تقرير شخصى عن الهاتف HTC HD2 المعروف بالأسد ليو

**LoGXGeR** · 22-01-2011, 11:42

طيب يا مان والله اقنعتني اني ابعد عن النوكيا و خاصة كنت ناوي علي N8 بس شفت مساؤه و طلع متبهدل جامد و خاصة لما يعلق و البطارية مشبتتشال الا بمفك T5X400 -.-

طيب انا علي اخر السنة بعد الامتحانات كدا احتمال اجيب HTC HD2

فعندي بعد اذنك شوية اسئلة :-

1:شفت انه يدعم Upgrade الي Win 7 صح ولا ؟
2:تنصحني بيه كموبايل عالي الجودة ( جودة صناعه) و صوته كويس و صورته كويسة ؟
3: حتنزل شروحات قريب عن تركي بالابديتس و الغشلات التانية و لا ؟

**MF88** · 23-01-2011, 03:03

لو ميزانيتك توصل 3500 جنيه مثلا ( ممكن تجيب جهاز السامسونج جالاجسى إس النسخه 8 جيجا ) و الجهاز ممتاز و أقوى

بالتأكيد من جهازى ( و يعمل بنظام الأندرويد الشهير

)

الـ htc hd2 يدعم الأنظمه التاليه حتى الآن

ويندوز موبايل 6.5 ( النظام الأصلى للهاتف )

الأندرويد ( 2.2 و 2.3 )

ويندوز فون 7

نظام مايمو 5 الخاص بشركه نوكيا العقيمه

نظام لينوكس 3 الخاص بالحاسابات

كل الأنظمه عدا الويندوز موبايل 6.5 هى انظمه غير رسميه و تم تطويرها عبر المطورين

حاليا انا اعمل بنظام اندرويد على الجهاز منذ حوالى 40 يوم ( تحفه فنيه )

كموبايل عالى الجوده انصحك اكيد بيه لكن لو ميزانيتك 2900 جنيه غير قابله للزياده

لأنها لو قابله انصحك اكيد بالجالاكسى إس

ولو الميزانيه مفتوحه هقولك تنتظر الهواتف ذات المعالجات الثنائيه النواه اللى هتنزل فى خلال 3 شهور على الأكثر

شوف حضرتك عايز شرح لأيه و انا اضع شرحه ( سبب عدم كتابه شروحات إن مش كل الناس معاها الهاتف )

يوجد شرح ايضا فى قسم الأندرويد عن نفس الهاتف و كيفيه وضع اندرويد عليه

**LoGXGeR** · 23-01-2011, 15:23

شكرا جدا علي ردك السريع

انا ميزانيتي كحد اقصي 3000 ان لم تقل عن هذا

بالنسبة للشروحات ربناي يكرمك الاول نجيب الموبايل و بعدها نتكلم في الشروحات

+ اسئلة جديدة بعد اذنك لو مكنتش مضايق حضرتك علشاني بحب افهم في الحاجة قبل ما اجيبها.

1-هل صوره جيدة ؟ من ناحية الكاميرا و عرض الصور و الافلام ؟
2:بالنسبة لصوته عالي و جيد و لا ؟
3:موضوع البطارية اقدر اخفف عليها شوية بأستخدام الاندرويد ؟
4:ايه مزايا الاندرويد ؟ هل بيزود كفائة الصوت او الصورة ؟ هل ليه عيوب جانبية ؟

بالنسبة للشراء هل اقدر اشتريه من مواقع شراء عبر الانترنت ؟ يعني هل مضمونة و لا اروح احسن لمحل
مع العلم انا في بورسعيد و الناس تموت في النوكيا و الصيني و صعب الاقي حد ...... بس القايمة بتاعه موقع HTC الرسمي بتعاة اماكن الشراء هل دي دقيقة ولا ؟ لاني فعلا لقيت عنوان في بورسعيد و علي اجازة نص السنة حروح استكشف.

و الله شكلي تعبتك جامد
اعتذرلك .

و طلب اخير : براحة شوية علي النوكيا هههههههههههههه

**LoGXGeR** · 23-01-2011, 15:24

معلش

بما معناه معاي 2900 جنيه ان لم تقل ان شاء الله هل دا افضل موبايل بالقيمة دي ؟

**MF88** · 23-01-2011, 19:42

شكرا جدا علي ردك السريع

انا ميزانيتي كحد اقصي 3000 ان لم تقل عن هذا

بالنسبة للشروحات ربناي يكرمك الاول نجيب الموبايل و بعدها نتكلم في الشروحات

+ اسئلة جديدة بعد اذنك لو مكنتش مضايق حضرتك علشاني بحب افهم في الحاجة قبل ما اجيبها. بلاش حضرتك و بعد إذنك و الحاجات دى لأنها بتضايقنى :D خد راحتك فى الكلام انا زى والدك عادى يعنى :D

1-هل صوره جيدة ؟ من ناحية الكاميرا و عرض الصور و الافلام ؟

من ناحيه الكاميرا : يمكنك مراجعه الصور بتاعه المراجعه فهى كلها متصوره بيه ( عدا الصور اللى ظاهر فيها الهاتف نفسه )

من ناحيه عرض الصور ممتاز طبعا و كل الهواتف جيده - من ناحيه الأفلام ( مجربتوش نهائى على الويندوز موبايل - و اتفرجت على فيلم وحيد على الأندرويد و كان مقبول )

2:بالنسبة لصوته عالي و جيد و لا ؟صوته عالى جدا و هتستمتع بيه و فيه برامج تعلى الصوت اكتر لكنى لا استخدمها لأن صوته ممكن يخضك لو انت مش واخد بالك

3:موضوع البطارية اقدر اخفف عليها شوية بأستخدام الاندرويد ؟ 4:ايه مزايا الاندرويد ؟ هل بيزود كفائة الصوت او الصورة ؟ هل ليه عيوب جانبية ؟ السؤالين السابقين - يجعلونى اشعر - انك تعتقد ان الأندرويد عباره عن برنامج يتم تنصيبه على الهاتف

الأندرويد نظام تشغيل متكامل مثل الويندوز موبايل ( لكنه أسرع - اخف عبئاً على البطاريه - أكثر تطويعا و شكلا و أناقه )

بالنسبة للشراء هل اقدر اشتريه من مواقع شراء عبر الانترنت ؟ يعني هل مضمونة و لا اروح احسن لمحل

الموبايل موجود هنا بالأسكندريه والقاهره بالمحلات بسعر 2950 جنيه ( هاته من هنا افضل )

مع العلم انا في بورسعيد و الناس تموت في النوكيا و الصيني و صعب الاقي حد

الكلام ده مش فى بورسعيد فقط - كل شخص شاف الهاتف فى الجامعه يعتقده موبايل صينى - لدرجه ان من كام يوم

واحد طلب يشوفه فأيده - بعد ثوانى لقيته عمال ينططته على إيده ( على اساس انه ساحر ) قولتله ان بتنيل ايه قاللى مالك

خايف كده ليه يا عم - مكانوش 400 جنيه دول اللى قلقان عليهم :D:D:D:D كان نفسى يكون مسجل معانا هنا عشان اديله إيقاف

شهر :D
...... بس القايمة بتاعه موقع HTC الرسمي بتعاة اماكن الشراء هل دي دقيقة ولا ؟ لاني فعلا لقيت عنوان في بورسعيد و علي اجازة نص السنة حروح استكشف.

و الله شكلي تعبتك جامد
اعتذرلك .

إعتذارك غير مقبول :D :p

و طلب اخير : براحة شوية علي النوكيا هههههههههههههه

هههههههههه - المفروض الشركه دى تكون هى الرائده فى الهواتف دى - الشركه بقالها عقووووووود و مازالت متمسكه بالنظام

السيمبيانى الرهيب :D

مع إنها شايفه الناس كلها بتقول اندرويد لكن هى مصممه تقول سيمبيان

شكلها عايزه خبير تخاطب :D

تم الرد داخل الإقتـ بــاااااااااااس :D

**مؤيد الحسيني** · 24-01-2011, 07:18

الجهاز روعة مبروك بس البطارية شنو الحل وكم سعرة في الدولار ان امكن

**MF88** · 25-01-2011, 22:34

والله ما اعرف سعره حاليا بالدولار

لكن سعره بمصر الأن 3000 جنيه ( النسخه العالميه ) النسخه الأمريكيه غير موجوده

البطاريه كويسه بعد الإنتقال لنظام الأندرويد - 48 ساعه بحد ادنى

**Coolman4now** · 25-01-2011, 22:42

^^^^ حودة ، أنا حطيت لواحد صاحبى أندرويد وويندوز 7 مع بعض على الليو!

-وفى البوت بيختار السيستم اللى يعجبه ! لو عايز الطريقة راسلنى على الأيميل بخمسة جنية الأستفسار الواحد! :D

**MF88** · 25-01-2011, 23:58

انت لسه فاكر ؟؟؟؟؟؟؟؟؟؟؟؟؟ عملتها يا حبى :D

**Coolman4now** · 26-01-2011, 00:01

:ah7: :ah7:

- تقييم على الحركة دى.

**engmst** · 28-05-2011, 02:28

التقرير ممتاز والجهاز ممتاز والف مبروك عليك ولو انها متاخر جدااااا
انا كنت عايز اجيب ال
HTC desire or desire HD
انت ايه رايك ؟؟ هل هما افضل ولا جهازك ولا الحاجات الجديده من السامسونج انا ميزانيتي في حدود 3000 بس من كتر اعجابي الشديد بالاتش دي قلت هاجي ع نفسي لو هاجيبه ؟؟
ياريت تقولي نصيحتك ورايك واتكلم براحتك اوووووي في الموضوع دع عشان انا ناوي اشتري قريب جدا ان شا ء الله