...........والله يا اخ ميشو انت شجعتني انو اجرب الموضوع دا فى القريب العاجل..........وخصوصا شرحك السلس لطريقة التثبيت مع اضافة الصور
...........بارك الله لك اخي الكريم.............تقبل تحياتي
السلام عليكم ورحمة الله وبركاته..
نتمنى لكم السلامة كااااافة...
وكما مبين في العنوان سيتم تناول طريقة لتشغيل يد تحكم (دراع يعني) الخاص بالــبلايستشين 3(PS3) كدراع وايرلس وكمان يقرأ كأنه XBox 360 لتسهيل الامر حين تحتاجه في الالعاب عن الطرق الاخرى كــ(Xbox Emu)وكدا باستخدام برنامج
ScpToolkit (ومجربه على اكثر من دراع على ويندوز 10)
ورابط تحميله ::
https://drive.google.com/open?id=1yl..._neRNaWCBnoJ6C
المهم..ما نحتاجه ::
1. دراع بلايستشن 3 (من العتبة ويكفي بحوالى 100)
2.كابل شحن للدراع ويكون بيقرأ داتا(المهم هو هو) وبردو من العتبة حوالى بــ15 وملحوظة مهمة الكابل طرفه الثاني USB Mini وليس Micro يعني مش هينفع الكابل بتاع التليفون مثلا.
3.قطعة بلو توث أي اصدار ان شاء الله بحوالى 40.
المرحلة الاولى::
حتة فنية خطيرة..سيتم توصيل القطع بالكمبيوتر(لاداع فيما تفكر الان- لاداع)
1.توصيل البلوتوث ويترك ليتعرف وكدا
2.توصيل الدراع عن طريق الكابل ويترك ليتعرف(ومهم أنه الويندوز يقرأه كــPS3 GamePad) كما في الصورة
المرحلة الثانية::
سيتم تسطيب البرنامج كأي برنامج عادي خالص وقد يحتاج بعض البرامج المساعده اللي هي .Redsit ولو مش موجوده على الجهاز سيقوم بتنزليها وتسطيبها
بعد التسطيب ستظهر أربعة أيقونات....(ومرتبين حسب الاهمية او تسلسل الاستخدام في الموضوع)
1.ScpToolkit Driver Installer (وممكن تفتحها بعد انتهاء السطب مباشرة)
ودي أهم حاجة في الاول لانها سيتم تعريف الدراع والبلوتوث
A-ومنها هتختار اسم قطعة البلوتوث كما تم تعرفها في الويندوز(القطعة فقط) واسمها في الغالب هيبقى GENERic ويتم تحديدها
B-ويتم اختيار دراع البلايستشن أيضا كما ظهر في الويندوز اللي هو PS3Pad
-هو البرنامج ممكن يعرف كمان دراع الPS4 لكني ماجربتهاش
وبعد لحظات سيتم ظهور شوية رسائل (Notifications) كدا فوق الساعة وداه خير لنجاح عملية التعريف -وكما أن نهاية الـLog في البرنامج سيخبر بذلك أيضا (هتلاقي رسالة وسطهم بتقول ان الدراع fake قولها شكرااا)
2.ScpToolkit Settings Manager
بعد النجاح ان شاء الله نفتح الايقون دي-ودي منها بتختار شوية حاجات خاصة بالدراع لو ملم اووي بيها عيش -بس أهم اختيار بالنسبة لي اللي هو زمن فصل الدراع عشان توفي البطارية وكدا وعلى حسب الرغبة خليها 5 او 4 دقائق-القصد توضيح الفكرة وكمان اللمبات اللي في الدراع عايز تبين حالة الشحن ولا رقم الدراع -واعتقد انه خليها تقعد تدي flasher كدا لما تكون البطارية عايزة تتشحن وكما صوت الــ(Notifications) يعني يعمل صوت عند فصل او تركيب الدراع سواء بالكابل او بالبلوتوث فبراحتك فيها.
3.(ScpToolkit Monitor (legacy
-وبعد الخطوتين السابقتين (والمفروض ان ما زال الدراع متوصل بالـUSB)
نفتح الايقونة دي ودي من اسمها بتراقب عملية التوصيل او لما الدراع بيشحن وكدا وكما لما بتوصل أكثر من دراع ممكن ترتبهم من يبقى الاساسي ومين رقم 2 وكدا(وخلى بالك مش بتقفل من علامة الــX لازم تفلها بكليك يمين من أيقونتها جنب الساعة-من الـTray يعني- لان ساعات بحس أن استهلاك المعالج بيزيد قليلا حين فتحها او لو سبتها(احيانا)
A-ودي وهو متوصل بالكابل وبيشحن
B-دي صورة الحاة العادية والدراع متوصل بالبلوتوث
وبعد ما تتأكد ان الدراع تمام ومتوصل افصل الكابل وهتلاقيه بيتحول من USB الى بلوتوث (في الحالة الطبيعية) ولو ماقرأش اضغط على زر PS في الدراع
__________________________________________________ ____________________نقطة جانبية :: ممكن ساعات تحس ان الدراع مش بيتوصل عند الضغط على زر PS في الدراع وفي الصورة بتبقى كدا
وفي الغالب مش بيبقى قاري البلوتوث (فـشيله وركبه تاني حتى توصل الى الحالة العادية)
4.ScpToolkit Updater
و واضح من اسمها انه بتعمل ابديت للدرايفر(وهو كدا كدا هتلاقي بيعمل ابديت او تشيك على التعريف كل يوم تقريبا) فمتشغلش بالك بها.
وكدا ان شاء الله يبقى الدراع جاهز على اللعب
وحتى في الـDevice Manager هتلاقي قاري Microsoft Xbox 360 Controller
ملحوظة ::
-بتشغل الدراع تاني طبعا من زر PS الموجود في الدراع
-لو ما اشتغلش ممكن يكون العيب ذو الأولوية زي ما تم ذكر موضوع قطعة البلوتوث\او ممكن تعمل ريستارت للجهاز(ونااادر جداا)
-وفيه أيقون بتبقى في الــTray واخده شكل الدراع ودي مهمتها الـ(Notifications) فقط وممكن تقفلها من خلال Task Manager > Startup
-وكمان الصوت بيتلغي فقط من خلال أيقونة Manager
-والجزء بتاع أيقونة Monitor عشان ما تقولش دا تعدين هو ساعات لما بسبها مفتوحة بحس ان استهلاك المعالج بيزيد الى 25 مثلا لكن مش بيثبت وكما بيرجع عادي لما بتتقفل(دي نقطة حبيت أوضحها بس).
Have a Nice Game
وشكراا..واستغفر الله لي ولكم ..
...........والله يا اخ ميشو انت شجعتني انو اجرب الموضوع دا فى القريب العاجل..........وخصوصا شرحك السلس لطريقة التثبيت مع اضافة الصور
...........بارك الله لك اخي الكريم.............تقبل تحياتي
ولو أنى ليس لى بالألعاب مطلقاا
أنما أعتقد أن هذا الموضوع سيحقق الأفاده
لممارسى الألعاب
سلمت يداك أخى الكريم
بالتوفيق دائماا
لو سمحت حضرتك...
هوا أي قطعة بلوثوث تشتغل مع الدراع عادي أكيد
ولا لازم نوع معين عشان كنت قريت قبل كده
ان لازم القطعة تكون النوع ده بالتحديد وهوا 2B Bluetooth
اعذرني انا مش قصدي اشكك في كلامك انا عايز اتاكد بس
وشكرا لك.
[SIGPIC][/SIGPIC]
سامحني مجاش في بالي موضوع الخاص ده خالص والله
بس الحكاية اني معايا دراع وايرليس بس PC مش PS3
وللاسف الشحن بتاعه سئ جدا وطول الوقت يعتبر لازم اكون موصله بالوصلة
وبعد ما شوفت موضوع حضرتك شجعتني اني اعمل الموضوع ده
عشان كده كنت حابب اتاكد
ومش قصدي اشك في كلامك بالمعني الحرفي
وبعتذرلك مرة اخري.
[SIGPIC][/SIGPIC]
أستاذي الفاضل/ ميشو...
التجربة بالفعل ناجحة %100 تمت التجربة اليوم ولم تحدث اي مشاكل علي الاطلاق
وعلي قطعة بلوتوث عادية v2
وبدون الحاجة لأي برامج اضافية داخل فولدر اللعبة
مثل الذي كنت اعمل عليه سابقا x360ce
لم اكن بحاجة الي اي شئ اخر,,, فقط المذكور بالموضوع
ولكن للأسف الشديد تم ارجاع الدراع بعد ظهور مشكلة في الانالوج
وهنا السؤال هل يمكن إنشاء موضوع اطالب به شراء دراع اصلي أم لا
وشكرا للجميع.
[SIGPIC][/SIGPIC]
ممكن جداا
أنشاء موضوع بقسم طلبات الشراء
https://arabhardware.net/forum/forumdisplay.php?f=130
بالتوفيق
الله يكرمك,,,
هيا جميلة فعلا/ وانت اول واحد جه في بالي وانا بجرب البرنامج
فعلا اسهل طريقة والموضوع كله مخدش 5 دقائق.
[SIGPIC][/SIGPIC]
...............تم التجريب بنجااااااااااااااح منقطع النظير.............
الشكر مرة ثانية لاخي الفاضل ميشو
ملحوظة جانبية كدا:اخويا الصغير عجبه الموضوع اوي ودعا لك دعوة بظهر الغيب
المفضلات