بسم الله الرحمن الرحيم
اخواتى و احبائى فى الله انا جديد هنا بالمنتدى و اسف على عدم تنسيق الموضوع و لكن قادم لكم بموضوع فى غايه الاهميه
و لابد من الحذر منه و لا تستهون بالموضوع
اذا ما هو موضوع اليوم و ما هو الموضوع الذى فى غايه الاهميه ؟
موضوع اليوم هو عن مسح الصور بهاتفك اذا هل تظن ان هاتفك يقوم بمسح الصور كما تعتقد ؟ الاجابه هقولك
لا طبعا طب ازاى؟
هسيبك تقرأ الموضوع وتتأكد بنفسك فالامر
فى كثير من الاوقات تتطر لبيع هاتفك لأى سبب من الاسباب اذا كان بسبب ظروف شخصية او تجديد لهاتف اخر و اذا ماذا تفعل بهاتفك قبل بيعه طبعا بتدخل على تطبيق الصور بالهاتف و تقوم بمسح جميع الصور و الملفات الموجوده على الموبايل اكيد صح بتعمل كدا
طب لو قولت لحضرتك ان الملفات اللى مسحتها دى كلها تقدر ترجعها تانى و تستعملها عادى جدا
و كأنك ممسحتهاش طب ممكن
انت ترد و تقول عادى يعنى ما انا ممكن اعمل فورمات للموبايل طب هقولك ان بردو بعد القورمات تقدر ترجعها
و طبعا الكثير من الناس يفكرون انهم عندما يحذفون صور من على هاتفهم الاندرويد ان الصور كده اتمسحت نهائى
لكن لا يعتقدون ان هذه الصور ممكن ترجع تانى ببساطه جدا الكثير يقع فى مشاكل كثيره جدا بسبب هذا الموضوع وبالاكتر الفتياة يقعون فى مشاكل كثيرة بسبب هذا الموضوع انهم انهم عندما يذهبون ليبيعو هاتفهم الاندرويد ويعملون انهم قد مسحو
كل شئ من على الهاتف نهائى لكن العكس يحدث عندما يذهبون لبيع هاتفهم او اصلاح هاتفك عند اى شخص او فى محل
او اى شئ ممكن صاحب المحل يكون شخص سئ ويعمل ريكفر وسترجع جميع الصور المحذوفة
من هاتفك لاذلك لازم تخلى بالك
من هذه النقطة وتعلم جيدا ان جميع التكنولجيا الحديثة ليس بيها القدر الكافي لحماية خصوصيتك وقبل ما تفكر فى بيع هاتفك او الذهاب به لاصلاحه يجب ان تتاكد تماما من صورك اللى انت حذفتها من على هاتفك الاندرويد لعدم الوقوع فى مشاكل
لا احد يعرف الى سوف تذهب بك ومشاكل ممكن تهدم حياتك والكلام ده طبعا للفتياة بالاكتر للانهم الاكثر الذين يقعون
فى هذه المشاكل لذلك عملت الدرس ده عشان اعرفكم ان صورك التي حذفت لا تحذف من الهاتف وانها مازالت توجد
على هاتفك بس مخفية مش هتعرف تشوفها ولا اى حد غير لما تطبق الشرح الانا هقولو ليكم نعرف بقى الصور المحذوفة
ازاى نعملها ريكفر عشان نقدر نرجعها بتحتاج فى الموضوع تطبيق diskdigger التطبيق ده فقط و طبعا الكل عارف
ازاى ينزل تطبيق من متجر جوجل بلاي انك بتفتح المتجر عادى جدا وبتكتب فى البحث diskdigger وتختار اول
تطبيق هيظهر عندك لان هيظهرلك تطبيقات كثير بنفس الاسم هتختار منهم الاول وتعمله تنزيل عشان يتثبت
على هاتفك بعد تنزيل التطبيق بتفتحه بالضغط عليه اولا التطبيق سهل والكل هيعرف يتعامل معاه لانك بعد ما بتفتحه بتضغط على (بدء مسح الصور الاساسي) بعد الضغط عليها هتلحظ المفجأة ان جميع صورك المسحتها من اول ما اشتريت
موبايلك لحد الان بدء يتم استرجاعها بالكامل عن طريق هذا التطبيق لذالك حبيت اعمل الشرح ده عشان احذر الناس من خطورة الموضوع ده انو ممكن يعمل مشاكل كثيرة جدا.
اذا ماكنت اعتقده كذلك ولكن بعد تجربتي لهذه الطريقة تفاجئت ان الصور التي حذفتها لازالت موجودة على الهاتف .
وحاولت تفريغ ملفات thumbnail ولكن بدون جدوى فهي لازالت موجودة كما انه كان علي ان ابحث عن طريقة من اجل حذفها كليا من على الهاتف .
ممكن انت ترد و تقولى ما يرجعها هيعمل بيها ايه هو فعلا ممكن ناس متعملش بيها حاجة بس ناس تانية كتيير هتعمل بيها زى ما فى ناس كويسه فى ناس مش كويسه و اصحاب محلات الموبايلات ناس كتير منهم مش كويسة و بردو ناس كتير منهم كويسه احنا بنذكر الحلو و الوحش بس خلينا فى الوحش انت مثلا لو ع الموبايل بتاعك عليه صور اختك او امك او خطيبتك او حتى حبيبتك و مسحت الصور دى و بعت الموبايل و حظك الوحش وقع مع شخص مش كويس ترضى انه يشوف صور الناس دى طب صورك الشخصية تردى حد يشوفها عادى ؟ اكيد لا طبعا ربنا يسترها على ولايانا
طب و الحل بقى نعمل ايه
الحل يا سيدى ان البرنامج اللى خاص باعاده ترجيع الملفات و اشهرهم هو برنامج اسمه Disk Digger و ناس كتير عارفاه علشان هو اشهر برنامج استرجاع الملفات المحذوفة
طب نعمل ايه علشان نتخطى البرنامج ده و اللى ياخد الموبايل ميقدرش يرجع الصور دى ؟
طبعا زى ما فى مشكله لازم ان شاء الله نلاقى العلاج بتاعها طب علاج مشكلتنا ايه
علاج مشكلتنا يا سيدى ان فى برنامج و هو افضل البرامج عالميا فى ادارة الملفات و ووظيفه البرنامج ده انه تحكم كامل فى ادارة الموبايل و لما تمسح بيه اى حاجة سواء كانت صور او برنامج بيمسحه بالداتا اللى على الكارت علشان اى حاجة بتتمسح بتتشال قدامك بس الداتا بتعتها بتفضل مكتوبة ع الكارت علشان كدا برامج استرجاع الملفات بتقدر ترجع الملفات اللى اتمسحت دى يبقى وظيفه البرنامج ده ان لما بيمسح ملف بيمسحه من جذورة يعنى اللى بيتمسح
مبيرجعش وده فيديو فيه شرح تفصيلى بطريقة تنزيل البرنامج و تشغيله و مسح اى شئ تريده يارب اكون قدرت افيدك و اسف فى المطاوله فى الموضوع
رابط الفيديو على اليوتيوب
https://www.youtube.com/watch?v=Wt3Aw2NWrsI
هاتفك لا يقوم بمسح الصور كما تعتقد تاكد بنفسك فالامر خطير و مهم جدا
ضوابط المشاركة
رد مع اقتباس
المفضلات