>>> الموضوع الموحد لمتابعة مراجعات معالجات AMD RYZEN <<<

[محمود اسكندرية]

مفيش نتائج بالفيديو عموماً و من رايي انتظار المراجعات الكتابيه من جميع المواقع في الموعد الرسمي ليها افضل
الفيديو عموما بيوضح كيفية الوصول إلى 4.0GHz مع الاربعة عينات و بينصح جدا بافضلية اختيار معالج R 5 1600 عن R 5 1600X و توفير فرق السعر
لكن اعتقد ان نتائج R 5 1600X هي اللي ممكن تحكم هل فرق السعر يستحق ام لا و لكن عموما مش هيعطي نتائج افضل في كسر السرعه عن Non-X CPU

أ.ابراهيم .. تسلم عالرد والمتابعة واسف لعدم توضيحي ان مقصدي من النتائج هي نتائج الأوفر كلوك وليس نتائج المعالج نفسه مع التطبيقات المختلفة واللي شد انتباهي في الفيديو (بعد مشاهدته بتأني) إنه مع كلا المعالجين مقدرش يوصل بشكل نهائي ل 4Ghz باستقرار تام وينصح ب 3.9 أو 3.8 !! على اساس تست الأوفركلوك اللي في الفيديو ده ( اذا اثبتت المراجعات النهائية والمتعددة نفس الكلام اللي فيه ) ال r5 1400 اخره في الأوفركلوك 3.9 على فولت 1.4 وال r5 1600 اخر 3.975 على فولت 1.45 .. من وجهة نظري المتواضعة انا شايف ان كده الاوفركلوك ضعيف لإن اخره 4 بس وعلى فولت عالي كمان ، كان عندي i7 2600k وكنت مشغله على 4.4 على فولت 1.285 باسقرار تام وبحرارة ممتازة وقت الضغط ولفترة !! بس إذا كان ال R5 1600x الأوفركلوك والفولت بتاعه أفضل حروحله ( كنت حاطط في دماغي اجيب ال R5 1600 ) الفرق بينهم 30 دولار ال 1600 التردد الاساسي 3.2 وبالتربو 3.6 في حين ال 1600X التردد الاساسي 3.6 وبالتربو 4 واعتقد الفولت بتاعه حيبقى أقل وبالتالي حرارة أقل ( كلوك أعلى وفولت وحرارة أقل ممممم اعتقد فرق السعر في الحالة دي يكون في محله ومقبول ) ... بس عيبه الوحيد إنه على حسب ماقريت لا يأتي بأي مبرد Stock Cooler على عكس ال 1600 بمعنى اللي حيجيب ال 1600X حيتكلف مبلغ إضافي ليأتي بمبرد احترافي محترم يعني العملية كده داخلة في 300 دولار تقريبا ..... طبعا أغلب الكلام ده سابق لأوانه بس الواحد بيحط افتراضات واحتمالات أقرب للواقع ويدرس الموضوع من جميع الزوايا عشان يقدر ياخد القرار النهائي بالشراء عن عدمه باقتناع تام بدون ندم ومجيش كمان كام شهر ويقول ( ياريتني صبرت شوية كمان ) ... وزي ما حضرتك قولت في موضوعك المميز _ اختيار المعالج المركزي الأفضل في عام 2017

لا يجب أن تحسم موقفك
بإختيار المعالج الأفضل في عشيةً و ضحاها ,
فلم تعد عملية إختيار المعالج المركزي
بنفس سهولة الماضي .