ما هو إهتمامك وإستخدامك للهاتف
او ياريت ترشحولي موبايل ..
الميزانيه لحد 2500 وممكن تزيد ل 3000 لو حاجه تستاهل
- كنت عايز اجيب لوميا 720 ..موبايل ممتاز و عن تجربه ..بس الرام 512 قليله
- لوميا 1320 كان عاجبني جدا ,, بس حجمه كبير جدا
-huawei ascend p6 شوفته و كان كويس .. بس مقلق منه و حاسه غالي شويتين
ياريت بقى عشان الواحد احتار تقولولي رايكم في الالكاتيل الهيرو .. او ترشحولى واحد كويس غيره
-الافضليه بالنسبه لي
-نوكيا
-الكاتيل
-ال جي
-سوني
-سامسونج
ما هو إهتمامك وإستخدامك للهاتف
-شكله كويس
-كاميرا
-سريع
-استخدامي (نت..كاميرا..العاب )
-كنت ب أفضل الويندوز فون ..بس لسه مش هينزل حاجات جديده قبل شهرين عالاقل ..واللي موجود في السوق دلوقتي راماته قليله ..او سعره غالي ..او حجمه كبير جدا
- و ياريت لو سمحت تقوللي رأيك في الالكاتيل الهيرو ..او لو تعرف حد جربه ايه رأيه فيه ؟
اقرا بتمعن لو سمحت من خلال امتلاكى للهاتف
السلام عليكم ورحمة الله وبركاتة
من اول ما تفتح العلبة يجذبك شكل الموبيل جدااااااا
وتحت الجهازبالعلبة مباشرة هتلاقى جراب ليه الاس فيو اللى هو بمغناطيس وتحتة على طول الموبيل البلوتوث وبعد كدة الشاحن والكابل والسمعه والكتالوجات وصح بيكون معاه دبوس شريحة
الموبيل فخم جداااااا وجذاب جداااااااااا ولونة كحلى غامق شيك جدا جدا
يبقى الاول تقييم الشكل 10/10
ثانيا تقيم الشاشة الواااااااان فو ق الرهيبة على شاشة 6 بوصة انا بعتبرة اعجاز يبقى تقييمها10/10
ثالثا الخطين مش اكتيف مع بعض دة انا بعتبرة عيب بالنسبالى بس مكن تحلها بتحويل الخطوط على بعض . مش زى الديزاير ال 600 اكتيف مباشرة بدون تحويل
رابعا/الابلكيشن حمل زى مانت عاوز محترم جدا جدا جدا بتحميل البرامج تقيم10/10.
خامسا / الموبيل البلوتوث ارخم حااااااااااااااجة زى الموبيل الصينى بالظبط من الاخر ارسال استقبال تشغيل اغانى واستغربت من نقاء شاشة الموبيل الصغير وشكلة شيك جداااااااااا.
سادسا /البطاريه جاااااااااااااامد بمعنى جامدة يعنى شغلت الموبيلين على بعض طول اليوم وحرق مكالمات وبلوتوث مفتوح علشان الموبيل الصغير وواى فاى وبتصمد يومين ولو دخلت على البطاريه وشوفت الشاشة هتلاقيها بتستهلك قليل جدااااااااااااااااا ازاى ماعرفش .
سابعا / استجابه التاتش للمس وبدون تعليق وكلام كتير تقييمى ليه 8/10
ثامنا /زراير الهوم انا حاسسها تقيلة جدااااااااااااااااااااااااااا
تاسعا / الكاميرا ولا ارووووووع اماميه كانت او خلفية
ميزته بالرغم من انه 6 بوصة بس تمسكة بايد واحد
البطاريه وهم جداااااااااااااااااااااااااااااااااا
التصميم جذاب خيالى
استحمال برامج
العيوب/////
ممكن تعليقة التاتش انة كان بيعرق او اليد نفسها فدة كان بيسبب استجابة بطيئه للتاتش ببعض الاحيان والله اعلم بس الهوم مكانة مش حلو
زرار الباور طالع عن جسم الموبيل بعتبرة عيب قاتل ممكن يحصلة حاجة
وممكن تكون ميزة لبعض الناس علشان حجمة تعرف تفتحة بسهولة
لما تكتر فيديو وصور علية تحس انة بيتقل انا بكلم على واحد زى اكتر من 800 صورة على 40 فيديو وماشابة
الخلاصة عيبة الوحيد ان البيروسيسور بتاعه مش حلو مش شرط عشان كواد كور يبقى تمام المعماريه بتاعته قديمة
التقييم النهائى للجهاز 8/10
طب دلوقتي على موقع الشركه الهندسيه ..تعليقات كتيره بتشتكي من الموبايل وان فيه مشكله في التاتش ..والكلام ده في مصر بس متهيألي ..وفيه ناس موبايلاتها مفهاش مشكله بس دول قليلين كمان بس برده عندهم تعليقه او تهنيجه في الموبايل ..والناس اللي بتشتكي بتقول انهم جربوا على برنامج رسم خطوط موجود مع الموبايل ..بيقول انه بيرسم الخطوط المستقيمه مموجه ومتقطعه ..و المشكله دي مش موجوده مع القلم اللي مع الموبايل
نصيحة: خلّيك في اللوميا 1320
وهو نفس حجم الألكاتيل تقريباً
هو عاجبني جدا فعلا ..وانا كمان ب افضل الويندوز فون ..
- بس انا مسكته ..و هو كبير جدا ..اكبر من الهيرو ..هم الاتنين نفس حجم الشاشه ..بس اللوميا اكبر في حجم الموبايل
- و انا كمان صرفت نظر عن الالكاتيل الهيرو بصفه خاصه لان فيه ناس كتير اشتكت منه و رجعته تاني ..و عن الالكاتيل بصفه عامه لانهم مبيكملوش اي حاجه للاخر ..كل موبايل بيعملوه بيبقى فيه عيب قاتل سواء البطاريه او التاتش ..الخ
أنا شايف أنّه أقرب حاجة لمتطلّباتك
وتيجي على نفسك في موضوع الحجم ده شوية
أنا مسكته وكان حلو وكان بيتحط في جيبي عادي (بس جيب كبير نسبياً)
الجهاز أداءه سريع جداً في التطبيقات واللعب
واستجابته في اللمس وتصفّح القوائم ممتازة
متصفّح الإنترنت IE 11 من أفضل ما رأيت على موبايل هو وسفاري على ال iOS
وكمان على الشاشة الكبيرة التصفّح بيكون مثالي
أداء البطارية أكثر من رائع
الكاميرا مش بطّالة
وتصوير الفيديو FHD
الجهاز شكله شيك وبيتبدّل الألوانه بسهوله
له هتجيبه هات اللون الأصفر أو الأحمر أو الأثنين وتبدل فيهم:
دا كدا اللوميا
لو برضه مش هيناسبك
فممكن تزود الميزانية شوية وتجيب
النوت 2
أنا شايفه أنسب حاجة ليك لو مش هتجيب اللوميا
عندك htc 816 ب 3000 جنيه احسن من الالكاتيل والنوت 2 برده حلو
متجبش الهيرو عشان زي ما انت قلت في عيو و ناس كتير رجعته انت هات ال816 او ال1320
انصحك بي هاتف LG Nexus 5
المعالج Qualcomm Snapdragon 800
الرمات 2 جيجا
مقاس الشاشة 4.95
نظام التشغيل اندرويد 4.4 ( بيشتغل بنظام خام )
السعر 3375 جنيه
رابط الشراء https://select-mob.com/mobiles/mobile/lg-nexus-6.html
التعديل الأخير تم بواسطة زكريا شاهين ; 31-07-2014 الساعة 01:06
نصيحة اخي لو انت عايز كاميرا قوية جدا و مكانيات ممتازة يبقي اشتري Lumia 920 افضل هاتف في حدود 2500 جنية لكن البطارية في متوسطة و ليسة خارقة مثل 1320 مثلا
ولا انصحك بالكتل لانة الخامات ليست جيدة ابدا و التحديثات مش كويسة ابدا اضافة انها تستخدم اسواء معالجات
اضافة ان المقارنة بينة و بين 1320 غير معقولة لان سعر 1320 العالمي 210 يورو اما الكاتيل ب370 يورو يعني فرق 160 يورو ممكن يقارن ب1520 ب350 يورو و افضل منة بمراحل
معلومةalcatel onetouch hero غير موجود في مصر بضمان
حدد السعر اخي بشكل اكثر دقة
المفضلات