنية ما كل التكليف لحد الوصول الى يد المستهلك
تم التوضيح بالأعلى
اقتباس:
الوقت الذى يصل لة المنتج من تاريخ الطلب
اكيد بتختلف من موقع للاخر لكن عامتا بيكون من 1 الي 3 ايام order processing من الموقع , 1-5 ايام شحن داخلي حسب اختيار نوعية الشحن , وآخر حاجة هو الشحن من امريكا الي مصر عن طريق ارامكس وهي من اسبوع الثلاث اسابيع لكن المتوسط 10 ايام ,, كل ماسبق بدون حساب عطلة نهاية الاسبوع ,,, فى بعد الحالات الخاصة يكون هناك تعطيل من الاجراءات الجمركية مثل ال Mobile Phones حتى يتم عرضها على وزارة الاتصالات
اقتباس:
4- طريقة الاستلام النهائى
الاستلام بعد دفع الشحن والضرائب من مركز ارامكس أو توصيل لبيت العميل حسب الاتفاق
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
بعد اذنكم عاوز اسأل سؤال بدائى شوية :)
عاوز توضيح للمسميات دى :
الـ international credit card , الفيزا , credit card
عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM
و ايه المتطلبات لعمل Credit Card اقدر اشترى بيه من امازون ؟
--------
سؤال آخر ,
هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
موضوع اكثر من رائع اخ جوكر
عندي سؤال:
لو انا اشتريت بطاقه 5770 من الامارات وانا مسافر ونزلت بيها مصر هتجمرك؟
+
هل فرق السعر كبير بين مصر والامارات(يريت لو حد يعرف تمن البطاقه هناك يقولي)؟
في انتظار الردود...........:)
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
اقتباس:
المشاركة الأصلية كتبت بواسطة I-IEMA
بعد اذنكم عاوز اسأل سؤال بدائى شوية :)
عاوز توضيح للمسميات دى :
الـ international credit card , الفيزا , credit card
عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM
و ايه المتطلبات لعمل Credit Card اقدر اشترى بيه من امازون ؟
--------
سؤال آخر ,
هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟
international credit card
يطلق على أي بطاقة ائتمان صادرة من أي دولة غير الولايات المتحدة عند التعامل مع المواقع الخاصة بهم
الفيزا , credit card
أي بطاقة ائتمان تعتمد على الشراء الآن والدفع للبنك لاحقا حسب الاتفاق مع البنك
عاوز اعرف ايه فيهم اللى بيستخدم فى الشراء من النت ,, و ايه فيهم الكارت الممغنط اللى بيستخدم فى الـ ATM
معظم الكروت الخاصة بالشراء من النت تستخدم مع ال ATM في نفس الوقت لكن لايمكن استخدام أي كرت ATM للشراء من أمازون , يجب أن تتأكد من البنك انه صالح للاستخدام online
و ايه المتطلبات لعمل Credit Card اقدر اشترى بيه من امازون ؟
لو Credit Card لازم تكون فوق 21 سنة وليك دخل ثابت أو ضمانات للبنك بس ممكن تعمل Debit Card وفي الحالة دي يجب أن تقوم بإيداع فالحساب قبل الشراء
هل فيه مواقع على قدر أمان و مصداقية امازون لكن بيتعامل بـ paypal كوسيلة للدفع ؟
و هل ممكن الشراء عليه بـ unverified paypal account ؟
للأسف معنديش أي معلومات عن الجزء ده
اقتباس:
المشاركة الأصلية كتبت بواسطة البارونوو
موضوع اكثر من رائع اخ جوكر
عندي سؤال:
لو انا اشتريت بطاقه 5770 من الامارات وانا مسافر ونزلت بيها مصر هتجمرك؟
+
هل فرق السعر كبير بين مصر والامارات(يريت لو حد يعرف تمن البطاقه هناك يقولي)؟
في انتظار الردود...........:)
اكيد لو البطاقة دخلت الجمارك يبقى هتدفع 10% ضريبة مبيعات لكن لو دخلت وسط باقي الأمتعة يبقي محدش هياخد باله :D
سعر ال 5770 مابين 160-180 دولار في الولايات المتحدة يعني من 900-1000 جنيه فـمعتقدش إنه يستاهل
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
طب معلش انا عندي سؤال
يعني لو انا جبت مثلا جهاز الzune hd من برة
مثلا من موقع زي new egg او amazon
الجهاز سعره 199 دولار
الحاجات الي هدفعها او الاجراءات الي هحتاج اعملها من ساعة ما هدي الاوردر لحد ما الحاجة هتوصلني
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
يا جماعة انا قرأت ان فى FAQ بتاع امازون انهم مش بشحنو حاجة لأفريقيا ولا الشرق الاوسط...يبقى ازاى الحاجة هتوصلنى هنا فى مصر؟
و بعدين ايه نظام ال Gift cards بتاعهم...يعنى مثلا لو معاي 3 gift cards الواحدة ب100 دولار...ممكن اجيب منهم حاجة ب 300 دولار؟..الف شكر مقدما :)
رد: ۩(●̮●)۩ كل ما تريد معرفة عن شراء المنتجات من الخارج ۩(●̮●)۩
رد: ۩(●̮●)۩ كل ما تريد معرفتة عن شراء المنتجات من الخارج ۩(●̮●)۩
السلام عليكم
سؤال ضرووووري
انا حاليا في الرياض وناوي لما انزل اشتري المكونات من هنا وانزل بيها بس من غير علبها
يعني كرت الشاشه والبروسيسور والبورده والرام من غير اي علبة
فهل هيحسبوا عليا جمارك يعني مثلا الحاجات لو بـ 1500 ريال او 2000 ريال ؟
وهل لو حسبوا جمارك هلاقي بنفس سعر مصر ولا هتكون اكتر ؟
ياريت تفيدوني بالله عليكم
وشكرا مقدما
رد: ۩(●̮●)۩ كل ما تريد معرفتة عن شراء المنتجات من الخارج ۩(●̮●)۩
شكراً جزيلا علي فتح هذا الموضوع
أنا عننفسي بحب اجيب حاجات مش موجوده في مصر للأسف
رد: ۩(●̮●)۩ كل ما تريد معرفتة عن شراء المنتجات من الخارج ۩(●̮●)۩