مشكلة فى درجة حرارة الكارت تصل بتكون 80 و82 مع الالعاب و42 فى الخمول

**fexeromar** · 02-08-2014, 22:52

انا مواصفات جهازى

core i7 4770k 3.5
gigabyte z97 SLI
case cooler master

وفيها 3مراوح ونواى اخليهم 4 مراوح

الكارت بقى نوعه amd shaphire 260x 2g

دلوقتى انا مع الالعاب درجة الحرارة بتكون 80 و82 كمان وانا التهوية عندى كويسة مش عارف اه السبب هل السبب من البروسيسور لانه بيصل الى درجة 70 مع الالعاب بيسخن الكارت ومحتاج مشتت ولا اه النطام والكارت بيعمل صوت مروحته بيبقى جامد مع الالعاب

ارجو الحل وشكرا جزيلا

**fexeromar** · 03-08-2014, 07:08

ارجو الرد وشكرا

**kemo044** · 03-08-2014, 09:54

درجة حرارة الكارت لغاية 75 تعتبر طبيعية مع الضغط اكثر من كدا يبقى فى مشكلة يتم حلها بالاتى

احذف تعريف كارت الشاشة ونزل اخر اصدار نسخة نهائية وليست بيتا

واعد تتيب الاسلاك داخل الكيسة لان عدم ترتيب الاسلاك بيمنع التبريد الجيد لكل قطع الجهاز وركب مروحة تهوية امام الكارت فى الكيسة وان شاء الله تنزل درجة الحرارة شوية

لو استمرت المشكلة يبقى لازم تغير معجون الكارت لو فى الضمان الافضل ان تذهب بيه وتطلب منهم تغير المعجون اما لو خارج الضمان غير المعجون بنفسك ولو مش عارف قولى اضع لك فيديو للشرح

**kaprita** · 03-08-2014, 16:07

من الافضل انك تغير المعجون الخاص بالكارت و تزويد الجهاز بمبردات مائية كويسة و شوف كدة هل درجة الحرارة هتقل ولا لا
و لو لسة في الضمان ياريت تغير الكارت بالكامل افضل حاجة
و الافضل كمان انك لما تحب تشعل الجهاز تفتح جانب الكيسة و توجه فية مروحة و ان شاء الله هيكون دا الحل
انا مجربة مع كارتي GTX 660 و شغلت علية مروحة علشان درجة حرارتة المرتفعة و انحلت المشكلة بس الحل العملي انك تغير المعجون الحراري ارجو اكون افدتك

**fexeromar** · 04-08-2014, 00:42

درجة حرارة الكارت لغاية 75 تعتبر طبيعية مع الضغط اكثر من كدا يبقى فى مشكلة يتم حلها بالاتى

احذف تعريف كارت الشاشة ونزل اخر اصدار نسخة نهائية وليست بيتا

واعد تتيب الاسلاك داخل الكيسة لان عدم ترتيب الاسلاك بيمنع التبريد الجيد لكل قطع الجهاز وركب مروحة تهوية امام الكارت فى الكيسة وان شاء الله تنزل درجة الحرارة شوية

لو استمرت المشكلة يبقى لازم تغير معجون الكارت لو فى الضمان الافضل ان تذهب بيه وتطلب منهم تغير المعجون اما لو خارج الضمان غير المعجون بنفسك ولو مش عارف قولى اضع لك فيديو للشرح

الكارت لسا فى الضمان بس ارحلوهم فين ؟
وهل الموضوع بياخذ وقت ولا وانا واقف حيحلو المشكلة ؟؟
وهل بفلوس ولا مجانا ؟

ومعلش لو حبيت اغيره بنفسى اجيب المعجون من فين وبكام وازاى والف شكرا لحضرتكم

**buhzy** · 04-08-2014, 18:52

انا عندي نفس الكارت نسخة gigabyte wf2 ودرجة الحرارة بتوصل 70-73 بدون تكييف وفي التكييف 63-65

انا سمعت ان نسخة سافير بتوصل 76 لكن 82 كتير اوي حاول تنفذ نصائح الاخوة الكرام وان شاء اللة الحرارة هتنزل