احذروا هذا النصاب ahmed-mohamed

[دودي666]

يَا أَيُّهَا الَّذِينَ آمَنُواْ لاَ تَأْكُلُواْ أَمْوَالَكُمْ بَيْنَكُمْ بِالْبَاطِلِ إِلاَّ أَن تَكُونَ تِجَارَةً عَن تَرَاضٍ مِّنكُمْ وَلاَ تَقْتُلُواْ أَنفُسَكُمْ إِنَّ اللّهَ كَانَ بِكُمْ رَحِيماً [النساء 29]
ahmed-mohamed
اخواني اعضاء المنتدي الكرام من مديرين ومشرفين واعضاء احييكم بتحية الاسلام وهي السلام عليكم ورحمة الله وبركاته.
اولا اعلم جيدا ان هذا الموضوع ليس بمكانه الصحيح هذا لو اننا اعتبرنا ان الموضوع شكوي مقدمة مني في شخض الاستاذ او المهندس احمد كما لقب نفسه امامي
وان كانت هاتين الصفتين لاتنطبقان عليه بل هو تحذير مني حتي لا تنخدعوا فيه مثلما انخدعت فيه انا....الا انه فعلا استاذ ومهندس بل ازيد من عندي انه رئيس قسم
ولكن للاسف الشديدفي النصب والاحتيال ...ويعلم الله انني اخرت
هذا التحذير خوفا مني علي سمعته في المنتدي لانه ممكن يكون اكل عيشه من هذا العمل .لكن ويشهد الله ويشهد هذا الادمي الذي تجرد من كل انواع الاحترام والصدق
ولبس مكانها كل انواع النصب والكذب والافتراء .وكما قال الصادق الامين صلي الله عليه وسلم .( آية المنافق ثلاث؛ إذا حدث كذب، وإذا وعد أخلف، وإذا اؤتمن خان ).
فبدايتي مع هذا الادمي كانت من خلال منتدانا العظيم والذي يضم بحق نخبة عظيمة من اناس كثيرين في منتهي الامانة ولا نزكي مع الله احدا.
وموضوعي كالاتي
كان هذا العرض من الاخ المذكور
للبيع بندل / ماذر بورد Gigabyte- G41MT-S2PT + بروسيسور INTL E6420 core2duo 2.13/ 4M


وبالفعل تم الحوارعلي المنتدي ثم هاتفيا واتفقنا علي مبلغ 450جنيه ارسلتها له بالبريدواستلمها ودار بيننا حوار جميل جدا انتهي بان الاستاذ احمد اضافني عنده كصديق وسعدت جدا يهذه الاضافة
واتفقنا ان هذه الاشياء هي امانة عنده حتي ارسل له حد من طرفي لاستلامها لانني اعيش باقصي صعيد مصر وكنت مشغول بامتحاناتي بالجامعة وبعد مده كلمني كي يطمان علي وسالني لماذا لم ارسل احد لاستلام الحاجة
وانها في الحفظ والصون وانهينا المكالمة وانا سعيد ان الدنيا لسة بخير.وهذه هي الرسالة السلام عليكم استاذ خالد اخبارك ايه انا المهندس احمد اللى باعلك الماذر بورد والبروسيسور . حضرتك متصلتش ولا بعتت حد ياخذ حجتك فقولت ابعتلك رسالة

اطمن على حضرتك واشوف اخبارك يا رب تكون بخير وبعافية وكانت بتاريخ 19/2/2014


وبعد مدة ارسل لي رسالة علي المنتدي وهي بتاريخ 6/3/2014
استاذ خالد صديقى انا احمد اللى حضرتك اشتريت منه الماذربورد والماوس


انا غيرت رقم تيلفونى للرقم دة وباقى الارقام مقفولة لو حبيت بقا تكلمنى احفظ الرقم دة عندك 01278406514
وربنا يطمنا عليك وعلى الله تكون بخير وبصحة وعافية . فى حفظ الله

وهذه الرسالة اكدت لي انه انسان امين ومحترم واطمان قلبي ان حاجتي موجودة وتمام

وفي يوم الجمعة 4/4/2014
اتصلت بالاستاذ احمد وكنت علي الانتظار لانه بيتكلم وبعد كده رد علي وسلمنا علي بعض وقال لي معلش 10دقايق وكلمني .وفعلا كلمته وقلت له معلش الاخ الي كان المفروض يتصل بيك حصلت له ظروف ومش هيقدر يجيلك
ياريت تبعت لي الحاجة علي ميدل ابست قال لي معلش سيبني النهارده عشان مش فاضي وبكرة هاشوف الشركة واكلمك وانهينا المكالمة .
وانتظرت مكالمة من الاستاذ احمد مفيش رنيت عليه من نمرة تاني غير بتاعتي الي هو مسجلها فتح واول ما سمع صوتي قفل رنيت بعدها كتيييييييييييييييييييييرما ردش بعت له رسالة اعرفة اني انا عشان يرد مستحيل.
بعد يومين رنيت من رقم تاني خالص رد الاستاذ احمد بيه وكانت المفاجئة انه مش احمد ولا يعرف عرب هاردوير ولا حاجة ولما باسالة اني كلمت حضرتك علي نفس الرقم قال معلش اصلي الرقم ده في ناس كتير بتعمل منه مكالمات
بعدها بعت له رسالة علي الخاص انه لو ما ردش هافضحة علي العام وبعت له رسالة علي العام

مازلت منتظر رد حضرتك ياباشمهندس احمد01144662663 ده رقمي يمكن نسيته وده رقمك الي مش عاوز ترد علي فيه01278406514

وتمت بيننا مكالة جماعية انا وهو والاستاذ احمد مديراقسام الخدمات التجارية وكانت حجته انه ارسل لي الحاجة مع واحد اسمه عثمان وانه بعت الحاجة من شهرين ونص فقلت له طيب لما انت بعت الحاجة ليه لما انت بعت الحاجة وانا كلمتك من كام يوم انك تبعت الحاجة علي ميدل ايست .وكانت اكبر المفاجئات انه انكر اني كلمته خالص وان اخر مكالمة بيني وبينه كانت من شهرين ونص.اقسم بالله العظيم انه كذاب كذاب كذاب ونصاب.
وقد قال لي انه ارسل الاشياء مع الاستاذ الي انا بعته من حوالي شهرين ونص واستاذنكم ان تنظروا لتاريخ الرسالتين الي هو باعتهم لو هو فعلا بعت الحاجة ما كانش بعت يشوف ليه ما بعتش حد او انه يكتب لي رقمة الجديد بالله عليكم اشهدوا شهادة
حق فيما كتبته ويعلم الله انني لم ارسل احد لاستلام الحاجة واقسم بالله لم اعلم احد انني اشتريت من هذا الانسان حاجة كان قولت يمكن يكون حد راح له من وراي والادهي من ذلك انه يقول انني كلمته اثناء ما ذهب اليه الرجل الخفي الي راح اخد الحاجة
وانا علي استعداد ان اكتب اعتذار كبير علي العام لهذا الادمي .في حال انه يقسم بالله علي العام انه ارسل الحاجة وسوف اقتص منه امام الله وااخذ حقي منه امام الله لانني الان لا املك ان اقول غير حسبي الله ونعم الوكيل في هذا الادمي.

[Sherif.Attia]

برجاء التكرم من جميع الأعضاء بعدم المشاركه بالموضوع حتى يتم الرد عليه من أحد المنوب إليهم العمل على هذا القسم
ملحوظه :- من يخالف ما ذكر سيتم مخالفته فى الحال
شريف عطيه
مشرف القسم العام
منتديات عرب هاردوير

[magedmohamed]

اقولك حاجة بس يا ريت كلامي ميزعلكش انت اللى غلطان في اول حاجة لما بعتله الفلوس بالبريد مقدما وتانى حاجة انك صبرت ونسيت حقك المدة ديه كلها مكنش هيحصل حاجة لو شحنهالك في شركة شحن مقابل الدفع وقدر الله ما شاء فعل بس كل اللى اقدر اقولك عليه انك تستعوض ربنا ع فلوسك وبعدين بصراحة ويشهد الله ع كلامي انا شوفت الموضوع بتاع الاخ احمد ده ومستريحتلوش عشان حاطط الحديث بتاع الرسول صلي الله عليه وسلم في موضوعه . يعني ايه مثلا انت بتروج لسلعتلك بكلام الرسول يا اخي خلي الناس تشوف ايمانك في افعالك وليس اقولك فانا بطلب من اداراة المنتدي ان اى عضو يضع كلام الله ورسوله في موضوع يطبق عليه عقوبة استنادا لقوله

تعالى:(ولا تشتروا بآياتي ثمنا قليلا ومن لم يحكم بما أنزل الله فأولئك هم الكافرون..) (المائدة:44).

وقوله(إن الذين يشترون بعهد الله وأيمانهم ثمناً قليلاً أولئك لا خلاق لهم في الاخره ولا يكلمهم الله ولا ينظر إليهم يوم القيامة ولا يزكيهم ولهم عذاب اليم) (آل عمران ).

[دودي666]

اخي الكريم انا اتعامل في هذا المنتدي من فترة بهذه الطريقة وتصدق انه في نفس اليوم اشتريت لاب من الانسان المحترم جدا جدا شريف عطية وبرضه ارسلت له الفلوس بالبريد وقام الراجل مشكور بارسال اللاب ووصل وزي الفل وبعدين الامانة لا تتجزء يعني الامين في يوم يبقي امين في سنة وربنا موجود

[M.salih]

عندك حق بس الاحتياط واجب علشان احنا في زمن مش كل الناس محترمة ومش كل الناس بتراعي ربنا وربنا ان شاء الله هيرجعلك حقك

[eslam2010530]

ربنا يعوضك وان شاء الله حقك يوم القيامه يوم لاينفع مال ولابنون وخير ان شاء الله

[Elsoltan Elashk]

السلام عليكم ورحمة الله وبركاته
ربنا يعوض عليك اخى الكريم
وان شاء الله لن يهرب من عقاب الله على خيانته للامانه

[Sherif.Attia]

قد تم التحذير من قبل للساده الأفاضل الأعضاء الذين قاموا على الرد بمشاركات بعدم الرد والتحذير سارى حتى يتم الفصل فى الأمر من أحد الساده المشرفين او المنوب إليهم العمل على القسم التجارى حتى لا تتشعب المشكله

[محمد البرديسى]

كلمة حق الاخ خالد تم التعامل معة من قبل بصرحة رجل طيب وعلى خلق ويثق فى اى شخص وانت كنت طيب زيادة على اللزوم اخى خالد
وكل كلامك سليم ولا يوجد فى كذب والله يعوض عليك اخى الكريم

[Mr.pOPo]

سيتم السماح بالموضوع.

وجارى حظر العضوية المذكورة.

[دودي666]

بارك الله فيك ذ/ محمد ده من ذوقك وانت راجل محترم وامين.ويعلم ربنا اني ما افتريت عليه واقسم برب العزة لو انه فكر يرد علي ويفهمني انه حصلت معاه ظروف اقسم بالله العظيم ما كنت كتبت ولا كلمة علي العام وكان ممكن الموضوع ينتهي بدون ما حد يعرف بيه ولكن انكاره اني كلمته وانه رد علي من كام يوم بصراحة خلتني اجنن وربنا موجود

[Sherif.Attia]

السلام عليكم
شهاده حق يشهد عليها الله عز وجل فى حق الأستاذ/ خالد صاحب المشكله
تم التعامل من قبل معه ويعلم الله سبحانه وتعالى أنها كانت أول معامله معه ويشهد الله سبحانه وتعالى أننى والله قد أحببته فى الله لحسن خلقه وآدبه
خالص إستيائى لك يا أ/ خالد لما تم ولا تنسى أن الله تعالى يمهل ولا يهمل ومُطٌلع على كل شىء
وأفوض أمرى الى الله الحق ... فإنه فى أخذ حقى من الظالم أحق
حسبنا الله ونعم الوكيل

[omda2]

الاستاذ شريف عطية من الناس المحترمة على المنتدى

وانصح اى حد يتعامل مع حد ياريت يكون انسان محترم ومعروف على المنتدى ولة تاريخ من المشاركات المحترمة

[MR7WaeL]

الاستاذ دودي666 انسان فى قمت الاحترام
اشترى منى رسيفر الجوكر وقالى ابعتلك الفلوس على البريد وكانت خايف جداا عشان الوقت دا فى مشاكل فى موضوع البريد بسرقة وسحب الفلوس
لكن المهم الراجل فعلا بعتلى الفلوس على البريد من غير ما يعرفنى وانا قبل ما اروح استلم قولت ليه حضرتك انت بتصدق اى حد كدا قالى انا بتعمل مع الناس المحترم على المنتدى
بجد هو راجل محترم جدا حنى فى الكلام المهم كان فى معاد مع الاستاذ ان هنتقبل فى ميدان الجيزة ويبعة حد ياخد الرسيفر وقاعد ان مستنى مشوارى كان بعيد جداا المهم كلمنى الاستاذ دودي666 قالى الراجل مش هيقدر يجى
قولت ليه خلاص فى ناس معرفتى فى ميدان الجيزة اخالى عنده الرسيفر بس بالله عليك تبعت حد يخده بسرعة وفضل الرسيفر عن الجمعه معرفتى شهر لحد الاستاذ خالد لم الراجل وصل بس فى الفتره دى كلمنى الاستاذ دودي666 ان كان عنده حالة وفاه
وفضل حاجة الاستاذ دودي666 موجود بس انا كانت خايف لا ما يجيش الفلوس بتع الراجل معاية مش قادر اتصرف فيه
وبعد ما خد الرسيفر هو كلمنى بجد كانت فرحان ان خد الحاجة بتعته
بس ارجوا دودي666 متعملش حاجة زى دى تانى ان كل الناس مش زى بعض فى ناس بتخاف الله
وفى الاخر تحياتى لك ومعلش ربنا يعوض عليك

[mostafa23]

المشكلة مش في حظر العضوية لأنه ممكن يشترك باسم وايميل أخرين المشكلة في الناس المسالمة زيادة عن اللزوم ؟؟