أسأل فادى فى الأندرويد !

[xm_2010]

+ محتاجين قسم خاص للالعاب الاندرويد وقسم للبرامج والترقيات والموضوع هيبقى افضل

[moriatte]

.................................................. .................................................. ...........................
الروت هو الوصول لملفات النظام لتعديل عليها تعريب تغير ايكونات اي حاجا انت عاوزها
الرومات: هو نظام تشغيل معدل خد عندك بقى ممكن واحد يعمل رووم يمتاز بسرعته وواحد تاني يعمل رووم شكله افضل
باختصار الرووم ده زي نسخ الوندوز اللي ملعوب فيها ومليان مميزات وبرامج اضافيه عن النسخه الاصليه

بخصوص البرامج والالعاب في مع كل جهاز اندرويد برنامج اسمو ماركت عامل زي سوق فيه المجاني واللي بفلوس خش وجيب اللي انت عاوزه ويوجد مواقع ومنتديات فيها ناس رافعه البرامج والالعاب مش هتغلب

ان شاء الله همل موضوع شامل عن الاندرويد وخصوصا موضوع الترقيات والتحديث

.................................................. .................................................. ..................ز

NEO701
ايفون العابو بالضبط زي العاب الاندرويد بس كل اللي انت محتاجو جهاز امكانياته عاليه وفي حالتي انا جبت الجالكسي اس ومنزل لعب كتير اكبر وحده عامله 600 ميجا هيا بس المشكله ان الالعاب بتنزل للايفون الاول وبعديه الاندرويد
.................................................. .................................................. .................ز
moriatte

مفيش طريقه تعرف الجهاز فيه خاصيه التلات زراير ولا لا غير انك تفتح الجهاز وديه مش مشكله لانك مش هتحط خط عموما متخفش خلاص موضوع الزراير التلاته ده ملحول وفيه منتديات كتير نزلت الحل
+المشكله سوفت وير مش هارد وير وسامسنج متعمده الغلطه دي عشان كل عمليات التحديث تتم عن طريق البرنامج بتعها (الكيس) مش عن طريق الاودن

أنا شاكر ليك جدا على اهتمامك وشرحك المفصل
لك منى شكر وتقييم وآسف لتأخرى لأنى لسه شايف مشاركتك دلوقتى

[moriatte]

.................................................. .................................................. ..........................

مفيش طريقه تعرف الجهاز فيه خاصيه التلات زراير ولا لا غير انك تفتح الجهاز وديه مش مشكله لانك مش هتحط خط عموما متخفش خلاص موضوع الزراير التلاته ده ملحول وفيه منتديات كتير نزلت الحل
+المشكله سوفت وير مش هارد وير وسامسنج متعمده الغلطه دي عشان كل عمليات التحديث تتم عن طريق البرنامج بتعها (الكيس) مش عن طريق الاودن

ممكن فكرة سريعة عن البرنامجين دول؟
شكرا

[xm_2010]

ممكن فكرة سريعة عن البرنامجين دول؟
شكرا

برنامج الكيس ده البرنامج الرسمي من سامسونج ومن خلاله تقدر تعمل عمليات الترقيه والباك اب ونقل الصور والكلام ده كلو زي( PC Suite ) في نوكيا كده (بيركب التحديثات الرسميه من سامسونج بس)


برنامج الاودن ده برنامج ترقيات بس ومخصص لتغير الرومات وممكن بيه ترجع لي اصدارات اقدم او احدث وتركب اي اصدار لي اي ترقيه في اي وقت وممكن بيه تركب كيرنل معدل وحاجات كتير (بيركب تحديثات رسميه ومش رسميه ) ويفيد لي الناس اللي وقعت في مشاكل اثناء الترقيه وحاجات كتير ومهم لكل مالك جهاز بيحب يعدل ويغير روومات كتير

[moriatte]

طيب ممكن اسم البرنامجين بالانجليزى عشان ادور عليهم؟
ولو تعرف روابط مباشرة يبقى كتر خيرك
بس هى ليه سامسونج عاوزة تقفل ع الناس انها تغير الرومات وتعمل تحديثات براحتها ؟!!

[xm_2010]

Odin3 v1.7


Samsung Kies ده اكيد هتلاقيه في موقع سامسونج

الاتنين لسامسونج جالكسي اس
هحاول اشوفلك روابط وانزلهم هنا لبرنامج الاودن او ارفعلك اللي موجود على جهازي مع شرح البرنامج وطريقه الاستعمال

[xm_2010]

طيب ممكن اسم البرنامجين بالانجليزى عشان ادور عليهم؟
ولو تعرف روابط مباشرة يبقى كتر خيرك
بس هى ليه سامسونج عاوزة تقفل ع الناس انها تغير الرومات وتعمل تحديثات براحتها ؟!!

عشان محدش يعرف يلعب او يعدل على الجهاز ويكون البرنامج بتعها هو اللي معتمد في عمليه التحديثات

[xm_2010]

ملف الاودن+الشرح حمل من هنا


حل مشكله الازرار الثلاثه مع الشرح هنا

اي استفسار انا موجود

[moriatte]

انا شاكر ليك جدا
انت وفرت عليا حاجات بقالى فترة كبيرة بسأل عليها هنا فى المنتدى

[simsim1]

السلام عليكم

يارييت يا جماعه حد يساعدني ويديني القول الفصل في المشكلة بتاعتي

أنا قررت أشتري موبيل سامسونج جالاكسي إس
رحت أسأل عليه في رايا الولد اللي هناك لعب في دماغي وقالي خليك في الإتش تي سي ديزاير إتش دي HTC desir HD و إداني البروشور بتاعه

بصراحة الموبيل وهمي وفيه فروق كتير لصالحة عن الجالاكسي


المميزات اللي فيه أكتر من الجالاكسي

- فلاش ليد للكاميرا و اتنين كمان
- شاشتة أكبر من الجالاكسي 4.3 بوصة
- طبعا الشكل أشيك
-الكاميرا 8 ميجابيكسل
- أرخص تقريبا 400 جنية من الجالاكسي
- السيستم في ال HTC عبارة عن indriod 2.2 فرويو لكن في السامسونج 2.1 ( طبعا التحديث ممكن ) لكن التاني نازل طبيعي من غير تحديث.
- موجود حاليا في مصر و الجالاكسي نزل و اتسحب من السوق ( معرفش ليه ) وجود ال لإتش تي سي رسميا بيديلة دعم أكتر من السامسونج .

العيوب اللي فيه مقارنتا بالسامسونج

- البطارية أقل كفائة 1230 و الجالاكسي 1500 ومع ذلك كتير بيشتكي من بطارية الجالكسي و محدش جاب سيرة إن بطارية HTC فيها مشكلة

- الشاشة بتاعة السامسونج سوبر أمولد كاباساتيف لكن شاشة ال HTC تي إف تي برضة كاباساتيف .
- البلوتوث في الHTC بلوتوث 2 لكن في السامسونج بلوتوث 3 , و بصراحة مش عارف الفرق إيه بين الاتنين .
- مفيهوش كاميرا للفيديو كول زي السامسونج لكن بتاع المبيعات في رايا قالي إنك ممكن تتكلم من الكاميرا الخلفية ( معرفش صحة المعلومة دي إيه ) .

أعتقد الباقي كله هو هو مفيش فرق بين الاتنين .


السؤال بقى ياريت حد ينصحني أو يقولي قول فصل آخد مين فيهم

هل بطارية السامسونج رغم إنها بسعه أكبر إلا إنها أضعف . ( تقريبا أهم نقطة بالنسبة لي )

هل الخرائط في السامسونج مش مجانية و في ال HTC مجانية و لا لاتنين واحد .
هل جوجل يدعم ال HTC زي ما يدعم السامسونج ولا لأ .
هل الأ HTC فيه دعم كامل للغة العربية ( طبعا ده موضوع سيستم أنا عارف بس عايز أطمن ) مش مشكلة القوائم لأني مش بحب القوائم العربي دايما بجعل لغة الموبيل إنجليزي ، أنا أقصد قراءة العربي في الرسائل و الكتب و كدا يعني ...........


آسف للإطالة


ياريت الرد يكون باستفاضة ويكون على كل جزئية .


وجزاكم الله خيرا

[Kh@LiL]

^^^
- HTC DESIRE HD كنظام مستقر أكثر من نظام جهاز السامسونج الجالاكسي اس لأن الأخير يحتاج إلى بعض الإضافات حتى يعمل بأقصى سرعتهز
- HTC DESIRE HD بطاريته أضعف من بطارية السامسونج ومن يقول أن بطارية الجالاكسي ضعيفة فهو لا يعرف كيف يستخدم الجهاز بشكل جيد لأنه يوجد العديد من البرامج التي تعمل في الخلفية ولا تشعر بها وهي السبب في ذلك هذا عدا عن وجوب ضبط الجهاز لكي لا يستهلك الكثير من الطاقة.
- الجالاكسي اس يأتي معرب من الشركة رسمياً في حين HTC لا يوجد تعريب رسمي له ولكن هذا لا يعني أن الجهاز غير معرب بل هو معرب بشكل كامل، (كلاهما معرب بشكل كامل قراءة وكتابة)
- البلووتوث 3 و 2 لا يوجد فرق جوهري بينهم إلا في مجال توفير الطاقة أما السرعة فهي نفسها.
- شاشة الجالاكسي اس أفضل كألوان وإضاءة وتباين.
- HTC Sense UI تعد ميزة إجابية لجهاز DESIRE HD
- خرائط جوجل موجودة عند كلا الجهازين ومجاناً ولا فرق بينهما.
- يوجد بعض المشاكل البسيطة القابلة للحل نسبياً في خاصية GPS في جهاز السامسونج

بالنهاية كلا الجهازين من أفضل الأجهزة على الإطلاق حالياً وأي منهما سيكون اختيار ممتاز، ولكن لماذا لا تنتظر قليلاً لنرى أداء الأجهزة المستقبلية المزودة بمعالجات ثنائية النواة؟؟

[hanybasha]

السلام عليكم

يارييت يا جماعه حد يساعدني ويديني القول الفصل في المشكلة بتاعتي

أنا قررت أشتري موبيل سامسونج جالاكسي إس
رحت أسأل عليه في رايا الولد اللي هناك لعب في دماغي وقالي خليك في الإتش تي سي ديزاير إتش دي HTC desir HD و إداني البروشور بتاعه

بصراحة الموبيل وهمي وفيه فروق كتير لصالحة عن الجالاكسي


المميزات اللي فيه أكتر من الجالاكسي


-........
.......
- أرخص تقريبا 400 جنية من الجالاكسي
-.......


وجزاكم الله خيرا

هو الديزاير hd ممتاز وقد يتفوق فعلا على الجالاكسي - لكن أحب أصححلك هو أغلى من الجالاكسي ب400 ج مش أرخص - كمان ممكن تضيف - على ما أظن حوالي 400 ج تانيين فوقهم لو عايز تضيف كارت ذاكرة 16 جيجا sd card علشان يتساوى مع الجالاكسي - بكده نبأه دخلنا على 5000ج - بالمبلغ الوهمي ده الأفضل انتظر موبايل من الموبايلات الخرافيه الجايه قريبا بالإمكانات ثنائيات النواة و معالجات جرافيك tegra 2 - لكن ده معناه انك تنظر على الأقل 6 إلى 8 شهور على ماينزلو مصر وسعرهم يستقر!

وفيه ملحوظتين صغننين:
1- اللي حاول بإلحاح إنه يقنعك بالديزاير hd في شركة رايه - السبب ان معندهمش اساسا الجالاكسي عشان يبيعهولك - (حسب معلوماتي باتصالي بيهم من فترة قريبه ومتابعة موقعهم)
2- الديزاير HD مفيهوش TV Out - دي بالنسبه ليا مهمه جدا معرفش ان كانت تهمك ولا لأ.

[xm_2010]

السلام عليكم

يارييت يا جماعه حد يساعدني ويديني القول الفصل في المشكلة بتاعتي

أنا قررت أشتري موبيل سامسونج جالاكسي إس
رحت أسأل عليه في رايا الولد اللي هناك لعب في دماغي وقالي خليك في الإتش تي سي ديزاير إتش دي HTC desir HD و إداني البروشور بتاعه
اول حاجا سيبك من كلام البياعين (بيحاول يبعلك وخلاص خلي بالك وشوف انت عاوز ايه وايه احتياجاتك وانزل اشتري ومتخليش حد ياثر عليك

بصراحة الموبيل وهمي وفيه فروق كتير لصالحة عن الجالاكسي


المميزات اللي فيه أكتر من الجالاكسي

- فلاش ليد للكاميرا و اتنين كمان
- شاشتة أكبر من الجالاكسي 4.3 بوصة
- طبعا الشكل أشيك
-الكاميرا 8 ميجابيكسل
- أرخص تقريبا 400 جنية من الجالاكسي
- السيستم في ال HTC عبارة عن indriod 2.2 فرويو لكن في السامسونج 2.1 ( طبعا التحديث ممكن ) لكن التاني نازل طبيعي من غير تحديث.
- موجود حاليا في مصر و الجالاكسي نزل و اتسحب من السوق ( معرفش ليه ) وجود ال لإتش تي سي رسميا بيديلة دعم أكتر من السامسونج .
الشاشه دي اذواق وترجع ليك انصحك تمسك الاتنين وتشوف الحجم المناسب ليك
الكاميرا في الجالكسي افضل مبراحل انا مش عارف الديزاير ده 8 بجد ولا ايه
تصوير الفديو في الجالكسي حاجا وهم لكن التصوير الليلي ليك عليه شويه بسسب عدم وجود فلاش لكن اداء الكاميرا عامتا لصالح الجالكسي
مش ارخص ولا حاجا ده اغلى من النسخه 16 جيجا
موضوع الفرويو(2.2) مفهوش كلام كتير عشان الجالكسي بيتحدث عادي



العيوب اللي فيه مقارنتا بالسامسونج

- البطارية أقل كفائة 1230 و الجالاكسي 1500 ومع ذلك كتير بيشتكي من بطارية الجالكسي و محدش جاب سيرة إن بطارية HTC فيها مشكلة

عيب البطاريه في جميع الاجهزه الجديد بمعالج 1 وانت طالع
لكن الجالكس بطاريته ممتازه للي بيفهم في النظام وتعتبر افضل بكتير من الديزاير

- الشاشة بتاعة السامسونج سوبر أمولد كاباساتيف لكن شاشة ال HTC تي إف تي برضة كاباساتيف .
لو حطيت الاتنين جمب بعض هيجيلك احساس انك عاوز تتف :D على شاشه الديزاير هيا عامتا تعتبر كويسه لكن تقارن مع الجالكسي صعب
- البلوتوث في الHTC بلوتوث 2 لكن في السامسونج بلوتوث 3 , و بصراحة مش عارف الفرق إيه بين الاتنين .
البلتوث 3 بيوفر طاقه +سرعه في نقل البيانات تقريبا اكثر من ضعف السرعه (مش هتحس بيها غير لما تنقل بيانات مع جهاز يملك نفس الخاصيه)

- مفيهوش كاميرا للفيديو كول زي السامسونج لكن بتاع المبيعات في رايا قالي إنك ممكن تتكلم من الكاميرا الخلفية ( معرفش صحة المعلومة دي إيه ) .
هو ينفع لو اعد ادام مرايه:D
أعتقد الباقي كله هو هو مفيش فرق بين الاتنين .



السؤال بقى ياريت حد ينصحني أو يقولي قول فصل آخد مين فيهم

هل بطارية السامسونج رغم إنها بسعه أكبر إلا إنها أضعف . ( تقريبا أهم نقطة بالنسبة لي )

هل الخرائط في السامسونج مش مجانية و في ال HTC مجانية و لا لاتنين واحد .
هل جوجل يدعم ال HTC زي ما يدعم السامسونج ولا لأ .
الاتنين فيهم جوجل ماب ونفس بعض والماركت فيه برامج ملاحه بالهبل
هل الأ HTC فيه دعم كامل للغة العربية ( طبعا ده موضوع سيستم أنا عارف بس عايز أطمن ) مش مشكلة القوائم لأني مش بحب القوائم العربي دايما بجعل لغة الموبيل إنجليزي ، أنا أقصد قراءة العربي في الرسائل و الكتب و كدا يعني ...........
دي ميزه الجالكسي العربي جي متعرب جااهز من العلبه مش زي الديزاير (الديزاير بيتعرب بس هيحتاج واحد بيفهم و يعرف يعمل رووت ويفك حمايه وينزل ملفات تعريب والكلام ده معرفش التعريب هيبقى كويس زي الجالكسي ولا لا)


كلمه اخيره
في وجهة نظري يتفوق الديزاير عن الجالكسي في الرمات وخامه الجهاز بس
الجالكسي كام امامي وشاشه روووووعه ومخرج تي في اوت صوت اسبيكر اعلى معالج روسمات اقوى
غير كده كلها اذواق زي كبر الشاشه وخفه الوزن شكل الجهاز والواجه والكلام ده
كنت زيك ومحتار بين الاتنين وبعد ما مسكت الاتنين على الطبيعه اخترت الجالكسي بيقدم اداء مع سعر كويس
آسف للإطالة
ولا يهمك بس ملقتش خط ااصغر من كده:D
ياريت الرد يكون باستفاضة ويكون على كل جزئية .


وجزاكم الله خيرا

...............................

[simsim1]

أستاذ خليل ، و أستاذ هاني

شكرا و ألف شكر على إهتمامك وردكم بالتفصيل

الأستاذ خليل ، هل قصدت إن بطارية ال HTC ضعيفة و لا قصدك هي أضعف من السامسونج ( طبعا أنا عارف إنها أضعف من السامسونج ) لكن إيه رأيك في بطارية الHTC بشكل عام .

إنت عندك حق إني أستنى لما ينزل الموبيل ثنائي النواة ، لكني أنا بحب أغير الموبيل كتير ، يعني ممكن آخر السنة دي أشتري واحد كمان ، و على فكرة ده اللي مخليني أفكر أشتري HTC مش سامسونج لأن سامسونج سعرها بينزل بشكل مهوووول يعني ممكن على آخر السنة دي ألاقي الجالاكسي عاملة 2500 جنية زيرو يعني تقريبا هتبقى خسارة ألف ونص في موبيلي وطبعا لو بعته إستعمال هتبقى خسارة كبيرة أكتر من 2000 ، أظن لو جبت ال HTC سعرة مش هينزل قوي كدا حتى لو حبيت أبيعه كموبيل مش معروف زي السامسونج ممكن تكون خسارتي فيه أقل ( إيه رأيك في النظرية دي و لا أنا غلطان ) .

بالمناسبة أنا عارف إن nexus 2 نازل قريب وهو هيكون من سامسونج مش HTC فكرت أستنى طالما أعلن عنه لكن إنت عارف الوكيل في منطقتنا العربية بشكل عام و مصر بشكل خاص بيكون كسووووووووول جدااااااااااا يعني مش هينزل عندنا غير بعد نزولة برة ب 9 شهور على الأقل .


الأستاذ هاني باشا ، ألف شكر على ردك وسعيد بجد إن بتواصل مع ناس محترمة زي حضراتكم

بالنسبة للسعر أنا كنت بنفسي في راية وخلاص كنت هشتري الجهاز وهو سعرة عامل 3775 و أول مانزل كان سعره 4500 تقريبا لكن الجالاكسي يوم ما هشترية وهيكون سعره مميز مش هيكون أقل من 4200 ، موضوع الذاكرة مش غالية قوي زي ما حضرتك قولت
إنت ممكن تجيب ال 16 جيجا ذاكرة Micro SD مش هتكمل 200 ولو هجيبها من دبي مثلا ( هكون هناك لمدة إسبوع من السبت اللي جي إن شاء الله ) أكيد هيكون سعرها أقل . يعني مظنش ال HTC هيعدي أكتر من 4000 .

موضوع إنه يقنعني با ل HTC علشان معندوش سامسونج دي حقيقة هو فعلا معندوش سامسونج وقالي إنه نزل و اتسحب وطبعا كان بيكدب هو منزلش أصلا

بالنسبة لل TV out أكيد مهم جدااااااااا بالنسبة لي خصوصا مع تصوير HD زي اللي في الموبيلين دول ، لكن أعمل إيه فرق السعر و حاجات تاني ممكن تخليني أتنازل عن الخاصية دي مؤقتا لصالحها و طبعا ده مش هيكون آخر موبيل إن شاء الله ، اللي هجيبه ده هيكون بس بشكل مؤقت لمدة سنه لحد ما ثنائي النواه ينزل و أشتري واحد أو يمكن تكون إشاعة samsung galaxy 2 حقيقة بإمكانياتة الجبارة ‘ هجري أشترية على طوووووووول .

أنا هعمل إستخارة بين اللاتنين و إن شاء الله هنزل دبي الإسبوع اللي جي و هشتري اللي هلاقيه منهم قدامي و سعرة يكون كويس وطبعا مش هيفرق معايا موضوع الضمان لأني حتى لو اشتريت ال HTC من هنا بضمان أكيد هكسر ضمانه لأني هكسر حمايتة علشان أحط برامج براحتي و بالتأكيد ده هيخرجني برة الضمان فبالتالي أدفع ليه فلوس في ضمان مش هينفعني بحاجة أجيبة من غير ضمان أفضل .


ألف شكر ليكم جميعا

و أنتظر تعليقاتكم على ردي وياريت لو في حاجة في كلامي غلط أو مش منطقية قولولي

جزاكم الله كل خير

[simsim1]

أستاذ XM

ألف شكر على إسلوبك الكوميدي و الراقي في عرض وجهت نظرك ،
عندك حق في كل كلمة قلتها

وصدقني كلامك قلب تفكيري فجأه بين الجهازين لصالح الجالاكسي

إن شاء الله بسنبة 90 % هيكون إختياري جالاكسي
وفعلا زي مانت قلت لما يكون الاتنين في إيدك بتختلف الرؤية

ربنا يجازيك خير

و معلش كبرتلك الخط في الرد أهه واللون كمان يعم
أي خدمة :D مش انت بس اللي عندك رموز أنا كمان عندي بس كسلي شويتين :rolleyes:

لو حضرتك تعرف سعره كام في الإمارات يبقى خدمتني